Ketu Ashtottara Sata Nama Stotram

ketu aSTottara zata nAma stotram

zloka 1

zRNu nAmAni japyAni keto ratha mahAmate |

ketuH sthUlazirAzcaiva ziromAtro dhvajAkRtiH || 1 ||

navagrahayutaH siMhikAsurIgarbhasambhavaH |

mahAbhItikarazcitravarNo vai piGgalAkSakaH || 2 ||

sa phalodhUmrasaGkAzaH tIkSNadaMSTro mahoragaH |

raktanetrazcitrakArI tIvrakopo mahAsuraH || 3 ||

krUrakaNThaH krodhanidhizchAyAgrahavizeSakaH |

antyagraho mahAzIrSo sUryAriH puSpavadgrahI || 4 ||

varahasto gadApANizcitravastradharastathA |

citradhvajapatAkazca ghorazcitrarathaH zikhI || 5 ||

kulutthabhakSakazcaiva vaiDUryAbharaNastathA |

utpAtajanakaH zukramitraM mandasakhastathA || 6 ||

gadAdharaH nAkapatiH antarvedIzvarastathA |

jaiminIgotrajazcitraguptAtmA dakSiNAmukhaH || 7 ||

mukundavarapAtraM ca mahAsurakulodbhavaH |

ghanavarNo lambadeho mRtyuputrastathaiva ca || 8 ||

utpAtarUpadhArI cA'dRzyaH kAlAgnisannibhaH |

nRpIDo grahakArI ca sarvopadravakArakaH || 9 ||

citraprasUto hyanalaH sarvavyAdhivinAzakaH |

apasavyapracArI ca navame pApadAyakaH || 10 ||

paJcame zokadazcoparAgakhecara eva ca |

atipuruSakarmA ca turIye (tu) sukhapradaH || 11 ||

tRtIye vairadaH pApagrahazca sphoTakArakaH |

prANanAthaH paJcame tu zramakAraka eva ca || 12 ||

dvitIye'sphuTavAgdAtA viSAkulitavaktrakaH |

kAmarUpI siMhadantaH satyepyanRtavAnapi || 13 ||

caturthe mAtRnAzazca navame pitRnAzakaH |

antye vairapradazcaiva sutAnandanabandhakaH || 14 ||

sarpAkSijAto'naGgazca karmarAzyudbhavastathA |

upAnte kIrtidazcaiva saptame kalahapradaH || 15 ||

aSTame vyAdhikartA ca dhane bahusukhapradaH |

janane rogadazcordhvamUrdhajo grahanAyakaH || 16 ||

pApadRSTiH khecarazca zAmbhavo'zeSapUjitaH |

zAzvatazca naTazcaiva zubhA'zubhaphalapradaH || 17 ||

dhUmrazcaiva sudhApAyI hyajito bhaktavatsalaH |

siMhAsanaH ketumUrtI ravIndudyutinAzakaH || 18 ||

amaraH pIDako'martyo viSNudRSTo'surezvaraH |

bhaktarakSo'tha vaicitryakapaTasyandanastathA || 19 ||

vicitraphaladAyI ca bhaktAbhISTaphalapradaH |

etatketugrahasyoktaM nAmnAmaSTottaraM zatam || 20 ||

yo bhaktyedaM japetketurnAmnAmaSTottaraM zatam |

sa tu ketoH prasAdena sarvAbhISTaM samApnuyAt || 21 ||

iti zrI ketu aSTottarazatanAma stotram |