Hanuman Ashtakam

শ্রী হনুমদষ্টকম্

শ্লোক 1

শ্রীরঘুরাজপদাব্জনিকেতন পঙ্কজলোচন মঙ্গলরাশে

চণ্ডমহাভুজদণ্ড সুরারিবিখণ্ডনপণ্ডিত পাহি দযালো ।

পাতকিনং চ সমুদ্ধর মাং মহতাং হি সতামপি মানমুদারং

ত্বাং ভজতো মম দেহি দযাঘন হে হনুমন্ স্বপদাম্বুজদাস্যম্

শ্লোক 2

সংসৃতিতাপমহানলদগ্ধতনূরুহমর্মতনোরতিবেলং

পুত্রধনস্বজনাত্মগৃহাদিষু সক্তমতেরতিকিল্বিষমূর্তেঃ ।

কেনচিদপ্যমলেন পুরাকৃতপুণ্যসুপুঞ্জলবেন বিভো বৈ

ত্বাং ভজতো মম দেহি দযাঘন হে হনুমন্ স্বপদাম্বুজদাস্যম্

॥ 1 ॥

শ্লোক 3

সংসৃতিকূপমনল্পমঘোরনিদাঘনিদানমজস্রমশেষং

প্রাপ্য সুদুঃখসহস্রভুজঙ্গবিষৈকসমাকুলসর্বতনোর্মে ।

ঘোরমহাকৃপণাপদমেব গতস্য হরে পতিতস্য ভবাব্ধৌ

ত্বাং ভজতো মম দেহি দযাঘন হে হনুমন্ স্বপদাম্বুজদাস্যম্

॥ 2 ॥

শ্লোক 4

সংসৃতিসিন্ধুবিশালকরালমহাবলকালঝষগ্রসনার্তং

ব্যগ্রসমগ্রধিযং কৃপণং চ মহামদনক্রসুচক্রহৃতাসুম্ ।

কালমহারসনোর্মিনিপীডিতমুদ্ধর দীনমনন্যগতিং মাং

ত্বাং ভজতো মম দেহি দযাঘন হে হনুমন্ স্বপদাম্বুজদাস্যম্

॥ 3 ॥

শ্লোক 5

সংসৃতিঘোরমহাগহনে চরতো মণিরঞ্জিতপুণ্যসুমূর্তেঃ

মন্মথভীকরঘোরমহোগ্রমৃগপ্রবরার্দিতগাত্রসুসন্ধেঃ ।

মত্সরতাপবিশেষনিপীডিতবাহ্যমতেশ্চ কথং চিদমেযং

ত্বাং ভজতো মম দেহি দযাঘন হে হনুমন্ স্বপদাম্বুজদাস্যম্

॥ 4 ॥

শ্লোক 6

সংসৃতিবৃক্ষমনেকশতাঘনিদানমনন্তবিকর্মসুশাখং

দুঃখফলং করণাদিপলাশমনঙ্গসুপুষ্পমচিন্ত্যসুমূলম্ ।

তং হ্যধিরুহ্য হরে পতিতং শরণাগতমেব বিমোচয মূঢং

ত্বাং ভজতো মম দেহি দযাঘন হে হনুমন্ স্বপদাম্বুজদাস্যম্

॥ 5 ॥

শ্লোক 7

সংসৃতিপন্নগবক্ত্রভযঙ্করদংষ্ট্রমহাবিষদগ্ধশরীরং

প্রাণবিনির্গমভীতিসমাকুলমন্দমনাথমতীব বিষণ্ণম্ ।

মোহমহাকুহরে পতিতং দযযোদ্ধর মামজিতেন্দ্রিযকামং

ত্বাং ভজতো মম দেহি দযাঘন হে হনুমন্ স্বপদাম্বুজদাস্যম্

॥ 6 ॥

শ্লোক 8

ইন্দ্রিযনামকচোরগণৈর্হৃততত্ত্ববিবেকমহাধনরাশিং

সংসৃতিজালনিপাতিতমেব মহাবলিভিশ্চ বিখণ্ডিতকাযম্ ।

ত্বত্পদপদ্মমনুত্তমমাশ্রিতমাশু কপীশ্বর পাহি কৃপালো

ত্বাং ভজতো মম দেহি দযাঘন হে হনুমন্ স্বপদাম্বুজদাস্যম্

॥ 7 ॥

শ্লোক 9

ব্রহ্মমরুদ্গণরুদ্রমহেন্দ্রকিরীটসুকোটিলসত্পদপীঠং

দাশরথিং জপতি ক্ষিতিমণ্ডল এষ নিধায সদৈব হৃদব্জে ।

তস্য হনূমত এব শিবঙ্করমষ্টকমেতদনিষ্টহরং বৈ

যঃ সততং হি পঠেত্স নরো লভতেঽচ্যুতরামপদাব্জনিবাসম্

॥ 8 ॥

শ্লোক 10

ইতি শ্রী মধুসূদনাশ্রম শিষ্যাঽচ্যুতবিরচিতং শ্রীমদ্দনুমদষ্টকম্ ।