Gopika Geetha (Bhagavatha Purana)

ගෝපිකා ගීතා (භාගවත පුරාණ)

ශ්ලොක 1

ගෝප්ය ඌචුඃ .

ජයති තේ(අ)ධිකං ජන්මනා ව්රජඃ

ශ්රයත ඉන්දිරා ශශ්වදත්ර හි .

දයිත දෘශ්යතාං දික්ෂු තාවකා-

ස්ත්වයි ධෘතාසවස්ත්වාං විචින්වතේ .. 1..

ශරදුදාශයේ සාධුජාතස-

ත්සරසිජෝදරශ්රීමුෂා දෘශා .

සුරතනාථ තේ(අ)ශුල්කදාසිකා

වරද නිඝ්නතෝ නේහ කිං වධඃ .. 2..

විෂජලාප්යයාද්ව්යාලරාක්ෂසා-

ද්වර්ෂමාරුතාද්වෛද්යුතානලාත් .

වෘෂමයාත්මජාද්විශ්වතෝභයා-

දෘෂභ තේ වයං රක්ෂිතා මුහුඃ .. 3..

න ඛලු ගෝපිකානන්දනෝ භවා-

නඛිලදේහිනාමන්තරාත්මදෘක් .

විඛනසාර්ථිතෝ විශ්වගුප්තයේ

සඛ උදේයිවාන්සාත්වතාං කුලේ .. 4..

විරචිතාභයං වෘෂ්ණිධුර්ය තේ

චරණමීයුෂාං සංසෘතේර්භයාත් .

කරසරෝරුහං කාන්ත කාමදං

ශිරසි ධේහි නඃ ශ්රීකරග්රහම් .. 5..

ව්රජජනාර්තිහන්වීර යෝෂිතාං

නිජජනස්මයධ්වංසනස්මිත .

භජ සඛේ භවත්කිඞ්කරීඃ ස්ම නෝ

ජලරුහානනං චාරු දර්ශය .. 6..

ප්රණතදේහිනාං පාපකර්ශනං

තෘණචරානුගං ශ්රීනිකේතනම් .

ඵණිඵණාර්පිතං තේ පදාම්බුජං

කෘණු කුචේෂු නඃ කෘන්ධි හෘච්ඡයම් .. 7..

මධුරයා ගිරා වල්ගුවාක්යයා

බුධමනෝජ්ඤයා පුෂ්කරේක්ෂණ .

විධිකරීරිමා වීර මුහ්යතී-

රධරසීධුනා(අ)(අ)ප්යායයස්ව නඃ .. 8..

තව කථාමෘතං තප්තජීවනං

කවිභිරීඩිතං කල්මෂාපහම් .

ශ්රවණමඞ්ගලං ශ්රීමදාතතං

භුවි ගෘණන්ති තේ භූරිදා ජනාඃ .. 9..

ප්රහසිතං ප්රිය ප්රේමවීක්ෂණං

විහරණං ච තේ ධ්යානමඞ්ගලම් .

රහසි සංවිදෝ යා හෘදිස්පෘශඃ

කුහක නෝ මනඃ ක්ෂෝභයන්ති හි .. 10..

චලසි යද්ව්රජාච්චාරයන්පශූන්

නලිනසුන්දරං නාථ තේ පදම් .

ශිලතෘණාඞ්කුරෛඃ සීදතීති නඃ

කලිලතාං මනඃ කාන්ත ගච්ඡති .. 11..

දිනපරික්ෂයේ නීලකුන්තලෛ-

ර්වනරුහානනං බිභ්රදාවෘතම් .

ඝනරජස්වලං දර්ශයන්මුහු-

ර්මනසි නඃ ස්මරං වීර යච්ඡසි .. 12..

ප්රණතකාමදං පද්මජාර්චිතං

ධරණිමණ්ඩනං ධ්යේයමාපදි .

චරණපඞ්කජං ශන්තමං ච තේ

රමණ නඃ ස්තනේෂ්වර්පයාධිහන් .. 13..

සුරතවර්ධනං ශෝකනාශනං

ස්වරිතවේණුනා සුෂ්ඨු චුම්බිතම් .

ඉතරරාගවිස්මාරණං නෘණාං

විතර වීර නස්තේ(අ)ධරාමෘතම් .. 14..

අටති යද්භවානහ්නි කානනං

ත්රුටිර්යුගායතේ ත්වාමපශ්යතාම් .

කුටිලකුන්තලං ශ්රීමුඛං ච තේ

ජඩ උදීක්ෂතාං පක්ෂ්මකෘද්දෘශාම් .. 15..

පතිසුතාන්වයභ්රාතෘබාන්ධවා-

නතිවිලඞ්ඝ්ය තේ(අ)න්ත්යච්යුතාගතාඃ .

ගතිවිදස්තවෝද්ගීතමෝහිතාඃ

කිතව යෝෂිතඃ කස්ත්යජේන්නිශි .. 16..

රහසි සංවිදං හෘච්ඡයෝදයං

ප්රහසිතානනං ප්රේමවීක්ෂණම් .

බෘහදුරඃ ශ්රියෝ වීක්ෂ්ය ධාම තේ

මුහුරතිස්පෘහා මුහ්යතේ මනඃ .. 17..

ව්රජවනෞකසාං ව්යක්තිරඞ්ග තේ

වෘජිනහන්ත්ර්යලං විශ්වමඞ්ගලම් .

ත්යජ මනාක් ච නස්ත්වත්ස්පෘහාත්මනාං

ස්වජනහෘද්රුජාං යන්නිෂූදනම් .. 18..

යත්තේ සුජාතචරණාම්බුරුහං ස්තනේෂ

භීතාඃ ශනෛඃ ප්රිය දධීමහි කර්කශේෂු .

තේනාටවීමටසි තද්ව්යථතේ න කිංස්විත්

කූර්පාදිභිර්භ්රමති ධීර්භවදායුෂාං නඃ .. 19..

ඉති ශ්රීමද්භාගවත මහාපුරාණේ පාරමහංස්යාං සංහිතායාං

දශමස්කන්ධේ පූර්වාර්ධේ රාසක්රීඩායාං ගෝපීගීතං නාමෛකත්රිංශෝ(අ)ධ්යායඃ ..