Gopika Geetha (Bhagavatha Purana)

ଗୋପିକା ଗୀତା (ଭାଗଵତ ପୁରାଣ)

ଶ୍ଲୋକ 1

ଗୋପ୍ଯ ଊଚୁଃ ।

ଜଯତି ତେଽଧିକଂ ଜନ୍ମନା ଵ୍ରଜଃ

ଶ୍ରଯତ ଇନ୍ଦିରା ଶଶ୍ଵଦତ୍ର ହି ।

ଦଯିତ ଦୃଶ୍ଯତାଂ ଦିକ୍ଷୁ ତାଵକା-

ସ୍ତ୍ଵଯି ଧୃତାସଵସ୍ତ୍ଵାଂ ଵିଚିନ୍ଵତେ

ଶ୍ଲୋକ 2

ଶରଦୁଦାଶଯେ ସାଧୁଜାତସ-

ତ୍ସରସିଜୋଦରଶ୍ରୀମୁଷା ଦୃଶା ।

ସୁରତନାଥ ତେଽଶୁଲ୍କଦାସିକା

ଵରଦ ନିଘ୍ନତୋ ନେହ କିଂ ଵଧଃ

॥ 1॥

ଶ୍ଲୋକ 3

ଵିଷଜଲାପ୍ଯଯାଦ୍ଵ୍ଯାଲରାକ୍ଷସା-

ଦ୍ଵର୍ଷମାରୁତାଦ୍ଵୈଦ୍ଯୁତାନଲାତ୍ ।

ଵୃଷମଯାତ୍ମଜାଦ୍ଵିଶ୍ଵତୋଭଯା-

ଦୃଷଭ ତେ ଵଯଂ ରକ୍ଷିତା ମୁହୁଃ

॥ 2॥

ଶ୍ଲୋକ 4

ନ ଖଲୁ ଗୋପିକାନନ୍ଦନୋ ଭଵା-

ନଖିଲଦେହିନାମନ୍ତରାତ୍ମଦୃକ୍ ।

ଵିଖନସାର୍ଥିତୋ ଵିଶ୍ଵଗୁପ୍ତଯେ

ସଖ ଉଦେଯିଵାନ୍ସାତ୍ଵତାଂ କୁଲେ

॥ 3॥

ଶ୍ଲୋକ 5

ଵିରଚିତାଭଯଂ ଵୃଷ୍ଣିଧୁର୍ଯ ତେ

ଚରଣମୀଯୁଷାଂ ସଂସୃତେର୍ଭଯାତ୍ ।

କରସରୋରୁହଂ କାନ୍ତ କାମଦଂ

ଶିରସି ଧେହି ନଃ ଶ୍ରୀକରଗ୍ରହମ୍

॥ 4॥

ଶ୍ଲୋକ 6

ଵ୍ରଜଜନାର୍ତିହନ୍ଵୀର ଯୋଷିତାଂ

ନିଜଜନସ୍ମଯଧ୍ଵଂସନସ୍ମିତ ।

ଭଜ ସଖେ ଭଵତ୍କିଙ୍କରୀଃ ସ୍ମ ନୋ

ଜଲରୁହାନନଂ ଚାରୁ ଦର୍ଶଯ

॥ 5॥

ଶ୍ଲୋକ 7

ପ୍ରଣତଦେହିନାଂ ପାପକର୍ଶନଂ

ତୃଣଚରାନୁଗଂ ଶ୍ରୀନିକେତନମ୍ ।

ଫଣିଫଣାର୍ପିତଂ ତେ ପଦାମ୍ବୁଜଂ

କୃଣୁ କୁଚେଷୁ ନଃ କୃନ୍ଧି ହୃଚ୍ଛଯମ୍

॥ 6॥

ଶ୍ଲୋକ 8

ମଧୁରଯା ଗିରା ଵଲ୍ଗୁଵାକ୍ଯଯା

ବୁଧମନୋଜ୍ଞଯା ପୁଷ୍କରେକ୍ଷଣ ।

ଵିଧିକରୀରିମା ଵୀର ମୁହ୍ଯତୀ-

ରଧରସୀଧୁନାଽଽପ୍ଯାଯଯସ୍ଵ ନଃ

॥ 7॥

ଶ୍ଲୋକ 9

ତଵ କଥାମୃତଂ ତପ୍ତଜୀଵନଂ

କଵିଭିରୀଡିତଂ କଲ୍ମଷାପହମ୍ ।

ଶ୍ରଵଣମଙ୍ଗଲଂ ଶ୍ରୀମଦାତତଂ

ଭୁଵି ଗୃଣନ୍ତି ତେ ଭୂରିଦା ଜନାଃ

॥ 8॥

ଶ୍ଲୋକ 10

ପ୍ରହସିତଂ ପ୍ରିଯ ପ୍ରେମଵୀକ୍ଷଣଂ

ଵିହରଣଂ ଚ ତେ ଧ୍ଯାନମଙ୍ଗଲମ୍ ।

ରହସି ସଂଵିଦୋ ଯା ହୃଦିସ୍ପୃଶଃ

କୁହକ ନୋ ମନଃ କ୍ଷୋଭଯନ୍ତି ହି

॥ 9॥

ଶ୍ଲୋକ 11

ଚଲସି ଯଦ୍ଵ୍ରଜାଚ୍ଚାରଯନ୍ପଶୂନ୍

ନଲିନସୁନ୍ଦରଂ ନାଥ ତେ ପଦମ୍ ।

ଶିଲତୃଣାଙ୍କୁରୈଃ ସୀଦତୀତି ନଃ

କଲିଲତାଂ ମନଃ କାନ୍ତ ଗଚ୍ଛତି

॥ 10॥

ଶ୍ଲୋକ 12

ଦିନପରିକ୍ଷଯେ ନୀଲକୁନ୍ତଲୈ-

ର୍ଵନରୁହାନନଂ ବିଭ୍ରଦାଵୃତମ୍ ।

ଘନରଜସ୍ଵଲଂ ଦର୍ଶଯନ୍ମୁହୁ-

ର୍ମନସି ନଃ ସ୍ମରଂ ଵୀର ଯଚ୍ଛସି

॥ 11॥

ଶ୍ଲୋକ 13

ପ୍ରଣତକାମଦଂ ପଦ୍ମଜାର୍ଚିତଂ

ଧରଣିମଣ୍ଡନଂ ଧ୍ଯେଯମାପଦି ।

ଚରଣପଙ୍କଜଂ ଶନ୍ତମଂ ଚ ତେ

ରମଣ ନଃ ସ୍ତନେଷ୍ଵର୍ପଯାଧିହନ୍

॥ 12॥

ଶ୍ଲୋକ 14

ସୁରତଵର୍ଧନଂ ଶୋକନାଶନଂ

ସ୍ଵରିତଵେଣୁନା ସୁଷ୍ଠୁ ଚୁମ୍ବିତମ୍ ।

ଇତରରାଗଵିସ୍ମାରଣଂ ନୃଣାଂ

ଵିତର ଵୀର ନସ୍ତେଽଧରାମୃତମ୍

॥ 13॥

ଶ୍ଲୋକ 15

ଅଟତି ଯଦ୍ଭଵାନହ୍ନି କାନନଂ

ତ୍ରୁଟିର୍ଯୁଗାଯତେ ତ୍ଵାମପଶ୍ଯତାମ୍ ।

କୁଟିଲକୁନ୍ତଲଂ ଶ୍ରୀମୁଖଂ ଚ ତେ

ଜଡ ଉଦୀକ୍ଷତାଂ ପକ୍ଷ୍ମକୃଦ୍ଦୃଶାମ୍

॥ 14॥

ଶ୍ଲୋକ 16

ପତିସୁତାନ୍ଵଯଭ୍ରାତୃବାନ୍ଧଵା-

ନତିଵିଲଙ୍ଘ୍ଯ ତେଽନ୍ତ୍ଯଚ୍ଯୁତାଗତାଃ ।

ଗତିଵିଦସ୍ତଵୋଦ୍ଗୀତମୋହିତାଃ

କିତଵ ଯୋଷିତଃ କସ୍ତ୍ଯଜେନ୍ନିଶି

॥ 15॥

ଶ୍ଲୋକ 17

ରହସି ସଂଵିଦଂ ହୃଚ୍ଛଯୋଦଯଂ

ପ୍ରହସିତାନନଂ ପ୍ରେମଵୀକ୍ଷଣମ୍ ।

ବୃହଦୁରଃ ଶ୍ରିଯୋ ଵୀକ୍ଷ୍ଯ ଧାମ ତେ

ମୁହୁରତିସ୍ପୃହା ମୁହ୍ଯତେ ମନଃ

॥ 16॥

ଶ୍ଲୋକ 18

ଵ୍ରଜଵନୌକସାଂ ଵ୍ଯକ୍ତିରଙ୍ଗ ତେ

ଵୃଜିନହନ୍ତ୍ର୍ଯଲଂ ଵିଶ୍ଵମଙ୍ଗଲମ୍ ।

ତ୍ଯଜ ମନାକ୍ ଚ ନସ୍ତ୍ଵତ୍ସ୍ପୃହାତ୍ମନାଂ

ସ୍ଵଜନହୃଦ୍ରୁଜାଂ ଯନ୍ନିଷୂଦନମ୍

॥ 17॥

ଶ୍ଲୋକ 19

ଯତ୍ତେ ସୁଜାତଚରଣାମ୍ବୁରୁହଂ ସ୍ତନେଷ

ଭୀତାଃ ଶନୈଃ ପ୍ରିଯ ଦଧୀମହି କର୍କଶେଷୁ ।

ତେନାଟଵୀମଟସି ତଦ୍ଵ୍ଯଥତେ ନ କିଂସ୍ଵିତ୍

କୂର୍ପାଦିଭିର୍ଭ୍ରମତି ଧୀର୍ଭଵଦାଯୁଷାଂ ନଃ

॥ 18॥

ଶ୍ଲୋକ 20

ଇତି ଶ୍ରୀମଦ୍ଭାଗଵତ ମହାପୁରାଣେ ପାରମହଂସ୍ଯାଂ ସଂହିତାଯାଂ

ଦଶମସ୍କନ୍ଧେ ପୂର୍ଵାର୍ଧେ ରାସକ୍ରୀଡାଯାଂ ଗୋପୀଗୀତଂ ନାମୈକତ୍ରିଂଶୋଽଧ୍ଯାଯଃ ॥