Gopika Geetha (Bhagavatha Purana)

গোপিকা গীতা (ভাগবত পুরাণ)

শ্লোক 1

গোপ্য ঊচুঃ ।

জযতি তেঽধিকং জন্মনা ব্রজঃ

শ্রযত ইন্দিরা শশ্বদত্র হি ।

দযিত দৃশ্যতাং দিক্ষু তাবকা-

স্ত্বযি ধৃতাসবস্ত্বাং বিচিন্বতে

শ্লোক 2

শরদুদাশযে সাধুজাতস-

ত্সরসিজোদরশ্রীমুষা দৃশা ।

সুরতনাথ তেঽশুল্কদাসিকা

বরদ নিঘ্নতো নেহ কিং বধঃ

॥ 1॥

শ্লোক 3

বিষজলাপ্যযাদ্ব্যালরাক্ষসা-

দ্বর্ষমারুতাদ্বৈদ্যুতানলাত্ ।

বৃষমযাত্মজাদ্বিশ্বতোভযা-

দৃষভ তে বযং রক্ষিতা মুহুঃ

॥ 2॥

শ্লোক 4

ন খলু গোপিকানন্দনো ভবা-

নখিলদেহিনামন্তরাত্মদৃক্ ।

বিখনসার্থিতো বিশ্বগুপ্তযে

সখ উদেযিবান্সাত্বতাং কুলে

॥ 3॥

শ্লোক 5

বিরচিতাভযং বৃষ্ণিধুর্য তে

চরণমীযুষাং সংসৃতের্ভযাত্ ।

করসরোরুহং কান্ত কামদং

শিরসি ধেহি নঃ শ্রীকরগ্রহম্

॥ 4॥

শ্লোক 6

ব্রজজনার্তিহন্বীর যোষিতাং

নিজজনস্মযধ্বংসনস্মিত ।

ভজ সখে ভবত্কিঙ্করীঃ স্ম নো

জলরুহাননং চারু দর্শয

॥ 5॥

শ্লোক 7

প্রণতদেহিনাং পাপকর্শনং

তৃণচরানুগং শ্রীনিকেতনম্ ।

ফণিফণার্পিতং তে পদাম্বুজং

কৃণু কুচেষু নঃ কৃন্ধি হৃচ্ছযম্

॥ 6॥

শ্লোক 8

মধুরযা গিরা বল্গুবাক্যযা

বুধমনোজ্ঞযা পুষ্করেক্ষণ ।

বিধিকরীরিমা বীর মুহ্যতী-

রধরসীধুনাঽঽপ্যাযযস্ব নঃ

॥ 7॥

শ্লোক 9

তব কথামৃতং তপ্তজীবনং

কবিভিরীডিতং কল্মষাপহম্ ।

শ্রবণমঙ্গলং শ্রীমদাততং

ভুবি গৃণন্তি তে ভূরিদা জনাঃ

॥ 8॥

শ্লোক 10

প্রহসিতং প্রিয প্রেমবীক্ষণং

বিহরণং চ তে ধ্যানমঙ্গলম্ ।

রহসি সংবিদো যা হৃদিস্পৃশঃ

কুহক নো মনঃ ক্ষোভযন্তি হি

॥ 9॥

শ্লোক 11

চলসি যদ্ব্রজাচ্চারযন্পশূন্

নলিনসুন্দরং নাথ তে পদম্ ।

শিলতৃণাঙ্কুরৈঃ সীদতীতি নঃ

কলিলতাং মনঃ কান্ত গচ্ছতি

॥ 10॥

শ্লোক 12

দিনপরিক্ষযে নীলকুন্তলৈ-

র্বনরুহাননং বিভ্রদাবৃতম্ ।

ঘনরজস্বলং দর্শযন্মুহু-

র্মনসি নঃ স্মরং বীর যচ্ছসি

॥ 11॥

শ্লোক 13

প্রণতকামদং পদ্মজার্চিতং

ধরণিমণ্ডনং ধ্যেযমাপদি ।

চরণপঙ্কজং শন্তমং চ তে

রমণ নঃ স্তনেষ্বর্পযাধিহন্

॥ 12॥

শ্লোক 14

সুরতবর্ধনং শোকনাশনং

স্বরিতবেণুনা সুষ্ঠু চুম্বিতম্ ।

ইতররাগবিস্মারণং নৃণাং

বিতর বীর নস্তেঽধরামৃতম্

॥ 13॥

শ্লোক 15

অটতি যদ্ভবানহ্নি কাননং

ত্রুটির্যুগাযতে ত্বামপশ্যতাম্ ।

কুটিলকুন্তলং শ্রীমুখং চ তে

জড উদীক্ষতাং পক্ষ্মকৃদ্দৃশাম্

॥ 14॥

শ্লোক 16

পতিসুতান্বযভ্রাতৃবান্ধবা-

নতিবিলঙ্ঘ্য তেঽন্ত্যচ্যুতাগতাঃ ।

গতিবিদস্তবোদ্গীতমোহিতাঃ

কিতব যোষিতঃ কস্ত্যজেন্নিশি

॥ 15॥

শ্লোক 17

রহসি সংবিদং হৃচ্ছযোদযং

প্রহসিতাননং প্রেমবীক্ষণম্ ।

বৃহদুরঃ শ্রিযো বীক্ষ্য ধাম তে

মুহুরতিস্পৃহা মুহ্যতে মনঃ

॥ 16॥

শ্লোক 18

ব্রজবনৌকসাং ব্যক্তিরঙ্গ তে

বৃজিনহন্ত্র্যলং বিশ্বমঙ্গলম্ ।

ত্যজ মনাক্ চ নস্ত্বত্স্পৃহাত্মনাং

স্বজনহৃদ্রুজাং যন্নিষূদনম্

॥ 17॥

শ্লোক 19

যত্তে সুজাতচরণাম্বুরুহং স্তনেষ

ভীতাঃ শনৈঃ প্রিয দধীমহি কর্কশেষু ।

তেনাটবীমটসি তদ্ব্যথতে ন কিংস্বিত্

কূর্পাদিভির্ভ্রমতি ধীর্ভবদাযুষাং নঃ

॥ 18॥

শ্লোক 20

ইতি শ্রীমদ্ভাগবত মহাপুরাণে পারমহংস্যাং সংহিতাযাং

দশমস্কন্ধে পূর্বার্ধে রাসক্রীডাযাং গোপীগীতং নামৈকত্রিংশোঽধ্যাযঃ ॥