Ganapati Atharva Sheersham

ශ්රී ගණපති අථර්ව ෂීර්ෂම් (ගණපත්යථර්වෂීර්ෂෝපනිෂත්)

ශ්ලොක 1

ඕ-ම්භ॒ද්ර-ඞ්කර්ණේ॑භි-ශ්ශෘණු॒යාම॑ දේවාඃ .

භ॒ද්ර-ම්ප॑ශ්යේමා॒ක්ෂභි॒ර්යජ॑ත්රාඃ .

ස්ථි॒රෛරඞ්ගෛ᳚ස්තුෂ්ඨු॒වාග්ං ස॑ස්ත॒නූභිඃ॑ .

ව්යශේ॑ම දේ॒වහි॑තං॒-යँදායුඃ॑ .

ස්ව॒ස්ති න॒ ඉන්ද්රෝ॑ වෘ॒ද්ධශ්ර॑වාඃ .

ස්ව॒ස්ති නඃ॑ පූ॒ෂා වි॒ශ්වවේ॑දාඃ .

ස්ව॒ස්ති න॒ස්තාර්ක්ෂ්යෝ॒ අරි॑ෂ්ටනේමිඃ .

ස්ව॒ස්ති නෝ॒ බෘහ॒ස්පති॑ර්දධාතු ..

ඕං ශාන්ති॒-ශ්ශාන්ති॒-ශ්ශාන්තිඃ॑ ..

ඕ-න්නම॑ස්තේ ග॒ණප॑තයේ .

ත්වමේ॒ව ප්ර॒ත්යක්ෂ॒-න්තත්ත්ව॑මසි .

ත්වමේ॒ව කේ॒වල॒-ඞ්කර්තා॑-(අ)සි .

ත්වමේ॒ව කේ॒වලං॒ හර්තා॑-(අ)සි .

ත්වමේ॒ව කේ॒වල॒-න්ධර්තා॑-(අ)සි .

ත්වමේව සර්ව-ඞ්ඛල්විද॑-ම්බ්රහ්මා॒සි .

ත්වං සාක්ෂාදාත්මා॑-(අ)සි නි॒ත්යම් .. 1 ..

ඍ॑තං-වँ॒ච්මි . ස॑ත්යං-වँ॒ච්මි .. 2 ..

අ॒ව ත්ව॒-ම්මාම් . අව॑ ව॒ක්තාරම්᳚ .

අව॑ ශ්රෝ॒තාරම්᳚ . අව॑ දා॒තාරම්᳚ . අව॑ ධා॒තාරම්᳚ .

අවානූචානම॑ව ශි॒ෂ්යම් . අව॑ ප॒ශ්චාත්තා᳚ත් .

අව॑ පු॒රස්තා᳚ත් . අවෝත්ත॒රාත්තා᳚ත් .

අව॑ ද॒ක්ෂිණාත්තා᳚ත් . අව॑ චෝ॒ර්ධ්වාත්තා᳚ත් .

අවාධ॒රාත්තා᳚ත් . සර්වතෝ මා-ම්පාහි පාහි॑ සම॒න්තාත් .. 3 ..

ත්වං-වාँඞ්මය॑ස්ත්ව-ඤ්චින්ම॒යඃ .

ත්වමානන්දමය॑ස්ත්ව-ම්බ්රහ්ම॒මයඃ .

ත්වං සච්චිදානන්දා-(අ)ද්වි॑තීයෝ॒-(අ)සි .

ත්ව-ම්ප්ර॒ත්යක්ෂ॒-ම්බ්රහ්මා॑සි .

ත්ව-ඤ්ජ්ඤානමයෝ විජ්ඤාන॑මයෝ॒-(අ)සි .. 4 ..

සර්ව-ඤ්ජගදිද-න්ත්ව॑ත්තෝ ජා॒යතේ .

සර්ව-ඤ්ජගදිද-න්ත්ව॑ත්තස්ති॒ෂ්ඨති .

සර්ව-ඤ්ජගදිද-න්ත්වයි ලය॑මේෂ්ය॒ති .

සර්ව-ඤ්ජගදිද-න්ත්වයි॑ ප්රත්යේ॒ති .

ත්ව-ම්භූමිරාපෝ-(අ)නලෝ-(අ)නි॑ලෝ න॒භඃ .

ත්ව-ඤ්චත්වාරි වා᳚ක්පදා॒නි .. 5 ..

ත්ව-ඞ්ගු॒ණත්ර॑යාතී॒තඃ . ත්වං අවස්ථාත්ර॑යාතී॒තඃ .

ත්ව-න්දේ॒හත්ර॑යාතී॒තඃ . ත්ව-ඞ්කා॒ලත්ර॑යාතී॒තඃ .

ත්ව-ම්මූලාධාරස්ථිතෝ॑-(අ)සි නි॒ත්යම් . ත්වං ශක්තිත්ර॑යාත්ම॒කඃ .

ත්වාං-යෝँගිනෝ ධ්යාය॑න්ති නි॒ත්යම් .

ත්ව-ම්බ්රහ්මා ත්වං-විँෂ්ණුස්ත්වං රුද්රස්ත්වමින්ද්රස්ත්වමග්නිස්ත්වං-වාँයුස්ත්වං සූර්යස්ත්ව-ඤ්චන්ද්රමාස්ත්ව-ම්බ්රහ්ම॒ භූර්භුව॒-ස්ස්වරෝම් .. 6 ..

ග॒ණාදිං᳚ පූර්ව॑මුච්චා॒ර්ය॒ ව॒ර්ණාදීං᳚ ස්තදන॒න්තරම් .

අනුස්වාරඃ ප॑රත॒රඃ . අර්ධේ᳚න්දුල॒සිතම් .

තාරේ॑ණ ඍ॒ද්ධම් . ඒතත්තව මනු॑ස්වරූ॒පම් .

ගකාරඃ පූ᳚ර්වරූ॒පම් . අකාරෝ මධ්ය॑මරූ॒පම් .

අනුස්වාරශ්චා᳚න්ත්යරූ॒පම් . බින්දුරුත්ත॑රරූ॒පම් .

නාදඃ॑ සන්ධා॒නම් . සග්ංහි॑තා ස॒න්ධිඃ .

සෛෂා ගණේ॑ශවි॒ද්යා . ගණ॑ක ඍ॒ෂිඃ .

නිචෘද්ගාය॑ත්රීච්ඡ॒න්දඃ . ශ්රී මහාගණපති॑ර්දේවතා .

ඕ-ඞ්ග-ඞ්ග॒ණප॑තයේ නමඃ .. 7 ..

ඒකද॒න්තාය॑ වි॒ද්මහේ॑ වක්රතු॒ණ්ඩාය॑ ධීමහි .

තන්නෝ॑ දන්තිඃ ප්රචෝ॒දයා᳚ත් .. 8 ..

ඒකද॒න්ත-ඤ්ච॑තුර්​හ॒ස්ත॒-ම්පා॒ශම॑ඞ්කුශ॒ධාරි॑ණම් .

රද॑-ඤ්ච॒ වර॑දං හ॒ස්තෛ॒ර්බි॒භ්රාණ॑-ම්මූෂ॒කධ්ව॑ජම් .

රක්තං॑-ලँ॒ම්බෝද॑රං ශූ॒ර්ප॒කර්ණකං॑ රක්ත॒වාස॑සම් .

රක්ත॑ග॒න්ධානු॑ලිප්තා॒ඞ්ගං॒ ර॒ක්තපු॑ෂ්පෛ-ස්සු॒පූජි॑තම් .

භක්තා॑නු॒කම්පි॑න-න්දේ॒ව॒-ඤ්ජ॒ගත්කා॑රණ॒මච්යු॑තම් .

ආවි॑ර්භූ॒ත-ඤ්ච॑ සෘ॒ෂ්ට්යා॒දෞ॒ ප්ර॒කෘතේඃ᳚ පුරු॒ෂාත්ප॑රම් .

ඒව॑-න්ධ්යා॒යති॑ යෝ නි॒ත්යං॒ ස॒ යෝගී॑ යෝගි॒නාං-වँ॑රඃ .. 9 ..

නමෝ ව්රාතපතයේ නමෝ ගණපතයේ නමඃ ප්රමථපතයේ නමස්තේ-(අ)ස්තු ලම්බෝදරායෛකදන්තාය විඝ්නවිනාශිනේ ශිවසුතාය ශ්රීවරදමූර්තයේ॒ නමඃ .. 10 ..

ඒතදථර්වශීර්​ෂං-යෝँ-(අ)ධී॒තේ . ස බ්රහ්මභූයා॑ය ක॒ල්පතේ .

ස සර්වවිඝ්නෛ᳚ර්න බා॒ධ්යතේ . ස සර්වත-ස්සුඛ॑මේධ॒තේ .

ස පඤ්චමහාපාපා᳚-ත්ප්රමු॒ච්යතේ . සා॒යම॑ධීයා॒නෝ॒ දිවසකෘත-ම්පාප॑-න්නාශ॒යති .

ප්රා॒තර॑ධීයා॒නෝ॒ රාත්රිකෘත-ම්පාප॑-න්නාශ॒යති .

සාය-ම්ප්රාතඃ ප්ර॑යුඤ්ජා॒නෝ॒ පාපෝ-(අ)පා॑පෝ භ॒වති .

සර්වත්රාධීයානෝ-(අ)පවි॑ඝ්නෝ භවති . ධර්මාර්ථකාමමෝක්ෂ॑-ඤ්ච වි॒න්දති .

ඉදමථර්වශීර්​ෂමශිෂ්යාය॑ න දේ॒යම් . යෝ යදි මෝ॑හාද් දා॒ස්යති ස පාපී॑යා-න්භ॒වති .

සහස්රාවර්තනාද්යං-යँ-ඞ්කාම॑මධී॒තේ . ත-න්තමනේ॑න සා॒ධයේත් .. 11 ..

අනේන ගණපතිම॑භිෂි॒ඤ්චති . ස වා᳚ග්මී භ॒වති .

චතුර්ථ්යාමන॑ශ්නන් ජ॒පති ස විද්යා॑වා-න්භ॒වති .

ඉත්යථර්ව॑ණවා॒ක්යම් . බ්රහ්මාද්යා॒චර॑ණං-විँ॒ද්යාන්න බිභේති කදා॑චනේ॒ති .. 12 ..

යෝ දූර්වාඞ්කු॑රෛර්ය॒ජති ස වෛශ්රවණෝප॑මෝ භ॒වති .

යෝ ලා॑ජෛර්ය॒ජති ස යශෝ॑වා-න්භ॒වති . ස මේධා॑වා-න්භ॒වති .

යෝ මෝදකසහස්රේ॑ණ ය॒ජති ස වාඤ්ඡිතඵලම॑වාප්නෝ॒ති .

ය-ස්සාජ්ය සමි॑ද්භිර්ය॒ජති ස සර්වං-ලँභතේ ස ස॑ර්වං-ලँ॒භතේ .. 13 ..

අෂ්ටෞ බ්රාහ්මණාන් සම්යග් ග්රා॑හයි॒ත්වා සූර්යවර්ච॑ස්වී භ॒වති .

සූර්යග්රහේ ම॑හාන॒ද්යා-ම්ප්රතිමාසන්නිධෞ වා ජ॒ප්ත්වා සිද්ධම॑න්ත්රෝ භ॒වති .

මහාවිඝ්නා᳚-ත්ප්රමු॒ච්යතේ . මහාදෝෂා᳚-ත්ප්රමු॒ච්යතේ .

මහාපාපා᳚-ත්ප්රමු॒ච්යතේ . [මහාප්රත්යවායා᳚-ත්ප්රමු॒ච්යතේ . ]

ස සර්ව॑විද්භවති ස සර්ව॑විද්භ॒වති .

ය ඒ॑වං-වේँ॒ද . ඉත්යු॑ප॒නිෂ॑ත් .. 14 ..

ඕ-ම්භ॒ද්ර-ඞ්කර්ණේ॑භි-ශ්ශෘණු॒යාම॑ දේවාඃ .

භ॒ද්ර-ම්ප॑ශ්යේමා॒ක්ෂභි॒ර්යජ॑ත්රාඃ .

ස්ථි॒රෛරඞ්ගෛ᳚ස්තුෂ්ඨු॒වාග්ං ස॑ස්ත॒නූභිඃ॑ .

ව්යශේ॑ම දේ॒වහි॑තං॒-යँදායුඃ॑ .

ස්ව॒ස්ති න॒ ඉන්ද්රෝ॑ වෘ॒ද්ධශ්ර॑වාඃ .

ස්ව॒ස්ති නඃ॑ පූ॒ෂා වි॒ශ්වවේ॑දාඃ .

ස්ව॒ස්ති න॒ස්තාර්ක්ෂ්යෝ॒ අරි॑ෂ්ටනේමිඃ .

ස්ව॒ස්ති නෝ॒ බෘහ॒ස්පති॑ර්දධාතු ..

ඕං ශාන්ති॒-ශ්ශාන්ති॒-ශ්ශාන්තිඃ॑ ..