Devi Mahatmyam Durga Saptasati Chapter 8

දේවී මාහාත්ම්යං දුර්ගා සප්තශති අෂ්ටමෝ(අ)ධ්යායඃ

ශ්ලොක 1

රක්තබීජවධෝ නාම අෂ්ටමෝධ්යාය ..

ධ්යානං

අරුණාං කරුණා තරඞ්ගිතාක්ෂීං ධෘතපාශාඞ්කුශ පුෂ්පබාණචාපාම් .

අණිමාධිභිරාවෘතාං මයූඛෛ රහමිත්යේව විභාවයේ භවානීම් ..

ඍෂිරුවාච ..1..

චණ්ඩේ ච නිහතේ දෛත්යේ මුණ්ඩේ ච විනිපාතිතේ .

බහුලේෂු ච සෛන්යේෂු ක්ෂයිතේෂ්වසුරේශ්වරඃ .. 2 ..

තතඃ කෝපපරාධීනචේතාඃ ශුම්භඃ ප්රතාපවාන් .

උද්යෝගං සර්ව සෛන්යානාං දෛත්යානාමාදිදේශ හ ..3..

අද්ය සර්ව බලෛර්දෛත්යාඃ ෂඩශීතිරුදායුධාඃ .

කම්බූනාං චතුරශීතිර්නිර්යාන්තු ස්වබලෛර්වෘතාඃ ..4..

කෝටිවීර්යාණි පඤ්චාශදසුරාණාං කුලානි වෛ .

ශතං කුලානි ධෞම්රාණාං නිර්ගච්ඡන්තු මමාජ්ඤයා ..5..

කාලකා දෞර්හෘදා මෞර්වාඃ කාලිකේයාස්තථාසුරාඃ .

යුද්ධාය සජ්ජා නිර්යාන්තු ආජ්ඤයා ත්වරිතා මම ..6..

ඉත්යාජ්ඤාප්යාසුරාපතිඃ ශුම්භෝ භෛරවශාසනඃ .

නිර්ජගාම මහාසෛන්යසහස්ත්රෛර්භහුභිර්වෘතඃ ..7..

ආයාන්තං චණ්ඩිකා දෘෂ්ට්වා තත්සෛන්යමතිභීෂණම් .

ජ්යාස්වනෛඃ පූරයාමාස ධරණීගගනාන්තරම් ..8..

තතඃසිංහො මහානාදමතීව කෘතවාන්නෘප .

ඝණ්ටාස්වනේන තාන්නාදානම්බිකා චෝපබෘංහයත් ..9..

ධනුර්ජ්යාසිංහඝණ්ටානාං නාදාපූරිතදිඞ්මුඛා .

නිනාදෛර්භීෂණෛඃ කාලී ජිග්යේ විස්තාරිතානනා ..10..

තං නිනාදමුපශ්රුත්ය දෛත්ය සෛන්යෛශ්චතුර්දිශම් .

දේවී සිංහස්තථා කාලී සරෝෂෛඃ පරිවාරිතාඃ..11..

ඒතස්මින්නන්තරේ භූප විනාශාය සුරද්විෂාම් .

භවායාමරසිංහනාමතිවීර්යබලාන්විතාඃ ..12..

බ්රහ්මේශගුහවිෂ්ණූනාං තථේන්ද්රස්ය ච ශක්තයඃ .

ශරීරේභ්යෝවිනිෂ්ක්රම්ය තද්රූපෛශ්චණ්ඩිකාං යයුඃ ..13..

යස්ය දේවස්ය යද්රූපං යථා භූෂණවාහනම් .

තද්වදේව හි තච්චක්තිරසුරාන්යෝද්ධුමායමෞ ..14..

හංසයුක්තවිමානාග්රේ සාක්ෂසූත්රක මණ්ඩලුඃ .

ආයාතා බ්රහ්මණඃ ශක්තිබ්රහ්මාණී ත්යභිධීයතේ ..15..

මහේශ්වරී වෘෂාරූඪා ත්රිශූලවරධාරිණී .

මහාහිවලයා ප්රාප්තාචන්ද්රරේඛාවිභූෂණා ..16..

කෞමාරී ශක්තිහස්තා ච මයූරවරවාහනා .

යෝද්ධුමභ්යායයෞ දෛත්යානම්බිකා ගුහරූපිණී ..17..

තථෛව වෛෂ්ණවී ශක්තිර්ගරුඩෝපරි සංස්ථිතා .

ශඞ්ඛචක්රගධාශාඞ්ඛර් ඛඩ්ගහස්තාභ්යුපායයෞ ..18..

යජ්ඤවාරාහමතුලං රූපං යා භිභ්රතෝ හරේඃ .

ශක්තිඃ සාප්යායයෞ තත්ර වාරාහීං බිභ්රතී තනුම් ..19..

නාරසිංහී නෘසිංහස්ය බිභ්රතී සදෘශං වපුඃ .

ප්රාප්තා තත්ර සටාක්ෂේපක්ෂිප්තනක්ෂත්ර සංහතිඃ ..20..

වජ්ර හස්තා තථෛවෛන්ද්රී ගජරාජෝ පරිස්ථිතා .

ප්රාප්තා සහස්ර නයනා යථා ශක්රස්තථෛව සා ..21..

තතඃ පරිවෘත්තස්තාභිරීශානෝ දේව ශක්තිභිඃ .

හන්යන්තාමසුරාඃ ශීඝ්රං මම ප්රීත්යාහ චණ්ඩිකාං ..22..

තතෝ දේවී ශරීරාත්තු විනිෂ්ක්රාන්තාතිභීෂණා .

චණ්ඩිකා ශක්තිරත්යුග්රා ශිවාශතනිනාදිනී ..23..

සා චාහ ධූම්රජටිලං ඊශානමපරාජිතා .

දූතත්වං ගච්ඡ භගවන් පාර්ශ්වං ශුම්භනිශුම්භයෝඃ ..24..

බ්රූහි ශුම්භං නිශුම්භං ච දානවාවතිගර්විතෞ .

යේ චාන්යේ දානවාස්තත්ර යුද්ධාය සමුපස්ථිතාඃ ..25..

ත්රෛලෝක්යමින්ද්රෝ ලභතාං දේවාඃ සන්තු හවිර්භුජඃ .

යූයං ප්රයාත පාතාලං යදි ජීවිතුමිච්ඡථ ..26..

බලාවලේපාදථ චේද්භවන්තෝ යුද්ධකාඞ්ක්ෂිණඃ .

තදා ගච්ඡත තෘප්යන්තු මච්ඡිවාඃ පිශිතේන වඃ ..27..

යතෝ නියුක්තෝ දෞත්යේන තයා දේව්යා ශිවඃ ස්වයම් .

ශිවදූතීති ලෝකේ(අ)ස්මිංස්තතඃ සා ඛ්යාති මාගතා ..28..

තේ(අ)පි ශ්රුත්වා වචෝ දේව්යාඃ ශර්වාඛ්යාතං මහාසුරාඃ .

අමර්ෂාපූරිතා ජග්මුර්යත්ර කාත්යායනී ස්ථිතා ..29..

තතඃ ප්රථමමේවාග්රේ ශරශක්ත්යෘෂ්ටිවෘෂ්ටිභිඃ .

වවර්ෂුරුද්ධතාමර්ෂාඃ ස්තාං දේවීමමරාරයඃ ..30..

සා ච තාන් ප්රහිතාන් බාණාන් ඤ්ඡූලශක්තිපරශ්වධාන් .

චිච්ඡේද ලීලයාධ්මාතධනුර්මුක්තෛර්මහේෂුභිඃ ..31..

තස්යාග්රතස්තථා කාලී ශූලපාතවිදාරිතාන් .

ඛට්වාඞ්ගපෝථිතාංශ්චාරීන්කුර්වන්තී ව්යචරත්තදා ..32..

කමණ්ඩලුජලාක්ෂේපහතවීර්යාන් හතෞජසඃ .

බ්රහ්මාණී චාකරෝච්ඡත්රූන්යේන යේන ස්ම ධාවති ..33..

මාහේශ්වරී ත්රිශූලේන තථා චක්රේණ වෛෂ්ණවී .

දෛත්යාඞ්ජඝාන කෞමාරී තථා ශත්යාති කෝපනා ..34..

ඓන්ද්රී කුලිශපාතේන ශතශෝ දෛත්යදානවාඃ .

පේතුර්විදාරිතාඃ පෘථ්ව්යාං රුධිරෞඝප්රවර්ෂිණඃ ..35..

තුණ්ඩප්රහාරවිධ්වස්තා දංෂ්ට්රා ග්රක්ෂත වක්ෂසඃ .

වාරාහමූර්ත්යා න්යපතංශ්චක්රේණ ච විදාරිතාඃ ..36..

නඛෛර්විදාරිතාංශ්චාන්යාන් භක්ෂයන්තී මහාසුරාන් .

නාරසිංහී චචාරාජෞ නාදා පූර්ණදිගම්බරා ..37..

චණ්ඩාට්ටහාසෛරසුරාඃ ශිවදූත්යභිදූෂිතාඃ .

පේතුඃ පෘථිව්යාං පතිතාංස්තාංශ්චඛාදාථ සා තදා ..38..

ඉති මාතෘ ගණං ක්රුද්ධං මර්ද යන්තං මහාසුරාන් .

දෘෂ්ට්වාභ්යුපායෛර්විවිධෛර්නේශුර්දේවාරිසෛනිකාඃ ..39..

පලායනපරාන්දෘෂ්ට්වා දෛත්යාන්මාතෘගණාර්දිතාන් .

යෝද්ධුමභ්යායයෞ ක්රුද්ධෝ රක්තබීජෝ මහාසුරඃ ..40..

රක්තබින්දුර්යදා භූමෞ පතත්යස්ය ශරීරතඃ .

සමුත්පතති මේදින්යාං තත්ප්රමාණෝ මහාසුරඃ ..41..

යුයුධේ ස ගදාපාණිරින්ද්රශක්ත්යා මහාසුරඃ .

තතශ්චෛන්ද්රී ස්වවජ්රේණ රක්තබීජමතාඩයත් ..42..

කුලිශේනාහතස්යාශු බහු සුස්රාව ශෝණිතම් .

සමුත්තස්ථුස්තතෝ යෝධාස්තද්රපාස්තත්පරාක්රමාඃ ..43..

යාවන්තඃ පතිතාස්තස්ය ශරීරාද්රක්තබින්දවඃ .

තාවන්තඃ පුරුෂා ජාතාඃ ස්තද්වීර්යබලවික්රමාඃ ..44..

තේ චාපි යුයුධුස්තත්ර පුරුෂා රක්ත සම්භවාඃ .

සමං මාතෘභිරත්යුග්රශස්ත්රපාතාතිභීෂණං ..45..

පුනශ්ච වජ්ර පාතේන ක්ෂත මශ්ය ශිරෝ යදා .

වවාහ රක්තං පුරුෂාස්තතෝ ජාතාඃ සහස්රශඃ ..46..

වෛෂ්ණවී සමරේ චෛනං චක්රේණාභිජඝාන හ .

ගදයා තාඩයාමාස ඓන්ද්රී තමසුරේශ්වරම්..47..

වෛෂ්ණවී චක්රභින්නස්ය රුධිරස්රාව සම්භවෛඃ .

සහස්රශෝ ජගද්ව්යාප්තං තත්ප්රමාණෛර්මහාසුරෛඃ ..48..

ශක්ත්යා ජඝාන කෞමාරී වාරාහී ච තථාසිනා .

මාහේශ්වරී ත්රිශූලේන රක්තබීජං මහාසුරම් ..49..

ස චාපි ගදයා දෛත්යඃ සර්වා ඒවාහනත් පෘථක් .

මාතෲඃ කෝපසමාවිෂ්ටෝ රක්තබීජෝ මහාසුරඃ ..50..

තස්යාහතස්ය බහුධා ශක්තිශූලාදි භිර්භුවිඃ .

පපාත යෝ වෛ රක්තෞඝස්තේනාසඤ්චතශෝ(අ)සුරාඃ ..51..

තෛශ්චාසුරාසෘක්සම්භූතෛරසුරෛඃ සකලං ජගත් .

ව්යාප්තමාසීත්තතෝ දේවා භයමාජග්මුරුත්තමම් ..52..

තාන් විෂණ්ණා න් සුරාන් දෘෂ්ට්වා චණ්ඩිකා ප්රාහසත්වරම් .

උවාච කාලීං චාමුණ්ඩේ විස්තීර්ණං වදනං කුරු ..53..

මච්ඡස්ත්රපාතසම්භූතාන් රක්තබින්දූන් මහාසුරාන් .

රක්තබින්දෝඃ ප්රතීච්ඡ ත්වං වක්ත්රේණානේන වේගිනා ..54..

භක්ෂයන්තී චර රණෝ තදුත්පන්නාන්මහාසුරාන් .

ඒවමේෂ ක්ෂයං දෛත්යඃ ක්ෂේණ රක්තෝ ගමිෂ්යති ..55..

භක්ෂ්ය මාණා ස්ත්වයා චෝග්රා න චෝත්පත්ස්යන්ති චාපරේ .

ඉත්යුක්ත්වා තාං තතෝ දේවී ශූලේනාභිජඝාන තම් ..56..

මුඛේන කාලී ජගෘහේ රක්තබීජස්ය ශෝණිතම් .

තතෝ(අ)සාවාජඝානාථ ගදයා තත්ර චණ්ඩිකාං ..57..

න චාස්යා වේදනාං චක්රේ ගදාපාතෝ(අ)ල්පිකාමපි .

තස්යාහතස්ය දේහාත්තු බහු සුස්රාව ශෝණිතම් ..58..

යතස්තතස්තද්වක්ත්රේණ චාමුණ්ඩා සම්ප්රතීච්ඡති .

මුඛේ සමුද්ගතා යේ(අ)ස්යා රක්තපාතාන්මහාසුරාඃ ..59..

තාංශ්චඛාදාථ චාමුණ්ඩා පපෞ තස්ය ච ශෝණිතම් ..60..

දේවී ශූලේන වජ්රේණ බාණෛරසිභිර් ඍෂ්ටිභිඃ .

ජඝාන රක්තබීජං තං චාමුණ්ඩා පීත ශෝණිතම් ..61..

ස පපාත මහීපෘෂ්ඨේ ශස්ත්රසඞ්ඝසමාහතඃ .

නීරක්තශ්ච මහීපාල රක්තබීජෝ මහාසුරඃ ..62..

තතස්තේ හර්ෂ මතුලං අවාපුස්ත්රිදශා නෘප .

තේෂාං මාතෘගණෝ ජාතෝ නනර්තාසෘංඞ්ගමදෝද්ධතඃ ..63..

.. ස්වස්ති ශ්රී මාර්කණ්ඩේය පුරාණේ සාවර්නිකේ මන්වන්තරේ දේවි මහත්ම්යේ රක්තබීජවධෝනාම අෂ්ටමෝධ්යාය සමාප්තම් ..

ආහුති

ඕං ජයන්තී සාඞ්ගායෛ සශක්තිකායෛ සපරිවාරායෛ සවාහනායෛ රක්තාක්ෂ්යෛ අෂ්ටමාතෘ සහිතායෛ මහාහුතිං සමර්පයාමි නමඃ ස්වාහා ..