Devi Mahatmyam Durga Saptasati Chapter 8

devI mAhAtmyaM durgA saptazati aSTamo'dhyAyaH

zloka 1

raktabIjavadho nAma aSTamodhyAya ||

dhyAnaM

aruNAM karuNA taraGgitAkSIM dhRtapAzAGkuza puSpabANacApAm |

aNimAdhibhirAvRtAM mayUkhai rahamityeva vibhAvaye bhavAnIm ||

RSiruvAca ||1||

caNDe ca nihate daitye muNDe ca vinipAtite |

bahuleSu ca sainyeSu kSayiteSvasurezvaraH || 2 ||

tataH kopaparAdhInacetAH zumbhaH pratApavAn |

udyogaM sarva sainyAnAM daityAnAmAdideza ha ||3||

adya sarva balairdaityAH SaDazItirudAyudhAH |

kambUnAM caturazItirniryAntu svabalairvRtAH ||4||

koTivIryANi paJcAzadasurANAM kulAni vai |

zataM kulAni dhaumrANAM nirgacchantu mamAjJayA ||5||

kAlakA daurhRdA maurvAH kAlikeyAstathAsurAH |

yuddhAya sajjA niryAntu AjJayA tvaritA mama ||6||

ityAjJApyAsurApatiH zumbho bhairavazAsanaH |

nirjagAma mahAsainyasahastrairbhahubhirvRtaH ||7||

AyAntaM caNDikA dRSTvA tatsainyamatibhISaNam |

jyAsvanaiH pUrayAmAsa dharaNIgaganAntaram ||8||

tataHsiMhò mahAnAdamatIva kRtavAnnRpa |

ghaNTAsvanena tAnnAdAnambikA copabRMhayat ||9||

dhanurjyAsiMhaghaNTAnAM nAdApUritadiGmukhA |

ninAdairbhISaNaiH kAlI jigye vistAritAnanA ||10||

taM ninAdamupazrutya daitya sainyaizcaturdizam |

devI siMhastathA kAlI saroSaiH parivAritAH||11||

etasminnantare bhUpa vinAzAya suradviSAm |

bhavAyAmarasiMhanAmativIryabalAnvitAH ||12||

brahmezaguhaviSNUnAM tathendrasya ca zaktayaH |

zarIrebhyoviniSkramya tadrUpaizcaNDikAM yayuH ||13||

yasya devasya yadrUpaM yathA bhUSaNavAhanam |

tadvadeva hi taccaktirasurAnyoddhumAyamau ||14||

haMsayuktavimAnAgre sAkSasUtraka maNDaluH |

AyAtA brahmaNaH zaktibrahmANI tyabhidhIyate ||15||

mahezvarI vRSArUDhA trizUlavaradhAriNI |

mahAhivalayA prAptAcandrarekhAvibhUSaNA ||16||

kaumArI zaktihastA ca mayUravaravAhanA |

yoddhumabhyAyayau daityAnambikA guharUpiNI ||17||

tathaiva vaiSNavI zaktirgaruDopari saMsthitA |

zaGkhacakragadhAzAGkhar khaDgahastAbhyupAyayau ||18||

yajJavArAhamatulaM rUpaM yA bhibhrato hareH |

zaktiH sApyAyayau tatra vArAhIM bibhratI tanum ||19||

nArasiMhI nRsiMhasya bibhratI sadRzaM vapuH |

prAptA tatra saTAkSepakSiptanakSatra saMhatiH ||20||

vajra hastA tathaivaindrI gajarAjo paristhitA |

prAptA sahasra nayanA yathA zakrastathaiva sA ||21||

tataH parivRttastAbhirIzAno deva zaktibhiH |

hanyantAmasurAH zIghraM mama prItyAha caNDikAM ||22||

tato devI zarIrAttu viniSkrAntAtibhISaNA |

caNDikA zaktiratyugrA zivAzataninAdinI ||23||

sA cAha dhUmrajaTilaM IzAnamaparAjitA |

dUtatvaM gaccha bhagavan pArzvaM zumbhanizumbhayoH ||24||

brUhi zumbhaM nizumbhaM ca dAnavAvatigarvitau |

ye cAnye dAnavAstatra yuddhAya samupasthitAH ||25||

trailokyamindro labhatAM devAH santu havirbhujaH |

yUyaM prayAta pAtAlaM yadi jIvitumicchatha ||26||

balAvalepAdatha cedbhavanto yuddhakAGkSiNaH |

tadA gacchata tRpyantu macchivAH pizitena vaH ||27||

yato niyukto dautyena tayA devyA zivaH svayam |

zivadUtIti loke'smiMstataH sA khyAti mAgatA ||28||

te'pi zrutvA vaco devyAH zarvAkhyAtaM mahAsurAH |

amarSApUritA jagmuryatra kAtyAyanI sthitA ||29||

tataH prathamamevAgre zarazaktyRSTivRSTibhiH |

vavarSuruddhatAmarSAH stAM devImamarArayaH ||30||

sA ca tAn prahitAn bANAn JchUlazaktiparazvadhAn |

ciccheda lIlayAdhmAtadhanurmuktairmaheSubhiH ||31||

tasyAgratastathA kAlI zUlapAtavidAritAn |

khaTvAGgapothitAMzcArInkurvantI vyacarattadA ||32||

kamaNDalujalAkSepahatavIryAn hataujasaH |

brahmANI cAkarocchatrUnyena yena sma dhAvati ||33||

mAhezvarI trizUlena tathA cakreNa vaiSNavI |

daityAGjaghAna kaumArI tathA zatyAti kopanA ||34||

aindrI kulizapAtena zatazo daityadAnavAH |

peturvidAritAH pRthvyAM rudhiraughapravarSiNaH ||35||

tuNDaprahAravidhvastA daMSTrA grakSata vakSasaH |

vArAhamUrtyA nyapataMzcakreNa ca vidAritAH ||36||

nakhairvidAritAMzcAnyAn bhakSayantI mahAsurAn |

nArasiMhI cacArAjau nAdA pUrNadigambarA ||37||

caNDATTahAsairasurAH zivadUtyabhidUSitAH |

petuH pRthivyAM patitAMstAMzcakhAdAtha sA tadA ||38||

iti mAtR gaNaM kruddhaM marda yantaM mahAsurAn |

dRSTvAbhyupAyairvividhairnezurdevArisainikAH ||39||

palAyanaparAndRSTvA daityAnmAtRgaNArditAn |

yoddhumabhyAyayau kruddho raktabIjo mahAsuraH ||40||

raktabinduryadA bhUmau patatyasya zarIrataH |

samutpatati medinyAM tatpramANo mahAsuraH ||41||

yuyudhe sa gadApANirindrazaktyA mahAsuraH |

tatazcaindrI svavajreNa raktabIjamatADayat ||42||

kulizenAhatasyAzu bahu susrAva zoNitam |

samuttasthustato yodhAstadrapAstatparAkramAH ||43||

yAvantaH patitAstasya zarIrAdraktabindavaH |

tAvantaH puruSA jAtAH stadvIryabalavikramAH ||44||

te cApi yuyudhustatra puruSA rakta sambhavAH |

samaM mAtRbhiratyugrazastrapAtAtibhISaNaM ||45||

punazca vajra pAtena kSata mazya ziro yadA |

vavAha raktaM puruSAstato jAtAH sahasrazaH ||46||

vaiSNavI samare cainaM cakreNAbhijaghAna ha |

gadayA tADayAmAsa aindrI tamasurezvaram||47||

vaiSNavI cakrabhinnasya rudhirasrAva sambhavaiH |

sahasrazo jagadvyAptaM tatpramANairmahAsuraiH ||48||

zaktyA jaghAna kaumArI vArAhI ca tathAsinA |

mAhezvarI trizUlena raktabIjaM mahAsuram ||49||

sa cApi gadayA daityaH sarvA evAhanat pRthak |

mAtRRH kopasamAviSTo raktabIjo mahAsuraH ||50||

tasyAhatasya bahudhA zaktizUlAdi bhirbhuviH |

papAta yo vai raktaughastenAsaJcatazo'surAH ||51||

taizcAsurAsRksambhUtairasuraiH sakalaM jagat |

vyAptamAsIttato devA bhayamAjagmuruttamam ||52||

tAn viSaNNA n surAn dRSTvA caNDikA prAhasatvaram |

uvAca kAlIM cAmuNDe vistIrNaM vadanaM kuru ||53||

macchastrapAtasambhUtAn raktabindUn mahAsurAn |

raktabindoH pratIccha tvaM vaktreNAnena veginA ||54||

bhakSayantI cara raNo tadutpannAnmahAsurAn |

evameSa kSayaM daityaH kSeNa rakto gamiSyati ||55||

bhakSya mANA stvayA cogrA na cotpatsyanti cApare |

ityuktvA tAM tato devI zUlenAbhijaghAna tam ||56||

mukhena kAlI jagRhe raktabIjasya zoNitam |

tato'sAvAjaghAnAtha gadayA tatra caNDikAM ||57||

na cAsyA vedanAM cakre gadApAto'lpikAmapi |

tasyAhatasya dehAttu bahu susrAva zoNitam ||58||

yatastatastadvaktreNa cAmuNDA sampratIcchati |

mukhe samudgatA ye'syA raktapAtAnmahAsurAH ||59||

tAMzcakhAdAtha cAmuNDA papau tasya ca zoNitam ||60||

devI zUlena vajreNa bANairasibhir RSTibhiH |

jaghAna raktabIjaM taM cAmuNDA pIta zoNitam ||61||

sa papAta mahIpRSThe zastrasaGghasamAhataH |

nIraktazca mahIpAla raktabIjo mahAsuraH ||62||

tataste harSa matulaM avApustridazA nRpa |

teSAM mAtRgaNo jAto nanartAsRMGgamadoddhataH ||63||

|| svasti zrI mArkaNDeya purANe sAvarnike manvantare devi mahatmye raktabIjavadhonAma aSTamodhyAya samAptam ||

Ahuti

OM jayantI sAGgAyai sazaktikAyai saparivArAyai savAhanAyai raktAkSyai aSTamAtR sahitAyai mahAhutiM samarpayAmi namaH svAhA ||