Devi Mahatmyam Durga Saptasati Chapter 6

ଦେଵୀ ମାହାତ୍ମ୍ଯଂ ଦୁର୍ଗା ସପ୍ତଶତି ଷଷ୍ଠୋଽଧ୍ଯାଯଃ

ଶ୍ଲୋକ 1

ଶୁମ୍ଭନିଶୁମ୍ଭସେନାନୀଧୂମ୍ରଲୋଚନଵଧୋ ନାମ ଷଷ୍ଟୋ ଧ୍ଯାଯଃ ॥

ଧ୍ଯାନଂ

ନଗାଧୀଶ୍ଵର ଵିଷ୍ତ୍ରାଂ ଫଣି ଫଣୋତ୍ତଂସୋରୁ ରତ୍ନାଵଲୀ

ଭାସ୍ଵଦ୍ ଦେହ ଲତାଂ ନିଭଽଉ ନେତ୍ରଯୋଦ୍ଭାସିତାମ୍ ।

ମାଲା କୁମ୍ଭ କପାଲ ନୀରଜ କରାଂ ଚନ୍ଦ୍ରା ଅର୍ଧ ଚୂଢାମ୍ବରାଂ

ସର୍ଵେଶ୍ଵର ଭୈରଵାଙ୍ଗ ନିଲଯାଂ ପଦ୍ମାଵତୀଚିନ୍ତଯେ ॥

ଋଷିରୁଵାଚ

ଶ୍ଲୋକ 2

ଇତ୍ଯାକର୍ଣ୍ଯ ଵଚୋ ଦେଵ୍ଯାଃ ସ ଦୂତୋଽମର୍ଷପୂରିତଃ ।

ସମାଚଷ୍ଟ ସମାଗମ୍ଯ ଦୈତ୍ଯରାଜାଯ ଵିସ୍ତରାତ୍

॥1॥

ଶ୍ଲୋକ 3

ତସ୍ଯ ଦୂତସ୍ଯ ତଦ୍ଵାକ୍ଯମାକର୍ଣ୍ଯାସୁରରାଟ୍ ତତଃ ।

ସ କ୍ରୋଧଃ ପ୍ରାହ ଦୈତ୍ଯାନାମଧିପଂ ଧୂମ୍ରଲୋଚନମ୍

॥ 2 ॥

ଶ୍ଲୋକ 4

ହେ ଧୂମ୍ରଲୋଚନାଶୁ ତ୍ଵଂ ସ୍ଵସୈନ୍ଯ ପରିଵାରିତଃ।

ତାମାନଯ ବଲ୍ଲାଦ୍ଦୁଷ୍ଟାଂ କେଶାକର୍ଷଣ ଵିହ୍ଵଲାମ୍

॥3॥

ଶ୍ଲୋକ 5

ତତ୍ପରିତ୍ରାଣଦଃ କଶ୍ଚିଦ୍ଯଦି ଵୋତ୍ତିଷ୍ଠତେଽପରଃ।

ସ ହନ୍ତଵ୍ଯୋଽମରୋଵାପି ଯକ୍ଷୋ ଗନ୍ଧର୍ଵ ଏଵ ଵା

॥4॥

ଶ୍ଲୋକ 6

ଋଷିରୁଵାଚ

॥5॥

ଶ୍ଲୋକ 7

ତେନାଜ୍ଞପ୍ତସ୍ତତଃ ଶୀଘ୍ରଂ ସ ଦୈତ୍ଯୋ ଧୂମ୍ରଲୋଚନଃ।

ଵୃତଃ ଷଷ୍ଟ୍ଯା ସହସ୍ରାଣାଂ ଅସୁରାଣାନ୍ଦ୍ରୁତଂଯମୌ

॥6॥

ଶ୍ଲୋକ 8

ନ ଦୃଷ୍ଟ୍ଵା ତାଂ ତତୋ ଦେଵୀଂ ତୁହିନାଚଲ ସଂସ୍ଥିତାଂ।

ଜଗାଦୋଚ୍ଚୈଃ ପ୍ରଯାହୀତି ମୂଲଂ ଶୁମ୍ବନିଶୁମ୍ଭଯୋଃ

॥6॥

ଶ୍ଲୋକ 9

ନ ଚେତ୍ପ୍ରୀତ୍ଯାଦ୍ଯ ଭଵତୀ ମଦ୍ଭର୍ତାରମୁପୈଷ୍ଯତି

ତତୋ ବଲାନ୍ନଯାମ୍ଯେଷ କେଶାକର୍ଷଣଵିହ୍ଵଲାମ୍

॥8॥

ଶ୍ଲୋକ 10

ଦେଵ୍ଯୁଵାଚ

॥9॥

ଶ୍ଲୋକ 11

ଦୈତ୍ଯେଶ୍ଵରେଣ ପ୍ରହିତୋ ବଲଵାନ୍ବଲସଂଵୃତଃ।

ବଲାନ୍ନଯସି ମାମେଵଂ ତତଃ କିଂ ତେ କରୋମ୍ଯହମ୍

॥10॥

ଶ୍ଲୋକ 12

ଋଷିରୁଵାଚ

॥11॥

ଶ୍ଲୋକ 13

ଇତ୍ଯୁକ୍ତଃ ସୋଽଭ୍ଯଧାଵତ୍ତାଂ ଅସୁରୋ ଧୂମ୍ରଲୋଚନଃ।

ହୂଙ୍କାରେଣୈଵ ତଂ ଭସ୍ମ ସା ଚକାରାମ୍ବିକା ତଦା

॥12॥

ଶ୍ଲୋକ 14

ଅଥ କ୍ରୁଦ୍ଧଂ ମହାସୈନ୍ଯଂ ଅସୁରାଣାଂ ତଥାମ୍ବିକା।

ଵଵର୍ଷ ସାଯୁକୈସ୍ତୀକ୍ଷ୍ଣୈସ୍ତଥା ଶକ୍ତିପରଶ୍ଵଧୈଃ

॥13॥

ଶ୍ଲୋକ 15

ତତୋ ଧୁତସଟଃ କୋପାତ୍କୃତ୍ଵା ନାଦଂ ସୁଭୈରଵମ୍।

ପପାତାସୁର ସେନାଯାଂ ସିଂହୋ ଦେଵ୍ଯାଃ ସ୍ଵଵାହନଃ

॥14॥

ଶ୍ଲୋକ 16

କାଂଶ୍ଚିତ୍କରପ୍ରହାରେଣ ଦୈତ୍ଯାନାସ୍ଯେନ ଚାପାରାନ୍।

ଆକ୍ରାନ୍ତ୍ଯା ଚାଧରେଣ୍ଯାନ୍ ଜଘାନ ସ ମହାସୁରାନ୍

॥15॥

ଶ୍ଲୋକ 17

କେଷାଞ୍ଚିତ୍ପାଟଯାମାସ ନଖୈଃ କୋଷ୍ଠାନି କେସରୀ।

ତଥା ତଲପ୍ରହାରେଣ ଶିରାଂସି କୃତଵାନ୍ ପୃଥକ୍

॥16॥

ଶ୍ଲୋକ 18

ଵିଚ୍ଛିନ୍ନବାହୁଶିରସଃ କୃତାସ୍ତେନ ତଥାପରେ।

ପପୌଚ ରୁଧିରଂ କୋଷ୍ଠାଦନ୍ଯେଷାଂ ଧୁତକେସରଃ

॥17॥

ଶ୍ଲୋକ 19

କ୍ଷଣେନ ତଦ୍ବଲଂ ସର୍ଵଂ କ୍ଷଯଂ ନୀତଂ ମହାତ୍ମନା।

ତେନ କେସରିଣା ଦେଵ୍ଯା ଵାହନେନାତିକୋପିନା

॥18॥

ଶ୍ଲୋକ 20

ଶ୍ରୁତ୍ଵା ତମସୁରଂ ଦେଵ୍ଯା ନିହତଂ ଧୂମ୍ରଲୋଚନମ୍।

ବଲଂ ଚ କ୍ଷଯିତଂ କୃତ୍ସ୍ନଂ ଦେଵୀ କେସରିଣା ତତଃ

॥19॥

ଶ୍ଲୋକ 21

ଚୁକୋପ ଦୈତ୍ଯାଧିପତିଃ ଶୁମ୍ଭଃ ପ୍ରସ୍ଫୁରିତାଧରଃ।

ଆଜ୍ଞାପଯାମାସ ଚ ତୌ ଚଣ୍ଡମୁଣ୍ଡୌ ମହାସୁରୌ

॥20॥

ଶ୍ଲୋକ 22

ହେଚଣ୍ଡ ହେ ମୁଣ୍ଡ ବଲୈର୍ବହୁଭିଃ ପରିଵାରିତୌ

ତତ୍ର ଗଚ୍ଛତ ଗତ୍ଵା ଚ ସା ସମାନୀଯତାଂ ଲଘୁ

॥21॥

ଶ୍ଲୋକ 23

କେଶେଷ୍ଵାକୃଷ୍ଯ ବଦ୍ଧ୍ଵା ଵା ଯଦି ଵଃ ସଂଶଯୋ ଯୁଧି।

ତଦାଶେଷା ଯୁଧୈଃ ସର୍ଵୈର୍ ଅସୁରୈର୍ଵିନିହନ୍ଯତାଂ

॥22॥

ଶ୍ଲୋକ 24

ତସ୍ଯାଂ ହତାଯାଂ ଦୁଷ୍ଟାଯାଂ ସିଂହେ ଚ ଵିନିପାତିତେ।

ଶୀଘ୍ରମାଗମ୍ଯତାଂ ବଦ୍ଵା ଗୃହୀତ୍ଵାତାମଥାମ୍ବିକାମ୍

॥23॥

ଶ୍ଲୋକ 25

॥ ସ୍ଵସ୍ତି ଶ୍ରୀ ମାର୍କଣ୍ଡେଯ ପୁରାଣେ ସାଵର୍ନିକେମନ୍ଵନ୍ତରେ ଦେଵି ମହତ୍ମ୍ଯେ ଶୁମ୍ଭନିଶୁମ୍ଭସେନାନୀଧୂମ୍ରଲୋଚନଵଧୋ ନାମ ଷଷ୍ଟୋ ଧ୍ଯାଯଃ ॥

ଆହୁତି

ଓଁ କ୍ଲୀଂ ଜଯନ୍ତୀ ସାଙ୍ଗାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ ମହାହୁତିଂ ସମର୍ପଯାମି ନମଃ ସ୍ଵାହା ॥