Devi Mahatmyam Durga Saptasati Chapter 3

devI mAhAtmyaM durgA saptashati tRRitIyo.adhyAyaH

shloka 1

mahiShAsuravadho nAma tRRitIyo.adhyAyaH ||

dhyAnaM

OM udyadbhAnusahasrakAntiM aruNakShaumAM shiromAlikAM

raktAlipta payodharAM japavaTIM vidyAmabhItiM varam |

hastAbjairdhadhatIM trinetravaktrAravindashriyaM

devIM baddhahimAMshuratnamakuTAM vande.aravindasthitAm ||

RRiShiruvAcha ||1||

nihanyamAnaM tatsainyaM avalokya mahAsuraH|

senAnIshchikShuraH kopAd dhyayau yoddhumathAmbikAm ||2||

sa devIM sharavarSheNa vavarSha samare.asuraH|

yathA merugireHshRRi~NgaM toyavarSheNa toyadaH ||3||

tasya ChitvA tato devI lIlayaiva sharotkarAn|

jaghAna turagAnbANairyantAraM chaiva vAjinAm ||4||

chichCheda cha dhanuHsadhyo dhvajaM chAtisamuchChRRitam|

vivyAdha chaiva gAtreShu chinnadhanvAnamAshugaiH ||5||

sachChinnadhanvA viratho hatAshvo hatasArathiH|

abhyadhAvata tAM devIM khaDgacharmadharo.asuraH ||6||

siMhamAhatya khaDgena tIkShNadhAreNa mUrdhani|

AjaghAna bhuje savye devIM avyativegavAn ||6||

tasyAH khaDgo bhujaM prApya paphAla nRRipanandana|

tato jagrAha shUlaM sa kopAd aruNalochanaH ||8||

chikShepa cha tatastattu bhadrakAlyAM mahAsuraH|

jAjvalyamAnaM tejobhI ravibimbamivAmbarAt ||9||

dRRiShTvA tadApatachChUlaM devI shUlamamu~nchata|

tachChUlaMshatadhA tena nItaM shUlaM sa cha mahAsuraH ||10||

hate tasminmahAvIrye mahiShasya chamUpatau|

AjagAma gajArUDaH shchAmarastridashArdanaH ||11||

so.api shaktimmumochAtha devyAstAM ambikA drutam|

hu~NkArAbhihatAM bhUmau pAtayAmAsaniShprabhAm ||12||

bhagnAM shaktiM nipatitAM dRRiShTvA krodhasamanvitaH

chikShepa chAmaraH shUlaM bANaistadapi sAchChinat ||13||

tataH siMhaHsamutpatya gajakuntare mbhAntaresthitaH|

bAhuyuddhena yuyudhe tenochchaistridashAriNA ||14||

yudhyamAna.au tatasta.au tu tasmAnnAgAnmahIM gata.au

yuyudhAte.atisaMrabdhau prahArai atidAruNaiH ||15||

tato vegAt khamutpatya nipatya cha mRRigAriNA|

karaprahAreNa shirashchAmarasya pRRithak kRRitam ||16||

udagrashcha raNe devyA shilAvRRikShAdibhirhataH|

danta muShTitalaishchaiva karAlashcha nipAtitaH ||17||

devI kRRiddhA gadApAtaiH shchUrNayAmAsa choddhatam|

bhAShkalaM bhindipAlena bANaistAmraM tathAndhakam ||18||

ugrAsyamugravIryaM cha tathaiva cha mahAhanum

trinetrA cha trishUlena jaghAna parameshvarI ||19||

biDAlasyAsinA kAyAt pAtayAmAsa vai shiraH|

durdharaM durmukhaM chobhau sharairninye yamakShayam ||20||

evaM sa~NkShIyamANe tu svasainye mahiShAsuraH|

mAhiSheNa svarUpeNa trAsayAmAsatAn gaNAn ||21||

kAMshchittuNDaprahAreNa khurakShepaistathAparAn|

lANgUlatADitAMshchAnyAn shRRiNgAbhyAM cha vidAritA ||22||

vegena kAMshchidaparAnnAdena bhramaNena cha|

niH shvAsapavanenAnyAn pAtayAmAsa bhUtale||23||

nipAtya pramathAnIkamabhyadhAvata so.asuraH

siMhaM hantuM mahAdevyAH kopaM chakre tato.ambhikA ||24||

so.api kopAnmahAvIryaH khurakShuNNamahItalaH|

shRRi~NgAbhyAM parvatAnuchchAMshchikShepa cha nanAda cha ||25||

vega bhramaNa vikShuNNA mahI tasya vyashIryata|

lA~NgUlenAhatashchAbdhiH plAvayAmAsa sarvataH ||26||

dhutashRRi~NgvibhinnAshcha khaNDaM khaNDaM yayurghanAH|

shvAsAnilAstAH shatasho nipeturnabhaso.achalAH ||27||

itikrodhasamAdhmAtamApatantaM mahAsuram|

dRRiShTvA sA chaNDikA kopaM tadvadhAya tadA.akarot ||28||

sA kShitpvA tasya vaipAshaM taM babandha mahAsuram|

tatyAjamAhiShaM rUpaM so.api baddho mahAmRRidhe ||29||

tataH siMho.abhavatsadhyo yAvattasyAmbikA shiraH|

Chinatti tAvat puruShaH khaDgapANi radRRishyata ||30||

tata evAshu puruShaM devI chichCheda sAyakaiH|

taM khaDgacharmaNA sArdhaM tataH so.a bhUnmahA gajaH ||31||

kareNa cha mahAsiMhaM taM chakarSha jagarjacha |

karShatastu karaM devI khaDgena nirakRRintata ||32||

tato mahAsuro bhUyo mAhiShaM vapurAsthitaH|

tathaiva kShobhayAmAsa trailokyaM sacharAcharam ||33||

tataH kruddhA jaganmAtA chaNDikA pAna muttamam|

papau punaH punashchaiva jahAsAruNalochanA ||34||

nanarda chAsuraH so.api balavIryamadoddhataH|

viShANAbhyAM cha chikShepa chaNDikAM pratibhUdharAn||35||

sA cha tA nprahitAM stena chUrNayantI sharotkaraiH|

uvAcha taM madoddhUtamukharAgAkulAkSharam ||36||

devyu​uvAcha||

garja garja kShaNaM mUDha madhu yAvatpibAmyaham|

mayAtvayi hate.atraiva garjiShyantyAshu devatAH ||37||

RRiShiruvAcha||

evamuktvA samutpatya sArUDhA taM mahAsuram|

pAdenA kramya kaNThe cha shUlenaina matADayat ||38||

tataH so.api padAkrAntastayA nijamukhAttataH|

ardha niShkrAnta evAsIddevyA vIryeNa saMvRRitaH ||40||

ardha niShkrAnta evAsau yudhyamAno mahAsuraH |

tayA mahAsinA devyA shirashChittvA nipAtitaH ||41||

tato hAhAkRRitaM sarvaM daityasainyaM nanAsha tat|

praharShaM cha paraM jagmuH sakalA devatAgaNAH ||42||

tuShTu vustAM surA devIM sahadivyairmaharShibhiH|

jagurgundharvapatayo nanRRitushchApsarogaNAH ||43||

|| iti shrI mArkaNDeya purANe sAvarnike manvantare devi mahatmye mahiShAsuravadho nAma tRRitIyo.adhyAyaM samAptam ||

Ahuti

hrIM jayantI sA~NgAyai sAyudhAyai sashaktikAyai saparivArAyai savAhanAyai shrI mahAlakShmyai lakShmI bIjAdiShTAyai mahAhutiM samarpayAmi namaH svAhA ||