Dakshina Murthy Stotram

dakShiNA mUrti stotram

shloka 1

shAntipAThaH

OM yo brahmANaM vidadhAti pUrvaM

yo vai vedAMshcha prahiNoti tasmai |

taM ha devamAtmabuddhiprakAshaM

mumukShurvai sharaNamahaM prapadye ||

dhyAnam

OM maunavyAkhyA prakaTita parabrahmatattvaM yuvAnaM

varShiShThAnte vasadRRiShigaNairAvRRitaM brahmaniShThaiH |

AchAryendraM karakalita chinmudramAnandamUrtiM

svAtmArAmaM muditavadanaM dakShiNAmUrtimIDe || 1 ||

vaTaviTapisamIpebhUmibhAge niShaNNaM

sakalamunijanAnAM j~nAnadAtAramArAt |

tribhuvanagurumIshaM dakShiNAmUrtidevaM

jananamaraNaduHkhachChedadakShaM namAmi || 2 ||

chitraM vaTatarormUle vRRiddhAH shiShyA gururyuvA |

gurostu maunaM vyAkhyAnaM shiShyAstuchChinnasaMshayAH || 3 ||

nidhaye sarvavidyAnAM bhiShaje bhavarogiNAm |

gurave sarvalokAnAM dakShiNAmUrtaye namaH || 4 ||

OM namaH praNavArthAya shuddhaj~nAnaikamUrtaye |

nirmalAya prashAntAya dakShiNAmUrtaye namaH || 5 ||

chidghanAya maheshAya vaTamUlanivAsine |

sachchidAnandarUpAya dakShiNAmUrtaye namaH || 6 ||

Ishvaro gururAtmeti mUrtibhedavibhAgine |

vyomavadvyAptadehAya dakShiNAmUrtaye namaH || 7 ||

a~NguShThatarjanI yogamudrA vyAjenayoginAm |

shRRityarthaM brahmajIvaikyaM darshayanyogatA shivaH || 8 ||

OM shAntiH shAntiH shAntiH ||

stotram

vishvaM darpaNa-dRRishyamAna-nagarI tulyaM nijAntargataM

pashyannAtmani mAyayA bahirivodbhUtaM yathA nidrayA |

yassAkShAtkurute prabodhasamaye svAtmAname vAdvayaM

tasmai shrIgurumUrtaye nama idaM shrI dakShiNAmUrtaye || 1 ||

bIjasyAntari-vANkuro jagaditaM prANnirvikalpaM punaH

mAyAkalpita deshakAlakalanA vaichitryachitrIkRRitam |

mAyAvIva vijRRimbhayatyapi mahAyogIva yaH svechChayA

tasmai shrIgurumUrtaye nama idaM shrI dakShiNAmUrtaye || 2 ||

yasyaiva sphuraNaM sadAtmakamasatkalpArthakaM bhAsate

sAkShAttatvamasIti vedavachasA yo bodhayatyAshritAn |

yassAkShAtkaraNAdbhavenna punarAvRRittirbhavAmbhonidhau

tasmai shrIgurumUrtaye nama idaM shrI dakShiNAmUrtaye || 3 ||

nAnAchChidra ghaTodara sthita mahAdIpa prabhAbhAsvaraM

j~nAnaM yasya tu chakShurAdikaraNa dvArA bahiH spandate |

jAnAmIti tameva bhAntamanubhAtyetatsamastaM jagat

tasmai shrI gurumUrtaye nama idaM shrI dakShiNAmUrtaye || 4 ||

dehaM prANamapIndriyANyapi chalAM buddhiM cha shUnyaM viduH

strI bAlAndha jaDopamAstvahamiti bhrAntAbhRRishaM vAdinaH |

mAyAshakti vilAsakalpita mahAvyAmoha saMhAriNe

tasmai shrI gurumUrtaye nama idaM shrI dakShiNAmUrtaye || 5 ||

rAhugrasta divAkarendu sadRRisho mAyA samAchChAdanAt

sanmAtraH karaNopa saMharaNato yo.abhUtsuShuptaH pumAn |

prAgasvApsamiti prabhodasamaye yaH pratyabhij~nAyate

tasmai shrI gurumUrtaye nama idaM shrI dakShiNAmUrtaye || 6 ||

bAlyAdiShvapi jAgradAdiShu tathA sarvAsvavasthAsvapi

vyAvRRittA svanu vartamAna mahamityantaH sphurantaM sadA |

svAtmAnaM prakaTIkaroti bhajatAM yo mudrayA bhadrayA

tasmai shrI gurumUrtaye nama idaM shrI dakShiNAmUrtaye || 7 ||

vishvaM pashyati kAryakAraNatayA svasvAmisambandhataH

shiShyachAryatayA tathaiva pitRRi putrAdyAtmanA bhedataH |

svapne jAgrati vA ya eSha puruSho mAyA paribhrAmitaH

tasmai shrI gurumUrtaye nama idaM shrI dakShiNAmUrtaye || 8 ||

bhUrambhAMsyanalo.anilombara maharnAtho himAMshuH pumAn

ityAbhAti charAcharAtmakamidaM yasyaiva mUrtyaShTakam |

nAnyatki~nchana vidyate vimRRishatAM yasmAtparasmAdvibho

tasmai shrI gurumUrtaye nama idaM shrI dakShiNAmUrtaye || 9 ||

sarvAtmatvamiti sphuTIkRRitamidaM yasmAdamuShmin stave

tenAsva shravaNAttadartha mananAddhyAnAchcha sa~NkIrtanAt |

sarvAtmatva mahAvibhUtisahitaM syAdIshvaratvaM svataH

siddhyettatpunaraShTadhA pariNataM chaishvarya-mavyAhatam || 10 ||

|| iti shrImachCha~NkarAchAryavirachitaM dakShiNAmUrtistotraM sampUrNam ||