Bhagavadgita Parayana

ଶ୍ରୀମଦ୍ଭଗଵଦ୍ଗୀତା ପାରାଯଣ - ଧ୍ଯାନଶ୍ଲୋକାଃ

ଶ୍ଲୋକ 1

ଓଁ ଶ୍ରୀ ପରମାତ୍ମନେ ନମଃ

ଅଥ ଗୀତା ଧ୍ଯାନ ଶ୍ଲୋକାଃ

ଓଁ ପାର୍ଥାଯ ପ୍ରତିବୋଧିତାଂ ଭଗଵତା ନାରାଯଣେନ ସ୍ଵଯଂ

ଵ୍ଯାସେନ ଗ୍ରଥିତାଂ ପୁରାଣମୁନିନା ମଧ୍ଯେ ମହାଭାରତମ୍ ।

ଅଦ୍ଵୈତାମୃତଵର୍ଷିଣୀଂ ଭଗଵତୀଂ ଅଷ୍ଟାଦଶାଧ୍ଯାଯିନୀଂ

ଅମ୍ବ ତ୍ଵାଂ ଅନୁସନ୍ଦଧାମି ଭଗଵଦ୍ଗୀତେ ଭଵଦ୍ଵେଷିଣୀମ୍ ॥

ନମୋଽସ୍ତୁତେ ଵ୍ଯାସ ଵିଶାଲବୁଦ୍ଧେ ଫୁଲ୍ଲାରଵିନ୍ଦାଯତପତ୍ରନେତ୍ର ।

ଯେନ ତ୍ଵଯା ଭାରତ ତୈଲପୂର୍ଣଃ ପ୍ରଜ୍ଵାଲିତୋ ଜ୍ଞାନମଯଃ ପ୍ରଦୀପଃ॥

ପ୍ରପନ୍ନପାରିଜାତାଯ ତୋତ୍ରଵେତ୍ରୈକପାଣଯେ ।

ଜ୍ଞାନମୁଦ୍ରାଯ କୃଷ୍ଣାଯ ଗୀତାମୃତଦୁହେ ନମଃ ॥

ଵସୁଦେଵସୁତଂ ଦେଵଂ କଂସଚାଣୂରମର୍ଦନମ୍ ।

ଦେଵକୀପରମାନନ୍ଦଂ କୃଷ୍ଣଂ ଵନ୍ଦେ ଜଗଦ୍ଗୁରୁମ୍ ॥

ଭୀଷ୍ମଦ୍ରୋଣତଟା ଜଯଦ୍ରଥଜଲା ଗାନ୍ଧାରନୀଲୋତ୍ପଲା

ଶଲ୍ଯଗ୍ରାହଵତୀ କୃପେଣ ଵହନୀ କର୍ଣେନ ଵେଲାକୁଲା ।

ଅଶ୍ଵତ୍ଥାମଵିକର୍ଣଘୋରମକରା ଦୁର୍ଯୋଧନାଵର୍ତିନୀ

ସୋତ୍ତୀର୍ଣା ଖଲୁ ପାଣ୍ଡଵୈ ରଣନଦୀ କୈଵର୍ତକଃ କେଶଵଃ ॥

ପାରାଶର୍ଯଵଚଃ ସରୋଜମମଲଂ ଗୀତାର୍ଥଗନ୍ଧୋତ୍କଟଂ

ନାନାଖ୍ଯାନକକେସରଂ ହରିକଥା ସମ୍ବୋଧନାବୋଧିତମ୍ ।

ଲୋକେ ସଜ୍ଜନଷଟ୍ପଦୈରହରହଃ ପେପୀଯମାନଂ ମୁଦା

ଭୂଯାଦ୍ଭାରତପଙ୍କଜଂ କଲିମଲ ପ୍ରଧ୍ଵଂସିନଃ ଶ୍ରେଯସେ ॥

ମୂକଂ କରୋତି ଵାଚାଲଂ ପଙ୍ଗୁଂ ଲଙ୍ଘଯତେ ଗିରିମ୍ ।

ଯତ୍କୃପା ତମହଂ ଵନ୍ଦେ ପରମାନନ୍ଦମାଧଵମ୍ ॥

ଶାନ୍ତାକାରଂ ଭୁଜଗଶଯନଂ ପଦ୍ମନାଭଂ ସୁରେଶଂ

ଵିଶ୍ଵାଧାରଂ ଗଗନସଦୃଶଂ ମେଘଵର୍ଣଂ ଶୁଭାଙ୍ଗମ୍ ।

ଲକ୍ଷ୍ମୀକାନ୍ତଂ କମଲନଯନଂ ଯୋଗିହୃଦ୍ଧ୍ଯାନଗମ୍ଯଂ

ଵନ୍ଦେ ଵିଷ୍ଣୁଂ ଭଵଭଯହରଂ ସର୍ଵ ଲୋକୈକନାଥମ୍ ॥

ଯଂ ବ୍ରହ୍ମାଵରୁଣେନ୍ଦ୍ରରୁଦ୍ରମରୁତଃ ସ୍ତୁନ୍ଵନ୍ତି ଦିଵ୍ଯୈଃ ସ୍ତଵୈଃ

ଵେଦୈଃ ସାଙ୍ଗପଦକ୍ରମୋପନିଷଦୈଃ ଗାଯନ୍ତି ଯଂ ସାମଗାଃ ।

ଧ୍ଯାନାଵସ୍ଥିତ ତଦ୍ଗତେନ ମନସା ପଶ୍ଯନ୍ତି ଯଂ ଯୋଗିନଃ

ଯସ୍ଯାନ୍ତଂ ନ ଵିଦୁସ୍ସୁରାସୁରଗଣାଃ ଦେଵାଯ ତସ୍ମୈ ନମଃ ॥

ନାରାଯଣଂ ନମସ୍କୃତ୍ଯ ନରଞ୍ଚୈଵ ନରୋତ୍ତମମ୍ ।

ଦେଵୀଂ ସରସ୍ଵତୀଂ ଵ୍ଯାସଂ ତତୋ ଜଯମୁଦୀରଯେତ୍ ॥

ସଚ୍ଚିଦାନନ୍ଦରୂପାଯ କୃଷ୍ଣାଯାକ୍ଲିଷ୍ଟକାରିଣେ ।

ନମୋ ଵେଦାନ୍ତଵେଦ୍ଯାଯ ଗୁରଵେ ବୁଦ୍ଧିସାକ୍ଷିଣେ॥

ସର୍ଵୋପନିଷଦୋ ଗାଵଃ ଦୋଗ୍ଧା ଗୋପାଲନନ୍ଦନଃ ।

ପାର୍ଥୋ ଵତ୍ସଃ ସୁଧୀର୍ଭୋକ୍ତା ଦୁଗ୍ଧଂ ଗୀତାମୃତଂ ମହତ୍ ॥

ଗୀତାଶାସ୍ତ୍ରମିଦଂ ପୁଣ୍ଯଂ ଯଃ ପଠେତ୍ ପ୍ରଯତଃ ପୁମାନ୍ ।

ଵିଷ୍ଣୋଃ ପଦମଵାପ୍ନୋତି ଭଯଶୋକାଦି ଵର୍ଜିତଃ ॥

ଏକଂ ଶାସ୍ତ୍ରଂ ଦେଵକୀପୁତ୍ରଗୀତଂ ଏକୋ ଦେଵୋ ଦେଵକୀପୁତ୍ର ଏଵ ।

ଏକୋ ମନ୍ତ୍ରସ୍ତସ୍ଯ ନାମାନି ଯାନି କର୍ମାପ୍ଯେକଂ ତସ୍ଯ ଦେଵସ୍ଯ ସେଵା ॥

॥ ଓଁ ଶ୍ରୀ କୃଷ୍ଣାଯ ପରମାତ୍ମନେ ନମଃ ॥