Ashta Lakshmi Stotram

aṣṭa lakṣmī stotram

Śloka 1

ādilakṣmi

sumanasa vandita sundari mādhavi, candra sahòdari hemamaye

munigaṇa vandita mokṣapradāyani, mañjula bhāṣiṇi vedanute |

paṅkajavāsini deva supūjita, sadguṇa varṣiṇi śāntiyute

jaya jayahe madhusūdana kāmini, ādilakṣmi paripālaya mām || 1 ||

dhānyalakṣmi

ayikali kalmaṣa nāśini kāmini, vaidika rūpiṇi vedamaye

kṣīra samudbhava maṅgala rūpiṇi, mantranivāsini mantranute |

maṅgaladāyini ambujavāsini, devagaṇāśrita pādayute

jaya jayahe madhusūdana kāmini, dhānyalakṣmi sadāpālaya mām [paripālaya mām] || 2 ||

dhairyalakṣmi

jayavaravarṣiṇi vaiṣṇavi bhārgavi, mantra svarūpiṇi mantramaye [jayavaravarṇini]

suragaṇa pūjita śīghra phalaprada, jñāna vikāsini śāstranute |

bhavabhayahāriṇi pāpavimocani, sādhu janāśrita pādayute

jaya jayahe madhu sūdhana kāmini, dhairyalakṣmī paripālaya mām || 3 ||

gajalakṣmi

jaya jaya durgati nāśini kāmini, sarvaphalaprada śāstramaye

radhagaja turagapadāti samāvṛta, parijana maṇḍita lokanute |

harihara brahma supūjita sevita, tāpa nivāriṇi pādayute

jaya jayahe madhusūdana kāmini, gajalakṣmī rūpeṇa pālaya mām || 4 ||

santānalakṣmi

ayikhaga vāhini mohini cakriṇi, rāgavivardhini jñānamaye

guṇagaṇavāradhi lokahitaiṣiṇi, svarasapta bhūṣita gānanute | [saptasvara]

sakala surāsura deva munīśvara, mānava vandita pādayute

jaya jayahe madhusūdana kāmini, santānalakṣmī tvaṃ pālaya mām [paripālaya mām] || 5 ||

vijayalakṣmi

jaya kamalāsini sadgati dāyini, jñānavikāsini gānamaye

anudina marcita kuṅkuma dhūsara, bhūṣita vāsita vādyanute |

kanakadharāstuti vaibhava vandita, śaṅkaradeśika mānyapade

jaya jayahe madhusūdana kāmini, vijayalakṣmī sadā pālaya mām [paripālaya mām] || 6 ||

vidyālakṣmi

praṇata sureśvari bhārati bhārgavi, śokavināśini ratnamaye

maṇimaya bhūṣita karṇavibhūṣaṇa, śānti samāvṛta hāsyamukhe |

navanidhi dāyini kalimalahāriṇi, kāmita phalaprada hastayute

jaya jayahe madhusūdana kāmini, vidyālakṣmī sadā pālaya mām || 7 ||

dhanalakṣmi

dhimidhimi dhindhimi dhindhimi-dindhimi, dundhubhi nāda supūrṇamaye

ghumaghuma ghuṅghuma ghuṅghuma ghuṅghuma, śaṅkha nināda suvādyanute |

veda pūrāṇetihāsa supūjita, vaidika mārga pradarśayute

jaya jayahe madhusūdana kāmini, dhanalakṣmi rūpeṇā pālaya mām || 8 ||

phalaśṛti

ślo|| aṣṭalakṣmī namastubhyaṃ varade kāmarūpiṇi |

viṣṇuvakṣaḥ sthalā rūḍhe bhakta mokṣa pradāyini ||

ślo|| śaṅkha cakragadāhaste viśvarūpiṇite jayaḥ |

jaganmātre ca mohinyai maṅgalaṃ śubha maṅgalam ||