ആപദുദ്ധാരക ഹനുമത്സ്തോത്രമ്

ആപദുദ്ധാരക ഹനുമത്സ്തോത്രമ്

ശ്ലോക 1

ഓം അസ്യ ശ്രീ ആപദുദ്ധാരക ഹനുമത് സ്തോത്ര മഹാമന്ത്ര കവചസ്യ, വിഭീഷണ ഋഷിഃ, ഹനുമാന് ദേവതാ, സര്വാപദുദ്ധാരക ശ്രീഹനുമത്പ്രസാദേന മമ സര്വാപന്നിവൃത്ത്യര്ഥേ, സര്വകാര്യാനുകൂല്യ സിദ്ധ്യര്ഥേ ജപേ വിനിയോഗഃ ।

ധ്യാനമ് ।

വാമേ കരേ വൈരിഭിദം വഹന്തം

ശൈലം പരേ ശൃങ്ഖലഹാരിടങ്കമ് ।

ദധാനമച്ഛച്ഛവിയജ്ഞസൂത്രം

ഭജേ ജ്വലത്കുണ്ഡലമാഞ്ജനേയമ്

ശ്ലോക 2

സംവീതകൌപീന മുദഞ്ചിതാങ്ഗുലിം

സമുജ്ജ്വലന്മൌഞ്ജിമഥോപവീതിനമ് ।

സകുണ്ഡലം ലമ്ബിശിഖാസമാവൃതം

തമാഞ്ജനേയം ശരണം പ്രപദ്യേ

॥ 1 ॥

ശ്ലോക 3

ആപന്നാഖിലലോകാര്തിഹാരിണേ ശ്രീഹനൂമതേ ।

അകസ്മാദാഗതോത്പാത നാശനായ നമോ നമഃ

॥ 2 ॥

ശ്ലോക 4

സീതാവിയുക്തശ്രീരാമശോകദുഃഖഭയാപഹ ।

താപത്രിതയസംഹാരിന് ആഞ്ജനേയ നമോഽസ്തു തേ

॥ 3 ॥

ശ്ലോക 5

ആധിവ്യാധി മഹാമാരീ ഗ്രഹപീഡാപഹാരിണേ ।

പ്രാണാപഹര്ത്രേദൈത്യാനാം രാമപ്രാണാത്മനേ നമഃ

॥ 4 ॥

ശ്ലോക 6

സംസാരസാഗരാവര്ത കര്തവ്യഭ്രാന്തചേതസാമ് ।

ശരണാഗതമര്ത്യാനാം ശരണ്യായ നമോഽസ്തു തേ

॥ 5 ॥

ശ്ലോക 7

വജ്രദേഹായ കാലാഗ്നിരുദ്രായാഽമിതതേജസേ ।

ബ്രഹ്മാസ്ത്രസ്തമ്ഭനായാസ്മൈ നമഃ ശ്രീരുദ്രമൂര്തയേ

॥ 6 ॥

ശ്ലോക 8

രാമേഷ്ടം കരുണാപൂര്ണം ഹനൂമന്തം ഭയാപഹമ് ।

ശത്രുനാശകരം ഭീമം സര്വാഭീഷ്ടപ്രദായകമ്

॥ 7 ॥

ശ്ലോക 9

കാരാഗൃഹേ പ്രയാണേ വാ സങ്ഗ്രാമേ ശത്രുസങ്കടേ ।

ജലേ സ്ഥലേ തഥാഽഽകാശേ വാഹനേഷു ചതുഷ്പഥേ

॥ 8 ॥

ശ്ലോക 10

ഗജസിംഹ മഹാവ്യാഘ്ര ചോര ഭീഷണ കാനനേ ।

യേ സ്മരന്തി ഹനൂമന്തം തേഷാം നാസ്തി വിപത് ക്വചിത്

॥ 9 ॥

ശ്ലോക 11

സര്വവാനരമുഖ്യാനാം പ്രാണഭൂതാത്മനേ നമഃ ।

ശരണ്യായ വരേണ്യായ വായുപുത്രായ തേ നമഃ

॥ 10 ॥

ശ്ലോക 12

പ്രദോഷേ വാ പ്രഭാതേ വാ യേ സ്മരന്ത്യഞ്ജനാസുതമ് ।

അര്ഥസിദ്ധിം ജയം കീര്തിം പ്രാപ്നുവന്തി ന സംശയഃ

॥ 11 ॥

ശ്ലോക 13

ജപ്ത്വാ സ്തോത്രമിദം മന്ത്രം പ്രതിവാരം പഠേന്നരഃ ।

രാജസ്ഥാനേ സഭാസ്ഥാനേ പ്രാപ്തേ വാദേ ലഭേജ്ജയമ്

॥ 12 ॥

ശ്ലോക 14

വിഭീഷണകൃതം സ്തോത്രം യഃ പഠേത് പ്രയതോ നരഃ ।

സര്വാപദ്ഭ്യോ വിമുച്യേത നാഽത്ര കാര്യാ വിചാരണാ

॥ 13 ॥

ശ്ലോക 15

മന്ത്രഃ ।

മര്കടേശ മഹോത്സാഹ സര്വശോകനിവാരക ।

ശത്രൂന് സംഹര മാം രക്ഷ ശ്രിയം ദാപയ ഭോ ഹരേ ॥ 15

ഇതി വിഭീഷണകൃതം സര്വാപദുദ്ധാരക ശ്രീഹനുമത് സ്തോത്രമ് ॥