ಆಪದುದ್ಧಾರಕ ಹನುಮತ್ಸ್ತೋತ್ರಮ್

ಆಪದುದ್ಧಾರಕ ಹನುಮತ್ಸ್ತೋತ್ರಮ್

ಶ್ಲೋಕ 1

ಓಂ ಅಸ್ಯ ಶ್ರೀ ಆಪದುದ್ಧಾರಕ ಹನುಮತ್ ಸ್ತೋತ್ರ ಮಹಾಮನ್ತ್ರ ಕವಚಸ್ಯ, ವಿಭೀಷಣ ಋಷಿಃ, ಹನುಮಾನ್ ದೇವತಾ, ಸರ್ವಾಪದುದ್ಧಾರಕ ಶ್ರೀಹನುಮತ್ಪ್ರಸಾದೇನ ಮಮ ಸರ್ವಾಪನ್ನಿವೃತ್ತ್ಯರ್ಥೇ, ಸರ್ವಕಾರ್ಯಾನುಕೂಲ್ಯ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಧ್ಯಾನಮ್ ।

ವಾಮೇ ಕರೇ ವೈರಿಭಿದಂ ವಹನ್ತಂ

ಶೈಲಂ ಪರೇ ಶೃಙ್ಖಲಹಾರಿಟಙ್ಕಮ್ ।

ದಧಾನಮಚ್ಛಚ್ಛವಿಯಜ್ಞಸೂತ್ರಂ

ಭಜೇ ಜ್ವಲತ್ಕುಣ್ಡಲಮಾಞ್ಜನೇಯಮ್

ಶ್ಲೋಕ 2

ಸಂವೀತಕೌಪೀನ ಮುದಞ್ಚಿತಾಙ್ಗುಲಿಂ

ಸಮುಜ್ಜ್ವಲನ್ಮೌಞ್ಜಿಮಥೋಪವೀತಿನಮ್ ।

ಸಕುಣ್ಡಲಂ ಲಮ್ಬಿಶಿಖಾಸಮಾವೃತಂ

ತಮಾಞ್ಜನೇಯಂ ಶರಣಂ ಪ್ರಪದ್ಯೇ

॥ 1 ॥

ಶ್ಲೋಕ 3

ಆಪನ್ನಾಖಿಲಲೋಕಾರ್ತಿಹಾರಿಣೇ ಶ್ರೀಹನೂಮತೇ ।

ಅಕಸ್ಮಾದಾಗತೋತ್ಪಾತ ನಾಶನಾಯ ನಮೋ ನಮಃ

॥ 2 ॥

ಶ್ಲೋಕ 4

ಸೀತಾವಿಯುಕ್ತಶ್ರೀರಾಮಶೋಕದುಃಖಭಯಾಪಹ ।

ತಾಪತ್ರಿತಯಸಂಹಾರಿನ್ ಆಞ್ಜನೇಯ ನಮೋಽಸ್ತು ತೇ

॥ 3 ॥

ಶ್ಲೋಕ 5

ಆಧಿವ್ಯಾಧಿ ಮಹಾಮಾರೀ ಗ್ರಹಪೀಡಾಪಹಾರಿಣೇ ।

ಪ್ರಾಣಾಪಹರ್ತ್ರೇದೈತ್ಯಾನಾಂ ರಾಮಪ್ರಾಣಾತ್ಮನೇ ನಮಃ

॥ 4 ॥

ಶ್ಲೋಕ 6

ಸಂಸಾರಸಾಗರಾವರ್ತ ಕರ್ತವ್ಯಭ್ರಾನ್ತಚೇತಸಾಮ್ ।

ಶರಣಾಗತಮರ್ತ್ಯಾನಾಂ ಶರಣ್ಯಾಯ ನಮೋಽಸ್ತು ತೇ

॥ 5 ॥

ಶ್ಲೋಕ 7

ವಜ್ರದೇಹಾಯ ಕಾಲಾಗ್ನಿರುದ್ರಾಯಾಽಮಿತತೇಜಸೇ ।

ಬ್ರಹ್ಮಾಸ್ತ್ರಸ್ತಮ್ಭನಾಯಾಸ್ಮೈ ನಮಃ ಶ್ರೀರುದ್ರಮೂರ್ತಯೇ

॥ 6 ॥

ಶ್ಲೋಕ 8

ರಾಮೇಷ್ಟಂ ಕರುಣಾಪೂರ್ಣಂ ಹನೂಮನ್ತಂ ಭಯಾಪಹಮ್ ।

ಶತ್ರುನಾಶಕರಂ ಭೀಮಂ ಸರ್ವಾಭೀಷ್ಟಪ್ರದಾಯಕಮ್

॥ 7 ॥

ಶ್ಲೋಕ 9

ಕಾರಾಗೃಹೇ ಪ್ರಯಾಣೇ ವಾ ಸಙ್ಗ್ರಾಮೇ ಶತ್ರುಸಙ್ಕಟೇ ।

ಜಲೇ ಸ್ಥಲೇ ತಥಾಽಽಕಾಶೇ ವಾಹನೇಷು ಚತುಷ್ಪಥೇ

॥ 8 ॥

ಶ್ಲೋಕ 10

ಗಜಸಿಂಹ ಮಹಾವ್ಯಾಘ್ರ ಚೋರ ಭೀಷಣ ಕಾನನೇ ।

ಯೇ ಸ್ಮರನ್ತಿ ಹನೂಮನ್ತಂ ತೇಷಾಂ ನಾಸ್ತಿ ವಿಪತ್ ಕ್ವಚಿತ್

॥ 9 ॥

ಶ್ಲೋಕ 11

ಸರ್ವವಾನರಮುಖ್ಯಾನಾಂ ಪ್ರಾಣಭೂತಾತ್ಮನೇ ನಮಃ ।

ಶರಣ್ಯಾಯ ವರೇಣ್ಯಾಯ ವಾಯುಪುತ್ರಾಯ ತೇ ನಮಃ

॥ 10 ॥

ಶ್ಲೋಕ 12

ಪ್ರದೋಷೇ ವಾ ಪ್ರಭಾತೇ ವಾ ಯೇ ಸ್ಮರನ್ತ್ಯಞ್ಜನಾಸುತಮ್ ।

ಅರ್ಥಸಿದ್ಧಿಂ ಜಯಂ ಕೀರ್ತಿಂ ಪ್ರಾಪ್ನುವನ್ತಿ ನ ಸಂಶಯಃ

॥ 11 ॥

ಶ್ಲೋಕ 13

ಜಪ್ತ್ವಾ ಸ್ತೋತ್ರಮಿದಂ ಮನ್ತ್ರಂ ಪ್ರತಿವಾರಂ ಪಠೇನ್ನರಃ ।

ರಾಜಸ್ಥಾನೇ ಸಭಾಸ್ಥಾನೇ ಪ್ರಾಪ್ತೇ ವಾದೇ ಲಭೇಜ್ಜಯಮ್

॥ 12 ॥

ಶ್ಲೋಕ 14

ವಿಭೀಷಣಕೃತಂ ಸ್ತೋತ್ರಂ ಯಃ ಪಠೇತ್ ಪ್ರಯತೋ ನರಃ ।

ಸರ್ವಾಪದ್ಭ್ಯೋ ವಿಮುಚ್ಯೇತ ನಾಽತ್ರ ಕಾರ್ಯಾ ವಿಚಾರಣಾ

॥ 13 ॥

ಶ್ಲೋಕ 15

ಮನ್ತ್ರಃ ।

ಮರ್ಕಟೇಶ ಮಹೋತ್ಸಾಹ ಸರ್ವಶೋಕನಿವಾರಕ ।

ಶತ್ರೂನ್ ಸಂಹರ ಮಾಂ ರಕ್ಷ ಶ್ರಿಯಂ ದಾಪಯ ಭೋ ಹರೇ ॥ 15

ಇತಿ ವಿಭೀಷಣಕೃತಂ ಸರ್ವಾಪದುದ್ಧಾರಕ ಶ್ರೀಹನುಮತ್ ಸ್ತೋತ್ರಮ್ ॥