আপদুদ্ধারক হনুমত্স্তোত্রম্

আপদুদ্ধারক হনুমত্স্তোত্রম্

শ্লোক 1

ওঁ অস্য শ্রী আপদুদ্ধারক হনুমত্ স্তোত্র মহামন্ত্র কবচস্য, বিভীষণ ঋষিঃ, হনুমান্ দেবতা, সর্বাপদুদ্ধারক শ্রীহনুমত্প্রসাদেন মম সর্বাপন্নিবৃত্ত্যর্থে, সর্বকার্যানুকূল্য সিদ্ধ্যর্থে জপে বিনিযোগঃ ।

ধ্যানম্ ।

বামে করে বৈরিভিদং বহন্তং

শৈলং পরে শৃঙ্খলহারিটঙ্কম্ ।

দধানমচ্ছচ্ছবিযজ্ঞসূত্রং

ভজে জ্বলত্কুণ্ডলমাঞ্জনেযম্

শ্লোক 2

সংবীতকৌপীন মুদঞ্চিতাঙ্গুলিং

সমুজ্জ্বলন্মৌঞ্জিমথোপবীতিনম্ ।

সকুণ্ডলং লম্বিশিখাসমাবৃতং

তমাঞ্জনেযং শরণং প্রপদ্যে

॥ 1 ॥

শ্লোক 3

আপন্নাখিললোকার্তিহারিণে শ্রীহনূমতে ।

অকস্মাদাগতোত্পাত নাশনায নমো নমঃ

॥ 2 ॥

শ্লোক 4

সীতাবিযুক্তশ্রীরামশোকদুঃখভযাপহ ।

তাপত্রিতযসংহারিন্ আঞ্জনেয নমোঽস্তু তে

॥ 3 ॥

শ্লোক 5

আধিব্যাধি মহামারী গ্রহপীডাপহারিণে ।

প্রাণাপহর্ত্রেদৈত্যানাং রামপ্রাণাত্মনে নমঃ

॥ 4 ॥

শ্লোক 6

সংসারসাগরাবর্ত কর্তব্যভ্রান্তচেতসাম্ ।

শরণাগতমর্ত্যানাং শরণ্যায নমোঽস্তু তে

॥ 5 ॥

শ্লোক 7

বজ্রদেহায কালাগ্নিরুদ্রাযাঽমিততেজসে ।

ব্রহ্মাস্ত্রস্তম্ভনাযাস্মৈ নমঃ শ্রীরুদ্রমূর্তযে

॥ 6 ॥

শ্লোক 8

রামেষ্টং করুণাপূর্ণং হনূমন্তং ভযাপহম্ ।

শত্রুনাশকরং ভীমং সর্বাভীষ্টপ্রদাযকম্

॥ 7 ॥

শ্লোক 9

কারাগৃহে প্রযাণে বা সঙ্গ্রামে শত্রুসঙ্কটে ।

জলে স্থলে তথাঽঽকাশে বাহনেষু চতুষ্পথে

॥ 8 ॥

শ্লোক 10

গজসিংহ মহাব্যাঘ্র চোর ভীষণ কাননে ।

যে স্মরন্তি হনূমন্তং তেষাং নাস্তি বিপত্ ক্বচিত্

॥ 9 ॥

শ্লোক 11

সর্ববানরমুখ্যানাং প্রাণভূতাত্মনে নমঃ ।

শরণ্যায বরেণ্যায বাযুপুত্রায তে নমঃ

॥ 10 ॥

শ্লোক 12

প্রদোষে বা প্রভাতে বা যে স্মরন্ত্যঞ্জনাসুতম্ ।

অর্থসিদ্ধিং জযং কীর্তিং প্রাপ্নুবন্তি ন সংশযঃ

॥ 11 ॥

শ্লোক 13

জপ্ত্বা স্তোত্রমিদং মন্ত্রং প্রতিবারং পঠেন্নরঃ ।

রাজস্থানে সভাস্থানে প্রাপ্তে বাদে লভেজ্জযম্

॥ 12 ॥

শ্লোক 14

বিভীষণকৃতং স্তোত্রং যঃ পঠেত্ প্রযতো নরঃ ।

সর্বাপদ্ভ্যো বিমুচ্যেত নাঽত্র কার্যা বিচারণা

॥ 13 ॥

শ্লোক 15

মন্ত্রঃ ।

মর্কটেশ মহোত্সাহ সর্বশোকনিবারক ।

শত্রূন্ সংহর মাং রক্ষ শ্রিযং দাপয ভো হরে ॥ 15

ইতি বিভীষণকৃতং সর্বাপদুদ্ধারক শ্রীহনুমত্ স্তোত্রম্ ॥