Anjaneya Sahasra Namam

A~njaneya sahasra nAmam

shloka 1

OM asya shrIhanumatsahasranAmastotra mantrasya shrIrAmachandrRRiShiH anuShTupChandaH shrIhanumAnmahArudro devatA hrIM shrIM hrauM hrAM bIjaM shrIM iti shaktiH kilikila bubu kAreNa iti kIlakaM la~NkAvidhvaMsaneti kavachaM mama sarvopadravashAntyarthe mama sarvakAryasiddhyarthe jape viniyogaH |

dhyAnam

prataptasvarNavarNAbhaM saMraktAruNalochanam |

sugrIvAdiyutaM dhyAyet pItAmbarasamAvRRitam ||

goShpadIkRRitavArAshiM puchChamastakamIshvaram |

jnAnamudrAM cha bibhrANaM sarvAlaNkArabhUShitam ||

vAmahastasamAkRRiShTadashAsyAnanamaNDalam |

udyaddakShiNadordaNDaM hanUmantaM vichintayet ||

stotram

hanUmAn shrIprado vAyuputro rudro nayo.ajaraH |

amRRityurvIravIrashcha grAmavAso janAshrayaH || 1 ||

dhanado nirguNAkAro vIro nidhipatirmuniH |

pi~NgAkSho varado vAgmI sItAshokavinAshanaH || 2 ||

shivaH sharvaH paro.avyakto vyaktAvyakto dharAdharaH |

piNgakeshaH piNgaromA shrutigamyaH sanAtanaH || 3 ||

anAdirbhagavAn divyo vishvaheturnarAshrayaH |

ArogyakartA vishvesho vishvanAtho harIshvaraH || 4 ||

bhargo rAmo rAmabhaktaH kalyANaprakRRitIshvaraH |

vishvambharo vishvamUrtirvishvAkAro.atha vishvapaH || 5 ||

vishvAtmA vishvasevyo.atha vishvo vishvadharo raviH |

vishvacheShTo vishvagamyo vishvadhyeyaH kalAdharaH || 6 ||

plava~NgamaH kapishreShTho jyeShTho vedyo vanecharaH |

bAlo vRRiddho yuvA tattvaM tattvagamyaH sakhA hyajaH || 7 ||

a~njanAsUnuravyagro grAmasyAnto dharAdharaH |

bhUrbhuvaHsvarmaharloko janolokastapo.avyayaH || 8 ||

satyamo~NkAragamyashcha praNavo vyApako.amalaH |

shivadharmapratiShThAtA rAmeShTaH phalgunapriyaH || 9 ||

goShpadIkRRitavArIshaH pUrNakAmo dharApatiH |

rakShoghnaH puNDarIkAkShaH sharaNAgatavatsalaH || 10 ||

jAnakIprANadAtA cha rakShaHprANApahArakaH |

pUrNaH satyaH pItavAsA divAkarasamaprabhaH || 11 ||

droNahartA shaktinetA shaktirAkShasamArakaH |

akShaghno rAmadUtashcha shAkinIjIvitAharaH || 12 ||

bubhUkArahatArAtirgarvaparvatamardanaH |

hetustvahetuH prAMshushcha vishvakartA jagadguruH || 13 ||

jagannAtho jagannetA jagadIsho janeshvaraH |

jagatshrito hariH shrIsho garuDasmayabha~njakaH || 14 ||

pArthadhvajo vAyuputraH sitapuchCho.amitaprabhaH |

brahmapuchChaH parabrahmapuchCho rAmeShTakArakaH || 15 ||

sugrIvAdiyuto j~nAnI vAnaro vAnareshvaraH |

kalpasthAyI chira~njIvI prasannashcha sadAshivaH || 16 ||

sanmatiH sadgatirbhuktimuktidaH kIrtidAyakaH |

kIrtiH kIrtipradashchaiva samudraH shrIpradaH shivaH || 17 ||

udadhikramaNo devaH saMsArabhayanAshanaH |

vAlibandhanakRRidvishvajetA vishvapratiShThitaH || 18 ||

laNkAriH kAlapuruSho laNkeshagRRihabha~njanaH |

bhUtAvAso vAsudevo vasustribhuvaneshvaraH ||

shrIrAmarUpaH kRRiShNastu laNkAprAsAdabhanjanaH |

kRRiShNaH kRRiShNastutaH shAntaH shAntido vishvabhAvanaH || 20 ||

vishvabhoktA.atha mAraghno brahmachArI jitendriyaH |

Urdhvago lANgulI mAlI lANgUlAhatarAkShasaH || 21 ||

samIratanujo vIro vIramAro jayapradaH |

jaganma~NgaladaH puNyaH puNyashravaNakIrtanaH || 22 ||

puNyakIrtiH puNyagItirjagatpAvanapAvanaH |

devesho.amitaromA.atha rAmabhaktavidhAyakaH || 23 ||

dhyAtA dhyeyo jagatsAkShI chetA chaitanyavigrahaH |

j~nAnadaH prANadaH prANo jagatprANaH samIraNaH || 24 ||

vibhIShaNapriyaH shUraH pippalAshrayasiddhidaH |

siddhaH siddhAshrayaH kAlaH kAlabhakShakapUjitaH || 25 ||

laNkeshanidhanasthAyI laNkAdAhaka IshvaraH |

chandrasUryAgninetrashcha kAlAgniH pralayAntakaH || 26 ||

kapilaH kapishaH puNyarAtirdvAdasharAshigaH |

sarvAshrayo.aprameyAtmA revatyAdinivArakaH || 27 ||

lakShmaNaprANadAtA cha sItAjIvanahetukaH |

rAmadhyAyI hRRiShIkesho viShNubhakto jaTI balI || 28 ||

devAridarpahA hotA dhAtA kartA jagatprabhuH |

nagaragrAmapAlashcha shuddho buddho nirantaraH || 29 ||

niranjano nirvikalpo guNAtIto bhayaNkaraH |

hanumAMshcha durArAdhyastapaHsAdhyo maheshvaraH || 30 ||

jAnakIghanashokotthatApahartA parAsharaH |

vA~NmayaH sadasadrUpaH kAraNaM prakRRiteH paraH || 31 ||

bhAgyado nirmalo netA puchChala~NkAvidAhakaH |

puchChabaddho yAtudhAno yAtudhAnaripupriyaH || 32 ||

ChAyApahArI bhUtesho lokeshaH sadgatipradaH |

plava~NgameshvaraH krodhaH krodhasaMraktalochanaH || 33 ||

krodhahartA tApahartA bhaktAbhayavarapradaH |

bhaktAnukampI vishveshaH puruhUtaH purandaraH || 34 ||

agnirvibhAvasurbhAsvAn yamo nirRRitireva cha |

varuNo vAyugatimAn vAyuH kubera IshvaraH || 35 ||

ravishchandraH kujaH saumyo guruH kAvyaH shanaishcharaH |

rAhuH keturmaruddAtA dhAtA hartA samIrajaH || 36 ||

mashakIkRRitadevArirdaityArirmadhusUdanaH |

kAmaH kapiH kAmapAlaH kapilo vishvajIvanaH || 37 ||

bhAgIrathIpadAmbhojaH setubandhavishAradaH |

svAhA svadhA haviH kavyaM havyavAhaH prakAshakaH || 38 ||

svaprakAsho mahAvIro madhuro.amitavikramaH |

uDDInoDDInagatimAn sadgatiH puruShottamaH || 39 ||

jagadAtmA jagadyonirjagadanto hyanantaraH |

vipApmA niShkalaNko.atha mahAn mahadahaNkRRitiH || 40 ||

khaM vAyuH pRRithivI chApo vahnirdik kAla ekalaH |

kShetraj~naH kShetrapAlashcha palvalIkRRitasAgaraH || 41 ||

hiraNmayaH purANashcha khecharo bhUcharo manuH |

hiraNyagarbhaH sUtrAtmA rAjarAjo vishAM patiH || 42 ||

vedAntavedya udgItho vedA~Ngo vedapAragaH |

pratigrAmasthitaH sadyaH sphUrtidAtA guNAkaraH || 43 ||

nakShatramAlI bhUtAtmA surabhiH kalpapAdapaH |

chintAmaNirguNanidhiH prajAdvAramanuttamaH || 44 ||

puNyashlokaH purArAtiH matimAn sharvarIpatiH |

kilkilArAvasantrastabhUtapretapishAchakaH || 45 ||

RRiNatrayaharaH sUkShmaH sthUlaH sarvagatiH pumAn |

apasmAraharaH smartA shrutirgAthA smRRitirmanuH || 46 ||

svargadvAraM prajAdvAraM mokShadvAraM yatIshvaraH |

nAdarUpaM paraM brahma brahma brahmapurAtanaH || 47 ||

eko.aneko janaH shuklaH svaya~njyotiranAkulaH |

jyotirjyotiranAdishcha sAttviko rAjasastamaH || 48 ||

tamohartA nirAlambo nirAkAro guNAkaraH |

guNAshrayo guNamayo bRRihatkAyo bRRihadyashAH ||

bRRihaddhanurbRRihatpAdo bRRihanmUrdhA bRRihatsvanaH |

bRRihatkarNo bRRihannAso bRRihadbAhurbRRihattanuH || 50 ||

bRRihadgalo bRRihatkAyo bRRihatpuchCho bRRihatkaraH |

bRRihadgatirbRRihatsevo bRRihallokaphalapradaH || 51 ||

bRRihadbhaktirbRRihadvA~nChAphalado bRRihadIshvaraH |

bRRihallokanuto draShTA vidyAdAtA jagadguruH || 52 ||

devAchAryaH satyavAdI brahmavAdI kalAdharaH |

saptapAtAlagAmI cha malayAchalasaMshrayaH || 53 ||

uttarAshAsthitaH shrIsho divyauShadhivashaH khagaH |

shAkhAmRRigaH kapIndro.atha purANaH prANacha~nchuraH || 54 ||

chaturo brAhmaNo yogI yogigamyaH paro.avaraH |

anAdinidhano vyAso vaikuNThaH pRRithivIpatiH || 55 ||

aparAjito jitArAtiH sadAnandada IshitA |

gopAlo gopatiryoddhA kaliH sphAlaH parAtparaH || 56 ||

manovegI sadAyogI saMsArabhayanAshanaH |

tattvadAtA.atha tattvaj~nastattvaM tattvaprakAshakaH || 57 ||

shuddho buddho nityayukto bhaktAkAro jagadrathaH |

pralayo.amitamAyashcha mAyAtIto vimatsaraH || 58 ||

mAyAnirjitarakShAshcha mAyAnirmitaviShTapaH |

mAyAshrayashcha nirlepo mAyAnirvartakaH sukhI ||

sukhI sukhaprado nAgo maheshakRRitasaMstavaH |

maheshvaraH satyasandhaH sharabhaH kalipAvanaH || 60 ||

raso rasaj~naH sanmAno rUpaM chakShuH shrutI ravaH |

ghrANaM gandhaH sparshanaM cha sparsho hi~NkAramAnagaH || 61 ||

neti netIti gamyashcha vaikuNThabhajanapriyaH |

girisho girijAkAnto durvAsAH kavira~NgirAH || 62 ||

bhRRigurvasiShThashchyavano nAradastumbururharaH |

vishvakShetraM vishvabIjaM vishvanetraM cha vishvapaH || 63 ||

yAjako yajamAnashcha pAvakaH pitarastathA |

shraddhA buddhiH kShamA tandrA mantro mantrayitA suraH || 64 ||

rAjendro bhUpatI rUDho mAlI saMsArasArathiH |

nityaH sampUrNakAmashcha bhaktakAmadhuguttamaH || 65 ||

gaNapaH keshavo bhrAtA pitA mAtA.atha mArutiH |

sahasramUrdhA sahasrAsyaH sahasrAkShaH sahasrapAt || 66 ||

kAmajit kAmadahanaH kAmaH kAmyaphalapradaH |

mudropahArI rakShoghnaH kShitibhAraharo balaH || 67 ||

nakhadaMShTrAyudho viShNubhakto bhaktAbhayapradaH |

darpahA darpado daMShTrAshatamUrtiramUrtimAn || 68 ||

mahAnidhirmahAbhAgo mahAbhargo mahardhidaH |

mahAkAro mahAyogI mahAtejA mahAdyutiH ||

mahAkarmA mahAnAdo mahAmantro mahAmatiH |

mahAshamo mahodAro mahAdevAtmako vibhuH || 70 ||

rudrakarmA krUrakarmA ratnanAbhaH kRRitAgamaH |

ambhodhila~NghanaH siddhaH satyadharmA pramodanaH || 71 ||

jitAmitro jayaH somo vijayo vAyuvAhanaH |

jIvo dhAtA sahasrAMshurmukundo bhUridakShiNaH || 72 ||

siddhArthaH siddhidaH siddhaH sa~NkalpaH siddhihetukaH |

saptapAtAlacharaNaH saptarShigaNavanditaH || 73 ||

saptAbdhila~Nghano vIraH saptadvIporumaNDalaH |

saptA~NgarAjyasukhadaH saptamAtRRiniShevitaH || 74 ||

saptalokaikamakuTaH saptahotraH svarAshrayaH |

saptasAmopagItashcha saptapAtAlasaMshrayaH || 75 ||

saptachChandonidhiH saptachChandaH saptajanAshrayaH |

medhAdaH kIrtidaH shokahArI daurbhAgyanAshanaH || 76 ||

sarvavashyakaro garbhadoShahA putrapautradaH |

prativAdimukhastambho ruShTachittaprasAdanaH || 77 ||

parAbhichArashamano duHkhahA bandhamokShadaH |

navadvArapurAdhAro navadvAraniketanaH || 78 ||

naranArAyaNastutyo navanAthamaheshvaraH |

mekhalI kavachI khaDgI bhrAjiShNurjiShNusArathiH ||

bahuyojanavistIrNapuchChaH puchChahatAsuraH |

duShTahantA niyamitA pishAchagrahashAtanaH || 80 ||

bAlagrahavinAshI cha dharmanetA kRRipAkaraH |

ugrakRRityashchogravega ugranetraH shatakratuH || 81 ||

shatamanyustutaH stutyaH stutiH stotA mahAbalaH |

samagraguNashAlI cha vyagro rakShovinAshanaH || 82 ||

rakSho.agnidAvo brahmeshaH shrIdharo bhaktavatsalaH |

meghanAdo megharUpo meghavRRiShTinivAraNaH || 83 ||

meghajIvanahetushcha meghashyAmaH parAtmakaH |

samIratanayo dhAtA tattvavidyAvishAradaH || 84 ||

amogho.amoghavRRiShTishchAbhIShTado.aniShTanAshanaH |

artho.anarthApahArI cha samartho rAmasevakaH || 85 ||

arthI dhanyo.asurArAtiH puNDarIkAkSha AtmabhUH |

sa~NkarShaNo vishuddhAtmA vidyArAshiH sureshvaraH || 86 ||

achaloddhArako nityaH setukRRidrAmasArathiH |

AnandaH paramAnando matsyaH kUrmo nidhiH shayaH || 87 ||

varAho nArasiMhashcha vAmano jamadagnijaH |

rAmaH kRRiShNaH shivo buddhaH kalkI rAmAshrayo hariH || 88 ||

nandI bhRRi~NgI cha chaNDI cha gaNesho gaNasevitaH |

karmAdhyakShaH surArAmo vishrAmo jagatIpatiH ||

jagannAthaH kapIshashcha sarvAvAsaH sadAshrayaH |

sugrIvAdistuto dAntaH sarvakarmA plava~NgamaH || 90 ||

nakhadAritarakShashcha nakhayuddhavishAradaH |

kushalaH sudhanaH sheSho vAsukistakShakastathA || 91 ||

svarNavarNo balADhyashcha purujetA.aghanAshanaH |

kaivalyadIpaH kaivalyo garuDaH pannago guruH || 92 ||

klIklIrAvahatArAtigarvaH parvatabhedanaH |

vajrA~Ngo vajravaktrashcha bhaktavajranivArakaH || 93 ||

nakhAyudho maNigrIvo jvAlAmAlI cha bhAskaraH |

prauDhapratApastapano bhaktatApanivArakaH || 94 ||

sharaNaM jIvanaM bhoktA nAnAcheShTo.atha cha~nchalaH |

svasthastvasvAsthyahA duHkhashAtanaH pavanAtmajaH || 95 ||

pavanaH pAvanaH kAnto bhaktA~NgaH sahano balaH |

meghanAdaripurmeghanAdasaMhRRitarAkShasaH || 96 ||

kSharo.akSharo vinItAtmA vAnareshaH satA~NgatiH |

shrIkaNThaH shitikaNThashcha sahAyaH sahanAyakaH || 97 ||

asthUlastvanaNurbhargo devasaMsRRitinAshanaH |

adhyAtmavidyAsArashchApyadhyAtmakushalaH sudhIH || 98 ||

akalmaShaH satyahetuH satyadaH satyagocharaH |

satyagarbhaH satyarUpaH satyaH satyaparAkramaH || 99 ||

anjanAprANaliNgaM cha vAyuvaMshodbhavaH shrutiH |

bhadrarUpo rudrarUpaH surUpashchitrarUpadhRRik || 100 ||

mainAkavanditaH sUkShmadarshano vijayo jayaH |

krAntadi~NmaNDalo rudraH prakaTIkRRitavikramaH || 101 ||

kambukaNThaH prasannAtmA hrasvanAso vRRikodaraH |

lamboShThaH kuNDalI chitramAlI yogavidAM varaH || 102 ||

vipashchit kavirAnandavigraho.analpanAshanaH |

phAlgunIsUnuravyagro yogAtmA yogatatparaH || 103 ||

yogavidyogakartA cha yogayonirdigambaraH |

akArAdikShakArAntavarNanirmitavigrahaH || 104 ||

ulUkhalamukhaH siddhasaMstutaH parameshvaraH |

shliShTaja~NghaH shliShTajAnuH shliShTapANiH shikhAdharaH || 105 ||

susharmA.amitadharmA cha nArAyaNaparAyaNaH |

jiShNurbhaviShNU rochiShNurgrasiShNuH sthANureva cha || 106 ||

harI rudrAnukRRidvRRikShakampano bhUmikampanaH |

guNapravAhaH sUtrAtmA vItarAgaH stutipriyaH || 107 ||

nAgakanyAbhayadhvaMsI kRRitapUrNaH kapAlabhRRit |

anukUlo.akShayo.apAyo.anapAyo vedapAragaH || 108 ||

akSharaH puruSho lokanAthastryakShaH prabhurdRRiDhaH |

aShTA~NgayogaphalabhUH satyasandhaH puruShTutaH || 109 ||

shmashAnasthAnanilayaH pretavidrAvaNakShamaH |

panchAkSharaparaH panchamAtRRiko ra~njano dhvajaH || 110 ||

yoginIvRRindavandyashrIH shatrughno.anantavikramaH |

brahmachArIndriyavapurdhRRitadaNDo dashAtmakaH || 111 ||

aprapa~nchaH sadAchAraH shUraseno vidArakaH |

buddhaH pramoda AnandaH saptajihvapatirdharaH || 112 ||

navadvArapurAdhAraH pratyagraH sAmagAyanaH |

ShaTchakradhAmA svarlokabhayahRRinmAnado madaH || 113 ||

sarvavashyakaraH shaktirananto.anantama~NgalaH |

aShTamUrtidharo netA virUpaH svarasundaraH || 114 ||

dhUmaketurmahAketuH satyaketurmahArathaH |

nandIpriyaH svatantrashcha mekhalI DamarupriyaH || 115 ||

lohitA~NgaH samidvahniH ShaDRRituH sharva IshvaraH |

phalabhuk phalahastashcha sarvakarmaphalapradaH || 116 ||

dharmAdhyakSho dharmaphalo dharmo dharmaprado.arthadaH |

panchaviMshatitattvajnastArako brahmatatparaH || 117 ||

trimArgavasatirbhImaH sarvaduShTanibarhaNaH |

UrjaHsvAmI jalasvAmI shUlI mAlI nishAkaraH || 118 ||

raktAmbaradharo rakto raktamAlyavibhUShaNaH |

vanamAlI shubhA~Ngashcha shvetaH shvetAmbaro yuvA || 119 ||

jayo.ajeyaparIvAraH sahasravadanaH kaviH |

shAkinIDAkinIyakSharakShobhUtaprabha~njanaH || 120 ||

sadyojAtaH kAmagatirj~nAnamUrtiryashaskaraH |

shambhutejAH sArvabhaumo viShNubhaktaH plava~NgamaH || 121 ||

chaturNavatimantraj~naH paulastyabaladarpahA |

sarvalakShmIpradaH shrImAna~NgadapriyavardhanaH || 122 ||

smRRitibIjaM sureshAnaH saMsArabhayanAshanaH |

uttamaH shrIparIvAraH shrIbhUrugrashcha kAmadhuk || 123 ||

sadAgatirmAtarishvA rAmapAdAbjaShaTpadaH |

nIlapriyo nIlavarNo nIlavarNapriyaH suhRRit || 124 ||

rAmadUto lokabandhurantarAtmA manoramaH |

shrIrAmadhyAnakRRidvIraH sadA kimpuruShastutaH || 125 ||

rAmakAryAntara~Ngashcha shuddhirgatiranAmayaH |

puNyashlokaH parAnandaH pareshapriyasArathiH || 126 ||

lokasvAmI muktidAtA sarvakAraNakAraNaH |

mahAbalo mahAvIraH pArAvAragatirguruH || 127 ||

tArako bhagavAMstrAtA svastidAtA suma~NgalaH |

samastalokasAkShI cha samastasuravanditaH |

sItAsametashrIrAmapAdasevAdhurandharaH || 128 ||

idaM nAmasahasraM tu yo.adhIte pratyahaM naraH |

duHkhaugho nashyate kShipraM sampattirvardhate chiram |

vashyaM chaturvidhaM tasya bhavatyeva na saMshayaH || 129 ||

rAjAno rAjaputrAshcha rAjakIyAshcha mantriNaH |

trikAlaM paThanAdasya dRRishyante cha tripakShataH || 130 ||

ashvatthamUle japatAM nAsti vairikRRitaM bhayam |

trikAlapaThanAdasya siddhiH syAt karasaMsthitA || 131 ||

brAhme muhUrte chotthAya pratyahaM yaH paThennaraH |

aihikAmuShmikAn so.api labhate nAtra saMshayaH || 132 ||

sa~NgrAme sanniviShTAnAM vairividrAvaNaM bhavet |

jvarApasmArashamanaM gulmAdivyAdhivAraNam || 133 ||

sAmrAjyasukhasampattidAyakaM japatAM nRRiNAm |

ya idaM paThate nityaM pAThayedvA samAhitaH |

sarvAn kAmAnavApnoti vAyuputraprasAdataH || 134 ||

iti shrIA~njaneya sahasranAma stotram |