Aditya Kavacham

ආදිත්ය කවචම්

ශ්ලොක 1

අස්ය ශ්රී ආදිත්යකවචස්තෝත්රමහාමන්ත්රස්ය අගස්ත්යෝ භගවානෘෂිඃ අනුෂ්ටුප්ඡන්දඃ ආදිත්යෝ දේවතා ශ්රීං බීජං ණීං ශක්තිඃ සූං කීලකං මම ආදිත්යප්රසාදසිද්ධ්යර්ථේ ජපේ විනියෝගඃ .

ධ්යානං

ජපාකුසුමසඞ්කාශං ද්විභුජං පද්මහස්තකම්

සින්දූරාම්බරමාල්යං ච රක්තගන්ධානුලේපනම් .

මාණික්යරත්නඛචිත-සර්වාභරණභූෂිතම්

සප්තාශ්වරථවාහං තු මේරුං චෛව ප්රදක්ෂිණම් ..

දේවාසුරවරෛර්වන්ද්යං ඝෘණිභිඃ පරිසේවිතම් .

ධ්යායේත්පඨේත්සුවර්ණාභං සූර්යස්ය කවචං මුදා ..

කවචං

ඝෘණිඃ පාතු ශිරෝදේශේ සූර්යඃ පාතු ලලාටකම් .

ආදිත්යෝ ලෝචනේ පාතු ශ්රුතී පාතු දිවාකරඃ ..

ඝ්රාණං පාතු සදා භානුඃ මුඛං පාතු සදාරවිඃ .

ජිහ්වාං පාතු ජගන්නේත්රඃ කණ්ඨං පාතු විභාවසුඃ ..

ස්කන්ධෞ ග්රහපතිඃ පාතු භුජෞ පාතු ප්රභාකරඃ .

කරාවබ්ජකරඃ පාතු හෘදයං පාතු නභෝමණිඃ ..

ද්වාදශාත්මා කටිං පාතු සවිතා පාතු සක්ථිනී .

ඌරූ පාතු සුරශ්රේෂ්ටෝ ජානුනී පාතු භාස්කරඃ ..

ජඞ්ඝේ මේ පාතු මාර්තාණ්ඩෝ ගුල්ඵෞ පාතු ත්විෂාම්පතිඃ .

පාදෞ දිනමණිඃ පාතු පාතු මිත්රෝ(අ)ඛිලං වපුඃ ..

ආදිත්යකවචං පුණ්යමභේද්යං වජ්රසන්නිභම් .

සර්වරෝගභයාදිභ්යෝ මුච්යතේ නාත්ර සංශයඃ ..

සංවත්සරමුපාසිත්වා සාම්රාජ්යපදවීං ලභේත් .

අශේෂරෝගශාන්ත්යර්ථං ධ්යායේදාදිත්යමණ්ඩලම් .

ආදිත්ය මණ්ඩල ස්තුතිඃ –

අනේකරත්නසංයුක්තං ස්වර්ණමාණික්යභූෂණම් .

කල්පවෘක්ෂසමාකීර්ණං කදම්බකුසුමප්රියම් ..

සින්දූරවර්ණාය සුමණ්ඩලාය

සුවර්ණරත්නාභරණාය තුභ්යම් .

පද්මාදිනේත්රේ ච සුපඞ්කජාය

බ්රහ්මේන්ද්ර-නාරායණ-ශඞ්කරාය ..

සංරක්තචූර්ණං සසුවර්ණතෝයං

සකුඞ්කුමාභං සකුශං සපුෂ්පම් .

ප්රදත්තමාදාය ච හේමපාත්රේ

ප්රශස්තනාදං භගවන් ප්රසීද ..

ඉති ආදිත්යකවචම් .