Aditya Kavacham

ଆଦିତ୍ଯ କଵଚମ୍

ଶ୍ଲୋକ 1

ଅସ୍ଯ ଶ୍ରୀ ଆଦିତ୍ଯକଵଚସ୍ତୋତ୍ରମହାମନ୍ତ୍ରସ୍ଯ ଅଗସ୍ତ୍ଯୋ ଭଗଵାନୃଷିଃ ଅନୁଷ୍ଟୁପ୍ଛନ୍ଦଃ ଆଦିତ୍ଯୋ ଦେଵତା ଶ୍ରୀଂ ବୀଜଂ ଣୀଂ ଶକ୍ତିଃ ସୂଂ କୀଲକଂ ମମ ଆଦିତ୍ଯପ୍ରସାଦସିଦ୍ଧ୍ଯର୍ଥେ ଜପେ ଵିନିଯୋଗଃ ।

ଧ୍ଯାନଂ

ଜପାକୁସୁମସଙ୍କାଶଂ ଦ୍ଵିଭୁଜଂ ପଦ୍ମହସ୍ତକମ୍

ସିନ୍ଦୂରାମ୍ବରମାଲ୍ଯଂ ଚ ରକ୍ତଗନ୍ଧାନୁଲେପନମ୍ ।

ମାଣିକ୍ଯରତ୍ନଖଚିତ-ସର୍ଵାଭରଣଭୂଷିତମ୍

ସପ୍ତାଶ୍ଵରଥଵାହଂ ତୁ ମେରୁଂ ଚୈଵ ପ୍ରଦକ୍ଷିଣମ୍ ॥

ଦେଵାସୁରଵରୈର୍ଵନ୍ଦ୍ଯଂ ଘୃଣିଭିଃ ପରିସେଵିତମ୍ ।

ଧ୍ଯାଯେତ୍ପଠେତ୍ସୁଵର୍ଣାଭଂ ସୂର୍ଯସ୍ଯ କଵଚଂ ମୁଦା ॥

କଵଚଂ

ଘୃଣିଃ ପାତୁ ଶିରୋଦେଶେ ସୂର୍ଯଃ ପାତୁ ଲଲାଟକମ୍ ।

ଆଦିତ୍ଯୋ ଲୋଚନେ ପାତୁ ଶ୍ରୁତୀ ପାତୁ ଦିଵାକରଃ ॥

ଘ୍ରାଣଂ ପାତୁ ସଦା ଭାନୁଃ ମୁଖଂ ପାତୁ ସଦାରଵିଃ ।

ଜିହ୍ଵାଂ ପାତୁ ଜଗନ୍ନେତ୍ରଃ କଣ୍ଠଂ ପାତୁ ଵିଭାଵସୁଃ ॥

ସ୍କନ୍ଧୌ ଗ୍ରହପତିଃ ପାତୁ ଭୁଜୌ ପାତୁ ପ୍ରଭାକରଃ ।

କରାଵବ୍ଜକରଃ ପାତୁ ହୃଦଯଂ ପାତୁ ନଭୋମଣିଃ ॥

ଦ୍ଵାଦଶାତ୍ମା କଟିଂ ପାତୁ ସଵିତା ପାତୁ ସକ୍ଥିନୀ ।

ଊରୂ ପାତୁ ସୁରଶ୍ରେଷ୍ଟୋ ଜାନୁନୀ ପାତୁ ଭାସ୍କରଃ ॥

ଜଙ୍ଘେ ମେ ପାତୁ ମାର୍ତାଣ୍ଡୋ ଗୁଲ୍ଫୌ ପାତୁ ତ୍ଵିଷାମ୍ପତିଃ ।

ପାଦୌ ଦିନମଣିଃ ପାତୁ ପାତୁ ମିତ୍ରୋଽଖିଲଂ ଵପୁଃ ॥

ଆଦିତ୍ଯକଵଚଂ ପୁଣ୍ଯମଭେଦ୍ଯଂ ଵଜ୍ରସନ୍ନିଭମ୍ ।

ସର୍ଵରୋଗଭଯାଦିଭ୍ଯୋ ମୁଚ୍ଯତେ ନାତ୍ର ସଂଶଯଃ ॥

ସଂଵତ୍ସରମୁପାସିତ୍ଵା ସାମ୍ରାଜ୍ଯପଦଵୀଂ ଲଭେତ୍ ।

ଅଶେଷରୋଗଶାନ୍ତ୍ଯର୍ଥଂ ଧ୍ଯାଯେଦାଦିତ୍ଯମଣ୍ଡଲମ୍ ।

ଆଦିତ୍ଯ ମଣ୍ଡଲ ସ୍ତୁତିଃ –

ଅନେକରତ୍ନସଂଯୁକ୍ତଂ ସ୍ଵର୍ଣମାଣିକ୍ଯଭୂଷଣମ୍ ।

କଲ୍ପଵୃକ୍ଷସମାକୀର୍ଣଂ କଦମ୍ବକୁସୁମପ୍ରିଯମ୍ ॥

ସିନ୍ଦୂରଵର୍ଣାଯ ସୁମଣ୍ଡଲାଯ

ସୁଵର୍ଣରତ୍ନାଭରଣାଯ ତୁଭ୍ଯମ୍ ।

ପଦ୍ମାଦିନେତ୍ରେ ଚ ସୁପଙ୍କଜାଯ

ବ୍ରହ୍ମେନ୍ଦ୍ର-ନାରାଯଣ-ଶଙ୍କରାଯ ॥

ସଂରକ୍ତଚୂର୍ଣଂ ସସୁଵର୍ଣତୋଯଂ

ସକୁଙ୍କୁମାଭଂ ସକୁଶଂ ସପୁଷ୍ପମ୍ ।

ପ୍ରଦତ୍ତମାଦାଯ ଚ ହେମପାତ୍ରେ

ପ୍ରଶସ୍ତନାଦଂ ଭଗଵନ୍ ପ୍ରସୀଦ ॥

ଇତି ଆଦିତ୍ଯକଵଚମ୍ ।