Aditya Hrudayam

Aditya hRRidayam

shloka 1

dhyAnam

namassavitre jagadeka chakShuse

jagatprasUti sthiti nAshahetave

trayImayAya triguNAtma dhAriNe

virinchi nArAyaNa shaNkarAtmane

tato yuddha parishrAntaM samare chintayAsthitam |

rAvaNaM chAgrato dRRiShTvA yuddhAya samupasthitam || 1 ||

daivataishcha samAgamya draShTumabhyAgato raNam |

upAgamyAbravIdrAmaM agastyo bhagavAn RRiShiH || 2 ||

rAma rAma mahAbAho shRRiNu guhyaM sanAtanam |

yena sarvAnarIn vatsa samare vijayiShyasi || 3 ||

AdityahRRidayaM puNyaM sarvashatru-vinAshanam |

jayAvahaM japennityaM akShayyaM paramaM shivam || 4 ||

sarvamaNgala-mANgalyaM sarvapApa-praNAshanam |

chintAshoka-prashamanaM Ayurvardhanamuttamam || 5 ||

rashmimantaM samudyantaM devAsura namaskRRitam |

pUjayasva vivasvantaM bhAskaraM bhuvaneshvaram || 6 ||

sarvadevAtmako hyeSha tejasvI rashmibhAvanaH |

eSha devAsura-gaNAn lokAn pAti gabhastibhiH || 7 ||

eSha brahmA cha viShNushcha shivaH skandaH prajApatiH |

mahendro dhanadaH kAlo yamaH somo hyapAM patiH || 8 ||

pitaro vasavaH sAdhyA hyashvinau maruto manuH |

vAyurvahniH prajAprANaH RRitukartA prabhAkaraH || 9 ||

AdityaH savitA sUryaH khagaH pUShA gabhastimAn |

suvarNasadRRisho bhAnuH hiraNyaretA divAkaraH || 10 || [svaraNaretA divAkaraH]

haridashvaH sahasrArchiH saptasapti-rmarIchimAn |

timironmathanaH shambhuH tvaShTA mArtANDakoM.ashumAn || 11 ||

hiraNyagarbhaH shishiraH tapano bhAskaro raviH |

agnigarbho.aditeH putraH sha~NkhaH shishiranAshanaH || 12 ||

vyomanAtha-stamobhedI RRigyajuHsAma-pAragaH |

ghanAvRRiShTirapAM mitraH vindhyavIthI plava~NgamaH || 13 ||

AtapI maNDalI mRRityuH pi~NgalaH sarvatApanaH |

kavirvishvo mahAtejA raktaH sarvabhavodbhavaH || 14 ||

nakShatra graha tArANAM adhipo vishvabhAvanaH |

tejasAmapi tejasvI dvAdashAtma-nnamo.astu te || 15 ||

namaH pUrvAya giraye pashchimAyAdraye namaH |

jyotirgaNAnAM pataye dinAdhipataye namaH || 16 ||

jayAya jayabhadrAya haryashvAya namo namaH |

namo namaH sahasrAMsho AdityAya namo namaH || 17 ||

nama ugrAya vIrAya sAra~NgAya namo namaH |

namaH padmaprabodhAya mArtANDAya namo namaH || 18 ||

brahmeshAnAchyuteshAya sUryAyAditya-varchase |

bhAsvate sarvabhakShAya raudrAya vapuShe namaH || 19 ||

tamoghnAya himaghnAya shatrughnAyA mitAtmane |

kRRitaghnaghnAya devAya jyotiShAM pataye namaH || 20 ||

tapta chAmIkarAbhAya vahnaye vishvakarmaNe |

namastamo.abhi nighnAya ravaye lokasAkShiNe || 21 ||

nAshayatyeSha vai bhUtaM tadeva sRRijati prabhuH |

pAyatyeSha tapatyeSha varShatyeSha gabhastibhiH || 22 ||

eSha supteShu jAgarti bhUteShu pariniShThitaH |

eSha evAgnihotraM cha phalaM chaivAgni hotriNAm || 23 ||

vedAshcha kratavashchaiva kratUnAM phalameva cha |

yAni kRRityAni lokeShu sarva eSha raviH prabhuH || 24 ||

phalashrutiH

ena mApatsu kRRichChreShu kAntAreShu bhayeShu cha |

kIrtayan puruShaH kashchinnAvashIdati rAghava || 25 ||

pUjayasvaina mekAgraH devadevaM jagatpatim |

etat triguNitaM japtvA yuddheShu vijayiShyasi || 26 ||

asmin kShaNe mahAbAho rAvaNaM tvaM vadhiShyasi |

evamuktvA tadAgastyo jagAma cha yathAgatam || 27 ||

etachChrutvA mahAtejAH naShTashoko.abhavattadA |

dhArayAmAsa suprItaH rAghavaH prayatAtmavAn || 28 ||

AdityaM prekShya japtvA tu paraM harShamavAptavAn |

trirAchamya shuchirbhUtvA dhanurAdAya vIryavAn || 29 ||

rAvaNaM prekShya hRRiShTAtmA yuddhAya samupAgamat |

sarvayatnena mahatA vadhe tasya dhRRito.abhavat || 30 ||

adha raviravadannirIkShya rAmaM muditamanAH paramaM prahRRiShyamANaH |

nishicharapati sa~NkShayaM viditvA suragaNa madhyagato vachastvareti || 31 ||

ityArShe shrImadrAmAyaNe vAlmikIye AdikAvye yuddhakANDe pa~nchAdhika shatatamaH sargaH ||