Achyutashtakam

අච්යුතාෂ්ටකම්

ශ්ලොක 1

අච්යුතං කේශවං රාමනාරායණං

කෘෂ්ණදාමෝදරං වාසුදේවං හරිම් .

ශ්රීධරං මාධවං ගෝපිකා වල්ලභං

ජානකීනායකං රාමචන්ද්රං භජේ .. 1 ..

අච්යුතං කේශවං සත්යභාමාධවං

මාධවං ශ්රීධරං රාධිකා රාධිතම් .

ඉන්දිරාමන්දිරං චේතසා සුන්දරං

දේවකීනන්දනං නන්දජං සන්දධේ .. 2 ..

විෂ්ණවේ ජිෂ්ණවේ ශඞ්කනේ චක්රිණේ

රුක්මිණී රාගිණේ ජානකී ජානයේ .

වල්ලවී වල්ලභායාර්චිතා යාත්මනේ

කංස විධ්වංසිනේ වංශිනේ තේ නමඃ .. 3 ..

කෘෂ්ණ ගෝවින්ද හේ රාම නාරායණ

ශ්රීපතේ වාසුදේවාජිත ශ්රීනිධේ .

අච්යුතානන්ත හේ මාධවාධෝක්ෂජ

ද්වාරකානායක ද්රෞපදීරක්ෂක .. 4 ..

රාක්ෂස ක්ෂෝභිතඃ සීතයා ශෝභිතෝ

දණ්ඩකාරණ්යභූ පුණ්යතාකාරණඃ .

ලක්ෂ්මණෝනාන්විතෝ වානරෛඃ සේවිතෝ

අගස්ත්ය සම්පූජිතෝ රාඝවඃ පාතු මාම් .. 5 ..

ධේනුකාරිෂ්ටකෝ(අ)නිෂ්ටකෘද්ද්වේෂිණාං

කේශිහා කංසහෘද්වණ්ශිකාවාදකඃ .

පූතනාකෝපකඃ සූරජාඛේලනෝ

බාලගෝපාලකඃ පාතු මාං සර්වදා .. 6 ..

විද්යුදුද්යෝතවත්ප්රස්ඵුරද්වාසසං

ප්රාවෘඩම්භෝදවත්ප්රෝල්ලසද්විග්රහම් .

වන්යයා මාලයා ශෝභිතෝරඃස්ථලං

ලෝහිතාඞ්ඝ්රිද්වයං වාරිජාක්ෂං භජේ .. 7..

කුඤ්චිතෛඃ කුන්තලෛ භ්රාජමානානනං

රත්නමෞලිං ලසත්-කුණ්ඩලං ගණ්ඩයෝඃ .

හාරකේයූරකං කඞ්කණ ප්රෝජ්ජ්වලං

කිඞ්කිණී මඤ්ජුලං ශ්යාමලං තං භජේ .. 8 ..

අච්යුතස්යාෂ්ටකං යඃ පඨේදිෂ්ටදං

ප්රේමතඃ ප්රත්යහං පූරුෂඃ සස්පෘහම් .

වෘත්තතඃ සුන්දරං කර්තෘ විශ්වම්භරඃ

තස්ය වශ්යෝ හරි ර්ජායතේ සත්වරම් ..

අච්යුතං කේශවං රාමනාරායණං

කෘෂ්ණදාමෝදරං වාසුදේවං හරිම් .

ශ්රීධරං මාධවං ගෝපිකා වල්ලභං

ජානකීනායකං රාමචන්ද්රං භජේ .. 1 .

.. ඉති ශ්රීශඞ්කරාචාර්යවිරචිතමච්යුතාෂ්ටකං සම්පූර්ණම් ..