Achyutashtakam

achyutAShTakam

shloka 1

achyutaM keshavaM rAmanArAyaNaM

kRRiShNadAmodaraM vAsudevaM harim |

shrIdharaM mAdhavaM gopikA vallabhaM

jAnakInAyakaM rAmachandraM bhaje || 1 ||

achyutaM keshavaM satyabhAmAdhavaM

mAdhavaM shrIdharaM rAdhikA rAdhitam |

indirAmandiraM chetasA sundaraM

devakInandanaM nandajaM sandadhe || 2 ||

viShNave jiShNave sha~Nkane chakriNe

rukmiNI rAgiNe jAnakI jAnaye |

vallavI vallabhAyArchitA yAtmane

kaMsa vidhvaMsine vaMshine te namaH || 3 ||

kRRiShNa govinda he rAma nArAyaNa

shrIpate vAsudevAjita shrInidhe |

achyutAnanta he mAdhavAdhokShaja

dvArakAnAyaka draupadIrakShaka || 4 ||

rAkShasa kShobhitaH sItayA shobhito

daNDakAraNyabhU puNyatAkAraNaH |

lakShmaNonAnvito vAnaraiH sevito

agastya sampUjito rAghavaH pAtu mAm || 5 ||

dhenukAriShTako.aniShTakRRiddveShiNAM

keshihA kaMsahRRidvaNshikAvAdakaH |

pUtanAkopakaH sUrajAkhelano

bAlagopAlakaH pAtu mAM sarvadA || 6 ||

vidyududyotavatprasphuradvAsasaM

prAvRRiDambhodavatprollasadvigraham |

vanyayA mAlayA shobhitoraHsthalaM

lohitA~NghridvayaM vArijAkShaM bhaje || 7||

ku~nchitaiH kuntalai bhrAjamAnAnanaM

ratnamauliM lasat-kuNDalaM gaNDayoH |

hArakeyUrakaM ka~NkaNa projjvalaM

kiNkiNI manjulaM shyAmalaM taM bhaje || 8 ||

achyutasyAShTakaM yaH paThediShTadaM

premataH pratyahaM pUruShaH saspRRiham |

vRRittataH sundaraM kartRRi vishvambharaH

tasya vashyo hari rjAyate satvaram ||

achyutaM keshavaM rAmanArAyaNaM

kRRiShNadAmodaraM vAsudevaM harim |

shrIdharaM mAdhavaM gopikA vallabhaM

jAnakInAyakaM rAmachandraM bhaje || 1 |

|| iti shrIsha~NkarAchAryavirachitamachyutAShTakaM sampUrNam ||