Achyutashtakam

acyutASTakam

zloka 1

acyutaM kezavaM rAmanArAyaNaM

kRSNadAmodaraM vAsudevaM harim |

zrIdharaM mAdhavaM gopikA vallabhaM

jAnakInAyakaM rAmacandraM bhaje || 1 ||

acyutaM kezavaM satyabhAmAdhavaM

mAdhavaM zrIdharaM rAdhikA rAdhitam |

indirAmandiraM cetasA sundaraM

devakInandanaM nandajaM sandadhe || 2 ||

viSNave jiSNave zaGkane cakriNe

rukmiNI rAgiNe jAnakI jAnaye |

vallavI vallabhAyArcitA yAtmane

kaMsa vidhvaMsine vaMzine te namaH || 3 ||

kRSNa govinda he rAma nArAyaNa

zrIpate vAsudevAjita zrInidhe |

acyutAnanta he mAdhavAdhokSaja

dvArakAnAyaka draupadIrakSaka || 4 ||

rAkSasa kSobhitaH sItayA zobhito

daNDakAraNyabhU puNyatAkAraNaH |

lakSmaNonAnvito vAnaraiH sevito

agastya sampUjito rAghavaH pAtu mAm || 5 ||

dhenukAriSTako'niSTakRddveSiNAM

kezihA kaMsahRdvaNzikAvAdakaH |

pUtanAkopakaH sUrajAkhelano

bAlagopAlakaH pAtu mAM sarvadA || 6 ||

vidyududyotavatprasphuradvAsasaM

prAvRDambhodavatprollasadvigraham |

vanyayA mAlayA zobhitoraHsthalaM

lohitAGghridvayaM vArijAkSaM bhaje || 7||

kuJcitaiH kuntalai bhrAjamAnAnanaM

ratnamauliM lasat-kuNDalaM gaNDayoH |

hArakeyUrakaM kaGkaNa projjvalaM

kiGkiNI maJjulaM zyAmalaM taM bhaje || 8 ||

acyutasyASTakaM yaH paThediSTadaM

premataH pratyahaM pUruSaH saspRham |

vRttataH sundaraM kartR vizvambharaH

tasya vazyo hari rjAyate satvaram ||

acyutaM kezavaM rAmanArAyaNaM

kRSNadAmodaraM vAsudevaM harim |

zrIdharaM mAdhavaM gopikA vallabhaM

jAnakInAyakaM rAmacandraM bhaje || 1 |

|| iti zrIzaGkarAcAryaviracitamacyutASTakaM sampUrNam ||