Aadya Kalika Ashtottara Sata Namavali
ఆద్య కాలికా అష్టోత్తర శత నామావలిః
Aadya Kalika Ashtottara Sata Namavali
ఆద్య కాలికా అష్టోత్తర శత నామావలిః
శ్రీసదాశివ ఉవాచ
శృణు దేవి జగద్వన్ద్యే స్తోత్రమేతదనుత్తమమ్ ।
పఠనాచ్ఛ్రవణాద్యస్య సర్వసిద్ధీశ్వరో భవేత్ ॥ 1 ॥
అసౌభాగ్యప్రశమనం సుఖసమ్పద్వివర్ధనమ్ ।
అకాలమృత్యుహరణం సర్వాపద్వినివారణమ్ ॥ 2 ॥
శ్రీమదాద్యాకాలికాయాః సుఖసాన్నిధ్యకారణమ్ ।
స్తవస్యాస్య ప్రసీదేన త్రిపురారిరహం ప్రియే ॥ 3 ॥
స్తోత్రస్యాస్య ఋషిర్దేవి సదాశివ ఉదాహృతః ।
ఛన్దోఽనుష్టుబ్దేవతాద్యా కాలికా పరికీర్తితా ।
ధర్మకామార్థమోక్షేషు వినియోగః ప్రకీర్తితః ॥ 4 ॥
అథ స్తోత్రమ్
హ్రీం కాలీ శ్రీం కరాలీ చ క్రీం కల్యాణీ కలావతీ ।
కమలా కలిదర్పఘ్నీ కపర్దీశకృపాన్వితా ॥ 5 ॥
కాలికా కాలమాతా చ కాలానలసమద్యుతిః ।
కపర్దినీ కరాలాస్యా కరుణామృతసాగరా ॥ 6 ॥
కృపామయీ కృపాధారా కృపాపారా కృపాగమా ।
కృశానుః కపిలా కృష్ణా కృష్ణానన్దవివర్ధినీ ॥ 7 ॥
కాలరాత్రిః కామరూపా కామపాశవిమోచినీ ।
కాదమ్బినీ కలాధారా కలికల్మషనాశినీ ॥ 8 ॥
కుమారీపూజనప్రీతా కుమారీపూజకాలయా ।
కుమారీభోజనానన్దా కుమారీరూపధారిణీ ॥ 9 ॥
కదమ్బవనసఞ్చారా కదమ్బవనవాసినీ ।
కదమ్బపుష్పసన్తోషా కదమ్బపుష్పమాలినీ ॥ 10 ॥
కిశోరీ కలకణ్ఠా చ కలనాదనినాదినీ ।
కాదమ్బరీపానరతా తథా కాదమ్బరీప్రియా ॥ 11 ॥
కపాలపాత్రనిరతా కఙ్కాలమాల్యధారిణీ ।
కమలాసనసన్తుష్టా కమలాసనవాసినీ ॥ 12 ॥
కమలాలయమధ్యస్థా కమలామోదమోదినీ ।
కలహంసగతిః క్లైబ్యనాశినీ కామరూపిణీ ॥ 13 ॥
కామరూపకృతావాసా కామపీఠవిలాసినీ ।
కమనీయా కల్పలతా కమనీయవిభూషణా ॥ 14 ॥
కమనీయగుణారాధ్యా కోమలాఙ్గీ కృశోదరీ ।
కారణామృతసన్తోషా కారణానన్దసిద్ధిదా ॥ 15 ॥
కారణానన్దజాపేష్టా కారణార్చనహర్షితా ।
కారణార్ణవసమ్మగ్నా కారణవ్రతపాలినీ ॥ 16 ॥
కస్తూరీసౌరభామోదా కస్తూరీతిలకోజ్జ్వలా ।
కస్తూరీపూజనరతా కస్తూరీపూజకప్రియా ॥ 17 ॥
కస్తూరీదాహజననీ కస్తూరీమృగతోషిణీ ।
కస్తూరీభోజనప్రీతా కర్పూరామోదమోదితా ॥ 18 ॥
కర్పూరమాలాభరణా కర్పూరచన్దనోక్షితా ।
కర్పూరకారణాహ్లాదా కర్పూరామృతపాయినీ ॥ 19 ॥
కర్పూరసాగరస్నాతా కర్పూరసాగరాలయా ।
కూర్చబీజజపప్రీతా కూర్చజాపపరాయణా ॥ 20 ॥
కులీనా కౌలికారాధ్యా కౌలికప్రియకారిణీ ।
కులాచారా కౌతుకినీ కులమార్గప్రదర్శినీ ॥ 21 ॥
కాశీశ్వరీ కష్టహర్త్రీ కాశీశవరదాయినీ ।
కాశీశ్వరకృతామోదా కాశీశ్వరమనోరమా ॥ 22 ॥
కలమఞ్జీరచరణా క్వణత్కాఞ్చీవిభూషణా ।
కాఞ్చనాద్రికృతాగారా కాఞ్చనాచలకౌముదీ ॥ 23 ॥
కామబీజజపానన్దా కామబీజస్వరూపిణీ ।
కుమతిఘ్నీ కులీనార్తినాశినీ కులకామినీ ॥ 24 ॥
క్రీం హ్రీం శ్రీం మన్త్రవర్ణేన కాలకణ్టకఘాతినీ ।
ఇత్యాద్యాకాలికాదేవ్యాః శతనామ ప్రకీర్తితమ్ ॥ 25 ॥
కకారకూటఘటితం కాలీరూపస్వరూపకమ్ ।
పూజాకాలే పఠేద్యస్తు కాలికాకృతమానసః ॥ 26 ॥
మన్త్రసిద్ధిర్భవేదాశు తస్య కాలీ ప్రసీదతి ।
బుద్ధిం విద్యాం చ లభతే గురోరాదేశమాత్రతః ॥ 27 ॥
ధనవాన్ కీర్తిమాన్ భూయాద్దానశీలో దయాన్వితః ।
పుత్రపౌత్రసుఖైశ్వర్యైర్మోదతే సాధకో భువి ॥ 28 ॥
భౌమావాస్యానిశాభాగే మపఞ్చకసమన్వితః ।
పూజయిత్వా మహాకాలీమాద్యాం త్రిభువనేశ్వరీమ్ ॥ 29 ॥
పఠిత్వా శతనామాని సాక్షాత్కాలీమయో భవేత్ ।
నాసాధ్యం విద్యతే తస్య త్రిషు లోకేషు కిఞ్చన ॥ 30 ॥
విద్యాయాం వాక్పతిః సాక్షాత్ ధనే ధనపతిర్భవేత్ ।
సముద్ర ఇవ గామ్భీర్యే బలే చ పవనోపమః ॥ 31 ॥
తిగ్మాంశురివ దుష్ప్రేక్ష్యః శశివచ్ఛుభదర్శనః ।
రూపే మూర్తిధరః కామో యోషితాం హృదయఙ్గమః ॥ 32 ॥
సర్వత్ర జయమాప్నోతి స్తవస్యాస్య ప్రసాదతః ।
యం యం కామం పురస్కృత్య స్తోత్రమేతదుదీరయేత్ ॥ 33 ॥
తం తం కామమవాప్నోతి శ్రీమదాద్యాప్రసాదతః ।
రణే రాజకులే ద్యూతే వివాదే ప్రాణసఙ్కటే ॥ 34 ॥
దస్యుగ్రస్తే గ్రామదాహే సింహవ్యాఘ్రావృతే తథా ।
అరణ్యే ప్రాన్తరే దుర్గే గ్రహరాజభయేఽపి వా ॥ 35 ॥
జ్వరదాహే చిరవ్యాధౌ మహారోగాదిసఙ్కులే ।
బాలగ్రహాది రోగే చ తథా దుఃస్వప్నదర్శనే ॥ 36 ॥
దుస్తరే సలిలే వాపి పోతే వాతవిపద్గతే ।
విచిన్త్య పరమాం మాయామాద్యాం కాలీం పరాత్పరామ్ ॥ 37 ॥
యః పఠేచ్ఛతనామాని దృఢభక్తిసమన్వితః ।
సర్వాపద్భ్యో విముచ్యేత దేవి సత్యం న సంశయః ॥ 38 ॥
న పాపేభ్యో భయం తస్య న రోగోభ్యో భయం క్వచిత్ ।
సర్వత్ర విజయస్తస్య న కుత్రాపి పరాభవః ॥ 39 ॥
తస్య దర్శనమాత్రేణ పలాయన్తే విపద్గణాః ।
స వక్తా సర్వశాస్త్రాణాం స భోక్తా సర్వసమ్పదామ్ ॥ 40 ॥
స కర్తా జాతిధర్మాణాం జ్ఞాతీనాం ప్రభురేవ సః ।
వాణీ తస్య వసేద్వక్త్రే కమలా నిశ్చలా గృహే ॥ 41 ॥
తన్నామ్నా మానవాః సర్వే ప్రణమన్తి ససమ్భ్రమాః ।
దృష్ట్యా తస్య తృణాయన్తే హ్యణిమాద్యష్టసిద్ధయః ॥ 42 ॥
ఆద్యాకాలీస్వరూపాఖ్యం శతనామ ప్రకీర్తితమ్ ।
అష్టోత్తరశతావృత్యా పురశ్చర్యాఽస్య గీయతే ॥ 43 ॥
పురస్క్రియాన్వితం స్తోత్రం సర్వాభీష్టఫలప్రదమ్ ।
శతనామస్తుతిమిమామాద్యాకాలీస్వరూపిణీమ్ ॥ 44 ॥
పఠేద్వా పాఠయేద్వాపి శృణుయాచ్ఛ్రావయేదపి ।
సర్వపాపవినిర్ముక్తో బ్రహ్మసాయుజ్యమాప్నుయాత్ ॥ 45 ॥
ఇతి మహానిర్వాణతన్త్రే సప్తమోల్లాసాన్తర్గతం శ్రీ ఆద్యా కాలికా శతనామ స్తోత్రమ్ ॥
About This Stotram
Overview
Aadya Kalika Ashtottara Sata Namavali is a Sanskrit hymn listing 108 names of Aadya Kalika, the primordial form of Goddess Kali. Each name describes a distinct attribute or power of the Goddess. The text belongs to the Tantric tradition, where Shiva imparts divine knowledge to Shakti, and is recited for spiritual protection and material well-being.
What are the benefits of chanting Aadya Kalika Ashtottara Sata Namavali?
- Recitation is said to help devotees attain siddhis (spiritual powers).
- It is recited to remove misfortune and ward off calamities.
- Devotees chant it to seek protection from untimely death.
- The text is believed to bring happiness and prosperity.
- Chanting the 108 names is considered a complete act of worship of the Goddess.
When is the best time to recite this?
This namavali is recited during daily puja, on occasions such as Kali Puja and Navaratri, and at other festivals dedicated to the Goddess. It is also recited in times of difficulty to seek divine protection.
Historical and traditional background
The Aadya Kalika Ashtottara Sata Namavali belongs to the Tantric tradition. The introductory verses indicate it was revealed by Shiva to Devi, placing it within the category of Agama texts. The exact date of composition is unknown. It circulates within Shakta devotional literature as a standalone namavali for ritual use.
Available scripts
This text is available in 14 scripts: Devanagari, Tamil, Telugu, Kannada, Malayalam, Gujarati, Bengali, IAST, Gurmukhi, Oriya, Assamese, Sinhala, ITRANS, HK. Use the script selector to read it in your preferred script.
Related Texts
- Kali Sahasranama Stotram — a longer collection of one thousand names of the same Goddess.
- Dakshina Kali Ashtakam — an eight-verse hymn to Kali, worshipped in the same Shakta tradition.