ആദ്യ കാലികാ അഷ്ടോത്തര ശത നാമാവലിഃ

ആദ്യ കാലികാ അഷ്ടോത്തര ശത നാമാവലിഃ

ശ്ലോക 1

ശ്രീസദാശിവ ഉവാച

ശൃണു ദേവി ജഗദ്വന്ദ്യേ സ്തോത്രമേതദനുത്തമമ് ।

പഠനാച്ഛ്രവണാദ്യസ്യ സര്വസിദ്ധീശ്വരോ ഭവേത്

ശ്ലോക 2

അസൌഭാഗ്യപ്രശമനം സുഖസമ്പദ്വിവര്ധനമ് ।

അകാലമൃത്യുഹരണം സര്വാപദ്വിനിവാരണമ്

॥ 1 ॥

ശ്ലോക 3

ശ്രീമദാദ്യാകാലികായാഃ സുഖസാന്നിധ്യകാരണമ് ।

സ്തവസ്യാസ്യ പ്രസീദേന ത്രിപുരാരിരഹം പ്രിയേ

॥ 2 ॥

ശ്ലോക 4

സ്തോത്രസ്യാസ്യ ഋഷിര്ദേവി സദാശിവ ഉദാഹൃതഃ ।

ഛന്ദോഽനുഷ്ടുബ്ദേവതാദ്യാ കാലികാ പരികീര്തിതാ ।

ധര്മകാമാര്ഥമോക്ഷേഷു വിനിയോഗഃ പ്രകീര്തിതഃ

॥ 3 ॥

ശ്ലോക 5

അഥ സ്തോത്രമ്

ഹ്രീം കാലീ ശ്രീം കരാലീ ച ക്രീം കല്യാണീ കലാവതീ ।

കമലാ കലിദര്പഘ്നീ കപര്ദീശകൃപാന്വിതാ

॥ 4 ॥

ശ്ലോക 6

കാലികാ കാലമാതാ ച കാലാനലസമദ്യുതിഃ ।

കപര്ദിനീ കരാലാസ്യാ കരുണാമൃതസാഗരാ

॥ 5 ॥

ശ്ലോക 7

കൃപാമയീ കൃപാധാരാ കൃപാപാരാ കൃപാഗമാ ।

കൃശാനുഃ കപിലാ കൃഷ്ണാ കൃഷ്ണാനന്ദവിവര്ധിനീ

॥ 6 ॥

ശ്ലോക 8

കാലരാത്രിഃ കാമരൂപാ കാമപാശവിമോചിനീ ।

കാദമ്ബിനീ കലാധാരാ കലികല്മഷനാശിനീ

॥ 7 ॥

ശ്ലോക 9

കുമാരീപൂജനപ്രീതാ കുമാരീപൂജകാലയാ ।

കുമാരീഭോജനാനന്ദാ കുമാരീരൂപധാരിണീ

॥ 8 ॥

ശ്ലോക 10

കദമ്ബവനസഞ്ചാരാ കദമ്ബവനവാസിനീ ।

കദമ്ബപുഷ്പസന്തോഷാ കദമ്ബപുഷ്പമാലിനീ

॥ 9 ॥

ശ്ലോക 11

കിശോരീ കലകണ്ഠാ ച കലനാദനിനാദിനീ ।

കാദമ്ബരീപാനരതാ തഥാ കാദമ്ബരീപ്രിയാ

॥ 10 ॥

ശ്ലോക 12

കപാലപാത്രനിരതാ കങ്കാലമാല്യധാരിണീ ।

കമലാസനസന്തുഷ്ടാ കമലാസനവാസിനീ

॥ 11 ॥

ശ്ലോക 13

കമലാലയമധ്യസ്ഥാ കമലാമോദമോദിനീ ।

കലഹംസഗതിഃ ക്ലൈബ്യനാശിനീ കാമരൂപിണീ

॥ 12 ॥

ശ്ലോക 14

കാമരൂപകൃതാവാസാ കാമപീഠവിലാസിനീ ।

കമനീയാ കല്പലതാ കമനീയവിഭൂഷണാ

॥ 13 ॥

ശ്ലോക 15

കമനീയഗുണാരാധ്യാ കോമലാങ്ഗീ കൃശോദരീ ।

കാരണാമൃതസന്തോഷാ കാരണാനന്ദസിദ്ധിദാ

॥ 14 ॥

ശ്ലോക 16

കാരണാനന്ദജാപേഷ്ടാ കാരണാര്ചനഹര്ഷിതാ ।

കാരണാര്ണവസമ്മഗ്നാ കാരണവ്രതപാലിനീ

॥ 15 ॥

ശ്ലോക 17

കസ്തൂരീസൌരഭാമോദാ കസ്തൂരീതിലകോജ്ജ്വലാ ।

കസ്തൂരീപൂജനരതാ കസ്തൂരീപൂജകപ്രിയാ

॥ 16 ॥

ശ്ലോക 18

കസ്തൂരീദാഹജനനീ കസ്തൂരീമൃഗതോഷിണീ ।

കസ്തൂരീഭോജനപ്രീതാ കര്പൂരാമോദമോദിതാ

॥ 17 ॥

ശ്ലോക 19

കര്പൂരമാലാഭരണാ കര്പൂരചന്ദനോക്ഷിതാ ।

കര്പൂരകാരണാഹ്ലാദാ കര്പൂരാമൃതപായിനീ

॥ 18 ॥

ശ്ലോക 20

കര്പൂരസാഗരസ്നാതാ കര്പൂരസാഗരാലയാ ।

കൂര്ചബീജജപപ്രീതാ കൂര്ചജാപപരായണാ

॥ 19 ॥

ശ്ലോക 21

കുലീനാ കൌലികാരാധ്യാ കൌലികപ്രിയകാരിണീ ।

കുലാചാരാ കൌതുകിനീ കുലമാര്ഗപ്രദര്ശിനീ

॥ 20 ॥

ശ്ലോക 22

കാശീശ്വരീ കഷ്ടഹര്ത്രീ കാശീശവരദായിനീ ।

കാശീശ്വരകൃതാമോദാ കാശീശ്വരമനോരമാ

॥ 21 ॥

ശ്ലോക 23

കലമഞ്ജീരചരണാ ക്വണത്കാഞ്ചീവിഭൂഷണാ ।

കാഞ്ചനാദ്രികൃതാഗാരാ കാഞ്ചനാചലകൌമുദീ

॥ 22 ॥

ശ്ലോക 24

കാമബീജജപാനന്ദാ കാമബീജസ്വരൂപിണീ ।

കുമതിഘ്നീ കുലീനാര്തിനാശിനീ കുലകാമിനീ

॥ 23 ॥

ശ്ലോക 25

ക്രീം ഹ്രീം ശ്രീം മന്ത്രവര്ണേന കാലകണ്ടകഘാതിനീ ।

ഇത്യാദ്യാകാലികാദേവ്യാഃ ശതനാമ പ്രകീര്തിതമ്

॥ 24 ॥

ശ്ലോക 26

കകാരകൂടഘടിതം കാലീരൂപസ്വരൂപകമ് ।

പൂജാകാലേ പഠേദ്യസ്തു കാലികാകൃതമാനസഃ

॥ 25 ॥

ശ്ലോക 27

മന്ത്രസിദ്ധിര്ഭവേദാശു തസ്യ കാലീ പ്രസീദതി ।

ബുദ്ധിം വിദ്യാം ച ലഭതേ ഗുരോരാദേശമാത്രതഃ

॥ 26 ॥

ശ്ലോക 28

ധനവാന് കീര്തിമാന് ഭൂയാദ്ദാനശീലോ ദയാന്വിതഃ ।

പുത്രപൌത്രസുഖൈശ്വര്യൈര്മോദതേ സാധകോ ഭുവി

॥ 27 ॥

ശ്ലോക 29

ഭൌമാവാസ്യാനിശാഭാഗേ മപഞ്ചകസമന്വിതഃ ।

പൂജയിത്വാ മഹാകാലീമാദ്യാം ത്രിഭുവനേശ്വരീമ്

॥ 28 ॥

ശ്ലോക 30

പഠിത്വാ ശതനാമാനി സാക്ഷാത്കാലീമയോ ഭവേത് ।

നാസാധ്യം വിദ്യതേ തസ്യ ത്രിഷു ലോകേഷു കിഞ്ചന

॥ 29 ॥

ശ്ലോക 31

വിദ്യായാം വാക്പതിഃ സാക്ഷാത് ധനേ ധനപതിര്ഭവേത് ।

സമുദ്ര ഇവ ഗാമ്ഭീര്യേ ബലേ ച പവനോപമഃ

॥ 30 ॥

ശ്ലോക 32

തിഗ്മാംശുരിവ ദുഷ്പ്രേക്ഷ്യഃ ശശിവച്ഛുഭദര്ശനഃ ।

രൂപേ മൂര്തിധരഃ കാമോ യോഷിതാം ഹൃദയങ്ഗമഃ

॥ 31 ॥

ശ്ലോക 33

സര്വത്ര ജയമാപ്നോതി സ്തവസ്യാസ്യ പ്രസാദതഃ ।

യം യം കാമം പുരസ്കൃത്യ സ്തോത്രമേതദുദീരയേത്

॥ 32 ॥

ശ്ലോക 34

തം തം കാമമവാപ്നോതി ശ്രീമദാദ്യാപ്രസാദതഃ ।

രണേ രാജകുലേ ദ്യൂതേ വിവാദേ പ്രാണസങ്കടേ

॥ 33 ॥

ശ്ലോക 35

ദസ്യുഗ്രസ്തേ ഗ്രാമദാഹേ സിംഹവ്യാഘ്രാവൃതേ തഥാ ।

അരണ്യേ പ്രാന്തരേ ദുര്ഗേ ഗ്രഹരാജഭയേഽപി വാ

॥ 34 ॥

ശ്ലോക 36

ജ്വരദാഹേ ചിരവ്യാധൌ മഹാരോഗാദിസങ്കുലേ ।

ബാലഗ്രഹാദി രോഗേ ച തഥാ ദുഃസ്വപ്നദര്ശനേ

॥ 35 ॥

ശ്ലോക 37

ദുസ്തരേ സലിലേ വാപി പോതേ വാതവിപദ്ഗതേ ।

വിചിന്ത്യ പരമാം മായാമാദ്യാം കാലീം പരാത്പരാമ്

॥ 36 ॥

ശ്ലോക 38

യഃ പഠേച്ഛതനാമാനി ദൃഢഭക്തിസമന്വിതഃ ।

സര്വാപദ്ഭ്യോ വിമുച്യേത ദേവി സത്യം ന സംശയഃ

॥ 37 ॥

ശ്ലോക 39

ന പാപേഭ്യോ ഭയം തസ്യ ന രോഗോഭ്യോ ഭയം ക്വചിത് ।

സര്വത്ര വിജയസ്തസ്യ ന കുത്രാപി പരാഭവഃ

॥ 38 ॥

ശ്ലോക 40

തസ്യ ദര്ശനമാത്രേണ പലായന്തേ വിപദ്ഗണാഃ ।

സ വക്താ സര്വശാസ്ത്രാണാം സ ഭോക്താ സര്വസമ്പദാമ്

॥ 39 ॥

ശ്ലോക 41

സ കര്താ ജാതിധര്മാണാം ജ്ഞാതീനാം പ്രഭുരേവ സഃ ।

വാണീ തസ്യ വസേദ്വക്ത്രേ കമലാ നിശ്ചലാ ഗൃഹേ

॥ 40 ॥

ശ്ലോക 42

തന്നാമ്നാ മാനവാഃ സര്വേ പ്രണമന്തി സസമ്ഭ്രമാഃ ।

ദൃഷ്ട്യാ തസ്യ തൃണായന്തേ ഹ്യണിമാദ്യഷ്ടസിദ്ധയഃ

॥ 41 ॥

ശ്ലോക 43

ആദ്യാകാലീസ്വരൂപാഖ്യം ശതനാമ പ്രകീര്തിതമ് ।

അഷ്ടോത്തരശതാവൃത്യാ പുരശ്ചര്യാഽസ്യ ഗീയതേ

॥ 42 ॥

ശ്ലോക 44

പുരസ്ക്രിയാന്വിതം സ്തോത്രം സര്വാഭീഷ്ടഫലപ്രദമ് ।

ശതനാമസ്തുതിമിമാമാദ്യാകാലീസ്വരൂപിണീമ്

॥ 43 ॥

ശ്ലോക 45

പഠേദ്വാ പാഠയേദ്വാപി ശൃണുയാച്ഛ്രാവയേദപി ।

സര്വപാപവിനിര്മുക്തോ ബ്രഹ്മസായുജ്യമാപ്നുയാത്

॥ 44 ॥

ശ്ലോക 46

ഇതി മഹാനിര്വാണതന്ത്രേ സപ്തമോല്ലാസാന്തര്ഗതം ശ്രീ ആദ്യാ കാലികാ ശതനാമ സ്തോത്രമ് ॥