આદ્ય કાલિકા અષ્ટોત્તર શત નામાવલિઃ

આદ્ય કાલિકા અષ્ટોત્તર શત નામાવલિઃ

શ્લોક 1

શ્રીસદાશિવ ઉવાચ

શૃણુ દેવિ જગદ્વન્દ્યે સ્તોત્રમેતદનુત્તમમ્ ।

પઠનાચ્છ્રવણાદ્યસ્ય સર્વસિદ્ધીશ્વરો ભવેત્

શ્લોક 2

અસૌભાગ્યપ્રશમનં સુખસમ્પદ્વિવર્ધનમ્ ।

અકાલમૃત્યુહરણં સર્વાપદ્વિનિવારણમ્

॥ 1 ॥

શ્લોક 3

શ્રીમદાદ્યાકાલિકાયાઃ સુખસાન્નિધ્યકારણમ્ ।

સ્તવસ્યાસ્ય પ્રસીદેન ત્રિપુરારિરહં પ્રિયે

॥ 2 ॥

શ્લોક 4

સ્તોત્રસ્યાસ્ય ઋષિર્દેવિ સદાશિવ ઉદાહૃતઃ ।

છન્દોઽનુષ્ટુબ્દેવતાદ્યા કાલિકા પરિકીર્તિતા ।

ધર્મકામાર્થમોક્ષેષુ વિનિયોગઃ પ્રકીર્તિતઃ

॥ 3 ॥

શ્લોક 5

અથ સ્તોત્રમ્

હ્રીં કાલી શ્રીં કરાલી ચ ક્રીં કલ્યાણી કલાવતી ।

કમલા કલિદર્પઘ્ની કપર્દીશકૃપાન્વિતા

॥ 4 ॥

શ્લોક 6

કાલિકા કાલમાતા ચ કાલાનલસમદ્યુતિઃ ।

કપર્દિની કરાલાસ્યા કરુણામૃતસાગરા

॥ 5 ॥

શ્લોક 7

કૃપામયી કૃપાધારા કૃપાપારા કૃપાગમા ।

કૃશાનુઃ કપિલા કૃષ્ણા કૃષ્ણાનન્દવિવર્ધિની

॥ 6 ॥

શ્લોક 8

કાલરાત્રિઃ કામરૂપા કામપાશવિમોચિની ।

કાદમ્બિની કલાધારા કલિકલ્મષનાશિની

॥ 7 ॥

શ્લોક 9

કુમારીપૂજનપ્રીતા કુમારીપૂજકાલયા ।

કુમારીભોજનાનન્દા કુમારીરૂપધારિણી

॥ 8 ॥

શ્લોક 10

કદમ્બવનસઞ્ચારા કદમ્બવનવાસિની ।

કદમ્બપુષ્પસન્તોષા કદમ્બપુષ્પમાલિની

॥ 9 ॥

શ્લોક 11

કિશોરી કલકણ્ઠા ચ કલનાદનિનાદિની ।

કાદમ્બરીપાનરતા તથા કાદમ્બરીપ્રિયા

॥ 10 ॥

શ્લોક 12

કપાલપાત્રનિરતા કઙ્કાલમાલ્યધારિણી ।

કમલાસનસન્તુષ્ટા કમલાસનવાસિની

॥ 11 ॥

શ્લોક 13

કમલાલયમધ્યસ્થા કમલામોદમોદિની ।

કલહંસગતિઃ ક્લૈબ્યનાશિની કામરૂપિણી

॥ 12 ॥

શ્લોક 14

કામરૂપકૃતાવાસા કામપીઠવિલાસિની ।

કમનીયા કલ્પલતા કમનીયવિભૂષણા

॥ 13 ॥

શ્લોક 15

કમનીયગુણારાધ્યા કોમલાઙ્ગી કૃશોદરી ।

કારણામૃતસન્તોષા કારણાનન્દસિદ્ધિદા

॥ 14 ॥

શ્લોક 16

કારણાનન્દજાપેષ્ટા કારણાર્ચનહર્ષિતા ।

કારણાર્ણવસમ્મગ્ના કારણવ્રતપાલિની

॥ 15 ॥

શ્લોક 17

કસ્તૂરીસૌરભામોદા કસ્તૂરીતિલકોજ્જ્વલા ।

કસ્તૂરીપૂજનરતા કસ્તૂરીપૂજકપ્રિયા

॥ 16 ॥

શ્લોક 18

કસ્તૂરીદાહજનની કસ્તૂરીમૃગતોષિણી ।

કસ્તૂરીભોજનપ્રીતા કર્પૂરામોદમોદિતા

॥ 17 ॥

શ્લોક 19

કર્પૂરમાલાભરણા કર્પૂરચન્દનોક્ષિતા ।

કર્પૂરકારણાહ્લાદા કર્પૂરામૃતપાયિની

॥ 18 ॥

શ્લોક 20

કર્પૂરસાગરસ્નાતા કર્પૂરસાગરાલયા ।

કૂર્ચબીજજપપ્રીતા કૂર્ચજાપપરાયણા

॥ 19 ॥

શ્લોક 21

કુલીના કૌલિકારાધ્યા કૌલિકપ્રિયકારિણી ।

કુલાચારા કૌતુકિની કુલમાર્ગપ્રદર્શિની

॥ 20 ॥

શ્લોક 22

કાશીશ્વરી કષ્ટહર્ત્રી કાશીશવરદાયિની ।

કાશીશ્વરકૃતામોદા કાશીશ્વરમનોરમા

॥ 21 ॥

શ્લોક 23

કલમઞ્જીરચરણા ક્વણત્કાઞ્ચીવિભૂષણા ।

કાઞ્ચનાદ્રિકૃતાગારા કાઞ્ચનાચલકૌમુદી

॥ 22 ॥

શ્લોક 24

કામબીજજપાનન્દા કામબીજસ્વરૂપિણી ।

કુમતિઘ્ની કુલીનાર્તિનાશિની કુલકામિની

॥ 23 ॥

શ્લોક 25

ક્રીં હ્રીં શ્રીં મન્ત્રવર્ણેન કાલકણ્ટકઘાતિની ।

ઇત્યાદ્યાકાલિકાદેવ્યાઃ શતનામ પ્રકીર્તિતમ્

॥ 24 ॥

શ્લોક 26

કકારકૂટઘટિતં કાલીરૂપસ્વરૂપકમ્ ।

પૂજાકાલે પઠેદ્યસ્તુ કાલિકાકૃતમાનસઃ

॥ 25 ॥

શ્લોક 27

મન્ત્રસિદ્ધિર્ભવેદાશુ તસ્ય કાલી પ્રસીદતિ ।

બુદ્ધિં વિદ્યાં ચ લભતે ગુરોરાદેશમાત્રતઃ

॥ 26 ॥

શ્લોક 28

ધનવાન્ કીર્તિમાન્ ભૂયાદ્દાનશીલો દયાન્વિતઃ ।

પુત્રપૌત્રસુખૈશ્વર્યૈર્મોદતે સાધકો ભુવિ

॥ 27 ॥

શ્લોક 29

ભૌમાવાસ્યાનિશાભાગે મપઞ્ચકસમન્વિતઃ ।

પૂજયિત્વા મહાકાલીમાદ્યાં ત્રિભુવનેશ્વરીમ્

॥ 28 ॥

શ્લોક 30

પઠિત્વા શતનામાનિ સાક્ષાત્કાલીમયો ભવેત્ ।

નાસાધ્યં વિદ્યતે તસ્ય ત્રિષુ લોકેષુ કિઞ્ચન

॥ 29 ॥

શ્લોક 31

વિદ્યાયાં વાક્પતિઃ સાક્ષાત્ ધને ધનપતિર્ભવેત્ ।

સમુદ્ર ઇવ ગામ્ભીર્યે બલે ચ પવનોપમઃ

॥ 30 ॥

શ્લોક 32

તિગ્માંશુરિવ દુષ્પ્રેક્ષ્યઃ શશિવચ્છુભદર્શનઃ ।

રૂપે મૂર્તિધરઃ કામો યોષિતાં હૃદયઙ્ગમઃ

॥ 31 ॥

શ્લોક 33

સર્વત્ર જયમાપ્નોતિ સ્તવસ્યાસ્ય પ્રસાદતઃ ।

યં યં કામં પુરસ્કૃત્ય સ્તોત્રમેતદુદીરયેત્

॥ 32 ॥

શ્લોક 34

તં તં કામમવાપ્નોતિ શ્રીમદાદ્યાપ્રસાદતઃ ।

રણે રાજકુલે દ્યૂતે વિવાદે પ્રાણસઙ્કટે

॥ 33 ॥

શ્લોક 35

દસ્યુગ્રસ્તે ગ્રામદાહે સિંહવ્યાઘ્રાવૃતે તથા ।

અરણ્યે પ્રાન્તરે દુર્ગે ગ્રહરાજભયેઽપિ વા

॥ 34 ॥

શ્લોક 36

જ્વરદાહે ચિરવ્યાધૌ મહારોગાદિસઙ્કુલે ।

બાલગ્રહાદિ રોગે ચ તથા દુઃસ્વપ્નદર્શને

॥ 35 ॥

શ્લોક 37

દુસ્તરે સલિલે વાપિ પોતે વાતવિપદ્ગતે ।

વિચિન્ત્ય પરમાં માયામાદ્યાં કાલીં પરાત્પરામ્

॥ 36 ॥

શ્લોક 38

યઃ પઠેચ્છતનામાનિ દૃઢભક્તિસમન્વિતઃ ।

સર્વાપદ્ભ્યો વિમુચ્યેત દેવિ સત્યં ન સંશયઃ

॥ 37 ॥

શ્લોક 39

ન પાપેભ્યો ભયં તસ્ય ન રોગોભ્યો ભયં ક્વચિત્ ।

સર્વત્ર વિજયસ્તસ્ય ન કુત્રાપિ પરાભવઃ

॥ 38 ॥

શ્લોક 40

તસ્ય દર્શનમાત્રેણ પલાયન્તે વિપદ્ગણાઃ ।

સ વક્તા સર્વશાસ્ત્રાણાં સ ભોક્તા સર્વસમ્પદામ્

॥ 39 ॥

શ્લોક 41

સ કર્તા જાતિધર્માણાં જ્ઞાતીનાં પ્રભુરેવ સઃ ।

વાણી તસ્ય વસેદ્વક્ત્રે કમલા નિશ્ચલા ગૃહે

॥ 40 ॥

શ્લોક 42

તન્નામ્ના માનવાઃ સર્વે પ્રણમન્તિ સસમ્ભ્રમાઃ ।

દૃષ્ટ્યા તસ્ય તૃણાયન્તે હ્યણિમાદ્યષ્ટસિદ્ધયઃ

॥ 41 ॥

શ્લોક 43

આદ્યાકાલીસ્વરૂપાખ્યં શતનામ પ્રકીર્તિતમ્ ।

અષ્ટોત્તરશતાવૃત્યા પુરશ્ચર્યાઽસ્ય ગીયતે

॥ 42 ॥

શ્લોક 44

પુરસ્ક્રિયાન્વિતં સ્તોત્રં સર્વાભીષ્ટફલપ્રદમ્ ।

શતનામસ્તુતિમિમામાદ્યાકાલીસ્વરૂપિણીમ્

॥ 43 ॥

શ્લોક 45

પઠેદ્વા પાઠયેદ્વાપિ શૃણુયાચ્છ્રાવયેદપિ ।

સર્વપાપવિનિર્મુક્તો બ્રહ્મસાયુજ્યમાપ્નુયાત્

॥ 44 ॥

શ્લોક 46

ઇતિ મહાનિર્વાણતન્ત્રે સપ્તમોલ્લાસાન્તર્ગતં શ્રી આદ્યા કાલિકા શતનામ સ્તોત્રમ્ ॥