Vishnu Suktam

viSNu sUktam

zloka 1

OM-viSNo॒rnukaM॑-vI॒ryA॑Ni॒ pravo॑caM॒ yaH pArthi॑vAni vima॒me rAjAgM॑si॒ yo aska॑bhAya॒dutta॑ragM sa॒dhasthaM॑-vi~cakramA॒Nastre॒dhoru॑gA॒yaH || 1 (tai. saM. 1.2.13.3)

viSNo॑ra॒rATa॑masi॒ viSNoH᳚ pR॒SThama॑si॒ viSNo॒-zznaptre᳚stho॒ viSNo॒ssyUra॑si॒ viSNo᳚rdhru॒vama॑si vaiSNa॒vama॑si॒ viSNa॑ve tvA || 2 (tai. saM. 1.2.13.3)

tada॑sya pri॒yama॒bhipAtho॑ azyAm | naro॒ yatra॑ deva॒yavo॒ mada॑nti | u॒ru॒kra॒masya॒ sa hi bandhu॑ri॒tthA | viSNo᳚ pa॒de pa॑ra॒me madhva॒ uthsaH॑ || 3 (tai. brA. 2.4.6.2)

pra tadviSNu॑-sstavate vI॒ryA॑ya | mR॒go na bhI॒maH ku॑ca॒ro gi॑ri॒SThAH | yasyo॒ruSu॑ tri॒Su vi॒krama॑NeSu | adhi॑kSa॒yanti॒ bhuva॑nAni॒ vizvA᳚ || 4 (tai. brA. 2.4.3.4)

pa॒ro mAtra॑yA ta॒nuvA॑ vRdhAna | na te॑ mahi॒tvamanva॑znuvanti | u॒bhe te॑ vidma॒ raja॑sI pRthi॒vyA viSNo॑ deva॒tvam | pa॒ra॒masya॑ vithse || 5 (tai. brA. 2.8.3.2)

vica॑krame pRthi॒vIme॒Sa e॒tAm | kSetrA॑ya॒ viSNu॒rmanu॑Se daza॒syann | dhru॒vAso॑ asya kI॒rayo॒ janA॑saH | U॒ru॒kSi॒tigM su॒jani॑mAcakAra || 6 (tai. brA. 2.4.3.5)

trirde॒vaH pR॑thi॒vIme॒Sa e॒tAm | vica॑krame za॒tarca॑sa-mmahi॒tvA | pra viSNu॑rastu ta॒vasa॒stavI॑yAn | tve॒Sagg hya॑sya॒ sthavi॑rasya॒ nAma॑ || 7 (tai. brA. 2.4.3.5)

ato॑ de॒vA a॑vantu no॒ yato॒ viSNu॑rvicakra॒me | pR॒thi॒vyA-ssa॒ptadhAma॑bhiH | i॒daM-vi~SNu॒rvica॑krame tre॒dhA nida॑dhe pa॒dam | samU॑Dhamasya pAgM su॒re || trINi॑ pa॒dA vica॑krame॒ viSNu॑rgo॒pA adA᳚bhyaH | tato॒ dharmA॑Ni dhA॒rayan॑ | viSNoH॒ karmA॑Ni pazyata॒ yato᳚ vra॒tAni॑ paspa॒ze | indra॑sya॒ yujya॒ssakhA᳚ ||

tadviSNoH᳚ para॒ma-mpa॒dagM sadA॑ pazyanti sU॒rayaH॑ | di॒vIva॒ cakSu॒rAta॑tam | tadviprA॑so vipa॒nyavo॑ jAgR॒vAgM sa॒ssamiM॑dhate | viSNo॒ryatpa॑ra॒ma-mpa॒dam | paryA᳚ptyA॒ anaM॑tarAyAya॒ sarva॑stomo-'ti rA॒tra u॑tta॒ma maha॑rbhavati sarva॒syAptyai॒ sarva॑sya॒ jittyai॒ sarva॑me॒va tenA᳚pnoti॒ sarvaM॑ jayati ||

OM zAnti॒-zzAnti॒-zzAntiH॑ ||