Vishnu Shatpadi

ଵିଷ୍ଣୁ ଷଟ୍ପଦି

ଶ୍ଲୋକ 1

ଅଵିନଯମପନଯ ଵିଷ୍ଣୋ ଦମଯ ମନଃ ଶମଯ ଵିଷଯମୃଗତୃଷ୍ଣାମ୍ ।

ଭୂତଦଯାଂ ଵିସ୍ତାରଯ ତାରଯ ସଂସାରସାଗରତଃ

ଶ୍ଲୋକ 2

ଦିଵ୍ଯଧୁନୀମକରନ୍ଦେ ପରିମଲପରିଭୋଗସଚ୍ଚିଦାନନ୍ଦେ ।

ଶ୍ରୀପତିପଦାରଵିନ୍ଦେ ଭଵଭଯଖେଦଚ୍ଛିଦେ ଵନ୍ଦେ

॥ 1 ॥

ଶ୍ଲୋକ 3

ସତ୍ଯପି ଭେଦାପଗମେ ନାଥ ତଵାଽହଂ ନ ମାମକୀନସ୍ତ୍ଵମ୍ ।

ସାମୁଦ୍ରୋ ହି ତରଙ୍ଗଃ କ୍ଵଚନ ସମୁଦ୍ରୋ ନ ତାରଙ୍ଗଃ

॥ 2 ॥

ଶ୍ଲୋକ 4

ଉଦ୍ଧୃତନଗ ନଗଭିଦନୁଜ ଦନୁଜକୁଲାମିତ୍ର ମିତ୍ରଶଶିଦୃଷ୍ଟେ ।

ଦୃଷ୍ଟେ ଭଵତି ପ୍ରଭଵତି ନ ଭଵତି କିଂ ଭଵତିରସ୍କାରଃ

॥ 3 ॥

ଶ୍ଲୋକ 5

ମତ୍ସ୍ଯାଦିଭିରଵତାରୈରଵତାରଵତାଽଵତା ସଦା ଵସୁଧାମ୍ ।

ପରମେଶ୍ଵର ପରିପାଲ୍ଯୋ ଭଵତା ଭଵତାପଭୀତୋଽହମ୍

॥ 4 ॥

ଶ୍ଲୋକ 6

ଦାମୋଦର ଗୁଣମନ୍ଦିର ସୁନ୍ଦରଵଦନାରଵିନ୍ଦ ଗୋଵିନ୍ଦ ।

ଭଵଜଲଧିମଥନମନ୍ଦର ପରମଂ ଦରମପନଯ ତ୍ଵଂ ମେ

॥ 5 ॥

ଶ୍ଲୋକ 7

ନାରାଯଣ କରୁଣାମଯ ଶରଣଂ କରଵାଣି ତାଵକୌ ଚରଣୌ ।

ଇତି ଷଟ୍ପଦୀ ମଦୀଯେ ଵଦନସରୋଜେ ସଦା ଵସତୁ ॥

ଇତି ଶ୍ରୀମଚ୍ଚଙ୍କରାଚାର୍ଯ ଵିରଚିତଂ ଶ୍ରୀ ଵିଷ୍ଣୁ ଷଟ୍ପଦୀ ସ୍ତୋତ୍ରଂ ସମ୍ପୂର୍ଣମ୍