Sri Vishnu Ashtottara Sata Naama Stotram

zrI viSNu aSTottara zatanAma stotram

zloka 1

aSTottarazataM nAmnAM viSNoratulatejasaH |

yasya zravaNamAtreNa naro nArAyaNo bhavet || 1 ||

viSNurjiSNurvaSaTkAro devadevo vRSAkapiH | [vRSApatiH]

dAmodaro dInabandhurAdidevo'ditestutaH || 2 ||

puNDarIkaH parAnandaH paramAtmA parAtparaH |

parazudhArI vizvAtmA kRSNaH kalimalApahA || 3 ||

kaustubhodbhAsitorasko naro nArAyaNo hariH |

haro harapriyaH svAmI vaikuNTho vizvatomukhaH || 4 ||

hRSIkezo'prameyAtmA varAho dharaNIdharaH |

vAmano vedavaktA ca vAsudevaH sanAtanaH || 5 ||

rAmo virAmo virajo rAvaNArI ramApatiH |

vaikuNThavAsI vasumAn dhanado dharaNIdharaH || 6 ||

dharmezo dharaNInAtho dhyeyo dharmabhRtAMvaraH |

sahasrazIrSA puruSaH sahasrAkSaH sahasrapAt || 7 ||

sarvagaH sarvavitsarvaH zaraNyaH sAdhuvallabhaH | [sarvadaH]

kausalyAnandanaH zrImAn rAkSasaHkulanAzakaH || 8 ||

jagatkartA jagaddhartA jagajjetA janArtihA |

jAnakIvallabho devo jayarUpo jalezvaraH || 9 ||

kSIrAbdhivAsI kSIrAbdhitanayAvallabhastathA |

zeSazAyI pannagArivAhano viSTarazravaH || 10 ||

mAdhavo mathurAnAtho mukundo mohanAzanaH |

daityAriH puNDarIkAkSo hyacyuto madhusUdanaH || 11 ||

somasUryAgninayano nRsiMho bhaktavatsalaH |

nityo nirAmayazzuddho varadevo jagatprabhuH || 12 || [naradevo]

hayagrIvo jitaripurupendro rukmiNIpatiH |

sarvadevamayaH zrIzaH sarvAdhAraH sanAtanaH || 13 ||

saumyaH saumyapradaH sraSTA viSvakseno janArdanaH |

yazodAtanayo yogI yogazAstraparAyaNaH || 14 ||

rudrAtmako rudramUrtiH rAghavo madhusUdhanaH | [rudrasUdanaH]

iti te kathitaM divyaM nAmnAmaSTottaraM zatam || 15 ||

sarvapApaharaM puNyaM divyoratulatejasaH |

duHkhadAridryadaurbhAgyanAzanaM sukhavardhanam || 16 ||

sarvasampatkaraM saumyaM mahApAtakanAzanam |

prAtarutthAya vipendra paThedekAgramAnasaH || 17 ||

tasya nazyanti vipadAM rAzayaH siddhimApnuyAt || 18 ||

iti zrI viSNoH aSTottarazatanAma stotram ||