ശ്രീ രാധാ കൃഷ്ണ അഷ്ടകമ്

ശ്രീ രാധാ കൃഷ്ണ അഷ്ടകമ്

ശ്ലോക 1

യഃ ശ്രീഗോവര്ധനാദ്രിം സകലസുരപതീംസ്തത്രഗോഗോപബൃന്ദം

സ്വീയം സംരക്ഷിതും ചേത്യമരസുഖകരം മോഹയന് സന്ദധാര ।

തന്മാനം ഖണ്ഡയിത്വാ വിജിതരിപുകുലോ നീലധാരാധരാഭഃ

കൃഷ്ണോ രാധാസമേതോ വിലസതു ഹൃദയേ സോഽസ്മദീയേ സദൈവ

ശ്ലോക 2

യം ദൃഷ്ട്വാ കംസഭൂപഃ സ്വകൃതകൃതിമഹോ സംസ്മരന്മന്ത്രിവര്യാന്

കിം വാ പൂര്വം മയേദം കൃതമിതി വചനം ദുഃഖിതഃ പ്രത്യുവാച ।

ആജ്ഞപ്തോ നാരദേന സ്മിതയുതവദനഃ പൂരയന്സര്വകാമാന്

കൃഷ്ണോ രാധാസമേതോ വിലസതു ഹൃദയേ സോഽസ്മദീയേ സദൈവ

॥ 1 ॥

ശ്ലോക 3

യേന പ്രോദ്യത്പ്രതാപാ നൃപതികുലഭവാഃ പാണ്ഡവാഃ കൌരവാബ്ധിം

തീര്ത്വാ പാരം തദീയം ജഗദഖിലനൃണാം ദുസ്തരഞ്ചേതി ജഗ്മുഃ ।

തത്പത്നീചീരവൃദ്ധിപ്രവിദിതമഹിമാ ഭൂതലേ ഭൂപതീശഃ

കൃഷ്ണോ രാധാസമേതോ വിലസതു ഹൃദയേ സോഽസ്മദീയേ സദൈവ

॥ 2 ॥

ശ്ലോക 4

യസ്മൈ ചോദ്ധൃത്യ പാത്രാദ്ദധിയുതനവനീതം കരൈര്ഗോപികാഭി-

ര്ദത്തം തദ്ഭാവപൂര്തൌ വിനിഹിതഹൃദയസ്സത്യമേവം തിരോധാത് ।

മുക്താഗുഞ്ജാവലീഭിഃ പ്രചുരതമരുചിഃ കുണ്ഡലാക്രാന്തഗണ്ഡഃ

കൃഷ്ണോ രാധാസമേതോ വിലസതു ഹൃദയേ സോഽസ്മദീയേ സദൈവ

॥ 3 ॥

ശ്ലോക 5

യസ്മാദ്വിശ്വാഭിരാമാദിഹ ജനനവിധൌ സര്വനന്ദാദിഗോപാഃ

സംസാരാര്തേര്വിമുക്താഃ സകലസുഖകരാഃ സമ്പദഃ പ്രാപുരേവ ।

ഇത്ഥം പൂര്ണേന്ദുവക്ത്രഃ കലകമലദൃശഃ സ്വീയജന്മ സ്തുവന്തഃ

കൃഷ്ണോ രാധാസമേതോ വിലസതു ഹൃദയേ സോഽസ്മദീയേ സദൈവ

॥ 4 ॥

ശ്ലോക 6

യസ്യ ശ്രീനന്ദസൂനോഃ വ്രജയുവതിജനാശ്ചാഗതാ ഭര്തൃപുത്രാം-

സ്ത്യക്ത്വാ ശ്രുത്വാ സമീപേ വിചകിതനയനാഃ സപ്രമോദാഃ സ്വഗേഹേ ।

രന്തും രാസാദിലീലാ മനസിജദലിതാ വേണുനാദം ച രമ്യം

കൃഷ്ണോ രാധാസമേതോ വിലസതു ഹൃദയേ സോഽസ്മദീയേ സദൈവ

॥ 5 ॥

ശ്ലോക 7

യസ്മിന് ദൃഷ്ടേ സമസ്തേ ജഗതി യുവതയഃ പ്രാണനാഥവ്രതായാ-

സ്താ അപ്യേവം ഹി നൂനം കിമപി ച ഹൃദയേ കാമഭാവം ദധത്യഃ ।

തത്സ്നേഹാബ്ധിം വപുശ്ചേദവിദിതധരണൌ സൂര്യബിമ്ബസ്വരൂപാഃ

കൃഷ്ണോ രാധാസമേതോ വിലസതു ഹൃദയേ സോഽസ്മദീയേ സദൈവ

॥ 6 ॥

ശ്ലോക 8

യഃ സ്വീയേ ഗോകുലേഽസ്മിന്വിദിതനിജകുലോദ്ഭൂതബാലൈഃ സമേതോ

മാതര്യേവം ചകാര പ്രസൃതതമഗുണാന്ബാലലീലാവിലാസാന് ।

ഹത്വാ വത്സപ്രലമ്ബദ്വിവിദബകഖരാന്ഗോപബൃന്ദം ജുഗോപ

കൃഷ്ണോ രാധാസമേതോ വിലസതു ഹൃദയേ സോഽസ്മദീയേ സദൈവ

॥ 7 ॥

ശ്ലോക 9

കൃഷ്ണാരാധാഷ്ടകം പ്രാതരുത്ഥായ പ്രപഠേന്നരഃ ।

യ ഏവം സര്വദാ നൂനം സ പ്രാപ്നോതി പരാം ഗതിമ്

॥ 8 ॥

ശ്ലോക 10

ഇതി ശ്രീരഘുനാഥചാര്യ വിരചിതം ശ്രീരാധാകൃഷ്ണാഷ്ടകമ് ।