શ્રી રાધા કૃષ્ણ અષ્ટકમ્

શ્રી રાધા કૃષ્ણ અષ્ટકમ્

શ્લોક 1

યઃ શ્રીગોવર્ધનાદ્રિં સકલસુરપતીંસ્તત્રગોગોપબૃન્દં

સ્વીયં સંરક્ષિતું ચેત્યમરસુખકરં મોહયન્ સન્દધાર ।

તન્માનં ખણ્ડયિત્વા વિજિતરિપુકુલો નીલધારાધરાભઃ

કૃષ્ણો રાધાસમેતો વિલસતુ હૃદયે સોઽસ્મદીયે સદૈવ

શ્લોક 2

યં દૃષ્ટ્વા કંસભૂપઃ સ્વકૃતકૃતિમહો સંસ્મરન્મન્ત્રિવર્યાન્

કિં વા પૂર્વં મયેદં કૃતમિતિ વચનં દુઃખિતઃ પ્રત્યુવાચ ।

આજ્ઞપ્તો નારદેન સ્મિતયુતવદનઃ પૂરયન્સર્વકામાન્

કૃષ્ણો રાધાસમેતો વિલસતુ હૃદયે સોઽસ્મદીયે સદૈવ

॥ 1 ॥

શ્લોક 3

યેન પ્રોદ્યત્પ્રતાપા નૃપતિકુલભવાઃ પાણ્ડવાઃ કૌરવાબ્ધિં

તીર્ત્વા પારં તદીયં જગદખિલનૃણાં દુસ્તરઞ્ચેતિ જગ્મુઃ ।

તત્પત્નીચીરવૃદ્ધિપ્રવિદિતમહિમા ભૂતલે ભૂપતીશઃ

કૃષ્ણો રાધાસમેતો વિલસતુ હૃદયે સોઽસ્મદીયે સદૈવ

॥ 2 ॥

શ્લોક 4

યસ્મૈ ચોદ્ધૃત્ય પાત્રાદ્દધિયુતનવનીતં કરૈર્ગોપિકાભિ-

ર્દત્તં તદ્ભાવપૂર્તૌ વિનિહિતહૃદયસ્સત્યમેવં તિરોધાત્ ।

મુક્તાગુઞ્જાવલીભિઃ પ્રચુરતમરુચિઃ કુણ્ડલાક્રાન્તગણ્ડઃ

કૃષ્ણો રાધાસમેતો વિલસતુ હૃદયે સોઽસ્મદીયે સદૈવ

॥ 3 ॥

શ્લોક 5

યસ્માદ્વિશ્વાભિરામાદિહ જનનવિધૌ સર્વનન્દાદિગોપાઃ

સંસારાર્તેર્વિમુક્તાઃ સકલસુખકરાઃ સમ્પદઃ પ્રાપુરેવ ।

ઇત્થં પૂર્ણેન્દુવક્ત્રઃ કલકમલદૃશઃ સ્વીયજન્મ સ્તુવન્તઃ

કૃષ્ણો રાધાસમેતો વિલસતુ હૃદયે સોઽસ્મદીયે સદૈવ

॥ 4 ॥

શ્લોક 6

યસ્ય શ્રીનન્દસૂનોઃ વ્રજયુવતિજનાશ્ચાગતા ભર્તૃપુત્રાં-

સ્ત્યક્ત્વા શ્રુત્વા સમીપે વિચકિતનયનાઃ સપ્રમોદાઃ સ્વગેહે ।

રન્તું રાસાદિલીલા મનસિજદલિતા વેણુનાદં ચ રમ્યં

કૃષ્ણો રાધાસમેતો વિલસતુ હૃદયે સોઽસ્મદીયે સદૈવ

॥ 5 ॥

શ્લોક 7

યસ્મિન્ દૃષ્ટે સમસ્તે જગતિ યુવતયઃ પ્રાણનાથવ્રતાયા-

સ્તા અપ્યેવં હિ નૂનં કિમપિ ચ હૃદયે કામભાવં દધત્યઃ ।

તત્સ્નેહાબ્ધિં વપુશ્ચેદવિદિતધરણૌ સૂર્યબિમ્બસ્વરૂપાઃ

કૃષ્ણો રાધાસમેતો વિલસતુ હૃદયે સોઽસ્મદીયે સદૈવ

॥ 6 ॥

શ્લોક 8

યઃ સ્વીયે ગોકુલેઽસ્મિન્વિદિતનિજકુલોદ્ભૂતબાલૈઃ સમેતો

માતર્યેવં ચકાર પ્રસૃતતમગુણાન્બાલલીલાવિલાસાન્ ।

હત્વા વત્સપ્રલમ્બદ્વિવિદબકખરાન્ગોપબૃન્દં જુગોપ

કૃષ્ણો રાધાસમેતો વિલસતુ હૃદયે સોઽસ્મદીયે સદૈવ

॥ 7 ॥

શ્લોક 9

કૃષ્ણારાધાષ્ટકં પ્રાતરુત્થાય પ્રપઠેન્નરઃ ।

ય એવં સર્વદા નૂનં સ પ્રાપ્નોતિ પરાં ગતિમ્

॥ 8 ॥

શ્લોક 10

ઇતિ શ્રીરઘુનાથચાર્ય વિરચિતં શ્રીરાધાકૃષ્ણાષ્ટકમ્ ।