ശ്രീ കൃഷ്ണ സഹസ്ര നാമ സ്തോത്രമ്

ശ്രീ കൃഷ്ണ സഹസ്ര നാമ സ്തോത്രമ്

ശ്ലോക 1

ഓം അസ്യ ശ്രീകൃഷ്ണസഹസ്രനാമസ്തോത്രമന്ത്രസ്യ പരാശര ഋഷിഃ, അനുഷ്ടുപ് ഛന്ദഃ, ശ്രീകൃഷ്ണഃ പരമാത്മാ ദേവതാ, ശ്രീകൃഷ്ണേതി ബീജമ്, ശ്രീവല്ലഭേതി ശക്തിഃ, ശാര്ങ്ഗീതി കീലകം, ശ്രീകൃഷ്ണപ്രീത്യര്ഥേ ജപേ വിനിയോഗഃ ॥

ന്യാസഃ

പരാശരായ ഋഷയേ നമഃ ഇതി ശിരസി,

അനുഷ്ടുപ് ഛന്ദസേ നമഃ ഇതി മുഖേ,

ഗോപാലകൃഷ്ണദേവതായൈ നമഃ ഇതി ഹൃദയേ,

ശ്രീകൃഷ്ണായ ബീജായ നമഃ ഇതി ഗുഹ്യേ,

ശ്രീവല്ലഭായ ശക്ത്യൈ നമഃ ഇതി പാദയോഃ,

ശാര്ങ്ഗധരായ കീലകായ നമഃ ഇതി സര്വാങ്ഗേ ॥

കരന്യാസഃ

ശ്രീകൃഷ്ണ ഇത്യാരഭ്യ ശൂരവംശൈകധീരിത്യന്താനി അങ്ഗുഷ്ഠാഭ്യാം നമഃ ।

ശൌരിരിത്യാരഭ്യ സ്വഭാസോദ്ഭാസിതവ്രജ ഇത്യന്താനി തര്ജനീഭ്യാം നമഃ ।

കൃതാത്മവിദ്യാവിന്യാസ ഇത്യാരഭ്യ പ്രസ്ഥാനശകടാരൂഢ ഇതി മധ്യമാഭ്യാം നമഃ,

ബൃന്ദാവനകൃതാലയ ഇത്യാരഭ്യ മധുരാജനവീക്ഷിത ഇത്യനാമികാഭ്യാം നമഃ,

രജകപ്രതിഘാതക ഇത്യാരഭ്യ ദ്വാരകാപുരകല്പന ഇതി കനിഷ്ഠികാഭ്യാം നമഃ

ദ്വാരകാനിലയ ഇത്യാരഭ്യ പരാശര ഇതി കരതലകരപൃഷ്ഠാഭ്യാം നമഃ,

ഏവം ഹൃദയാദിന്യാസഃ ॥

ധ്യാനമ്

കേഷാഞ്ചിത്പ്രേമപുംസാം വിഗലിതമനസാം ബാലലീലാവിലാസം

കേഷാം ഗോപാലലീലാങ്കിതരസികതനുര്വേണുവാദ്യേന ദേവമ് ।

കേഷാം വാമാസമാജേ ജനിതമനസിജോ ദൈത്യദര്പാപഹൈവം

ജ്ഞാത്വാ ഭിന്നാഭിലാഷം സ ജയതി ജഗതാമീശ്വരസ്താദൃശോഽഭൂത്

ശ്ലോക 2

ക്ഷീരാബ്ധൌ കൃതസംസ്തവസ്സുരഗണൈര്ബ്രഹ്മാദിഭിഃ പണ്ഡിതൈഃ

പ്രോദ്ഭൂതോ വസുദേവസദ്മനി മുദാ ചിക്രീഡ യോ ഗോകുലേ ।

കംസധ്വംസകൃതേ ജഗാമ മധുരാം സാരാമസദ്വാരകാം

ഗോപാലോഽഖിലഗോപികാജനസഖഃ പായാദപായാത് സ നഃ

॥ 1 ॥

ശ്ലോക 3

ഫുല്ലേന്ദീവരകാന്തിമിന്ദുവദനം ബര്ഹാവതംസപ്രിയം

ശ്രീവത്സാങ്കമുദാരകൌസ്തുഭധരം പീതാമ്ബരം സുന്ദരമ് ।

ഗോപീനാം നയനോത്പലാര്ചിതതനും ഗോഗോപസങ്ഘാവൃതം

ഗോവിന്ദം കലവേണുവാദനരതം ദിവ്യാങ്ഗഭൂഷം ഭജേ

॥ 2 ॥

ശ്ലോക 4

ഓമ് ।

കൃഷ്ണഃ ശ്രീവല്ലഭഃ ശാര്ങ്ഗീ വിഷ്വക്സേനഃ സ്വസിദ്ധിദഃ ।

ക്ഷീരോദധാമാ വ്യൂഹേശഃ ശേഷശായീ ജഗന്മയഃ

॥ 3 ॥

ശ്ലോക 5

ഭക്തിഗമ്യസ്ത്രയീമൂര്തിര്ഭാരാര്തവസുധാസ്തുതഃ ।

ദേവദേവോ ദയാസിന്ധുര്ദേവദേവശിഖാമണിഃ

॥ 1 ॥

ശ്ലോക 6

സുഖഭാവസ്സുഖാധാരോ മുകുന്ദോ മുദിതാശയഃ ।

അവിക്രിയഃ ക്രിയാമൂര്തിരധ്യാത്മസ്വസ്വരൂപവാന്

॥ 2 ॥

ശ്ലോക 7

ശിഷ്ടാഭിലക്ഷ്യോ ഭൂതാത്മാ ധര്മത്രാണാര്ഥചേഷ്ടിതഃ ।

അന്തര്യാമീ കലാരൂപഃ കാലാവയവസാക്ഷികഃ

॥ 3 ॥

ശ്ലോക 8

വസുധായാസഹരണോ നാരദപ്രേരണോന്മുഖഃ ।

പ്രഭൂഷ്ണുര്നാരദോദ്ഗീതോ ലോകരക്ഷാപരായണഃ

॥ 4 ॥

ശ്ലോക 9

രൌഹിണേയകൃതാനന്ദോ യോഗജ്ഞാനനിയോജകഃ ।

മഹാഗുഹാന്തര്നിക്ഷിപ്തഃ പുരാണവപുരാത്മവാന്

॥ 5 ॥

ശ്ലോക 10

ശൂരവംശൈകധീശ്ശൌരിഃ കംസശങ്കാവിഷാദകൃത് ।

വസുദേവോല്ലസച്ഛക്തിര്ദേവക്യഷ്ടമഗര്ഭഗഃ

॥ 6 ॥

ശ്ലോക 11

വസുദേവസുതഃ ശ്രീമാന്ദേവകീനന്ദനോ ഹരിഃ ।

ആശ്ചര്യബാലഃ ശ്രീവത്സലക്ഷ്മവക്ഷാശ്ചതുര്ഭുജഃ

॥ 7 ॥

ശ്ലോക 12

സ്വഭാവോത്കൃഷ്ടസദ്ഭാവഃ കൃഷ്ണാഷ്ടമ്യന്തസമ്ഭവഃ ।

പ്രാജാപത്യര്ക്ഷസമ്ഭൂതോ നിശീഥസമയോദിതഃ

॥ 8 ॥

ശ്ലോക 13

ശങ്ഖചക്രഗദാപദ്മപാണിഃ പദ്മനിഭേക്ഷണഃ ।

കിരീടീ കൌസ്തുഭോരസ്കഃ സ്ഫുരന്മകരകുണ്ഡലഃ

॥ 9 ॥

ശ്ലോക 14

പീതവാസാ ഘനശ്യാമഃ കുഞ്ചിതാഞ്ചിതകുന്തലഃ ।

സുവ്യക്തവ്യക്താഭരണഃ സൂതികാഗൃഹഭൂഷണഃ

॥ 10 ॥

ശ്ലോക 15

കാരാഗാരാന്ധകാരഘ്നഃ പിതൃപ്രാഗ്ജന്മസൂചകഃ ।

വസുദേവസ്തുതഃ സ്തോത്രം താപത്രയനിവാരണഃ

॥ 11 ॥

ശ്ലോക 16

നിരവദ്യഃ ക്രിയാമൂര്തിര്ന്യായവാക്യനിയോജകഃ ।

അദൃഷ്ടചേഷ്ടഃ കൂടസ്ഥോ ധൃതലൌകികവിഗ്രഹഃ

॥ 12 ॥

ശ്ലോക 17

മഹര്ഷിമാനസോല്ലാസോ മഹീമങ്ഗലദായകഃ ।

സന്തോഷിതസുരവ്രാതഃ സാധുചിത്തപ്രസാദകഃ

॥ 13 ॥

ശ്ലോക 18

ജനകോപായനിര്ദേഷ്ടാ ദേവകീനയനോത്സവഃ ।

പിതൃപാണിപരിഷ്കാരോ മോഹിതാഗാരരക്ഷകഃ

॥ 14 ॥

ശ്ലോക 19

സ്വശക്ത്യുദ്ധാടിതാശേഷകപാടഃ പിതൃവാഹകഃ ।

ശേഷോരഗഫണാച്ഛത്രശ്ശേഷോക്താഖ്യാസഹസ്രകഃ

॥ 15 ॥

ശ്ലോക 20

യമുനാപൂരവിധ്വംസീ സ്വഭാസോദ്ഭാസിതവ്രജഃ ।

കൃതാത്മവിദ്യാവിന്യാസോ യോഗമായാഗ്രസമ്ഭവഃ

॥ 16 ॥

ശ്ലോക 21

ദുര്ഗാനിവേദിതോദ്ഭാവോ യശോദാതല്പശായകഃ ।

നന്ദഗോപോത്സവസ്ഫൂര്തിര്വ്രജാനന്ദകരോദയഃ

॥ 17 ॥

ശ്ലോക 22

സുജാതജാതകര്മ ശ്രീര്ഗോപീഭദ്രോക്തിനിര്വൃതഃ ।

അലീകനിദ്രോപഗമഃ പൂതനാസ്തനപീഡനഃ

॥ 18 ॥

ശ്ലോക 23

സ്തന്യാത്തപൂതനാപ്രാണഃ പൂതനാക്രോശകാരകഃ ।

വിന്യസ്തരക്ഷാഗോധൂലിര്യശോദാകരലാലിതഃ

॥ 19 ॥

ശ്ലോക 24

നന്ദാഘ്രാതശിരോമധ്യഃ പൂതനാസുഗതിപ്രദഃ ।

ബാലഃ പര്യങ്കനിദ്രാലുര്മുഖാര്പിതപദാങ്ഗുലിഃ

॥ 20 ॥

ശ്ലോക 25

അഞ്ജനസ്നിഗ്ധനയനഃ പര്യായാങ്കുരിതസ്മിതഃ ।

ലീലാക്ഷസ്തരലാലോകശ്ശകടാസുരഭഞ്ജനഃ

॥ 21 ॥

ശ്ലോക 26

ദ്വിജോദിതസ്വസ്ത്യയനോ മന്ത്രപൂതജലാപ്ലുതഃ ।

യശോദോത്സങ്ഗപര്യങ്കോ യശോദാമുഖവീക്ഷകഃ

॥ 22 ॥

ശ്ലോക 27

യശോദാസ്തന്യമുദിതസ്തൃണാവര്താദിദുസ്സഹഃ ।

തൃണാവര്താസുരധ്വംസീ മാതൃവിസ്മയകാരകഃ

॥ 23 ॥

ശ്ലോക 28

പ്രശസ്തനാമകരണോ ജാനുചങ്ക്രമണോത്സുകഃ ।

വ്യാലമ്ബിചൂലികാരത്നോ ഘോഷഗോപപ്രഹര്ഷണഃ

॥ 24 ॥

ശ്ലോക 29

സ്വമുഖപ്രതിബിമ്ബാര്ഥീ ഗ്രീവാവ്യാഘ്രനഖോജ്ജ്വലഃ ।

പങ്കാനുലേപരുചിരോ മാംസലോരുകടീതടഃ

॥ 25 ॥

ശ്ലോക 30

ഘൃഷ്ടജാനുകരദ്വന്ദ്വഃ പ്രതിബിമ്ബാനുകാരകൃത് ।

അവ്യക്തവര്ണവാഗ്വൃത്തിഃ സ്മിതലക്ഷ്യരദോദ്ഗമഃ

॥ 26 ॥

ശ്ലോക 31

ധാത്രീകരസമാലമ്ബീ പ്രസ്ഖലച്ചിത്രചങ്ക്രമഃ ।

അനുരൂപവയസ്യാഢ്യശ്ചാരുകൌമാരചാപലഃ

॥ 27 ॥

ശ്ലോക 32

വത്സപുച്ഛസമാകൃഷ്ടോ വത്സപുച്ഛവികര്ഷണഃ ।

വിസ്മാരിതാന്യവ്യാപാരോ ഗോപഗോപീമുദാവഹഃ

॥ 28 ॥

ശ്ലോക 33

അകാലവത്സനിര്മോക്താ വ്രജവ്യാക്രോശസുസ്മിതഃ ।

നവനീതമഹാചോരോ ദാരകാഹാരദായകഃ

॥ 29 ॥

ശ്ലോക 34

പീഠോലൂഖലസോപാനഃ ക്ഷീരഭാണ്ഡവിഭേദനഃ ।

ശിക്യഭാണ്ഡസമാകര്ഷീ ധ്വാന്താഗാരപ്രവേശകൃത്

॥ 30 ॥

ശ്ലോക 35

ഭൂഷാരത്നപ്രകാശാഢ്യോ ഗോപ്യുപാലമ്ഭഭര്ത്സിതഃ ।

പരാഗധൂസരാകാരോ മൃദ്ഭക്ഷണകൃതേക്ഷണഃ

॥ 31 ॥

ശ്ലോക 36

ബാലോക്തമൃത്കഥാരമ്ഭോ മിത്രാന്തര്ഗൂഢവിഗ്രഹഃ ।

കൃതസന്ത്രാസലോലാക്ഷോ ജനനീപ്രത്യയാവഹഃ

॥ 32 ॥

ശ്ലോക 37

മാതൃദൃശ്യാത്തവദനോ വക്ത്രലക്ഷ്യചരാചരഃ ।

യശോദാലാലിതസ്വാത്മാ സ്വയം സ്വാച്ഛന്ദ്യമോഹനഃ

॥ 33॥

ശ്ലോക 38

സവിത്രീസ്നേഹസംശ്ലിഷ്ടഃ സവിത്രീസ്തനലോലുപഃ ।

നവനീതാര്ഥനാപ്രഹ്വോ നവനീതമഹാശനഃ

॥ 34 ॥

ശ്ലോക 39

മൃഷാകോപപ്രകമ്പോഷ്ഠോ ഗോഷ്ഠാങ്ഗണവിലോകനഃ ।

ദധിമന്ഥഘടീഭേത്താ കിങ്കിണീക്വാണസൂചിതഃ

॥ 35 ॥

ശ്ലോക 40

ഹൈയങ്ഗവീനരസികോ മൃഷാശ്രുശ്ചൌര്യശങ്കിതഃ ।

ജനനീശ്രമവിജ്ഞാതാ ദാമബന്ധനിയന്ത്രിതഃ

॥ 36 ॥

ശ്ലോക 41

ദാമാകല്പശ്ചലാപാങ്ഗോ ഗാഢോലൂഖലബന്ധനഃ ।

ആകൃഷ്ടോലൂഖലോഽനന്തഃ കുബേരസുതശാപവിത് ॥ । 38 ॥

നാരദോക്തിപരാമര്ശീ യമലാര്ജുനഭഞ്ജനഃ ।

ധനദാത്മജസങ്ഘുഷ്ടോ നന്ദമോചിതബന്ധനഃ

॥ 37 ॥

ശ്ലോക 42

ബാലകോദ്ഗീതനിരതോ ബാഹുക്ഷേപോദിതപ്രിയഃ ।

ആത്മജ്ഞോ മിത്രവശഗോ ഗോപീഗീതഗുണോദയഃ

॥ 39 ॥

ശ്ലോക 43

പ്രസ്ഥാനശകടാരൂഢോ ബൃന്ദാവനകൃതാലയഃ ।

ഗോവത്സപാലനൈകാഗ്രോ നാനാക്രീഡാപരിച്ഛദഃ

॥ 40 ॥

ശ്ലോക 44

ക്ഷേപണീക്ഷേപണപ്രീതോ വേണുവാദ്യവിശാരദഃ ।

വൃഷവത്സാനുകരണോ വൃഷധ്വാനവിഡമ്ബനഃ

॥ 41 ॥

ശ്ലോക 45

നിയുദ്ധലീലാസംഹൃഷ്ടഃ കൂജാനുകൃതകോകിലഃ ।

ഉപാത്തഹംസഗമനസ്സര്വജന്തുരുതാനുകൃത്

॥ 42 ॥

ശ്ലോക 46

ഭൃങ്ഗാനുകാരീ ദധ്യന്നചോരോ വത്സപുരസ്സരഃ ।

ബലീ ബകാസുരഗ്രാഹീ ബകതാലുപ്രദാഹകഃ

॥ 43 ॥

ശ്ലോക 47

ഭീതഗോപാര്ഭകാഹൂതോ ബകചഞ്ചുവിദാരണഃ ।

ബകാസുരാരിര്ഗോപാലോ ബാലോ ബാലാദ്ഭുതാവഹഃ

॥ 44 ॥

ശ്ലോക 48

ബലഭദ്രസമാശ്ലിഷ്ടഃ കൃതക്രീഡാനിലായനഃ ।

ക്രീഡാസേതുനിധാനജ്ഞഃ പ്ലവങ്ഗോത്പ്ലവനോഽദ്ഭുതഃ

॥ 45 ॥

ശ്ലോക 49

കന്ദുകക്രീഡനോ ലുപ്തനന്ദാദിഭവവേദനഃ ।

സുമനോഽലങ്കൃതശിരാഃ സ്വാദുസ്നിഗ്ധാന്നശിക്യഭൃത്

॥ 46 ॥

ശ്ലോക 50

ഗുഞ്ജാപ്രാലമ്ബനച്ഛന്നഃ പിഞ്ഛൈരലകവേഷകൃത് ।

വന്യാശനപ്രിയഃ ശൃങ്ഗരവാകാരിതവത്സകഃ

॥ 47 ॥

ശ്ലോക 51

മനോജ്ഞപല്ലവോത്തംസപുഷ്പസ്വേച്ഛാത്തഷട്പദഃ ।

മഞ്ജുശിഞ്ജിതമഞ്ജീരചരണഃ കരകങ്കണഃ

॥ 48 ॥

ശ്ലോക 52

അന്യോന്യശാസനഃ ക്രീഡാപടുഃ പരമകൈതവഃ ।

പ്രതിധ്വാനപ്രമുദിതഃ ശാഖാചതുരചങ്ക്രമഃ

॥ 49 ॥

ശ്ലോക 53

അഘദാനവസംഹര്താ വ്രജവിഘ്നവിനാശനഃ ।

വ്രജസഞ്ജീവനഃ ശ്രേയോനിധിര്ദാനവമുക്തിദഃ

॥ 50 ॥

ശ്ലോക 54

കാലിന്ദീപുലിനാസീനസ്സഹഭുക്തവ്രജാര്ഭകഃ ।

കക്ഷാജഠരവിന്യസ്തവേണുര്വല്ലവചേഷ്ടിതഃ

॥ 51 ॥

ശ്ലോക 55

ഭുജസന്ധ്യന്തരന്യസ്തശൃങ്ഗവേത്രഃ ശുചിസ്മിതഃ ।

വാമപാണിസ്ഥദധ്യന്നകബലഃ കലഭാഷണഃ

॥ 52 ॥

ശ്ലോക 56

അങ്ഗുല്യന്തരവിന്യസ്തഫലഃ പരമപാവനഃ ।

അദൃശ്യതര്ണകാന്വേഷീ വല്ലവാര്ഭകഭീതിഹാ

॥ 53 ॥

ശ്ലോക 57

അദൃഷ്ടവത്സപവ്രാതോ ബ്രഹ്മവിജ്ഞാതവൈഭവഃ ।

ഗോവത്സവത്സപാന്വേഷീ വിരാട്-പുരുഷവിഗ്രഹഃ

॥ 54 ॥

ശ്ലോക 58

സ്വസങ്കല്പാനുരൂപാര്ഥോ വത്സവത്സപരൂപധൃക് ।

യഥാവത്സക്രിയാരൂപോ യഥാസ്ഥാനനിവേശനഃ

॥ 55 ॥

ശ്ലോക 59

യഥാവ്രജാര്ഭകാകാരോ ഗോഗോപീസ്തന്യപസ്സുഖീ ।

ചിരാദ്വലോഹിതോ ദാന്തോ ബ്രഹ്മവിജ്ഞാതവൈഭവഃ

॥ 56 ॥

ശ്ലോക 60

വിചിത്രശക്തിര്വ്യാലീനസൃഷ്ടഗോവത്സവത്സപഃ ।

ബ്രഹ്മത്രപാകരോ ധാതൃസ്തുതസ്സര്വാര്ഥസാധകഃ

॥ 57 ॥

ശ്ലോക 61

ബ്രഹ്മ ബ്രഹ്മമയോഽവ്യക്തസ്തേജോരൂപസ്സുഖാത്മകഃ ।

നിരുക്തം വ്യാകൃതിര്വ്യക്തോ നിരാലമ്ബനഭാവനഃ

॥ 58 ॥

ശ്ലോക 62

പ്രഭവിഷ്ണുരതന്ത്രീകോ ദേവപക്ഷാര്ഥരൂപധൃക് ।

അകാമസ്സര്വവേദാദിരണീയസ്ഥൂലരൂപവാന്

॥ 59 ॥

ശ്ലോക 63

വ്യാപീ വ്യാപ്യഃ കൃപാകര്താ വിചിത്രാചാരസമ്മതഃ ।

ഛന്ദോമയഃ പ്രധാനാത്മാ മൂര്താമൂര്തിദ്വയാകൃതിഃ

॥ 60 ॥

ശ്ലോക 64

അനേകമൂര്തിരക്രോധഃ പരഃ പ്രകൃതിരക്രമഃ ।

സകലാവരണോപേതസ്സര്വദേവോ മഹേശ്വരഃ

॥ 61 ॥

ശ്ലോക 65

മഹാപ്രഭാവനഃ പൂര്വവത്സവത്സപദര്ശകഃ ।

കൃഷ്ണയാദവഗോപാലോ ഗോപാലോകനഹര്ഷിതഃ

॥ 62 ॥

ശ്ലോക 66

സ്മിതേക്ഷാഹര്ഷിതബ്രഹ്മാ ഭക്തവത്സലവാക്പ്രിയഃ ।

ബ്രഹ്മാനന്ദാശ്രുധൌതാങ്ഘ്രിര്ലീലാവൈചിത്ര്യകോവിദഃ

॥ 63 ॥

ശ്ലോക 67

ബലഭദ്രൈകഹൃദയോ നാമാകാരിതഗോകുലഃ ।

ഗോപാലബാലകോ ഭവ്യോ രജ്ജുയജ്ഞോപവീതവാന്

॥ 64 ॥

ശ്ലോക 68

വൃക്ഷച്ഛായാഹതാശാന്തിര്ഗോപോത്സങ്ഗോപബര്ഹണഃ ।

ഗോപസംവാഹിതപദോ ഗോപവ്യജനവീജിതഃ ॥ 66।

ഗോപഗാനസുഖോന്നിദ്രഃ ശ്രീദാമാര്ജിതസൌഹൃദഃ ।

സുനന്ദസുഹൃദേകാത്മാ സുബലപ്രാണരഞ്ജനഃ

॥ 65 ॥

ശ്ലോക 69

താലീവനകൃതക്രീഡോ ബലപാതിതധേനുകഃ ।

ഗോപീസൌഭാഗ്യസമ്ഭാവ്യോ ഗോധൂലിച്ഛുരിതാലകഃ

॥ 67 ॥

ശ്ലോക 70

ഗോപീവിരഹസന്തപ്തോ ഗോപികാകൃതമജ്ജനഃ ।

പ്രലമ്ബബാഹുരുത്ഫുല്ലപുണ്ഡരീകാവതംസകഃ

॥ 68 ॥

ശ്ലോക 71

വിലാസലലിതസ്മേരഗര്ഭലീലാവലോകനഃ ।

സ്രഗ്ഭൂഷണാനുലേപാഢ്യോ ജനന്യുപഹൃതാന്നഭുക്

॥ 69 ॥

ശ്ലോക 72

വരശയ്യാശയോ രാധാപ്രേമസല്ലാപനിര്വൃതഃ ।

യമുനാതടസഞ്ചാരീ വിഷാര്തവ്രജഹര്ഷദഃ

॥ 70 ॥

ശ്ലോക 73

കാലിയക്രോധജനകഃ വൃദ്ധാഹികുലവേഷ്ടിതഃ ।

കാലിയാഹിഫണാരങ്ഗനടഃ കാലിയമര്ദനഃ

॥ 71 ॥

ശ്ലോക 74

നാഗപത്നീസ്തുതിപ്രീതോ നാനാവേഷസമൃദ്ധികൃത് ।

അവിഷ്വക്തദൃഗാത്മേശഃ സ്വദൃഗാത്മസ്തുതിപ്രിയഃ

॥ 72 ॥

ശ്ലോക 75

സര്വേശ്വരസ്സര്വഗുണഃ പ്രസിദ്ധസ്സര്വസാത്വതഃ ।

അകുണ്ഠധാമാ ചന്ദ്രാര്കദൃഷ്ടിരാകാശനിര്മലഃ

॥ 73 ॥

ശ്ലോക 76

അനിര്ദേശ്യഗതിര്നാഗവനിതാപതിഭൈക്ഷദഃ ।

സ്വാങ്ഘ്രിമുദ്രാങ്കനാഗേന്ദ്രമൂര്ധാ കാലിയസംസ്തുതഃ

॥ 74 ॥

ശ്ലോക 77

അഭയോ വിശ്വതശ്ചക്ഷുഃ സ്തുതോത്തമഗുണഃ പ്രഭുഃ ।

അഹമാത്മാ മരുത്പ്രാണഃ പരമാത്മാ ദ്യുശീര്ഷവാന്

॥ 75 ॥

ശ്ലോക 78

നാഗോപായനഹൃഷ്ടാത്മാ ഹ്രദോത്സാരിതകാലിയഃ ।

ബലഭദ്രസുഖാലാപോ ഗോപാലിങ്ഗനനിര്വൃതഃ

॥ 76 ॥

ശ്ലോക 79

ദാവാഗ്നിഭീതഗോപാലഗോപ്താ ദാവാഗ്നിനാശനഃ ।

നയനാച്ഛാദനക്രീഡാലമ്പടോ നൃപചേഷ്ടിതഃ

॥ 77 ॥

ശ്ലോക 80

കാകപക്ഷധരസ്സൌമ്യോ ബലവാഹകകേലിമാന് ।

ബലഘാതിതദുര്ധര്ഷപ്രലമ്ബോ ബലവത്സലഃ

॥ 78 ॥

ശ്ലോക 81

മുഞ്ജാടവ്യഗ്നിശമനഃ പ്രാവൃട്കാലവിനോദവാന് ।

ശിലാന്യസ്താന്നഭൃദ്ദൈത്യസംഹര്താ ശാദ്വലാസനഃ

॥ 79 ॥

ശ്ലോക 82

സദാപ്തഗോപികോദ്ഗീതഃ കര്ണികാരാവതംസകഃ ।

നടവേഷധരഃ പദ്മമാലാങ്കോ ഗോപികാവൃതഃ

॥ 80 ॥

ശ്ലോക 83

ഗോപീമനോഹരാപാങ്ഗോ വേണുവാദനതത്പരഃ ।

വിന്യസ്തവദനാമ്ഭോജശ്ചാരുശബ്ദകൃതാനനഃ

॥ 81 ॥

ശ്ലോക 84

ബിമ്ബാധരാര്പിതോദാരവേണുര്വിശ്വവിമോഹനഃ ।

വ്രജസംവര്ണിതശ്രാവ്യവേണുനാദഃ ശ്രുതിപ്രിയഃ

॥ 82 ॥

ശ്ലോക 85

ഗോഗോപഗോപീജന്മേപ്സുര്ബ്രഹ്മേന്ദ്രാദ്യഭിവന്ദിതഃ ।

ഗീതസ്നുതിസരിത്പൂരോ നാദനര്തിതബര്ഹിണഃ

॥ 83 ॥

ശ്ലോക 86

രാഗപല്ലവിതസ്ഥാണുര്ഗീതാനമിതപാദപഃ ।

വിസ്മാരിതതൃണഗ്രാസമൃഗോ മൃഗവിലോഭിതഃ

॥ 84 ॥

ശ്ലോക 87

വ്യാഘ്രാദിഹിംസ്രസഹജവൈരഹര്താ സുഗായനഃ ।

ഗാഢോദീരിതഗോബൃന്ദപ്രേമോത്കര്ണിതതര്ണകഃ

॥ 85 ॥

ശ്ലോക 88

നിഷ്പന്ദയാനബ്രഹ്മാദിവീക്ഷിതോ വിശ്വവന്ദിതഃ ।

ശാഖോത്കര്ണശകുന്തൌഘശ്ഛത്രായിതബലാഹകഃ

॥ 86 ॥

ശ്ലോക 89

പ്രസന്നഃ പരമാനന്ദശ്ചിത്രായിതചരാചരഃ ।

ഗോപികാമദനോ ഗോപീകുചകുങ്കുമമുദ്രിതഃ

॥ 87 ॥

ശ്ലോക 90

ഗോപികന്യാജലക്രീഡാഹൃഷ്ടോ ഗോപ്യംശുകാപഹൃത് ।

സ്കന്ധാരോപിതഗോപസ്ത്രീവാസാഃ കുന്ദനിഭസ്മിതഃ

॥ 88 ॥

ശ്ലോക 91

ഗോപീനേത്രോത്പലശശീ ഗോപികായാചിതാംശുകഃ ।

ഗോപീനമസ്ക്രിയാദേഷ്ടാ ഗോപ്യേകകരവന്ദിതഃ

॥ 89 ॥

ശ്ലോക 92

ഗോപ്യഞ്ജലിവിശേഷാര്ഥീ ഗോപക്രീഡാവിലോഭിതഃ ।

ശാന്തവാസസ്ഫുരദ്ഗോപീകൃതാഞ്ജലിരഘാപഹഃ

॥ 90 ॥

ശ്ലോക 93

ഗോപീകേലിവിലാസാര്ഥീ ഗോപീസമ്പൂര്ണകാമദഃ ।

ഗോപസ്ത്രീവസ്ത്രദോ ഗോപീചിത്തചോരഃ കുതൂഹലീ

॥ 91 ॥

ശ്ലോക 94

ബൃന്ദാവനപ്രിയോ ഗോപബന്ധുര്യജ്വാന്നയാചിതാ ।

യജ്ഞേശോ യജ്ഞഭാവജ്ഞോ യജ്ഞപത്ന്യഭിവാഞ്ഛിതഃ

॥ 92 ॥

ശ്ലോക 95

മുനിപത്നീവിതീര്ണാന്നതൃപ്തോ മുനിവധൂപ്രിയഃ ।

ദ്വിജപത്ന്യഭിഭാവജ്ഞോ ദ്വിജപത്നീവരപ്രദഃ

॥ 93 ॥

ശ്ലോക 96

പ്രതിരുദ്ധസതീമോക്ഷപ്രദോ ദ്വിജവിമോഹിതാ ।

മുനിജ്ഞാനപ്രദോ യജ്വസ്തുതോ വാസവയാഗവിത്

॥ 94 ॥

ശ്ലോക 97

പിതൃപ്രോക്തക്രിയാരൂപശക്രയാഗനിവാരണഃ ।

ശക്രാഽമര്ഷകരശ്ശക്രവൃഷ്ടിപ്രശമനോന്മുഖഃ

॥ 95 ॥

ശ്ലോക 98

ഗോവര്ധനധരോ ഗോപഗോബൃന്ദത്രാണതത്പരഃ ।

ഗോവര്ധനഗിരിച്ഛത്രചണ്ഡദണ്ഡഭുജാര്ഗലഃ

॥ 96 ॥

ശ്ലോക 99

സപ്താഹവിധൃതാദ്രീന്ദ്രോ മേഘവാഹനഗര്വഹാ ।

ഭുജാഗ്രോപരിവിന്യസ്തക്ഷ്മാധരക്ഷ്മാഭൃദച്യുതഃ

॥ 97 ॥

ശ്ലോക 100

സ്വസ്ഥാനസ്ഥാപിതഗിരിര്ഗോപീദധ്യക്ഷതാര്ചിതഃ ।

സുമനസ്സുമനോവൃഷ്ടിഹൃഷ്ടോ വാസവവന്ദിതഃ

॥ 98 ॥

ശ്ലോക 101

കാമധേനുപയഃപൂരാഭിഷിക്തസ്സുരഭിസ്തുതഃ ।

ധരാങ്ഘ്രിരോഷധീരോമാ ധര്മഗോപ്താ മനോമയഃ

॥ 99 ॥

ശ്ലോക 102

ജ്ഞാനയജ്ഞപ്രിയശ്ശാസ്ത്രനേത്രസ്സര്വാര്ഥസാരഥിഃ ।

ഐരാവതകരാനീതവിയദ്ഗങ്ഗാപ്ലുതോ വിഭുഃ

॥ 100 ॥

ശ്ലോക 103

ബ്രഹ്മാഭിഷിക്തോ ഗോഗോപ്താ സര്വലോകശുഭങ്കരഃ ।

സര്വവേദമയോ മഗ്നനന്ദാന്വേഷിപിതൃപ്രിയഃ

॥ 101 ॥

ശ്ലോക 104

വരുണോദീരിതാത്മേക്ഷാകൌതുകോ വരുണാര്ചിതഃ ।

വരുണാനീതജനകോ ഗോപജ്ഞാതാത്മവൈഭവഃ

॥ 102 ॥

ശ്ലോക 105

സ്വര്ലോകാലോകസംഹൃഷ്ടഗോപവര്ഗത്രിവര്ഗദഃ ।

ബ്രഹ്മഹൃദ്ഗോപിതോ ഗോപദ്രഷ്ടാ ബ്രഹ്മപദപ്രദഃ

॥ 103 ॥

ശ്ലോക 106

ശരച്ചന്ദ്രവിഹാരോത്കഃ ശ്രീപതിര്വശകോ ക്ഷമഃ ।

ഭയാപഹോ ഭര്തൃരുദ്ധഗോപികാധ്യാനഗോചരഃ

॥ 104 ॥

ശ്ലോക 107

ഗോപികാനയനാസ്വാദ്യോ ഗോപീനര്മോക്തിനിര്വൃതഃ ।

ഗോപികാമാനഹരണോ ഗോപികാശതയൂഥപഃ

॥ 105 ॥

ശ്ലോക 108

വൈജയന്തീസ്രഗാകല്പോ ഗോപികാമാനവര്ധനഃ ।

ഗോപകാന്താസുനിര്ദേഷ്ടാ കാന്തോ മന്മഥമന്മഥഃ

॥ 106 ॥

ശ്ലോക 109

സ്വാത്മാസ്യദത്തതാമ്ബൂലഃ ഫലിതോത്കൃഷ്ടയൌവനഃ ।

വല്ലവീസ്തനസക്താക്ഷോ വല്ലവീപ്രേമചാലിതഃ

॥ 107 ॥

ശ്ലോക 110

ഗോപീചേലാഞ്ചലാസീനോ ഗോപീനേത്രാബ്ജഷട്പദഃ ।

രാസക്രീഡാസമാസക്തോ ഗോപീമണ്ഡലമണ്ഡനഃ

॥ 108 ॥

ശ്ലോക 111

ഗോപീഹേമമണിശ്രേണിമധ്യേന്ദ്രമണിരുജ്ജ്വലഃ ।

വിദ്യാധരേന്ദുശാപഘ്നശ്ശങ്ഖചൂഡശിരോഹരഃ

॥ 109 ॥

ശ്ലോക 112

ശങ്ഖചൂഡശിരോരത്നസമ്പ്രീണിതബലോഽനഘഃ ।

അരിഷ്ടാരിഷ്ടകൃദ്ദുഷ്ടകേശിദൈത്യനിഷൂദനഃ

॥ 110 ॥

ശ്ലോക 113

സരസസ്സസ്മിതമുഖസ്സുസ്ഥിരോ വിരഹാകുലഃ ।

സങ്കര്ഷണാര്പിതപ്രീതിരക്രൂരധ്യാനഗോചരഃ

॥ 111 ॥

ശ്ലോക 114

അക്രൂരസംസ്തുതോ ഗൂഢോ ഗുണവൃത്യുപലക്ഷിതഃ ।

പ്രമാണഗമ്യസ്തന്മാത്രാഽവയവീ ബുദ്ധിതത്പരഃ

॥ 112 ॥

ശ്ലോക 115

സര്വപ്രമാണപ്രമധീസ്സര്വപ്രത്യയസാധകഃ ।

പുരുഷശ്ച പ്രധാനാത്മാ വിപര്യാസവിലോചനഃ

॥ 113 ॥

ശ്ലോക 116

മധുരാജനസംവീക്ഷ്യോ രജകപ്രതിഘാതകഃ ।

വിചിത്രാമ്ബരസംവീതോ മാലാകാരവരപ്രദഃ

॥ 114 ॥

ശ്ലോക 117

കുബ്ജാവക്രത്വനിര്മോക്താ കുബ്ജായൌവനദായകഃ ।

കുബ്ജാങ്ഗരാഗസുരഭിഃ കംസകോദണ്ഡഖണ്ഡനഃ

॥ 115 ॥

ശ്ലോക 118

ധീരഃ കുവലയാപീഡമര്ദനഃ കംസഭീതികൃത് ।

ദന്തിദന്തായുധോ രങ്ഗത്രാസകോ മല്ലയുദ്ധവിത്

॥ 116 ॥

ശ്ലോക 119

ചാണൂരഹന്താ കംസാരിര്ദേവകീഹര്ഷദായകഃ ।

വസുദേവപദാനമ്രഃ പിതൃബന്ധവിമോചനഃ

॥ 117 ॥

ശ്ലോക 120

ഉര്വീഭയാപഹോ ഭൂപ ഉഗ്രസേനാധിപത്യദഃ ।

ആജ്ഞാസ്ഥിതശചീനാഥസ്സുധര്മാനയനക്ഷമഃ

॥ 118 ॥

ശ്ലോക 121

ആദ്യോ ദ്വിജാതിസത്കര്താ ശിഷ്ടാചാരപ്രദര്ശകഃ ।

സാന്ദീപനികൃതാഭ്യസ്തവിദ്യാഭ്യാസൈകധീസ്സുധീഃ

॥ 119 ॥

ശ്ലോക 122

ഗുര്വഭീഷ്ടക്രിയാദക്ഷഃ പശ്ചിമോദധിപൂജിതഃ ।

ഹതപഞ്ചജനപ്രാപ്തപാഞ്ചജന്യോ യമാര്ചിതഃ

॥ 120 ॥

ശ്ലോക 123

ധര്മരാജജയാനീതഗുരുപുത്ര ഉരുക്രമഃ ।

ഗുരുപുത്രപ്രദശ്ശാസ്താ മധുരാജസഭാസദഃ

॥ 121 ॥

ശ്ലോക 124

ജാമദഗ്ന്യസമഭ്യര്ച്യോ ഗോമന്തഗിരിസഞ്ചരഃ ।

ഗോമന്തദാവശമനോ ഗരുഡാനീതഭൂഷണഃ

॥ 122 ॥

ശ്ലോക 125

ചക്രാദ്യായുധസംശോഭീ ജരാസന്ധമദാപഹഃ ।

സൃഗാലാവനിപാലഘ്നസ്സൃഗാലാത്മജരാജ്യദഃ

॥ 123 ॥

ശ്ലോക 126

വിധ്വസ്തകാലയവനോ മുചുകുന്ദവരപ്രദഃ ।

ആജ്ഞാപിതമഹാമ്ഭോധിര്ദ്വാരകാപുരകല്പനഃ

॥ 124 ॥

ശ്ലോക 127

ദ്വാരകാനിലയോ രുക്മിമാനഹന്താ യദൂദ്വഹഃ ।

രുചിരോ രുക്മിണീജാനിഃ പ്രദ്യുമ്നജനകഃ പ്രഭുഃ

॥ 125 ॥

ശ്ലോക 128

അപാകൃതത്രിലോകാര്തിരനിരുദ്ധപിതാമഹഃ ।

അനിരുദ്ധപദാന്വേഷീ ചക്രീ ഗരുഡവാഹനഃ

॥ 126 ॥

ശ്ലോക 129

ബാണാസുരപുരീരോദ്ധാ രക്ഷാജ്വലനയന്ത്രജിത് ।

ധൂതപ്രമഥസംരമ്ഭോ ജിതമാഹേശ്വരജ്വരഃ

॥ 127 ॥

ശ്ലോക 130

ഷട്ചക്രശക്തിനിര്ജേതാ ഭൂതവേതാലമോഹകൃത് ।

ശമ്ഭുത്രിശൂലജിച്ഛമ്ഭുജൃമ്ഭണശ്ശമ്ഭുസംസ്തുതഃ

॥ 128 ॥

ശ്ലോക 131

ഇന്ദ്രിയാത്മേന്ദുഹൃദയസ്സര്വയോഗേശ്വരേശ്വരഃ ।

ഹിരണ്യഗര്ഭഹൃദയോ മോഹാവര്തനിവര്തനഃ

॥ 129 ॥

ശ്ലോക 132

ആത്മജ്ഞാനനിധിര്മേധാ കോശസ്തന്മാത്രരൂപവാന് ।

ഇന്ദ്രോഽഗ്നിവദനഃ കാലനാഭസ്സര്വാഗമാധ്വഗഃ

॥ 130 ॥

ശ്ലോക 133

തുരീയസര്വധീസാക്ഷീ ദ്വന്ദ്വാരാമാത്മദൂരഗഃ ।

അജ്ഞാതപാരോ വശ്യശ്രീരവ്യാകൃതവിഹാരവാന്

॥ 131 ॥

ശ്ലോക 134

ആത്മപ്രദീപോ വിജ്ഞാനമാത്രാത്മാ ശ്രീനികേതനഃ ।

ബാണബാഹുവനച്ഛേത്താ മഹേന്ദ്രപ്രീതിവര്ധനഃ

॥ 132 ॥

ശ്ലോക 135

അനിരുദ്ധനിരോധജ്ഞോ ജലേശാഹൃതഗോകുലഃ ।

ജലേശവിജയീ വീരസ്സത്രാജിദ്രത്നയാചകഃ

॥ 133 ॥

ശ്ലോക 136

പ്രസേനാന്വേഷണോദ്യുക്തോ ജാമ്ബവദ്ധൃതരത്നദഃ ।

ജിതര്ക്ഷരാജതനയാഹര്താ ജാമ്ബവതീപ്രിയഃ

॥ 134 ॥

ശ്ലോക 137

സത്യഭാമാപ്രിയഃ കാമശ്ശതധന്വശിരോഹരഃ ।

കാലിന്ദീപതിരക്രൂരബന്ധുരക്രൂരരത്നദഃ

॥ 135 ॥

ശ്ലോക 138

കൈകേയീരമണോ ഭദ്രാഭര്താ നാഗ്നജിതീധവഃ ।

മാദ്രീമനോഹരശ്ശൈബ്യാപ്രാണബന്ധുരുരുക്രമഃ

॥ 136 ॥

ശ്ലോക 139

സുശീലാദയിതോ മിത്രവിന്ദാനേത്രമഹോത്സവഃ ।

ലക്ഷ്മണാവല്ലഭോ രുദ്ധപ്രാഗ്ജ്യോതിഷമഹാപുരഃ

॥ 137 ॥

ശ്ലോക 140

സുരപാശാവൃതിച്ഛേദീ മുരാരിഃ ക്രൂരയുദ്ധവിത് ।

ഹയഗ്രീവശിരോഹര്താ സര്വാത്മാ സര്വദര്ശനഃ

॥ 138 ॥

ശ്ലോക 141

നരകാസുരവിച്ഛേത്താ നരകാത്മജരാജ്യദഃ।

പൃഥ്വീസ്തുതഃ പ്രകാശാത്മാ ഹൃദ്യോ യജ്ഞഫലപ്രദഃ

॥ 139 ॥

ശ്ലോക 142

ഗുണഗ്രാഹീ ഗുണദ്രഷ്ടാ ഗൂഢസ്വാത്മാ വിഭൂതിമാന് ।

കവിര്ജഗദുപദ്രഷ്ടാ പരമാക്ഷരവിഗ്രഹഃ

॥ 140 ॥

ശ്ലോക 143

പ്രപന്നപാലനോ മാലീ മഹദ്ബ്രഹ്മവിവര്ധനഃ ।

വാച്യവാചകശക്ത്യര്ഥസ്സര്വവ്യാകൃതസിദ്ധിദഃ

॥ 141 ॥

ശ്ലോക 144

സ്വയമ്പ്രഭുരനിര്വേദ്യസ്സ്വപ്രകാശശ്ചിരന്തനഃ ।

നാദാത്മാ മന്ത്രകോടീശോ നാനാവാദനിരോധകഃ

॥ 142 ॥

ശ്ലോക 145

കന്ദര്പകോടിലാവണ്യഃ പരാര്ഥൈകപ്രയോജകഃ ।

അമരീകൃതദേവൌഘഃ കന്യകാബന്ധമോചനഃ

॥ 143 ॥

ശ്ലോക 146

ഷോഡശസ്ത്രീസഹസ്രേശഃ കാന്തഃ കാന്താമനോഭവഃ ।

ക്രീഡാരത്നാചലാഹര്താ വരുണച്ഛത്രശോഭിതഃ

॥ 144 ॥

ശ്ലോക 147

ശക്രാഭിവന്ദിതശ്ശക്രജനനീകുണ്ഡലപ്രദഃ ।

അദിതിപ്രസ്തുതസ്തോത്രോ ബ്രാഹ്മണോദ്ഘുഷ്ടചേഷ്ടനഃ

॥ 145 ॥

ശ്ലോക 148

പുരാണസ്സംയമീ ജന്മാലിപ്തഃ ഷഡ്വിംശകോഽര്ഥദഃ ।

യശസ്യനീതിരാദ്യന്തരഹിതസ്സത്കഥാപ്രിയഃ

॥ 146 ॥

ശ്ലോക 149

ബ്രഹ്മബോധഃ പരാനന്ദഃ പാരിജാതാപഹാരകഃ ।

പൌണ്ഡ്രകപ്രാണഹരണഃ കാശിരാജനിഷൂദനഃ

॥ 147 ॥

ശ്ലോക 150

കൃത്യാഗര്വപ്രശമനോ വിചക്രവധദീക്ഷിതഃ ।

കംസവിധ്വംസനസ്സാമ്ബജനകോ ഡിമ്ഭകാര്ദനഃ

॥ 148 ॥

ശ്ലോക 151

മുനിര്ഗോപ്താ പിതൃവരപ്രദസ്സവനദീക്ഷിതഃ ।

രഥീ സാരഥ്യനിര്ദേഷ്ടാ ഫാല്ഗുനഃ ഫാല്ഗുനിപ്രിയഃ

॥ 149 ॥

ശ്ലോക 152

സപ്താബ്ധിസ്തമ്ഭനോദ്ഭാതോ ഹരിസ്സപ്താബ്ധിഭേദനഃ ।

ആത്മപ്രകാശഃ പൂര്ണശ്രീരാദിനാരായണേക്ഷിതഃ

॥ 150 ॥

ശ്ലോക 153

വിപ്രപുത്രപ്രദശ്ചൈവ സര്വമാതൃസുതപ്രദഃ ।

പാര്ഥവിസ്മയകൃത്പാര്ഥപ്രണവാര്ഥപ്രബോധനഃ

॥ 151 ॥

ശ്ലോക 154

കൈലാസയാത്രാസുമുഖോ ബദര്യാശ്രമഭൂഷണഃ ।

ഘണ്ടാകര്ണക്രിയാമൌഢ്യാത്തോഷിതോ ഭക്തവത്സലഃ

॥ 152 ॥

ശ്ലോക 155

മുനിബൃന്ദാദിഭിര്ധ്യേയോ ഘണ്ടാകര്ണവരപ്രദഃ ।

തപശ്ചര്യാപരശ്ചീരവാസാഃ പിങ്ഗജടാധരഃ

॥ 153 ॥

ശ്ലോക 156

പ്രത്യക്ഷീകൃതഭൂതേശശ്ശിവസ്തോതാ ശിവസ്തുതഃ ।

കൃഷ്ണാസ്വയംവരാലോകകൌതുകീ സര്വസമ്മതഃ

॥ 154 ॥

ശ്ലോക 157

ബലസംരമ്ഭശമനോ ബലദര്ശിതപാണ്ഡവഃ ।

യതിവേഷാര്ജുനാഭീഷ്ടദായീ സര്വാത്മഗോചരഃ

॥ 155 ॥

ശ്ലോക 158

സുഭദ്രാഫാല്ഗുനോദ്വാഹകര്താ പ്രീണിതഫാല്ഗുനഃ ।

ഖാണ്ഡവപ്രീണിതാര്ചിഷ്മാന്മയദാനവമോചനഃ

॥ 156 ॥

ശ്ലോക 159

സുലഭോ രാജസൂയാര്ഹയുധിഷ്ഠിരനിയോജകഃ ।

ഭീമാര്ദിതജരാസന്ധോ മാഗധാത്മജരാജ്യദഃ

॥ 157 ॥

ശ്ലോക 160

രാജബന്ധനനിര്മോക്താ രാജസൂയാഗ്രപൂജനഃ ।

ചൈദ്യാദ്യസഹനോ ഭീഷ്മസ്തുതസ്സാത്വതപൂര്വജഃ

॥ 158 ॥

ശ്ലോക 161

സര്വാത്മാര്ഥസമാഹര്താ മന്ദരാചലധാരകഃ ।

യജ്ഞാവതാരഃ പ്രഹ്ലാദപ്രതിജ്ഞാപ്രതിപാലകഃ

॥ 159 ॥

ശ്ലോക 162

ബലിയജ്ഞസഭാധ്വംസീ ദൃപ്തക്ഷത്രകുലാന്തകഃ ।

ദശഗ്രീവാന്തകോ ജേതാ രേവതീപ്രേമവല്ലഭഃ

॥ 160 ॥

ശ്ലോക 163

സര്വാവതാരാധിഷ്ഠാതാ വേദബാഹ്യവിമോഹനഃ ।

കലിദോഷനിരാകര്താ ദശനാമാ ദൃഢവ്രതഃ

॥ 161 ॥

ശ്ലോക 164

അമേയാത്മാ ജഗത്സ്വാമീ വാഗ്മീ ചൈദ്യശിരോഹരഃ ।

ദ്രൌപദീരചിതസ്തോത്രഃ കേശവഃ പുരുഷോത്തമഃ

॥ 162 ॥

ശ്ലോക 165

നാരായണോ മധുപതിര്മാധവോ ദോഷവര്ജിതഃ ।

ഗോവിന്ദഃ പുണ്ഡരീകാക്ഷോ വിഷ്ണുശ്ച മധുസൂദനഃ

॥ 163 ॥

ശ്ലോക 166

ത്രിവിക്രമസ്ത്രിലോകേശോ വാമനഃ ശ്രീധരഃ പുമാന് ।

ഹൃഷീകേശോ വാസുദേവഃ പദ്മനാഭോ മഹാഹ്രദഃ

॥ 164 ॥

ശ്ലോക 167

ദാമോദരശ്ചതുര്വ്യൂഹഃ പാഞ്ചാലീമാനരക്ഷണഃ ।

സാല്വഘ്നസ്സമരശ്ലാഘീ ദന്തവക്ത്രനിബര്ഹണഃ

॥ 165 ॥

ശ്ലോക 168

ദാമോദരപ്രിയസഖാ പൃഥുകാസ്വാദനപ്രിയഃ ॥

ഘൃണീ ദാമോദരഃ ശ്രീദോ ഗോപീപുനരവേക്ഷകഃ

॥ 166 ॥

ശ്ലോക 169

ഗോപികാമുക്തിദോ യോഗീ ദുര്വാസസ്തൃപ്തികാരകഃ ।

അവിജ്ഞാതവ്രജാകീര്ണപാണ്ഡവാലോകനോ ജയീ

॥ 167 ॥

ശ്ലോക 170

പാര്ഥസാരഥ്യനിരതഃ പ്രാജ്ഞഃ പാണ്ഡവദൂത്യകൃത് ।

വിദുരാതിഥ്യസന്തുഷ്ടഃ കുന്തീസന്തോഷദായകഃ

॥ 168 ॥

ശ്ലോക 171

സുയോധനതിരസ്കര്താ ദുര്യോധനവികാരവിത് ।

വിദുരാഭിഷ്ഠുതോ നിത്യോ വാര്ഷ്ണേയോ മങ്ഗലാത്മകഃ

॥ 169 ॥

ശ്ലോക 172

പഞ്ചവിംശതിതത്ത്വേശശ്ചതുര്വിംശതിദേഹഭാക് ।

സര്വാനുഗ്രാഹകസ്സര്വദാശാര്ഹസതതാര്ചിതഃ

॥ 170 ॥

ശ്ലോക 173

അചിന്ത്യോ മധുരാലാപസ്സാധുദര്ശീ ദുരാസദഃ ।

മനുഷ്യധര്മാനുഗതഃ കൌരവേന്ദ്രക്ഷയേക്ഷിതാ

॥ 171 ॥

ശ്ലോക 174

ഉപേന്ദ്രോ ദാനവാരാതിരുരുഗീതോ മഹാദ്യുതിഃ ।

ബ്രഹ്മണ്യദേവഃ ശ്രുതിമാന് ഗോബ്രാഹ്മണഹിതാശയഃ

॥ 172 ॥

ശ്ലോക 175

വരശീലശ്ശിവാരമ്ഭസ്സുവിജ്ഞാനവിമൂര്തിമാന് ।

സ്വഭാവശുദ്ധസ്സന്മിത്രസ്സുശരണ്യസ്സുലക്ഷണഃ

॥ 173 ॥

ശ്ലോക 176

ധൃതരാഷ്ട്രഗതൌദൃഷ്ടിപ്രദഃ കര്ണവിഭേദനഃ ।

പ്രതോദധൃഗ്വിശ്വരൂപവിസ്മാരിതധനഞ്ജയഃ

॥ 174 ॥

ശ്ലോക 177

സാമഗാനപ്രിയോ ധര്മധേനുര്വര്ണോത്തമോഽവ്യയഃ ।

ചതുര്യുഗക്രിയാകര്താ വിശ്വരൂപപ്രദര്ശകഃ

॥ 175 ॥

ശ്ലോക 178

ബ്രഹ്മബോധപരിത്രാതപാര്ഥോ ഭീഷ്മാര്ഥചക്രഭൃത് ।

അര്ജുനായാസവിധ്വംസീ കാലദംഷ്ട്രാവിഭൂഷണഃ

॥ 176 ॥

ശ്ലോക 179

സുജാതാനന്തമഹിമാ സ്വപ്നവ്യാപാരിതാര്ജുനഃ ।

അകാലസന്ധ്യാഘടനശ്ചക്രാന്തരിതഭാസ്കരഃ

॥ 177 ॥

ശ്ലോക 180

ദുഷ്ടപ്രമഥനഃ പാര്ഥപ്രതിജ്ഞാപരിപാലകഃ ।

സിന്ധുരാജശിരഃപാതസ്ഥാനവക്താ വിവേകദൃക്

॥ 178 ॥

ശ്ലോക 181

സുഭദ്രാശോകഹരണോ ദ്രോണോത്സേകാദിവിസ്മിതഃ ।

പാര്ഥമന്യുനിരാകര്താ പാണ്ഡവോത്സവദായകഃ

॥ 179 ॥

ശ്ലോക 182

അങ്ഗുഷ്ഠാക്രാന്തകൌന്തേയരഥശ്ശക്തോഽഹിശീര്ഷജിത് ।

കാലകോപപ്രശമനോ ഭീമസേനജയപ്രദഃ

॥ 180 ॥

ശ്ലോക 183

അശ്വത്ഥാമവധായാസത്രാതപാണ്ഡുസുതഃ കൃതീ ।

ഇഷീകാസ്ത്രപ്രശമനോ ദ്രൌണിരക്ഷാവിചക്ഷണഃ

॥ 181 ॥

ശ്ലോക 184

പാര്ഥാപഹാരിതദ്രൌണിചൂഡാമണിരഭങ്ഗുരഃ ।

ധൃതരാഷ്ട്രപരാമൃഷ്ടഭീമപ്രതികൃതിസ്മയഃ

॥ 182 ॥

ശ്ലോക 185

ഭീഷ്മബുദ്ധിപ്രദശ്ശാന്തശ്ശരച്ചന്ദ്രനിഭാനനഃ ।

ഗദാഗ്രജന്മാ പാഞ്ചാലീപ്രതിജ്ഞാപരിപാലകഃ

॥ 183 ॥

ശ്ലോക 186

ഗാന്ധാരീകോപദൃഗ്ഗുപ്തധര്മസൂനുരനാമയഃ ।

പ്രപന്നാര്തിഭയച്ഛേത്താ ഭീഷ്മശല്യവ്യധാവഹഃ

॥ 184 ॥

ശ്ലോക 187

ശാന്തശ്ശാന്തനവോദീര്ണസര്വധര്മസമാഹിതഃ ।

സ്മാരിതബ്രഹ്മവിദ്യാര്ഥപ്രീതപാര്ഥോ മഹാസ്ത്രവിത്

॥ 185 ॥

ശ്ലോക 188

പ്രസാദപരമോദാരോ ഗാങ്ഗേയസുഗതിപ്രദഃ ।

വിപക്ഷപക്ഷക്ഷയകൃത്പരീക്ഷിത്പ്രാണരക്ഷണഃ

॥ 186 ॥

ശ്ലോക 189

ജഗദ്ഗുരുര്ധര്മസൂനോര്വാജിമേധപ്രവര്തകഃ ।

വിഹിതാര്ഥാപ്തസത്കാരോ മാസകാത്പരിവര്തദഃ

॥ 187 ॥

ശ്ലോക 190

ഉത്തങ്കഹര്ഷദാത്മീയദിവ്യരൂപപ്രദര്ശകഃ ।

ജനകാവഗതസ്വോക്തഭാരതസ്സര്വഭാവനഃ

॥ 188 ॥

ശ്ലോക 191

അസോഢയാദവോദ്രേകോ വിഹിതാപ്താദിപൂജനഃ ॥

സമുദ്രസ്ഥാപിതാശ്ചര്യമുസലോ വൃഷ്ണിവാഹകഃ

॥ 189 ॥

ശ്ലോക 192

മുനിശാപായുധഃ പദ്മാസനാദിത്രിദശാര്ഥിതഃ ।

വൃഷ്ടിപ്രത്യവഹാരോത്കസ്സ്വധാമഗമനോത്സുകഃ

॥ 190 ॥

ശ്ലോക 193

പ്രഭാസാലോകനോദ്യുക്തോ നാനാവിധനിമിത്തകൃത് ।

സര്വയാദവസംസേവ്യസ്സര്വോത്കൃഷ്ടപരിച്ഛദഃ

॥ 191 ॥

ശ്ലോക 194

വേലാകാനനസഞ്ചാരീ വേലാനിലഹൃതശ്രമഃ ।

കാലാത്മാ യാദവോഽനന്തസ്സ്തുതിസന്തുഷ്ടമാനസഃ

॥ 192 ॥

ശ്ലോക 195

ദ്വിജാലോകനസന്തുഷ്ടഃ പുണ്യതീര്ഥമഹോത്സവഃ ।

സത്കാരാഹ്ലാദിതാശേഷഭൂസുരസ്സുരവല്ലഭഃ

॥ 193 ॥

ശ്ലോക 196

പുണ്യതീര്ഥാപ്ലുതഃ പുണ്യഃ പുണ്യദസ്തീര്ഥപാവനഃ ।

വിപ്രസാത്കൃതഗോകോടിശ്ശതകോടിസുവര്ണദഃ

॥ 194 ॥

ശ്ലോക 197

സ്വമായാമോഹിതാഽശേഷവൃഷ്ണിവീരോ വിശേഷവിത് ।

ജലജായുധനിര്ദേഷ്ടാ സ്വാത്മാവേശിതയാദവഃ

॥ 195 ॥

ശ്ലോക 198

ദേവതാഭീഷ്ടവരദഃ കൃതകൃത്യഃ പ്രസന്നധീഃ ।

സ്ഥിരശേഷായുതബലസ്സഹസ്രഫണിവീക്ഷണഃ

॥ 196 ॥

ശ്ലോക 199

ബ്രഹ്മവൃക്ഷവരച്ഛായാസീനഃ പദ്മാസനസ്ഥിതഃ ।

പ്രത്യഗാത്മാ സ്വഭാവാര്ഥഃ പ്രണിധാനപരായണഃ

॥ 197 ॥

ശ്ലോക 200

വ്യാധേഷുവിദ്ധപൂജ്യാങ്ഘ്രിര്നിഷാദഭയമോചനഃ ।

പുലിന്ദസ്തുതിസന്തുഷ്ടഃ പുലിന്ദസുഗതിപ്രദഃ

॥ 198 ॥

ശ്ലോക 201

ദാരുകാര്പിതപാര്ഥാദികരണീയോക്തിരീശിതാ ।

ദിവ്യദുന്ദുഭിസംയുക്തഃ പുഷ്പവൃഷ്ടിപ്രപൂജിതഃ

॥ 199 ॥

ശ്ലോക 202

പുരാണഃ പരമേശാനഃ പൂര്ണഭൂമാ പരിഷ്ടുതഃ ।

പതിരാദ്യഃ പരം ബ്രഹ്മ പരമാത്മാ പരാത്പരഃ

॥ 200 ॥

ശ്ലോക 203

ശ്രീപരമാത്മാ പരാത്പരഃ ഓം നമഃ ഇതി ।

ഫലശ്രുതിഃ –

ഇദം സഹസ്രം കൃഷ്ണസ്യ നാമ്നാം സര്വാര്ഥദായകമ് ।

അനന്തരൂപീ ഭഗവാന് വ്യാഖ്യാതാദൌ സ്വയമ്ഭുവേ

॥ 201 ॥

ശ്ലോക 204

തേന പ്രോക്തം വസിഷ്ഠായ തതോ ലബ്ധ്വാ പരാശരഃ ।

വ്യാസായ തേന സമ്പ്രോക്തം ശുകോ വ്യാസാദവാപ്തവാന്

॥ 202 ॥

ശ്ലോക 205

തച്ഛിഷ്യൈര്ബഹുഭിര്ഭൂമൌ ഖ്യാപിതം ദ്വാപരേ യുഗേ ।

കൃഷ്ണാജ്ഞയാ ഹരിഹരഃ കലൌ പ്രഖ്യാപയദ്വിഭുഃ

॥ 203 ॥

ശ്ലോക 206

ഇദം പഠതി ഭക്ത്യാ യഃ ശൃണോതി ച സമാഹിതഃ ।

സ്വസിദ്ധ്യൈ പ്രാര്ഥയന്ത്യേനം തീര്ഥക്ഷേത്രാദിദേവതാഃ

॥ 204 ॥

ശ്ലോക 207

പ്രായശ്ചിത്താന്യശേഷാണി നാലം യാനി വ്യപോഹിതുമ് ।

താനി പാപാനി നശ്യന്തി സകൃദസ്യ പ്രശംസനാത്

॥ 205 ॥

ശ്ലോക 208

ഋണത്രയവിമുക്തസ്യ ശ്രൌതസ്മാര്താനുവര്തിനഃ ।

ഋഷേസ്ത്രിമൂര്തിരൂപസ്യ ഫലം വിന്ദേദിദം പഠന്

॥ 206 ॥

ശ്ലോക 209

ഇദം നാമസഹസ്രം യഃ പഠത്യേതച്ഛൃണോതി ച ।

ശിവലിങ്ഗസഹസ്രസ്യ സ പ്രതിഷ്ഠാഫലം ലഭേത്

॥ 207 ॥

ശ്ലോക 210

ഇദം കിരീടീ സഞ്ജപ്യ ജയീ പാശുപതാസ്ത്രഭാക് ।

കൃഷ്ണസ്യ പ്രാണഭൂതസ്സന് കൃഷ്ണം സാരഥിമാപ്തവാന്

॥ 208 ॥

ശ്ലോക 211

ദ്രൌപദ്യാ ദമയന്ത്യാ ച സാവിത്ര്യാ ച സുശീലയാ ।

ദുരിതാനി ജിതാന്യേതജ്ജപാദാപ്തം ച വാഞ്ഛിതമ്

॥ 209 ॥

ശ്ലോക 212

കിമിദം ബഹുനാ ശംസന്മാനവോ മോദനിര്ഭരഃ ।

ബ്രഹ്മാനന്ദമവാപ്യാന്തേ കൃഷ്ണസായൂജ്യമാപ്നുയാത്

॥ 210 ॥

ശ്ലോക 213