ಶ್ರೀ ಕೃಷ್ಣ ಸಹಸ್ರ ನಾಮ ಸ್ತೋತ್ರಮ್

ಶ್ರೀ ಕೃಷ್ಣ ಸಹಸ್ರ ನಾಮ ಸ್ತೋತ್ರಮ್

ಶ್ಲೋಕ 1

ಓಂ ಅಸ್ಯ ಶ್ರೀಕೃಷ್ಣಸಹಸ್ರನಾಮಸ್ತೋತ್ರಮನ್ತ್ರಸ್ಯ ಪರಾಶರ ಋಷಿಃ, ಅನುಷ್ಟುಪ್ ಛನ್ದಃ, ಶ್ರೀಕೃಷ್ಣಃ ಪರಮಾತ್ಮಾ ದೇವತಾ, ಶ್ರೀಕೃಷ್ಣೇತಿ ಬೀಜಮ್, ಶ್ರೀವಲ್ಲಭೇತಿ ಶಕ್ತಿಃ, ಶಾರ್ಙ್ಗೀತಿ ಕೀಲಕಂ, ಶ್ರೀಕೃಷ್ಣಪ್ರೀತ್ಯರ್ಥೇ ಜಪೇ ವಿನಿಯೋಗಃ ॥

ನ್ಯಾಸಃ

ಪರಾಶರಾಯ ಋಷಯೇ ನಮಃ ಇತಿ ಶಿರಸಿ,

ಅನುಷ್ಟುಪ್ ಛನ್ದಸೇ ನಮಃ ಇತಿ ಮುಖೇ,

ಗೋಪಾಲಕೃಷ್ಣದೇವತಾಯೈ ನಮಃ ಇತಿ ಹೃದಯೇ,

ಶ್ರೀಕೃಷ್ಣಾಯ ಬೀಜಾಯ ನಮಃ ಇತಿ ಗುಹ್ಯೇ,

ಶ್ರೀವಲ್ಲಭಾಯ ಶಕ್ತ್ಯೈ ನಮಃ ಇತಿ ಪಾದಯೋಃ,

ಶಾರ್ಙ್ಗಧರಾಯ ಕೀಲಕಾಯ ನಮಃ ಇತಿ ಸರ್ವಾಙ್ಗೇ ॥

ಕರನ್ಯಾಸಃ

ಶ್ರೀಕೃಷ್ಣ ಇತ್ಯಾರಭ್ಯ ಶೂರವಂಶೈಕಧೀರಿತ್ಯನ್ತಾನಿ ಅಙ್ಗುಷ್ಠಾಭ್ಯಾಂ ನಮಃ ।

ಶೌರಿರಿತ್ಯಾರಭ್ಯ ಸ್ವಭಾಸೋದ್ಭಾಸಿತವ್ರಜ ಇತ್ಯನ್ತಾನಿ ತರ್ಜನೀಭ್ಯಾಂ ನಮಃ ।

ಕೃತಾತ್ಮವಿದ್ಯಾವಿನ್ಯಾಸ ಇತ್ಯಾರಭ್ಯ ಪ್ರಸ್ಥಾನಶಕಟಾರೂಢ ಇತಿ ಮಧ್ಯಮಾಭ್ಯಾಂ ನಮಃ,

ಬೃನ್ದಾವನಕೃತಾಲಯ ಇತ್ಯಾರಭ್ಯ ಮಧುರಾಜನವೀಕ್ಷಿತ ಇತ್ಯನಾಮಿಕಾಭ್ಯಾಂ ನಮಃ,

ರಜಕಪ್ರತಿಘಾತಕ ಇತ್ಯಾರಭ್ಯ ದ್ವಾರಕಾಪುರಕಲ್ಪನ ಇತಿ ಕನಿಷ್ಠಿಕಾಭ್ಯಾಂ ನಮಃ

ದ್ವಾರಕಾನಿಲಯ ಇತ್ಯಾರಭ್ಯ ಪರಾಶರ ಇತಿ ಕರತಲಕರಪೃಷ್ಠಾಭ್ಯಾಂ ನಮಃ,

ಏವಂ ಹೃದಯಾದಿನ್ಯಾಸಃ ॥

ಧ್ಯಾನಮ್

ಕೇಷಾಞ್ಚಿತ್ಪ್ರೇಮಪುಂಸಾಂ ವಿಗಲಿತಮನಸಾಂ ಬಾಲಲೀಲಾವಿಲಾಸಂ

ಕೇಷಾಂ ಗೋಪಾಲಲೀಲಾಙ್ಕಿತರಸಿಕತನುರ್ವೇಣುವಾದ್ಯೇನ ದೇವಮ್ ।

ಕೇಷಾಂ ವಾಮಾಸಮಾಜೇ ಜನಿತಮನಸಿಜೋ ದೈತ್ಯದರ್ಪಾಪಹೈವಂ

ಜ್ಞಾತ್ವಾ ಭಿನ್ನಾಭಿಲಾಷಂ ಸ ಜಯತಿ ಜಗತಾಮೀಶ್ವರಸ್ತಾದೃಶೋಽಭೂತ್

ಶ್ಲೋಕ 2

ಕ್ಷೀರಾಬ್ಧೌ ಕೃತಸಂಸ್ತವಸ್ಸುರಗಣೈರ್ಬ್ರಹ್ಮಾದಿಭಿಃ ಪಣ್ಡಿತೈಃ

ಪ್ರೋದ್ಭೂತೋ ವಸುದೇವಸದ್ಮನಿ ಮುದಾ ಚಿಕ್ರೀಡ ಯೋ ಗೋಕುಲೇ ।

ಕಂಸಧ್ವಂಸಕೃತೇ ಜಗಾಮ ಮಧುರಾಂ ಸಾರಾಮಸದ್ವಾರಕಾಂ

ಗೋಪಾಲೋಽಖಿಲಗೋಪಿಕಾಜನಸಖಃ ಪಾಯಾದಪಾಯಾತ್ ಸ ನಃ

॥ 1 ॥

ಶ್ಲೋಕ 3

ಫುಲ್ಲೇನ್ದೀವರಕಾನ್ತಿಮಿನ್ದುವದನಂ ಬರ್ಹಾವತಂಸಪ್ರಿಯಂ

ಶ್ರೀವತ್ಸಾಙ್ಕಮುದಾರಕೌಸ್ತುಭಧರಂ ಪೀತಾಮ್ಬರಂ ಸುನ್ದರಮ್ ।

ಗೋಪೀನಾಂ ನಯನೋತ್ಪಲಾರ್ಚಿತತನುಂ ಗೋಗೋಪಸಙ್ಘಾವೃತಂ

ಗೋವಿನ್ದಂ ಕಲವೇಣುವಾದನರತಂ ದಿವ್ಯಾಙ್ಗಭೂಷಂ ಭಜೇ

॥ 2 ॥

ಶ್ಲೋಕ 4

ಓಮ್ ।

ಕೃಷ್ಣಃ ಶ್ರೀವಲ್ಲಭಃ ಶಾರ್ಙ್ಗೀ ವಿಷ್ವಕ್ಸೇನಃ ಸ್ವಸಿದ್ಧಿದಃ ।

ಕ್ಷೀರೋದಧಾಮಾ ವ್ಯೂಹೇಶಃ ಶೇಷಶಾಯೀ ಜಗನ್ಮಯಃ

॥ 3 ॥

ಶ್ಲೋಕ 5

ಭಕ್ತಿಗಮ್ಯಸ್ತ್ರಯೀಮೂರ್ತಿರ್ಭಾರಾರ್ತವಸುಧಾಸ್ತುತಃ ।

ದೇವದೇವೋ ದಯಾಸಿನ್ಧುರ್ದೇವದೇವಶಿಖಾಮಣಿಃ

॥ 1 ॥

ಶ್ಲೋಕ 6

ಸುಖಭಾವಸ್ಸುಖಾಧಾರೋ ಮುಕುನ್ದೋ ಮುದಿತಾಶಯಃ ।

ಅವಿಕ್ರಿಯಃ ಕ್ರಿಯಾಮೂರ್ತಿರಧ್ಯಾತ್ಮಸ್ವಸ್ವರೂಪವಾನ್

॥ 2 ॥

ಶ್ಲೋಕ 7

ಶಿಷ್ಟಾಭಿಲಕ್ಷ್ಯೋ ಭೂತಾತ್ಮಾ ಧರ್ಮತ್ರಾಣಾರ್ಥಚೇಷ್ಟಿತಃ ।

ಅನ್ತರ್ಯಾಮೀ ಕಲಾರೂಪಃ ಕಾಲಾವಯವಸಾಕ್ಷಿಕಃ

॥ 3 ॥

ಶ್ಲೋಕ 8

ವಸುಧಾಯಾಸಹರಣೋ ನಾರದಪ್ರೇರಣೋನ್ಮುಖಃ ।

ಪ್ರಭೂಷ್ಣುರ್ನಾರದೋದ್ಗೀತೋ ಲೋಕರಕ್ಷಾಪರಾಯಣಃ

॥ 4 ॥

ಶ್ಲೋಕ 9

ರೌಹಿಣೇಯಕೃತಾನನ್ದೋ ಯೋಗಜ್ಞಾನನಿಯೋಜಕಃ ।

ಮಹಾಗುಹಾನ್ತರ್ನಿಕ್ಷಿಪ್ತಃ ಪುರಾಣವಪುರಾತ್ಮವಾನ್

॥ 5 ॥

ಶ್ಲೋಕ 10

ಶೂರವಂಶೈಕಧೀಶ್ಶೌರಿಃ ಕಂಸಶಙ್ಕಾವಿಷಾದಕೃತ್ ।

ವಸುದೇವೋಲ್ಲಸಚ್ಛಕ್ತಿರ್ದೇವಕ್ಯಷ್ಟಮಗರ್ಭಗಃ

॥ 6 ॥

ಶ್ಲೋಕ 11

ವಸುದೇವಸುತಃ ಶ್ರೀಮಾನ್ದೇವಕೀನನ್ದನೋ ಹರಿಃ ।

ಆಶ್ಚರ್ಯಬಾಲಃ ಶ್ರೀವತ್ಸಲಕ್ಷ್ಮವಕ್ಷಾಶ್ಚತುರ್ಭುಜಃ

॥ 7 ॥

ಶ್ಲೋಕ 12

ಸ್ವಭಾವೋತ್ಕೃಷ್ಟಸದ್ಭಾವಃ ಕೃಷ್ಣಾಷ್ಟಮ್ಯನ್ತಸಮ್ಭವಃ ।

ಪ್ರಾಜಾಪತ್ಯರ್ಕ್ಷಸಮ್ಭೂತೋ ನಿಶೀಥಸಮಯೋದಿತಃ

॥ 8 ॥

ಶ್ಲೋಕ 13

ಶಙ್ಖಚಕ್ರಗದಾಪದ್ಮಪಾಣಿಃ ಪದ್ಮನಿಭೇಕ್ಷಣಃ ।

ಕಿರೀಟೀ ಕೌಸ್ತುಭೋರಸ್ಕಃ ಸ್ಫುರನ್ಮಕರಕುಣ್ಡಲಃ

॥ 9 ॥

ಶ್ಲೋಕ 14

ಪೀತವಾಸಾ ಘನಶ್ಯಾಮಃ ಕುಞ್ಚಿತಾಞ್ಚಿತಕುನ್ತಲಃ ।

ಸುವ್ಯಕ್ತವ್ಯಕ್ತಾಭರಣಃ ಸೂತಿಕಾಗೃಹಭೂಷಣಃ

॥ 10 ॥

ಶ್ಲೋಕ 15

ಕಾರಾಗಾರಾನ್ಧಕಾರಘ್ನಃ ಪಿತೃಪ್ರಾಗ್ಜನ್ಮಸೂಚಕಃ ।

ವಸುದೇವಸ್ತುತಃ ಸ್ತೋತ್ರಂ ತಾಪತ್ರಯನಿವಾರಣಃ

॥ 11 ॥

ಶ್ಲೋಕ 16

ನಿರವದ್ಯಃ ಕ್ರಿಯಾಮೂರ್ತಿರ್ನ್ಯಾಯವಾಕ್ಯನಿಯೋಜಕಃ ।

ಅದೃಷ್ಟಚೇಷ್ಟಃ ಕೂಟಸ್ಥೋ ಧೃತಲೌಕಿಕವಿಗ್ರಹಃ

॥ 12 ॥

ಶ್ಲೋಕ 17

ಮಹರ್ಷಿಮಾನಸೋಲ್ಲಾಸೋ ಮಹೀಮಙ್ಗಲದಾಯಕಃ ।

ಸನ್ತೋಷಿತಸುರವ್ರಾತಃ ಸಾಧುಚಿತ್ತಪ್ರಸಾದಕಃ

॥ 13 ॥

ಶ್ಲೋಕ 18

ಜನಕೋಪಾಯನಿರ್ದೇಷ್ಟಾ ದೇವಕೀನಯನೋತ್ಸವಃ ।

ಪಿತೃಪಾಣಿಪರಿಷ್ಕಾರೋ ಮೋಹಿತಾಗಾರರಕ್ಷಕಃ

॥ 14 ॥

ಶ್ಲೋಕ 19

ಸ್ವಶಕ್ತ್ಯುದ್ಧಾಟಿತಾಶೇಷಕಪಾಟಃ ಪಿತೃವಾಹಕಃ ।

ಶೇಷೋರಗಫಣಾಚ್ಛತ್ರಶ್ಶೇಷೋಕ್ತಾಖ್ಯಾಸಹಸ್ರಕಃ

॥ 15 ॥

ಶ್ಲೋಕ 20

ಯಮುನಾಪೂರವಿಧ್ವಂಸೀ ಸ್ವಭಾಸೋದ್ಭಾಸಿತವ್ರಜಃ ।

ಕೃತಾತ್ಮವಿದ್ಯಾವಿನ್ಯಾಸೋ ಯೋಗಮಾಯಾಗ್ರಸಮ್ಭವಃ

॥ 16 ॥

ಶ್ಲೋಕ 21

ದುರ್ಗಾನಿವೇದಿತೋದ್ಭಾವೋ ಯಶೋದಾತಲ್ಪಶಾಯಕಃ ।

ನನ್ದಗೋಪೋತ್ಸವಸ್ಫೂರ್ತಿರ್ವ್ರಜಾನನ್ದಕರೋದಯಃ

॥ 17 ॥

ಶ್ಲೋಕ 22

ಸುಜಾತಜಾತಕರ್ಮ ಶ್ರೀರ್ಗೋಪೀಭದ್ರೋಕ್ತಿನಿರ್ವೃತಃ ।

ಅಲೀಕನಿದ್ರೋಪಗಮಃ ಪೂತನಾಸ್ತನಪೀಡನಃ

॥ 18 ॥

ಶ್ಲೋಕ 23

ಸ್ತನ್ಯಾತ್ತಪೂತನಾಪ್ರಾಣಃ ಪೂತನಾಕ್ರೋಶಕಾರಕಃ ।

ವಿನ್ಯಸ್ತರಕ್ಷಾಗೋಧೂಲಿರ್ಯಶೋದಾಕರಲಾಲಿತಃ

॥ 19 ॥

ಶ್ಲೋಕ 24

ನನ್ದಾಘ್ರಾತಶಿರೋಮಧ್ಯಃ ಪೂತನಾಸುಗತಿಪ್ರದಃ ।

ಬಾಲಃ ಪರ್ಯಙ್ಕನಿದ್ರಾಲುರ್ಮುಖಾರ್ಪಿತಪದಾಙ್ಗುಲಿಃ

॥ 20 ॥

ಶ್ಲೋಕ 25

ಅಞ್ಜನಸ್ನಿಗ್ಧನಯನಃ ಪರ್ಯಾಯಾಙ್ಕುರಿತಸ್ಮಿತಃ ।

ಲೀಲಾಕ್ಷಸ್ತರಲಾಲೋಕಶ್ಶಕಟಾಸುರಭಞ್ಜನಃ

॥ 21 ॥

ಶ್ಲೋಕ 26

ದ್ವಿಜೋದಿತಸ್ವಸ್ತ್ಯಯನೋ ಮನ್ತ್ರಪೂತಜಲಾಪ್ಲುತಃ ।

ಯಶೋದೋತ್ಸಙ್ಗಪರ್ಯಙ್ಕೋ ಯಶೋದಾಮುಖವೀಕ್ಷಕಃ

॥ 22 ॥

ಶ್ಲೋಕ 27

ಯಶೋದಾಸ್ತನ್ಯಮುದಿತಸ್ತೃಣಾವರ್ತಾದಿದುಸ್ಸಹಃ ।

ತೃಣಾವರ್ತಾಸುರಧ್ವಂಸೀ ಮಾತೃವಿಸ್ಮಯಕಾರಕಃ

॥ 23 ॥

ಶ್ಲೋಕ 28

ಪ್ರಶಸ್ತನಾಮಕರಣೋ ಜಾನುಚಙ್ಕ್ರಮಣೋತ್ಸುಕಃ ।

ವ್ಯಾಲಮ್ಬಿಚೂಲಿಕಾರತ್ನೋ ಘೋಷಗೋಪಪ್ರಹರ್ಷಣಃ

॥ 24 ॥

ಶ್ಲೋಕ 29

ಸ್ವಮುಖಪ್ರತಿಬಿಮ್ಬಾರ್ಥೀ ಗ್ರೀವಾವ್ಯಾಘ್ರನಖೋಜ್ಜ್ವಲಃ ।

ಪಙ್ಕಾನುಲೇಪರುಚಿರೋ ಮಾಂಸಲೋರುಕಟೀತಟಃ

॥ 25 ॥

ಶ್ಲೋಕ 30

ಘೃಷ್ಟಜಾನುಕರದ್ವನ್ದ್ವಃ ಪ್ರತಿಬಿಮ್ಬಾನುಕಾರಕೃತ್ ।

ಅವ್ಯಕ್ತವರ್ಣವಾಗ್ವೃತ್ತಿಃ ಸ್ಮಿತಲಕ್ಷ್ಯರದೋದ್ಗಮಃ

॥ 26 ॥

ಶ್ಲೋಕ 31

ಧಾತ್ರೀಕರಸಮಾಲಮ್ಬೀ ಪ್ರಸ್ಖಲಚ್ಚಿತ್ರಚಙ್ಕ್ರಮಃ ।

ಅನುರೂಪವಯಸ್ಯಾಢ್ಯಶ್ಚಾರುಕೌಮಾರಚಾಪಲಃ

॥ 27 ॥

ಶ್ಲೋಕ 32

ವತ್ಸಪುಚ್ಛಸಮಾಕೃಷ್ಟೋ ವತ್ಸಪುಚ್ಛವಿಕರ್ಷಣಃ ।

ವಿಸ್ಮಾರಿತಾನ್ಯವ್ಯಾಪಾರೋ ಗೋಪಗೋಪೀಮುದಾವಹಃ

॥ 28 ॥

ಶ್ಲೋಕ 33

ಅಕಾಲವತ್ಸನಿರ್ಮೋಕ್ತಾ ವ್ರಜವ್ಯಾಕ್ರೋಶಸುಸ್ಮಿತಃ ।

ನವನೀತಮಹಾಚೋರೋ ದಾರಕಾಹಾರದಾಯಕಃ

॥ 29 ॥

ಶ್ಲೋಕ 34

ಪೀಠೋಲೂಖಲಸೋಪಾನಃ ಕ್ಷೀರಭಾಣ್ಡವಿಭೇದನಃ ।

ಶಿಕ್ಯಭಾಣ್ಡಸಮಾಕರ್ಷೀ ಧ್ವಾನ್ತಾಗಾರಪ್ರವೇಶಕೃತ್

॥ 30 ॥

ಶ್ಲೋಕ 35

ಭೂಷಾರತ್ನಪ್ರಕಾಶಾಢ್ಯೋ ಗೋಪ್ಯುಪಾಲಮ್ಭಭರ್ತ್ಸಿತಃ ।

ಪರಾಗಧೂಸರಾಕಾರೋ ಮೃದ್ಭಕ್ಷಣಕೃತೇಕ್ಷಣಃ

॥ 31 ॥

ಶ್ಲೋಕ 36

ಬಾಲೋಕ್ತಮೃತ್ಕಥಾರಮ್ಭೋ ಮಿತ್ರಾನ್ತರ್ಗೂಢವಿಗ್ರಹಃ ।

ಕೃತಸನ್ತ್ರಾಸಲೋಲಾಕ್ಷೋ ಜನನೀಪ್ರತ್ಯಯಾವಹಃ

॥ 32 ॥

ಶ್ಲೋಕ 37

ಮಾತೃದೃಶ್ಯಾತ್ತವದನೋ ವಕ್ತ್ರಲಕ್ಷ್ಯಚರಾಚರಃ ।

ಯಶೋದಾಲಾಲಿತಸ್ವಾತ್ಮಾ ಸ್ವಯಂ ಸ್ವಾಚ್ಛನ್ದ್ಯಮೋಹನಃ

॥ 33॥

ಶ್ಲೋಕ 38

ಸವಿತ್ರೀಸ್ನೇಹಸಂಶ್ಲಿಷ್ಟಃ ಸವಿತ್ರೀಸ್ತನಲೋಲುಪಃ ।

ನವನೀತಾರ್ಥನಾಪ್ರಹ್ವೋ ನವನೀತಮಹಾಶನಃ

॥ 34 ॥

ಶ್ಲೋಕ 39

ಮೃಷಾಕೋಪಪ್ರಕಮ್ಪೋಷ್ಠೋ ಗೋಷ್ಠಾಙ್ಗಣವಿಲೋಕನಃ ।

ದಧಿಮನ್ಥಘಟೀಭೇತ್ತಾ ಕಿಙ್ಕಿಣೀಕ್ವಾಣಸೂಚಿತಃ

॥ 35 ॥

ಶ್ಲೋಕ 40

ಹೈಯಙ್ಗವೀನರಸಿಕೋ ಮೃಷಾಶ್ರುಶ್ಚೌರ್ಯಶಙ್ಕಿತಃ ।

ಜನನೀಶ್ರಮವಿಜ್ಞಾತಾ ದಾಮಬನ್ಧನಿಯನ್ತ್ರಿತಃ

॥ 36 ॥

ಶ್ಲೋಕ 41

ದಾಮಾಕಲ್ಪಶ್ಚಲಾಪಾಙ್ಗೋ ಗಾಢೋಲೂಖಲಬನ್ಧನಃ ।

ಆಕೃಷ್ಟೋಲೂಖಲೋಽನನ್ತಃ ಕುಬೇರಸುತಶಾಪವಿತ್ ॥ । 38 ॥

ನಾರದೋಕ್ತಿಪರಾಮರ್ಶೀ ಯಮಲಾರ್ಜುನಭಞ್ಜನಃ ।

ಧನದಾತ್ಮಜಸಙ್ಘುಷ್ಟೋ ನನ್ದಮೋಚಿತಬನ್ಧನಃ

॥ 37 ॥

ಶ್ಲೋಕ 42

ಬಾಲಕೋದ್ಗೀತನಿರತೋ ಬಾಹುಕ್ಷೇಪೋದಿತಪ್ರಿಯಃ ।

ಆತ್ಮಜ್ಞೋ ಮಿತ್ರವಶಗೋ ಗೋಪೀಗೀತಗುಣೋದಯಃ

॥ 39 ॥

ಶ್ಲೋಕ 43

ಪ್ರಸ್ಥಾನಶಕಟಾರೂಢೋ ಬೃನ್ದಾವನಕೃತಾಲಯಃ ।

ಗೋವತ್ಸಪಾಲನೈಕಾಗ್ರೋ ನಾನಾಕ್ರೀಡಾಪರಿಚ್ಛದಃ

॥ 40 ॥

ಶ್ಲೋಕ 44

ಕ್ಷೇಪಣೀಕ್ಷೇಪಣಪ್ರೀತೋ ವೇಣುವಾದ್ಯವಿಶಾರದಃ ।

ವೃಷವತ್ಸಾನುಕರಣೋ ವೃಷಧ್ವಾನವಿಡಮ್ಬನಃ

॥ 41 ॥

ಶ್ಲೋಕ 45

ನಿಯುದ್ಧಲೀಲಾಸಂಹೃಷ್ಟಃ ಕೂಜಾನುಕೃತಕೋಕಿಲಃ ।

ಉಪಾತ್ತಹಂಸಗಮನಸ್ಸರ್ವಜನ್ತುರುತಾನುಕೃತ್

॥ 42 ॥

ಶ್ಲೋಕ 46

ಭೃಙ್ಗಾನುಕಾರೀ ದಧ್ಯನ್ನಚೋರೋ ವತ್ಸಪುರಸ್ಸರಃ ।

ಬಲೀ ಬಕಾಸುರಗ್ರಾಹೀ ಬಕತಾಲುಪ್ರದಾಹಕಃ

॥ 43 ॥

ಶ್ಲೋಕ 47

ಭೀತಗೋಪಾರ್ಭಕಾಹೂತೋ ಬಕಚಞ್ಚುವಿದಾರಣಃ ।

ಬಕಾಸುರಾರಿರ್ಗೋಪಾಲೋ ಬಾಲೋ ಬಾಲಾದ್ಭುತಾವಹಃ

॥ 44 ॥

ಶ್ಲೋಕ 48

ಬಲಭದ್ರಸಮಾಶ್ಲಿಷ್ಟಃ ಕೃತಕ್ರೀಡಾನಿಲಾಯನಃ ।

ಕ್ರೀಡಾಸೇತುನಿಧಾನಜ್ಞಃ ಪ್ಲವಙ್ಗೋತ್ಪ್ಲವನೋಽದ್ಭುತಃ

॥ 45 ॥

ಶ್ಲೋಕ 49

ಕನ್ದುಕಕ್ರೀಡನೋ ಲುಪ್ತನನ್ದಾದಿಭವವೇದನಃ ।

ಸುಮನೋಽಲಙ್ಕೃತಶಿರಾಃ ಸ್ವಾದುಸ್ನಿಗ್ಧಾನ್ನಶಿಕ್ಯಭೃತ್

॥ 46 ॥

ಶ್ಲೋಕ 50

ಗುಞ್ಜಾಪ್ರಾಲಮ್ಬನಚ್ಛನ್ನಃ ಪಿಞ್ಛೈರಲಕವೇಷಕೃತ್ ।

ವನ್ಯಾಶನಪ್ರಿಯಃ ಶೃಙ್ಗರವಾಕಾರಿತವತ್ಸಕಃ

॥ 47 ॥

ಶ್ಲೋಕ 51

ಮನೋಜ್ಞಪಲ್ಲವೋತ್ತಂಸಪುಷ್ಪಸ್ವೇಚ್ಛಾತ್ತಷಟ್ಪದಃ ।

ಮಞ್ಜುಶಿಞ್ಜಿತಮಞ್ಜೀರಚರಣಃ ಕರಕಙ್ಕಣಃ

॥ 48 ॥

ಶ್ಲೋಕ 52

ಅನ್ಯೋನ್ಯಶಾಸನಃ ಕ್ರೀಡಾಪಟುಃ ಪರಮಕೈತವಃ ।

ಪ್ರತಿಧ್ವಾನಪ್ರಮುದಿತಃ ಶಾಖಾಚತುರಚಙ್ಕ್ರಮಃ

॥ 49 ॥

ಶ್ಲೋಕ 53

ಅಘದಾನವಸಂಹರ್ತಾ ವ್ರಜವಿಘ್ನವಿನಾಶನಃ ।

ವ್ರಜಸಞ್ಜೀವನಃ ಶ್ರೇಯೋನಿಧಿರ್ದಾನವಮುಕ್ತಿದಃ

॥ 50 ॥

ಶ್ಲೋಕ 54

ಕಾಲಿನ್ದೀಪುಲಿನಾಸೀನಸ್ಸಹಭುಕ್ತವ್ರಜಾರ್ಭಕಃ ।

ಕಕ್ಷಾಜಠರವಿನ್ಯಸ್ತವೇಣುರ್ವಲ್ಲವಚೇಷ್ಟಿತಃ

॥ 51 ॥

ಶ್ಲೋಕ 55

ಭುಜಸನ್ಧ್ಯನ್ತರನ್ಯಸ್ತಶೃಙ್ಗವೇತ್ರಃ ಶುಚಿಸ್ಮಿತಃ ।

ವಾಮಪಾಣಿಸ್ಥದಧ್ಯನ್ನಕಬಲಃ ಕಲಭಾಷಣಃ

॥ 52 ॥

ಶ್ಲೋಕ 56

ಅಙ್ಗುಲ್ಯನ್ತರವಿನ್ಯಸ್ತಫಲಃ ಪರಮಪಾವನಃ ।

ಅದೃಶ್ಯತರ್ಣಕಾನ್ವೇಷೀ ವಲ್ಲವಾರ್ಭಕಭೀತಿಹಾ

॥ 53 ॥

ಶ್ಲೋಕ 57

ಅದೃಷ್ಟವತ್ಸಪವ್ರಾತೋ ಬ್ರಹ್ಮವಿಜ್ಞಾತವೈಭವಃ ।

ಗೋವತ್ಸವತ್ಸಪಾನ್ವೇಷೀ ವಿರಾಟ್-ಪುರುಷವಿಗ್ರಹಃ

॥ 54 ॥

ಶ್ಲೋಕ 58

ಸ್ವಸಙ್ಕಲ್ಪಾನುರೂಪಾರ್ಥೋ ವತ್ಸವತ್ಸಪರೂಪಧೃಕ್ ।

ಯಥಾವತ್ಸಕ್ರಿಯಾರೂಪೋ ಯಥಾಸ್ಥಾನನಿವೇಶನಃ

॥ 55 ॥

ಶ್ಲೋಕ 59

ಯಥಾವ್ರಜಾರ್ಭಕಾಕಾರೋ ಗೋಗೋಪೀಸ್ತನ್ಯಪಸ್ಸುಖೀ ।

ಚಿರಾದ್ವಲೋಹಿತೋ ದಾನ್ತೋ ಬ್ರಹ್ಮವಿಜ್ಞಾತವೈಭವಃ

॥ 56 ॥

ಶ್ಲೋಕ 60

ವಿಚಿತ್ರಶಕ್ತಿರ್ವ್ಯಾಲೀನಸೃಷ್ಟಗೋವತ್ಸವತ್ಸಪಃ ।

ಬ್ರಹ್ಮತ್ರಪಾಕರೋ ಧಾತೃಸ್ತುತಸ್ಸರ್ವಾರ್ಥಸಾಧಕಃ

॥ 57 ॥

ಶ್ಲೋಕ 61

ಬ್ರಹ್ಮ ಬ್ರಹ್ಮಮಯೋಽವ್ಯಕ್ತಸ್ತೇಜೋರೂಪಸ್ಸುಖಾತ್ಮಕಃ ।

ನಿರುಕ್ತಂ ವ್ಯಾಕೃತಿರ್ವ್ಯಕ್ತೋ ನಿರಾಲಮ್ಬನಭಾವನಃ

॥ 58 ॥

ಶ್ಲೋಕ 62

ಪ್ರಭವಿಷ್ಣುರತನ್ತ್ರೀಕೋ ದೇವಪಕ್ಷಾರ್ಥರೂಪಧೃಕ್ ।

ಅಕಾಮಸ್ಸರ್ವವೇದಾದಿರಣೀಯಸ್ಥೂಲರೂಪವಾನ್

॥ 59 ॥

ಶ್ಲೋಕ 63

ವ್ಯಾಪೀ ವ್ಯಾಪ್ಯಃ ಕೃಪಾಕರ್ತಾ ವಿಚಿತ್ರಾಚಾರಸಮ್ಮತಃ ।

ಛನ್ದೋಮಯಃ ಪ್ರಧಾನಾತ್ಮಾ ಮೂರ್ತಾಮೂರ್ತಿದ್ವಯಾಕೃತಿಃ

॥ 60 ॥

ಶ್ಲೋಕ 64

ಅನೇಕಮೂರ್ತಿರಕ್ರೋಧಃ ಪರಃ ಪ್ರಕೃತಿರಕ್ರಮಃ ।

ಸಕಲಾವರಣೋಪೇತಸ್ಸರ್ವದೇವೋ ಮಹೇಶ್ವರಃ

॥ 61 ॥

ಶ್ಲೋಕ 65

ಮಹಾಪ್ರಭಾವನಃ ಪೂರ್ವವತ್ಸವತ್ಸಪದರ್ಶಕಃ ।

ಕೃಷ್ಣಯಾದವಗೋಪಾಲೋ ಗೋಪಾಲೋಕನಹರ್ಷಿತಃ

॥ 62 ॥

ಶ್ಲೋಕ 66

ಸ್ಮಿತೇಕ್ಷಾಹರ್ಷಿತಬ್ರಹ್ಮಾ ಭಕ್ತವತ್ಸಲವಾಕ್ಪ್ರಿಯಃ ।

ಬ್ರಹ್ಮಾನನ್ದಾಶ್ರುಧೌತಾಙ್ಘ್ರಿರ್ಲೀಲಾವೈಚಿತ್ರ್ಯಕೋವಿದಃ

॥ 63 ॥

ಶ್ಲೋಕ 67

ಬಲಭದ್ರೈಕಹೃದಯೋ ನಾಮಾಕಾರಿತಗೋಕುಲಃ ।

ಗೋಪಾಲಬಾಲಕೋ ಭವ್ಯೋ ರಜ್ಜುಯಜ್ಞೋಪವೀತವಾನ್

॥ 64 ॥

ಶ್ಲೋಕ 68

ವೃಕ್ಷಚ್ಛಾಯಾಹತಾಶಾನ್ತಿರ್ಗೋಪೋತ್ಸಙ್ಗೋಪಬರ್ಹಣಃ ।

ಗೋಪಸಂವಾಹಿತಪದೋ ಗೋಪವ್ಯಜನವೀಜಿತಃ ॥ 66।

ಗೋಪಗಾನಸುಖೋನ್ನಿದ್ರಃ ಶ್ರೀದಾಮಾರ್ಜಿತಸೌಹೃದಃ ।

ಸುನನ್ದಸುಹೃದೇಕಾತ್ಮಾ ಸುಬಲಪ್ರಾಣರಞ್ಜನಃ

॥ 65 ॥

ಶ್ಲೋಕ 69

ತಾಲೀವನಕೃತಕ್ರೀಡೋ ಬಲಪಾತಿತಧೇನುಕಃ ।

ಗೋಪೀಸೌಭಾಗ್ಯಸಮ್ಭಾವ್ಯೋ ಗೋಧೂಲಿಚ್ಛುರಿತಾಲಕಃ

॥ 67 ॥

ಶ್ಲೋಕ 70

ಗೋಪೀವಿರಹಸನ್ತಪ್ತೋ ಗೋಪಿಕಾಕೃತಮಜ್ಜನಃ ।

ಪ್ರಲಮ್ಬಬಾಹುರುತ್ಫುಲ್ಲಪುಣ್ಡರೀಕಾವತಂಸಕಃ

॥ 68 ॥

ಶ್ಲೋಕ 71

ವಿಲಾಸಲಲಿತಸ್ಮೇರಗರ್ಭಲೀಲಾವಲೋಕನಃ ।

ಸ್ರಗ್ಭೂಷಣಾನುಲೇಪಾಢ್ಯೋ ಜನನ್ಯುಪಹೃತಾನ್ನಭುಕ್

॥ 69 ॥

ಶ್ಲೋಕ 72

ವರಶಯ್ಯಾಶಯೋ ರಾಧಾಪ್ರೇಮಸಲ್ಲಾಪನಿರ್ವೃತಃ ।

ಯಮುನಾತಟಸಞ್ಚಾರೀ ವಿಷಾರ್ತವ್ರಜಹರ್ಷದಃ

॥ 70 ॥

ಶ್ಲೋಕ 73

ಕಾಲಿಯಕ್ರೋಧಜನಕಃ ವೃದ್ಧಾಹಿಕುಲವೇಷ್ಟಿತಃ ।

ಕಾಲಿಯಾಹಿಫಣಾರಙ್ಗನಟಃ ಕಾಲಿಯಮರ್ದನಃ

॥ 71 ॥

ಶ್ಲೋಕ 74

ನಾಗಪತ್ನೀಸ್ತುತಿಪ್ರೀತೋ ನಾನಾವೇಷಸಮೃದ್ಧಿಕೃತ್ ।

ಅವಿಷ್ವಕ್ತದೃಗಾತ್ಮೇಶಃ ಸ್ವದೃಗಾತ್ಮಸ್ತುತಿಪ್ರಿಯಃ

॥ 72 ॥

ಶ್ಲೋಕ 75

ಸರ್ವೇಶ್ವರಸ್ಸರ್ವಗುಣಃ ಪ್ರಸಿದ್ಧಸ್ಸರ್ವಸಾತ್ವತಃ ।

ಅಕುಣ್ಠಧಾಮಾ ಚನ್ದ್ರಾರ್ಕದೃಷ್ಟಿರಾಕಾಶನಿರ್ಮಲಃ

॥ 73 ॥

ಶ್ಲೋಕ 76

ಅನಿರ್ದೇಶ್ಯಗತಿರ್ನಾಗವನಿತಾಪತಿಭೈಕ್ಷದಃ ।

ಸ್ವಾಙ್ಘ್ರಿಮುದ್ರಾಙ್ಕನಾಗೇನ್ದ್ರಮೂರ್ಧಾ ಕಾಲಿಯಸಂಸ್ತುತಃ

॥ 74 ॥

ಶ್ಲೋಕ 77

ಅಭಯೋ ವಿಶ್ವತಶ್ಚಕ್ಷುಃ ಸ್ತುತೋತ್ತಮಗುಣಃ ಪ್ರಭುಃ ।

ಅಹಮಾತ್ಮಾ ಮರುತ್ಪ್ರಾಣಃ ಪರಮಾತ್ಮಾ ದ್ಯುಶೀರ್ಷವಾನ್

॥ 75 ॥

ಶ್ಲೋಕ 78

ನಾಗೋಪಾಯನಹೃಷ್ಟಾತ್ಮಾ ಹ್ರದೋತ್ಸಾರಿತಕಾಲಿಯಃ ।

ಬಲಭದ್ರಸುಖಾಲಾಪೋ ಗೋಪಾಲಿಙ್ಗನನಿರ್ವೃತಃ

॥ 76 ॥

ಶ್ಲೋಕ 79

ದಾವಾಗ್ನಿಭೀತಗೋಪಾಲಗೋಪ್ತಾ ದಾವಾಗ್ನಿನಾಶನಃ ।

ನಯನಾಚ್ಛಾದನಕ್ರೀಡಾಲಮ್ಪಟೋ ನೃಪಚೇಷ್ಟಿತಃ

॥ 77 ॥

ಶ್ಲೋಕ 80

ಕಾಕಪಕ್ಷಧರಸ್ಸೌಮ್ಯೋ ಬಲವಾಹಕಕೇಲಿಮಾನ್ ।

ಬಲಘಾತಿತದುರ್ಧರ್ಷಪ್ರಲಮ್ಬೋ ಬಲವತ್ಸಲಃ

॥ 78 ॥

ಶ್ಲೋಕ 81

ಮುಞ್ಜಾಟವ್ಯಗ್ನಿಶಮನಃ ಪ್ರಾವೃಟ್ಕಾಲವಿನೋದವಾನ್ ।

ಶಿಲಾನ್ಯಸ್ತಾನ್ನಭೃದ್ದೈತ್ಯಸಂಹರ್ತಾ ಶಾದ್ವಲಾಸನಃ

॥ 79 ॥

ಶ್ಲೋಕ 82

ಸದಾಪ್ತಗೋಪಿಕೋದ್ಗೀತಃ ಕರ್ಣಿಕಾರಾವತಂಸಕಃ ।

ನಟವೇಷಧರಃ ಪದ್ಮಮಾಲಾಙ್ಕೋ ಗೋಪಿಕಾವೃತಃ

॥ 80 ॥

ಶ್ಲೋಕ 83

ಗೋಪೀಮನೋಹರಾಪಾಙ್ಗೋ ವೇಣುವಾದನತತ್ಪರಃ ।

ವಿನ್ಯಸ್ತವದನಾಮ್ಭೋಜಶ್ಚಾರುಶಬ್ದಕೃತಾನನಃ

॥ 81 ॥

ಶ್ಲೋಕ 84

ಬಿಮ್ಬಾಧರಾರ್ಪಿತೋದಾರವೇಣುರ್ವಿಶ್ವವಿಮೋಹನಃ ।

ವ್ರಜಸಂವರ್ಣಿತಶ್ರಾವ್ಯವೇಣುನಾದಃ ಶ್ರುತಿಪ್ರಿಯಃ

॥ 82 ॥

ಶ್ಲೋಕ 85

ಗೋಗೋಪಗೋಪೀಜನ್ಮೇಪ್ಸುರ್ಬ್ರಹ್ಮೇನ್ದ್ರಾದ್ಯಭಿವನ್ದಿತಃ ।

ಗೀತಸ್ನುತಿಸರಿತ್ಪೂರೋ ನಾದನರ್ತಿತಬರ್ಹಿಣಃ

॥ 83 ॥

ಶ್ಲೋಕ 86

ರಾಗಪಲ್ಲವಿತಸ್ಥಾಣುರ್ಗೀತಾನಮಿತಪಾದಪಃ ।

ವಿಸ್ಮಾರಿತತೃಣಗ್ರಾಸಮೃಗೋ ಮೃಗವಿಲೋಭಿತಃ

॥ 84 ॥

ಶ್ಲೋಕ 87

ವ್ಯಾಘ್ರಾದಿಹಿಂಸ್ರಸಹಜವೈರಹರ್ತಾ ಸುಗಾಯನಃ ।

ಗಾಢೋದೀರಿತಗೋಬೃನ್ದಪ್ರೇಮೋತ್ಕರ್ಣಿತತರ್ಣಕಃ

॥ 85 ॥

ಶ್ಲೋಕ 88

ನಿಷ್ಪನ್ದಯಾನಬ್ರಹ್ಮಾದಿವೀಕ್ಷಿತೋ ವಿಶ್ವವನ್ದಿತಃ ।

ಶಾಖೋತ್ಕರ್ಣಶಕುನ್ತೌಘಶ್ಛತ್ರಾಯಿತಬಲಾಹಕಃ

॥ 86 ॥

ಶ್ಲೋಕ 89

ಪ್ರಸನ್ನಃ ಪರಮಾನನ್ದಶ್ಚಿತ್ರಾಯಿತಚರಾಚರಃ ।

ಗೋಪಿಕಾಮದನೋ ಗೋಪೀಕುಚಕುಙ್ಕುಮಮುದ್ರಿತಃ

॥ 87 ॥

ಶ್ಲೋಕ 90

ಗೋಪಿಕನ್ಯಾಜಲಕ್ರೀಡಾಹೃಷ್ಟೋ ಗೋಪ್ಯಂಶುಕಾಪಹೃತ್ ।

ಸ್ಕನ್ಧಾರೋಪಿತಗೋಪಸ್ತ್ರೀವಾಸಾಃ ಕುನ್ದನಿಭಸ್ಮಿತಃ

॥ 88 ॥

ಶ್ಲೋಕ 91

ಗೋಪೀನೇತ್ರೋತ್ಪಲಶಶೀ ಗೋಪಿಕಾಯಾಚಿತಾಂಶುಕಃ ।

ಗೋಪೀನಮಸ್ಕ್ರಿಯಾದೇಷ್ಟಾ ಗೋಪ್ಯೇಕಕರವನ್ದಿತಃ

॥ 89 ॥

ಶ್ಲೋಕ 92

ಗೋಪ್ಯಞ್ಜಲಿವಿಶೇಷಾರ್ಥೀ ಗೋಪಕ್ರೀಡಾವಿಲೋಭಿತಃ ।

ಶಾನ್ತವಾಸಸ್ಫುರದ್ಗೋಪೀಕೃತಾಞ್ಜಲಿರಘಾಪಹಃ

॥ 90 ॥

ಶ್ಲೋಕ 93

ಗೋಪೀಕೇಲಿವಿಲಾಸಾರ್ಥೀ ಗೋಪೀಸಮ್ಪೂರ್ಣಕಾಮದಃ ।

ಗೋಪಸ್ತ್ರೀವಸ್ತ್ರದೋ ಗೋಪೀಚಿತ್ತಚೋರಃ ಕುತೂಹಲೀ

॥ 91 ॥

ಶ್ಲೋಕ 94

ಬೃನ್ದಾವನಪ್ರಿಯೋ ಗೋಪಬನ್ಧುರ್ಯಜ್ವಾನ್ನಯಾಚಿತಾ ।

ಯಜ್ಞೇಶೋ ಯಜ್ಞಭಾವಜ್ಞೋ ಯಜ್ಞಪತ್ನ್ಯಭಿವಾಞ್ಛಿತಃ

॥ 92 ॥

ಶ್ಲೋಕ 95

ಮುನಿಪತ್ನೀವಿತೀರ್ಣಾನ್ನತೃಪ್ತೋ ಮುನಿವಧೂಪ್ರಿಯಃ ।

ದ್ವಿಜಪತ್ನ್ಯಭಿಭಾವಜ್ಞೋ ದ್ವಿಜಪತ್ನೀವರಪ್ರದಃ

॥ 93 ॥

ಶ್ಲೋಕ 96

ಪ್ರತಿರುದ್ಧಸತೀಮೋಕ್ಷಪ್ರದೋ ದ್ವಿಜವಿಮೋಹಿತಾ ।

ಮುನಿಜ್ಞಾನಪ್ರದೋ ಯಜ್ವಸ್ತುತೋ ವಾಸವಯಾಗವಿತ್

॥ 94 ॥

ಶ್ಲೋಕ 97

ಪಿತೃಪ್ರೋಕ್ತಕ್ರಿಯಾರೂಪಶಕ್ರಯಾಗನಿವಾರಣಃ ।

ಶಕ್ರಾಽಮರ್ಷಕರಶ್ಶಕ್ರವೃಷ್ಟಿಪ್ರಶಮನೋನ್ಮುಖಃ

॥ 95 ॥

ಶ್ಲೋಕ 98

ಗೋವರ್ಧನಧರೋ ಗೋಪಗೋಬೃನ್ದತ್ರಾಣತತ್ಪರಃ ।

ಗೋವರ್ಧನಗಿರಿಚ್ಛತ್ರಚಣ್ಡದಣ್ಡಭುಜಾರ್ಗಲಃ

॥ 96 ॥

ಶ್ಲೋಕ 99

ಸಪ್ತಾಹವಿಧೃತಾದ್ರೀನ್ದ್ರೋ ಮೇಘವಾಹನಗರ್ವಹಾ ।

ಭುಜಾಗ್ರೋಪರಿವಿನ್ಯಸ್ತಕ್ಷ್ಮಾಧರಕ್ಷ್ಮಾಭೃದಚ್ಯುತಃ

॥ 97 ॥

ಶ್ಲೋಕ 100

ಸ್ವಸ್ಥಾನಸ್ಥಾಪಿತಗಿರಿರ್ಗೋಪೀದಧ್ಯಕ್ಷತಾರ್ಚಿತಃ ।

ಸುಮನಸ್ಸುಮನೋವೃಷ್ಟಿಹೃಷ್ಟೋ ವಾಸವವನ್ದಿತಃ

॥ 98 ॥

ಶ್ಲೋಕ 101

ಕಾಮಧೇನುಪಯಃಪೂರಾಭಿಷಿಕ್ತಸ್ಸುರಭಿಸ್ತುತಃ ।

ಧರಾಙ್ಘ್ರಿರೋಷಧೀರೋಮಾ ಧರ್ಮಗೋಪ್ತಾ ಮನೋಮಯಃ

॥ 99 ॥

ಶ್ಲೋಕ 102

ಜ್ಞಾನಯಜ್ಞಪ್ರಿಯಶ್ಶಾಸ್ತ್ರನೇತ್ರಸ್ಸರ್ವಾರ್ಥಸಾರಥಿಃ ।

ಐರಾವತಕರಾನೀತವಿಯದ್ಗಙ್ಗಾಪ್ಲುತೋ ವಿಭುಃ

॥ 100 ॥

ಶ್ಲೋಕ 103

ಬ್ರಹ್ಮಾಭಿಷಿಕ್ತೋ ಗೋಗೋಪ್ತಾ ಸರ್ವಲೋಕಶುಭಙ್ಕರಃ ।

ಸರ್ವವೇದಮಯೋ ಮಗ್ನನನ್ದಾನ್ವೇಷಿಪಿತೃಪ್ರಿಯಃ

॥ 101 ॥

ಶ್ಲೋಕ 104

ವರುಣೋದೀರಿತಾತ್ಮೇಕ್ಷಾಕೌತುಕೋ ವರುಣಾರ್ಚಿತಃ ।

ವರುಣಾನೀತಜನಕೋ ಗೋಪಜ್ಞಾತಾತ್ಮವೈಭವಃ

॥ 102 ॥

ಶ್ಲೋಕ 105

ಸ್ವರ್ಲೋಕಾಲೋಕಸಂಹೃಷ್ಟಗೋಪವರ್ಗತ್ರಿವರ್ಗದಃ ।

ಬ್ರಹ್ಮಹೃದ್ಗೋಪಿತೋ ಗೋಪದ್ರಷ್ಟಾ ಬ್ರಹ್ಮಪದಪ್ರದಃ

॥ 103 ॥

ಶ್ಲೋಕ 106

ಶರಚ್ಚನ್ದ್ರವಿಹಾರೋತ್ಕಃ ಶ್ರೀಪತಿರ್ವಶಕೋ ಕ್ಷಮಃ ।

ಭಯಾಪಹೋ ಭರ್ತೃರುದ್ಧಗೋಪಿಕಾಧ್ಯಾನಗೋಚರಃ

॥ 104 ॥

ಶ್ಲೋಕ 107

ಗೋಪಿಕಾನಯನಾಸ್ವಾದ್ಯೋ ಗೋಪೀನರ್ಮೋಕ್ತಿನಿರ್ವೃತಃ ।

ಗೋಪಿಕಾಮಾನಹರಣೋ ಗೋಪಿಕಾಶತಯೂಥಪಃ

॥ 105 ॥

ಶ್ಲೋಕ 108

ವೈಜಯನ್ತೀಸ್ರಗಾಕಲ್ಪೋ ಗೋಪಿಕಾಮಾನವರ್ಧನಃ ।

ಗೋಪಕಾನ್ತಾಸುನಿರ್ದೇಷ್ಟಾ ಕಾನ್ತೋ ಮನ್ಮಥಮನ್ಮಥಃ

॥ 106 ॥

ಶ್ಲೋಕ 109

ಸ್ವಾತ್ಮಾಸ್ಯದತ್ತತಾಮ್ಬೂಲಃ ಫಲಿತೋತ್ಕೃಷ್ಟಯೌವನಃ ।

ವಲ್ಲವೀಸ್ತನಸಕ್ತಾಕ್ಷೋ ವಲ್ಲವೀಪ್ರೇಮಚಾಲಿತಃ

॥ 107 ॥

ಶ್ಲೋಕ 110

ಗೋಪೀಚೇಲಾಞ್ಚಲಾಸೀನೋ ಗೋಪೀನೇತ್ರಾಬ್ಜಷಟ್ಪದಃ ।

ರಾಸಕ್ರೀಡಾಸಮಾಸಕ್ತೋ ಗೋಪೀಮಣ್ಡಲಮಣ್ಡನಃ

॥ 108 ॥

ಶ್ಲೋಕ 111

ಗೋಪೀಹೇಮಮಣಿಶ್ರೇಣಿಮಧ್ಯೇನ್ದ್ರಮಣಿರುಜ್ಜ್ವಲಃ ।

ವಿದ್ಯಾಧರೇನ್ದುಶಾಪಘ್ನಶ್ಶಙ್ಖಚೂಡಶಿರೋಹರಃ

॥ 109 ॥

ಶ್ಲೋಕ 112

ಶಙ್ಖಚೂಡಶಿರೋರತ್ನಸಮ್ಪ್ರೀಣಿತಬಲೋಽನಘಃ ।

ಅರಿಷ್ಟಾರಿಷ್ಟಕೃದ್ದುಷ್ಟಕೇಶಿದೈತ್ಯನಿಷೂದನಃ

॥ 110 ॥

ಶ್ಲೋಕ 113

ಸರಸಸ್ಸಸ್ಮಿತಮುಖಸ್ಸುಸ್ಥಿರೋ ವಿರಹಾಕುಲಃ ।

ಸಙ್ಕರ್ಷಣಾರ್ಪಿತಪ್ರೀತಿರಕ್ರೂರಧ್ಯಾನಗೋಚರಃ

॥ 111 ॥

ಶ್ಲೋಕ 114

ಅಕ್ರೂರಸಂಸ್ತುತೋ ಗೂಢೋ ಗುಣವೃತ್ಯುಪಲಕ್ಷಿತಃ ।

ಪ್ರಮಾಣಗಮ್ಯಸ್ತನ್ಮಾತ್ರಾಽವಯವೀ ಬುದ್ಧಿತತ್ಪರಃ

॥ 112 ॥

ಶ್ಲೋಕ 115

ಸರ್ವಪ್ರಮಾಣಪ್ರಮಧೀಸ್ಸರ್ವಪ್ರತ್ಯಯಸಾಧಕಃ ।

ಪುರುಷಶ್ಚ ಪ್ರಧಾನಾತ್ಮಾ ವಿಪರ್ಯಾಸವಿಲೋಚನಃ

॥ 113 ॥

ಶ್ಲೋಕ 116

ಮಧುರಾಜನಸಂವೀಕ್ಷ್ಯೋ ರಜಕಪ್ರತಿಘಾತಕಃ ।

ವಿಚಿತ್ರಾಮ್ಬರಸಂವೀತೋ ಮಾಲಾಕಾರವರಪ್ರದಃ

॥ 114 ॥

ಶ್ಲೋಕ 117

ಕುಬ್ಜಾವಕ್ರತ್ವನಿರ್ಮೋಕ್ತಾ ಕುಬ್ಜಾಯೌವನದಾಯಕಃ ।

ಕುಬ್ಜಾಙ್ಗರಾಗಸುರಭಿಃ ಕಂಸಕೋದಣ್ಡಖಣ್ಡನಃ

॥ 115 ॥

ಶ್ಲೋಕ 118

ಧೀರಃ ಕುವಲಯಾಪೀಡಮರ್ದನಃ ಕಂಸಭೀತಿಕೃತ್ ।

ದನ್ತಿದನ್ತಾಯುಧೋ ರಙ್ಗತ್ರಾಸಕೋ ಮಲ್ಲಯುದ್ಧವಿತ್

॥ 116 ॥

ಶ್ಲೋಕ 119

ಚಾಣೂರಹನ್ತಾ ಕಂಸಾರಿರ್ದೇವಕೀಹರ್ಷದಾಯಕಃ ।

ವಸುದೇವಪದಾನಮ್ರಃ ಪಿತೃಬನ್ಧವಿಮೋಚನಃ

॥ 117 ॥

ಶ್ಲೋಕ 120

ಉರ್ವೀಭಯಾಪಹೋ ಭೂಪ ಉಗ್ರಸೇನಾಧಿಪತ್ಯದಃ ।

ಆಜ್ಞಾಸ್ಥಿತಶಚೀನಾಥಸ್ಸುಧರ್ಮಾನಯನಕ್ಷಮಃ

॥ 118 ॥

ಶ್ಲೋಕ 121

ಆದ್ಯೋ ದ್ವಿಜಾತಿಸತ್ಕರ್ತಾ ಶಿಷ್ಟಾಚಾರಪ್ರದರ್ಶಕಃ ।

ಸಾನ್ದೀಪನಿಕೃತಾಭ್ಯಸ್ತವಿದ್ಯಾಭ್ಯಾಸೈಕಧೀಸ್ಸುಧೀಃ

॥ 119 ॥

ಶ್ಲೋಕ 122

ಗುರ್ವಭೀಷ್ಟಕ್ರಿಯಾದಕ್ಷಃ ಪಶ್ಚಿಮೋದಧಿಪೂಜಿತಃ ।

ಹತಪಞ್ಚಜನಪ್ರಾಪ್ತಪಾಞ್ಚಜನ್ಯೋ ಯಮಾರ್ಚಿತಃ

॥ 120 ॥

ಶ್ಲೋಕ 123

ಧರ್ಮರಾಜಜಯಾನೀತಗುರುಪುತ್ರ ಉರುಕ್ರಮಃ ।

ಗುರುಪುತ್ರಪ್ರದಶ್ಶಾಸ್ತಾ ಮಧುರಾಜಸಭಾಸದಃ

॥ 121 ॥

ಶ್ಲೋಕ 124

ಜಾಮದಗ್ನ್ಯಸಮಭ್ಯರ್ಚ್ಯೋ ಗೋಮನ್ತಗಿರಿಸಞ್ಚರಃ ।

ಗೋಮನ್ತದಾವಶಮನೋ ಗರುಡಾನೀತಭೂಷಣಃ

॥ 122 ॥

ಶ್ಲೋಕ 125

ಚಕ್ರಾದ್ಯಾಯುಧಸಂಶೋಭೀ ಜರಾಸನ್ಧಮದಾಪಹಃ ।

ಸೃಗಾಲಾವನಿಪಾಲಘ್ನಸ್ಸೃಗಾಲಾತ್ಮಜರಾಜ್ಯದಃ

॥ 123 ॥

ಶ್ಲೋಕ 126

ವಿಧ್ವಸ್ತಕಾಲಯವನೋ ಮುಚುಕುನ್ದವರಪ್ರದಃ ।

ಆಜ್ಞಾಪಿತಮಹಾಮ್ಭೋಧಿರ್ದ್ವಾರಕಾಪುರಕಲ್ಪನಃ

॥ 124 ॥

ಶ್ಲೋಕ 127

ದ್ವಾರಕಾನಿಲಯೋ ರುಕ್ಮಿಮಾನಹನ್ತಾ ಯದೂದ್ವಹಃ ।

ರುಚಿರೋ ರುಕ್ಮಿಣೀಜಾನಿಃ ಪ್ರದ್ಯುಮ್ನಜನಕಃ ಪ್ರಭುಃ

॥ 125 ॥

ಶ್ಲೋಕ 128

ಅಪಾಕೃತತ್ರಿಲೋಕಾರ್ತಿರನಿರುದ್ಧಪಿತಾಮಹಃ ।

ಅನಿರುದ್ಧಪದಾನ್ವೇಷೀ ಚಕ್ರೀ ಗರುಡವಾಹನಃ

॥ 126 ॥

ಶ್ಲೋಕ 129

ಬಾಣಾಸುರಪುರೀರೋದ್ಧಾ ರಕ್ಷಾಜ್ವಲನಯನ್ತ್ರಜಿತ್ ।

ಧೂತಪ್ರಮಥಸಂರಮ್ಭೋ ಜಿತಮಾಹೇಶ್ವರಜ್ವರಃ

॥ 127 ॥

ಶ್ಲೋಕ 130

ಷಟ್ಚಕ್ರಶಕ್ತಿನಿರ್ಜೇತಾ ಭೂತವೇತಾಲಮೋಹಕೃತ್ ।

ಶಮ್ಭುತ್ರಿಶೂಲಜಿಚ್ಛಮ್ಭುಜೃಮ್ಭಣಶ್ಶಮ್ಭುಸಂಸ್ತುತಃ

॥ 128 ॥

ಶ್ಲೋಕ 131

ಇನ್ದ್ರಿಯಾತ್ಮೇನ್ದುಹೃದಯಸ್ಸರ್ವಯೋಗೇಶ್ವರೇಶ್ವರಃ ।

ಹಿರಣ್ಯಗರ್ಭಹೃದಯೋ ಮೋಹಾವರ್ತನಿವರ್ತನಃ

॥ 129 ॥

ಶ್ಲೋಕ 132

ಆತ್ಮಜ್ಞಾನನಿಧಿರ್ಮೇಧಾ ಕೋಶಸ್ತನ್ಮಾತ್ರರೂಪವಾನ್ ।

ಇನ್ದ್ರೋಽಗ್ನಿವದನಃ ಕಾಲನಾಭಸ್ಸರ್ವಾಗಮಾಧ್ವಗಃ

॥ 130 ॥

ಶ್ಲೋಕ 133

ತುರೀಯಸರ್ವಧೀಸಾಕ್ಷೀ ದ್ವನ್ದ್ವಾರಾಮಾತ್ಮದೂರಗಃ ।

ಅಜ್ಞಾತಪಾರೋ ವಶ್ಯಶ್ರೀರವ್ಯಾಕೃತವಿಹಾರವಾನ್

॥ 131 ॥

ಶ್ಲೋಕ 134

ಆತ್ಮಪ್ರದೀಪೋ ವಿಜ್ಞಾನಮಾತ್ರಾತ್ಮಾ ಶ್ರೀನಿಕೇತನಃ ।

ಬಾಣಬಾಹುವನಚ್ಛೇತ್ತಾ ಮಹೇನ್ದ್ರಪ್ರೀತಿವರ್ಧನಃ

॥ 132 ॥

ಶ್ಲೋಕ 135

ಅನಿರುದ್ಧನಿರೋಧಜ್ಞೋ ಜಲೇಶಾಹೃತಗೋಕುಲಃ ।

ಜಲೇಶವಿಜಯೀ ವೀರಸ್ಸತ್ರಾಜಿದ್ರತ್ನಯಾಚಕಃ

॥ 133 ॥

ಶ್ಲೋಕ 136

ಪ್ರಸೇನಾನ್ವೇಷಣೋದ್ಯುಕ್ತೋ ಜಾಮ್ಬವದ್ಧೃತರತ್ನದಃ ।

ಜಿತರ್ಕ್ಷರಾಜತನಯಾಹರ್ತಾ ಜಾಮ್ಬವತೀಪ್ರಿಯಃ

॥ 134 ॥

ಶ್ಲೋಕ 137

ಸತ್ಯಭಾಮಾಪ್ರಿಯಃ ಕಾಮಶ್ಶತಧನ್ವಶಿರೋಹರಃ ।

ಕಾಲಿನ್ದೀಪತಿರಕ್ರೂರಬನ್ಧುರಕ್ರೂರರತ್ನದಃ

॥ 135 ॥

ಶ್ಲೋಕ 138

ಕೈಕೇಯೀರಮಣೋ ಭದ್ರಾಭರ್ತಾ ನಾಗ್ನಜಿತೀಧವಃ ।

ಮಾದ್ರೀಮನೋಹರಶ್ಶೈಬ್ಯಾಪ್ರಾಣಬನ್ಧುರುರುಕ್ರಮಃ

॥ 136 ॥

ಶ್ಲೋಕ 139

ಸುಶೀಲಾದಯಿತೋ ಮಿತ್ರವಿನ್ದಾನೇತ್ರಮಹೋತ್ಸವಃ ।

ಲಕ್ಷ್ಮಣಾವಲ್ಲಭೋ ರುದ್ಧಪ್ರಾಗ್ಜ್ಯೋತಿಷಮಹಾಪುರಃ

॥ 137 ॥

ಶ್ಲೋಕ 140

ಸುರಪಾಶಾವೃತಿಚ್ಛೇದೀ ಮುರಾರಿಃ ಕ್ರೂರಯುದ್ಧವಿತ್ ।

ಹಯಗ್ರೀವಶಿರೋಹರ್ತಾ ಸರ್ವಾತ್ಮಾ ಸರ್ವದರ್ಶನಃ

॥ 138 ॥

ಶ್ಲೋಕ 141

ನರಕಾಸುರವಿಚ್ಛೇತ್ತಾ ನರಕಾತ್ಮಜರಾಜ್ಯದಃ।

ಪೃಥ್ವೀಸ್ತುತಃ ಪ್ರಕಾಶಾತ್ಮಾ ಹೃದ್ಯೋ ಯಜ್ಞಫಲಪ್ರದಃ

॥ 139 ॥

ಶ್ಲೋಕ 142

ಗುಣಗ್ರಾಹೀ ಗುಣದ್ರಷ್ಟಾ ಗೂಢಸ್ವಾತ್ಮಾ ವಿಭೂತಿಮಾನ್ ।

ಕವಿರ್ಜಗದುಪದ್ರಷ್ಟಾ ಪರಮಾಕ್ಷರವಿಗ್ರಹಃ

॥ 140 ॥

ಶ್ಲೋಕ 143

ಪ್ರಪನ್ನಪಾಲನೋ ಮಾಲೀ ಮಹದ್ಬ್ರಹ್ಮವಿವರ್ಧನಃ ।

ವಾಚ್ಯವಾಚಕಶಕ್ತ್ಯರ್ಥಸ್ಸರ್ವವ್ಯಾಕೃತಸಿದ್ಧಿದಃ

॥ 141 ॥

ಶ್ಲೋಕ 144

ಸ್ವಯಮ್ಪ್ರಭುರನಿರ್ವೇದ್ಯಸ್ಸ್ವಪ್ರಕಾಶಶ್ಚಿರನ್ತನಃ ।

ನಾದಾತ್ಮಾ ಮನ್ತ್ರಕೋಟೀಶೋ ನಾನಾವಾದನಿರೋಧಕಃ

॥ 142 ॥

ಶ್ಲೋಕ 145

ಕನ್ದರ್ಪಕೋಟಿಲಾವಣ್ಯಃ ಪರಾರ್ಥೈಕಪ್ರಯೋಜಕಃ ।

ಅಮರೀಕೃತದೇವೌಘಃ ಕನ್ಯಕಾಬನ್ಧಮೋಚನಃ

॥ 143 ॥

ಶ್ಲೋಕ 146

ಷೋಡಶಸ್ತ್ರೀಸಹಸ್ರೇಶಃ ಕಾನ್ತಃ ಕಾನ್ತಾಮನೋಭವಃ ।

ಕ್ರೀಡಾರತ್ನಾಚಲಾಹರ್ತಾ ವರುಣಚ್ಛತ್ರಶೋಭಿತಃ

॥ 144 ॥

ಶ್ಲೋಕ 147

ಶಕ್ರಾಭಿವನ್ದಿತಶ್ಶಕ್ರಜನನೀಕುಣ್ಡಲಪ್ರದಃ ।

ಅದಿತಿಪ್ರಸ್ತುತಸ್ತೋತ್ರೋ ಬ್ರಾಹ್ಮಣೋದ್ಘುಷ್ಟಚೇಷ್ಟನಃ

॥ 145 ॥

ಶ್ಲೋಕ 148

ಪುರಾಣಸ್ಸಂಯಮೀ ಜನ್ಮಾಲಿಪ್ತಃ ಷಡ್ವಿಂಶಕೋಽರ್ಥದಃ ।

ಯಶಸ್ಯನೀತಿರಾದ್ಯನ್ತರಹಿತಸ್ಸತ್ಕಥಾಪ್ರಿಯಃ

॥ 146 ॥

ಶ್ಲೋಕ 149

ಬ್ರಹ್ಮಬೋಧಃ ಪರಾನನ್ದಃ ಪಾರಿಜಾತಾಪಹಾರಕಃ ।

ಪೌಣ್ಡ್ರಕಪ್ರಾಣಹರಣಃ ಕಾಶಿರಾಜನಿಷೂದನಃ

॥ 147 ॥

ಶ್ಲೋಕ 150

ಕೃತ್ಯಾಗರ್ವಪ್ರಶಮನೋ ವಿಚಕ್ರವಧದೀಕ್ಷಿತಃ ।

ಕಂಸವಿಧ್ವಂಸನಸ್ಸಾಮ್ಬಜನಕೋ ಡಿಮ್ಭಕಾರ್ದನಃ

॥ 148 ॥

ಶ್ಲೋಕ 151

ಮುನಿರ್ಗೋಪ್ತಾ ಪಿತೃವರಪ್ರದಸ್ಸವನದೀಕ್ಷಿತಃ ।

ರಥೀ ಸಾರಥ್ಯನಿರ್ದೇಷ್ಟಾ ಫಾಲ್ಗುನಃ ಫಾಲ್ಗುನಿಪ್ರಿಯಃ

॥ 149 ॥

ಶ್ಲೋಕ 152

ಸಪ್ತಾಬ್ಧಿಸ್ತಮ್ಭನೋದ್ಭಾತೋ ಹರಿಸ್ಸಪ್ತಾಬ್ಧಿಭೇದನಃ ।

ಆತ್ಮಪ್ರಕಾಶಃ ಪೂರ್ಣಶ್ರೀರಾದಿನಾರಾಯಣೇಕ್ಷಿತಃ

॥ 150 ॥

ಶ್ಲೋಕ 153

ವಿಪ್ರಪುತ್ರಪ್ರದಶ್ಚೈವ ಸರ್ವಮಾತೃಸುತಪ್ರದಃ ।

ಪಾರ್ಥವಿಸ್ಮಯಕೃತ್ಪಾರ್ಥಪ್ರಣವಾರ್ಥಪ್ರಬೋಧನಃ

॥ 151 ॥

ಶ್ಲೋಕ 154

ಕೈಲಾಸಯಾತ್ರಾಸುಮುಖೋ ಬದರ್ಯಾಶ್ರಮಭೂಷಣಃ ।

ಘಣ್ಟಾಕರ್ಣಕ್ರಿಯಾಮೌಢ್ಯಾತ್ತೋಷಿತೋ ಭಕ್ತವತ್ಸಲಃ

॥ 152 ॥

ಶ್ಲೋಕ 155

ಮುನಿಬೃನ್ದಾದಿಭಿರ್ಧ್ಯೇಯೋ ಘಣ್ಟಾಕರ್ಣವರಪ್ರದಃ ।

ತಪಶ್ಚರ್ಯಾಪರಶ್ಚೀರವಾಸಾಃ ಪಿಙ್ಗಜಟಾಧರಃ

॥ 153 ॥

ಶ್ಲೋಕ 156

ಪ್ರತ್ಯಕ್ಷೀಕೃತಭೂತೇಶಶ್ಶಿವಸ್ತೋತಾ ಶಿವಸ್ತುತಃ ।

ಕೃಷ್ಣಾಸ್ವಯಂವರಾಲೋಕಕೌತುಕೀ ಸರ್ವಸಮ್ಮತಃ

॥ 154 ॥

ಶ್ಲೋಕ 157

ಬಲಸಂರಮ್ಭಶಮನೋ ಬಲದರ್ಶಿತಪಾಣ್ಡವಃ ।

ಯತಿವೇಷಾರ್ಜುನಾಭೀಷ್ಟದಾಯೀ ಸರ್ವಾತ್ಮಗೋಚರಃ

॥ 155 ॥

ಶ್ಲೋಕ 158

ಸುಭದ್ರಾಫಾಲ್ಗುನೋದ್ವಾಹಕರ್ತಾ ಪ್ರೀಣಿತಫಾಲ್ಗುನಃ ।

ಖಾಣ್ಡವಪ್ರೀಣಿತಾರ್ಚಿಷ್ಮಾನ್ಮಯದಾನವಮೋಚನಃ

॥ 156 ॥

ಶ್ಲೋಕ 159

ಸುಲಭೋ ರಾಜಸೂಯಾರ್ಹಯುಧಿಷ್ಠಿರನಿಯೋಜಕಃ ।

ಭೀಮಾರ್ದಿತಜರಾಸನ್ಧೋ ಮಾಗಧಾತ್ಮಜರಾಜ್ಯದಃ

॥ 157 ॥

ಶ್ಲೋಕ 160

ರಾಜಬನ್ಧನನಿರ್ಮೋಕ್ತಾ ರಾಜಸೂಯಾಗ್ರಪೂಜನಃ ।

ಚೈದ್ಯಾದ್ಯಸಹನೋ ಭೀಷ್ಮಸ್ತುತಸ್ಸಾತ್ವತಪೂರ್ವಜಃ

॥ 158 ॥

ಶ್ಲೋಕ 161

ಸರ್ವಾತ್ಮಾರ್ಥಸಮಾಹರ್ತಾ ಮನ್ದರಾಚಲಧಾರಕಃ ।

ಯಜ್ಞಾವತಾರಃ ಪ್ರಹ್ಲಾದಪ್ರತಿಜ್ಞಾಪ್ರತಿಪಾಲಕಃ

॥ 159 ॥

ಶ್ಲೋಕ 162

ಬಲಿಯಜ್ಞಸಭಾಧ್ವಂಸೀ ದೃಪ್ತಕ್ಷತ್ರಕುಲಾನ್ತಕಃ ।

ದಶಗ್ರೀವಾನ್ತಕೋ ಜೇತಾ ರೇವತೀಪ್ರೇಮವಲ್ಲಭಃ

॥ 160 ॥

ಶ್ಲೋಕ 163

ಸರ್ವಾವತಾರಾಧಿಷ್ಠಾತಾ ವೇದಬಾಹ್ಯವಿಮೋಹನಃ ।

ಕಲಿದೋಷನಿರಾಕರ್ತಾ ದಶನಾಮಾ ದೃಢವ್ರತಃ

॥ 161 ॥

ಶ್ಲೋಕ 164

ಅಮೇಯಾತ್ಮಾ ಜಗತ್ಸ್ವಾಮೀ ವಾಗ್ಮೀ ಚೈದ್ಯಶಿರೋಹರಃ ।

ದ್ರೌಪದೀರಚಿತಸ್ತೋತ್ರಃ ಕೇಶವಃ ಪುರುಷೋತ್ತಮಃ

॥ 162 ॥

ಶ್ಲೋಕ 165

ನಾರಾಯಣೋ ಮಧುಪತಿರ್ಮಾಧವೋ ದೋಷವರ್ಜಿತಃ ।

ಗೋವಿನ್ದಃ ಪುಣ್ಡರೀಕಾಕ್ಷೋ ವಿಷ್ಣುಶ್ಚ ಮಧುಸೂದನಃ

॥ 163 ॥

ಶ್ಲೋಕ 166

ತ್ರಿವಿಕ್ರಮಸ್ತ್ರಿಲೋಕೇಶೋ ವಾಮನಃ ಶ್ರೀಧರಃ ಪುಮಾನ್ ।

ಹೃಷೀಕೇಶೋ ವಾಸುದೇವಃ ಪದ್ಮನಾಭೋ ಮಹಾಹ್ರದಃ

॥ 164 ॥

ಶ್ಲೋಕ 167

ದಾಮೋದರಶ್ಚತುರ್ವ್ಯೂಹಃ ಪಾಞ್ಚಾಲೀಮಾನರಕ್ಷಣಃ ।

ಸಾಲ್ವಘ್ನಸ್ಸಮರಶ್ಲಾಘೀ ದನ್ತವಕ್ತ್ರನಿಬರ್ಹಣಃ

॥ 165 ॥

ಶ್ಲೋಕ 168

ದಾಮೋದರಪ್ರಿಯಸಖಾ ಪೃಥುಕಾಸ್ವಾದನಪ್ರಿಯಃ ॥

ಘೃಣೀ ದಾಮೋದರಃ ಶ್ರೀದೋ ಗೋಪೀಪುನರವೇಕ್ಷಕಃ

॥ 166 ॥

ಶ್ಲೋಕ 169

ಗೋಪಿಕಾಮುಕ್ತಿದೋ ಯೋಗೀ ದುರ್ವಾಸಸ್ತೃಪ್ತಿಕಾರಕಃ ।

ಅವಿಜ್ಞಾತವ್ರಜಾಕೀರ್ಣಪಾಣ್ಡವಾಲೋಕನೋ ಜಯೀ

॥ 167 ॥

ಶ್ಲೋಕ 170

ಪಾರ್ಥಸಾರಥ್ಯನಿರತಃ ಪ್ರಾಜ್ಞಃ ಪಾಣ್ಡವದೂತ್ಯಕೃತ್ ।

ವಿದುರಾತಿಥ್ಯಸನ್ತುಷ್ಟಃ ಕುನ್ತೀಸನ್ತೋಷದಾಯಕಃ

॥ 168 ॥

ಶ್ಲೋಕ 171

ಸುಯೋಧನತಿರಸ್ಕರ್ತಾ ದುರ್ಯೋಧನವಿಕಾರವಿತ್ ।

ವಿದುರಾಭಿಷ್ಠುತೋ ನಿತ್ಯೋ ವಾರ್ಷ್ಣೇಯೋ ಮಙ್ಗಲಾತ್ಮಕಃ

॥ 169 ॥

ಶ್ಲೋಕ 172

ಪಞ್ಚವಿಂಶತಿತತ್ತ್ವೇಶಶ್ಚತುರ್ವಿಂಶತಿದೇಹಭಾಕ್ ।

ಸರ್ವಾನುಗ್ರಾಹಕಸ್ಸರ್ವದಾಶಾರ್ಹಸತತಾರ್ಚಿತಃ

॥ 170 ॥

ಶ್ಲೋಕ 173

ಅಚಿನ್ತ್ಯೋ ಮಧುರಾಲಾಪಸ್ಸಾಧುದರ್ಶೀ ದುರಾಸದಃ ।

ಮನುಷ್ಯಧರ್ಮಾನುಗತಃ ಕೌರವೇನ್ದ್ರಕ್ಷಯೇಕ್ಷಿತಾ

॥ 171 ॥

ಶ್ಲೋಕ 174

ಉಪೇನ್ದ್ರೋ ದಾನವಾರಾತಿರುರುಗೀತೋ ಮಹಾದ್ಯುತಿಃ ।

ಬ್ರಹ್ಮಣ್ಯದೇವಃ ಶ್ರುತಿಮಾನ್ ಗೋಬ್ರಾಹ್ಮಣಹಿತಾಶಯಃ

॥ 172 ॥

ಶ್ಲೋಕ 175

ವರಶೀಲಶ್ಶಿವಾರಮ್ಭಸ್ಸುವಿಜ್ಞಾನವಿಮೂರ್ತಿಮಾನ್ ।

ಸ್ವಭಾವಶುದ್ಧಸ್ಸನ್ಮಿತ್ರಸ್ಸುಶರಣ್ಯಸ್ಸುಲಕ್ಷಣಃ

॥ 173 ॥

ಶ್ಲೋಕ 176

ಧೃತರಾಷ್ಟ್ರಗತೌದೃಷ್ಟಿಪ್ರದಃ ಕರ್ಣವಿಭೇದನಃ ।

ಪ್ರತೋದಧೃಗ್ವಿಶ್ವರೂಪವಿಸ್ಮಾರಿತಧನಞ್ಜಯಃ

॥ 174 ॥

ಶ್ಲೋಕ 177

ಸಾಮಗಾನಪ್ರಿಯೋ ಧರ್ಮಧೇನುರ್ವರ್ಣೋತ್ತಮೋಽವ್ಯಯಃ ।

ಚತುರ್ಯುಗಕ್ರಿಯಾಕರ್ತಾ ವಿಶ್ವರೂಪಪ್ರದರ್ಶಕಃ

॥ 175 ॥

ಶ್ಲೋಕ 178

ಬ್ರಹ್ಮಬೋಧಪರಿತ್ರಾತಪಾರ್ಥೋ ಭೀಷ್ಮಾರ್ಥಚಕ್ರಭೃತ್ ।

ಅರ್ಜುನಾಯಾಸವಿಧ್ವಂಸೀ ಕಾಲದಂಷ್ಟ್ರಾವಿಭೂಷಣಃ

॥ 176 ॥

ಶ್ಲೋಕ 179

ಸುಜಾತಾನನ್ತಮಹಿಮಾ ಸ್ವಪ್ನವ್ಯಾಪಾರಿತಾರ್ಜುನಃ ।

ಅಕಾಲಸನ್ಧ್ಯಾಘಟನಶ್ಚಕ್ರಾನ್ತರಿತಭಾಸ್ಕರಃ

॥ 177 ॥

ಶ್ಲೋಕ 180

ದುಷ್ಟಪ್ರಮಥನಃ ಪಾರ್ಥಪ್ರತಿಜ್ಞಾಪರಿಪಾಲಕಃ ।

ಸಿನ್ಧುರಾಜಶಿರಃಪಾತಸ್ಥಾನವಕ್ತಾ ವಿವೇಕದೃಕ್

॥ 178 ॥

ಶ್ಲೋಕ 181

ಸುಭದ್ರಾಶೋಕಹರಣೋ ದ್ರೋಣೋತ್ಸೇಕಾದಿವಿಸ್ಮಿತಃ ।

ಪಾರ್ಥಮನ್ಯುನಿರಾಕರ್ತಾ ಪಾಣ್ಡವೋತ್ಸವದಾಯಕಃ

॥ 179 ॥

ಶ್ಲೋಕ 182

ಅಙ್ಗುಷ್ಠಾಕ್ರಾನ್ತಕೌನ್ತೇಯರಥಶ್ಶಕ್ತೋಽಹಿಶೀರ್ಷಜಿತ್ ।

ಕಾಲಕೋಪಪ್ರಶಮನೋ ಭೀಮಸೇನಜಯಪ್ರದಃ

॥ 180 ॥

ಶ್ಲೋಕ 183

ಅಶ್ವತ್ಥಾಮವಧಾಯಾಸತ್ರಾತಪಾಣ್ಡುಸುತಃ ಕೃತೀ ।

ಇಷೀಕಾಸ್ತ್ರಪ್ರಶಮನೋ ದ್ರೌಣಿರಕ್ಷಾವಿಚಕ್ಷಣಃ

॥ 181 ॥

ಶ್ಲೋಕ 184

ಪಾರ್ಥಾಪಹಾರಿತದ್ರೌಣಿಚೂಡಾಮಣಿರಭಙ್ಗುರಃ ।

ಧೃತರಾಷ್ಟ್ರಪರಾಮೃಷ್ಟಭೀಮಪ್ರತಿಕೃತಿಸ್ಮಯಃ

॥ 182 ॥

ಶ್ಲೋಕ 185

ಭೀಷ್ಮಬುದ್ಧಿಪ್ರದಶ್ಶಾನ್ತಶ್ಶರಚ್ಚನ್ದ್ರನಿಭಾನನಃ ।

ಗದಾಗ್ರಜನ್ಮಾ ಪಾಞ್ಚಾಲೀಪ್ರತಿಜ್ಞಾಪರಿಪಾಲಕಃ

॥ 183 ॥

ಶ್ಲೋಕ 186

ಗಾನ್ಧಾರೀಕೋಪದೃಗ್ಗುಪ್ತಧರ್ಮಸೂನುರನಾಮಯಃ ।

ಪ್ರಪನ್ನಾರ್ತಿಭಯಚ್ಛೇತ್ತಾ ಭೀಷ್ಮಶಲ್ಯವ್ಯಧಾವಹಃ

॥ 184 ॥

ಶ್ಲೋಕ 187

ಶಾನ್ತಶ್ಶಾನ್ತನವೋದೀರ್ಣಸರ್ವಧರ್ಮಸಮಾಹಿತಃ ।

ಸ್ಮಾರಿತಬ್ರಹ್ಮವಿದ್ಯಾರ್ಥಪ್ರೀತಪಾರ್ಥೋ ಮಹಾಸ್ತ್ರವಿತ್

॥ 185 ॥

ಶ್ಲೋಕ 188

ಪ್ರಸಾದಪರಮೋದಾರೋ ಗಾಙ್ಗೇಯಸುಗತಿಪ್ರದಃ ।

ವಿಪಕ್ಷಪಕ್ಷಕ್ಷಯಕೃತ್ಪರೀಕ್ಷಿತ್ಪ್ರಾಣರಕ್ಷಣಃ

॥ 186 ॥

ಶ್ಲೋಕ 189

ಜಗದ್ಗುರುರ್ಧರ್ಮಸೂನೋರ್ವಾಜಿಮೇಧಪ್ರವರ್ತಕಃ ।

ವಿಹಿತಾರ್ಥಾಪ್ತಸತ್ಕಾರೋ ಮಾಸಕಾತ್ಪರಿವರ್ತದಃ

॥ 187 ॥

ಶ್ಲೋಕ 190

ಉತ್ತಙ್ಕಹರ್ಷದಾತ್ಮೀಯದಿವ್ಯರೂಪಪ್ರದರ್ಶಕಃ ।

ಜನಕಾವಗತಸ್ವೋಕ್ತಭಾರತಸ್ಸರ್ವಭಾವನಃ

॥ 188 ॥

ಶ್ಲೋಕ 191

ಅಸೋಢಯಾದವೋದ್ರೇಕೋ ವಿಹಿತಾಪ್ತಾದಿಪೂಜನಃ ॥

ಸಮುದ್ರಸ್ಥಾಪಿತಾಶ್ಚರ್ಯಮುಸಲೋ ವೃಷ್ಣಿವಾಹಕಃ

॥ 189 ॥

ಶ್ಲೋಕ 192

ಮುನಿಶಾಪಾಯುಧಃ ಪದ್ಮಾಸನಾದಿತ್ರಿದಶಾರ್ಥಿತಃ ।

ವೃಷ್ಟಿಪ್ರತ್ಯವಹಾರೋತ್ಕಸ್ಸ್ವಧಾಮಗಮನೋತ್ಸುಕಃ

॥ 190 ॥

ಶ್ಲೋಕ 193

ಪ್ರಭಾಸಾಲೋಕನೋದ್ಯುಕ್ತೋ ನಾನಾವಿಧನಿಮಿತ್ತಕೃತ್ ।

ಸರ್ವಯಾದವಸಂಸೇವ್ಯಸ್ಸರ್ವೋತ್ಕೃಷ್ಟಪರಿಚ್ಛದಃ

॥ 191 ॥

ಶ್ಲೋಕ 194

ವೇಲಾಕಾನನಸಞ್ಚಾರೀ ವೇಲಾನಿಲಹೃತಶ್ರಮಃ ।

ಕಾಲಾತ್ಮಾ ಯಾದವೋಽನನ್ತಸ್ಸ್ತುತಿಸನ್ತುಷ್ಟಮಾನಸಃ

॥ 192 ॥

ಶ್ಲೋಕ 195

ದ್ವಿಜಾಲೋಕನಸನ್ತುಷ್ಟಃ ಪುಣ್ಯತೀರ್ಥಮಹೋತ್ಸವಃ ।

ಸತ್ಕಾರಾಹ್ಲಾದಿತಾಶೇಷಭೂಸುರಸ್ಸುರವಲ್ಲಭಃ

॥ 193 ॥

ಶ್ಲೋಕ 196

ಪುಣ್ಯತೀರ್ಥಾಪ್ಲುತಃ ಪುಣ್ಯಃ ಪುಣ್ಯದಸ್ತೀರ್ಥಪಾವನಃ ।

ವಿಪ್ರಸಾತ್ಕೃತಗೋಕೋಟಿಶ್ಶತಕೋಟಿಸುವರ್ಣದಃ

॥ 194 ॥

ಶ್ಲೋಕ 197

ಸ್ವಮಾಯಾಮೋಹಿತಾಽಶೇಷವೃಷ್ಣಿವೀರೋ ವಿಶೇಷವಿತ್ ।

ಜಲಜಾಯುಧನಿರ್ದೇಷ್ಟಾ ಸ್ವಾತ್ಮಾವೇಶಿತಯಾದವಃ

॥ 195 ॥

ಶ್ಲೋಕ 198

ದೇವತಾಭೀಷ್ಟವರದಃ ಕೃತಕೃತ್ಯಃ ಪ್ರಸನ್ನಧೀಃ ।

ಸ್ಥಿರಶೇಷಾಯುತಬಲಸ್ಸಹಸ್ರಫಣಿವೀಕ್ಷಣಃ

॥ 196 ॥

ಶ್ಲೋಕ 199

ಬ್ರಹ್ಮವೃಕ್ಷವರಚ್ಛಾಯಾಸೀನಃ ಪದ್ಮಾಸನಸ್ಥಿತಃ ।

ಪ್ರತ್ಯಗಾತ್ಮಾ ಸ್ವಭಾವಾರ್ಥಃ ಪ್ರಣಿಧಾನಪರಾಯಣಃ

॥ 197 ॥

ಶ್ಲೋಕ 200

ವ್ಯಾಧೇಷುವಿದ್ಧಪೂಜ್ಯಾಙ್ಘ್ರಿರ್ನಿಷಾದಭಯಮೋಚನಃ ।

ಪುಲಿನ್ದಸ್ತುತಿಸನ್ತುಷ್ಟಃ ಪುಲಿನ್ದಸುಗತಿಪ್ರದಃ

॥ 198 ॥

ಶ್ಲೋಕ 201

ದಾರುಕಾರ್ಪಿತಪಾರ್ಥಾದಿಕರಣೀಯೋಕ್ತಿರೀಶಿತಾ ।

ದಿವ್ಯದುನ್ದುಭಿಸಂಯುಕ್ತಃ ಪುಷ್ಪವೃಷ್ಟಿಪ್ರಪೂಜಿತಃ

॥ 199 ॥

ಶ್ಲೋಕ 202

ಪುರಾಣಃ ಪರಮೇಶಾನಃ ಪೂರ್ಣಭೂಮಾ ಪರಿಷ್ಟುತಃ ।

ಪತಿರಾದ್ಯಃ ಪರಂ ಬ್ರಹ್ಮ ಪರಮಾತ್ಮಾ ಪರಾತ್ಪರಃ

॥ 200 ॥

ಶ್ಲೋಕ 203

ಶ್ರೀಪರಮಾತ್ಮಾ ಪರಾತ್ಪರಃ ಓಂ ನಮಃ ಇತಿ ।

ಫಲಶ್ರುತಿಃ –

ಇದಂ ಸಹಸ್ರಂ ಕೃಷ್ಣಸ್ಯ ನಾಮ್ನಾಂ ಸರ್ವಾರ್ಥದಾಯಕಮ್ ।

ಅನನ್ತರೂಪೀ ಭಗವಾನ್ ವ್ಯಾಖ್ಯಾತಾದೌ ಸ್ವಯಮ್ಭುವೇ

॥ 201 ॥

ಶ್ಲೋಕ 204

ತೇನ ಪ್ರೋಕ್ತಂ ವಸಿಷ್ಠಾಯ ತತೋ ಲಬ್ಧ್ವಾ ಪರಾಶರಃ ।

ವ್ಯಾಸಾಯ ತೇನ ಸಮ್ಪ್ರೋಕ್ತಂ ಶುಕೋ ವ್ಯಾಸಾದವಾಪ್ತವಾನ್

॥ 202 ॥

ಶ್ಲೋಕ 205

ತಚ್ಛಿಷ್ಯೈರ್ಬಹುಭಿರ್ಭೂಮೌ ಖ್ಯಾಪಿತಂ ದ್ವಾಪರೇ ಯುಗೇ ।

ಕೃಷ್ಣಾಜ್ಞಯಾ ಹರಿಹರಃ ಕಲೌ ಪ್ರಖ್ಯಾಪಯದ್ವಿಭುಃ

॥ 203 ॥

ಶ್ಲೋಕ 206

ಇದಂ ಪಠತಿ ಭಕ್ತ್ಯಾ ಯಃ ಶೃಣೋತಿ ಚ ಸಮಾಹಿತಃ ।

ಸ್ವಸಿದ್ಧ್ಯೈ ಪ್ರಾರ್ಥಯನ್ತ್ಯೇನಂ ತೀರ್ಥಕ್ಷೇತ್ರಾದಿದೇವತಾಃ

॥ 204 ॥

ಶ್ಲೋಕ 207

ಪ್ರಾಯಶ್ಚಿತ್ತಾನ್ಯಶೇಷಾಣಿ ನಾಲಂ ಯಾನಿ ವ್ಯಪೋಹಿತುಮ್ ।

ತಾನಿ ಪಾಪಾನಿ ನಶ್ಯನ್ತಿ ಸಕೃದಸ್ಯ ಪ್ರಶಂಸನಾತ್

॥ 205 ॥

ಶ್ಲೋಕ 208

ಋಣತ್ರಯವಿಮುಕ್ತಸ್ಯ ಶ್ರೌತಸ್ಮಾರ್ತಾನುವರ್ತಿನಃ ।

ಋಷೇಸ್ತ್ರಿಮೂರ್ತಿರೂಪಸ್ಯ ಫಲಂ ವಿನ್ದೇದಿದಂ ಪಠನ್

॥ 206 ॥

ಶ್ಲೋಕ 209

ಇದಂ ನಾಮಸಹಸ್ರಂ ಯಃ ಪಠತ್ಯೇತಚ್ಛೃಣೋತಿ ಚ ।

ಶಿವಲಿಙ್ಗಸಹಸ್ರಸ್ಯ ಸ ಪ್ರತಿಷ್ಠಾಫಲಂ ಲಭೇತ್

॥ 207 ॥

ಶ್ಲೋಕ 210

ಇದಂ ಕಿರೀಟೀ ಸಞ್ಜಪ್ಯ ಜಯೀ ಪಾಶುಪತಾಸ್ತ್ರಭಾಕ್ ।

ಕೃಷ್ಣಸ್ಯ ಪ್ರಾಣಭೂತಸ್ಸನ್ ಕೃಷ್ಣಂ ಸಾರಥಿಮಾಪ್ತವಾನ್

॥ 208 ॥

ಶ್ಲೋಕ 211

ದ್ರೌಪದ್ಯಾ ದಮಯನ್ತ್ಯಾ ಚ ಸಾವಿತ್ರ್ಯಾ ಚ ಸುಶೀಲಯಾ ।

ದುರಿತಾನಿ ಜಿತಾನ್ಯೇತಜ್ಜಪಾದಾಪ್ತಂ ಚ ವಾಞ್ಛಿತಮ್

॥ 209 ॥

ಶ್ಲೋಕ 212

ಕಿಮಿದಂ ಬಹುನಾ ಶಂಸನ್ಮಾನವೋ ಮೋದನಿರ್ಭರಃ ।

ಬ್ರಹ್ಮಾನನ್ದಮವಾಪ್ಯಾನ್ತೇ ಕೃಷ್ಣಸಾಯೂಜ್ಯಮಾಪ್ನುಯಾತ್

॥ 210 ॥

ಶ್ಲೋಕ 213