શ્રી કૃષ્ણ સહસ્ર નામ સ્તોત્રમ્

શ્રી કૃષ્ણ સહસ્ર નામ સ્તોત્રમ્

શ્લોક 1

ૐ અસ્ય શ્રીકૃષ્ણસહસ્રનામસ્તોત્રમન્ત્રસ્ય પરાશર ઋષિઃ, અનુષ્ટુપ્ છન્દઃ, શ્રીકૃષ્ણઃ પરમાત્મા દેવતા, શ્રીકૃષ્ણેતિ બીજમ્, શ્રીવલ્લભેતિ શક્તિઃ, શાર્ઙ્ગીતિ કીલકં, શ્રીકૃષ્ણપ્રીત્યર્થે જપે વિનિયોગઃ ॥

ન્યાસઃ

પરાશરાય ઋષયે નમઃ ઇતિ શિરસિ,

અનુષ્ટુપ્ છન્દસે નમઃ ઇતિ મુખે,

ગોપાલકૃષ્ણદેવતાયૈ નમઃ ઇતિ હૃદયે,

શ્રીકૃષ્ણાય બીજાય નમઃ ઇતિ ગુહ્યે,

શ્રીવલ્લભાય શક્ત્યૈ નમઃ ઇતિ પાદયોઃ,

શાર્ઙ્ગધરાય કીલકાય નમઃ ઇતિ સર્વાઙ્ગે ॥

કરન્યાસઃ

શ્રીકૃષ્ણ ઇત્યારભ્ય શૂરવંશૈકધીરિત્યન્તાનિ અઙ્ગુષ્ઠાભ્યાં નમઃ ।

શૌરિરિત્યારભ્ય સ્વભાસોદ્ભાસિતવ્રજ ઇત્યન્તાનિ તર્જનીભ્યાં નમઃ ।

કૃતાત્મવિદ્યાવિન્યાસ ઇત્યારભ્ય પ્રસ્થાનશકટારૂઢ ઇતિ મધ્યમાભ્યાં નમઃ,

બૃન્દાવનકૃતાલય ઇત્યારભ્ય મધુરાજનવીક્ષિત ઇત્યનામિકાભ્યાં નમઃ,

રજકપ્રતિઘાતક ઇત્યારભ્ય દ્વારકાપુરકલ્પન ઇતિ કનિષ્ઠિકાભ્યાં નમઃ

દ્વારકાનિલય ઇત્યારભ્ય પરાશર ઇતિ કરતલકરપૃષ્ઠાભ્યાં નમઃ,

એવં હૃદયાદિન્યાસઃ ॥

ધ્યાનમ્

કેષાઞ્ચિત્પ્રેમપુંસાં વિગલિતમનસાં બાલલીલાવિલાસં

કેષાં ગોપાલલીલાઙ્કિતરસિકતનુર્વેણુવાદ્યેન દેવમ્ ।

કેષાં વામાસમાજે જનિતમનસિજો દૈત્યદર્પાપહૈવં

જ્ઞાત્વા ભિન્નાભિલાષં સ જયતિ જગતામીશ્વરસ્તાદૃશોઽભૂત્

શ્લોક 2

ક્ષીરાબ્ધૌ કૃતસંસ્તવસ્સુરગણૈર્બ્રહ્માદિભિઃ પણ્ડિતૈઃ

પ્રોદ્ભૂતો વસુદેવસદ્મનિ મુદા ચિક્રીડ યો ગોકુલે ।

કંસધ્વંસકૃતે જગામ મધુરાં સારામસદ્વારકાં

ગોપાલોઽખિલગોપિકાજનસખઃ પાયાદપાયાત્ સ નઃ

॥ 1 ॥

શ્લોક 3

ફુલ્લેન્દીવરકાન્તિમિન્દુવદનં બર્હાવતંસપ્રિયં

શ્રીવત્સાઙ્કમુદારકૌસ્તુભધરં પીતામ્બરં સુન્દરમ્ ।

ગોપીનાં નયનોત્પલાર્ચિતતનું ગોગોપસઙ્ઘાવૃતં

ગોવિન્દં કલવેણુવાદનરતં દિવ્યાઙ્ગભૂષં ભજે

॥ 2 ॥

શ્લોક 4

ઓમ્ ।

કૃષ્ણઃ શ્રીવલ્લભઃ શાર્ઙ્ગી વિષ્વક્સેનઃ સ્વસિદ્ધિદઃ ।

ક્ષીરોદધામા વ્યૂહેશઃ શેષશાયી જગન્મયઃ

॥ 3 ॥

શ્લોક 5

ભક્તિગમ્યસ્ત્રયીમૂર્તિર્ભારાર્તવસુધાસ્તુતઃ ।

દેવદેવો દયાસિન્ધુર્દેવદેવશિખામણિઃ

॥ 1 ॥

શ્લોક 6

સુખભાવસ્સુખાધારો મુકુન્દો મુદિતાશયઃ ।

અવિક્રિયઃ ક્રિયામૂર્તિરધ્યાત્મસ્વસ્વરૂપવાન્

॥ 2 ॥

શ્લોક 7

શિષ્ટાભિલક્ષ્યો ભૂતાત્મા ધર્મત્રાણાર્થચેષ્ટિતઃ ।

અન્તર્યામી કલારૂપઃ કાલાવયવસાક્ષિકઃ

॥ 3 ॥

શ્લોક 8

વસુધાયાસહરણો નારદપ્રેરણોન્મુખઃ ।

પ્રભૂષ્ણુર્નારદોદ્ગીતો લોકરક્ષાપરાયણઃ

॥ 4 ॥

શ્લોક 9

રૌહિણેયકૃતાનન્દો યોગજ્ઞાનનિયોજકઃ ।

મહાગુહાન્તર્નિક્ષિપ્તઃ પુરાણવપુરાત્મવાન્

॥ 5 ॥

શ્લોક 10

શૂરવંશૈકધીશ્શૌરિઃ કંસશઙ્કાવિષાદકૃત્ ।

વસુદેવોલ્લસચ્છક્તિર્દેવક્યષ્ટમગર્ભગઃ

॥ 6 ॥

શ્લોક 11

વસુદેવસુતઃ શ્રીમાન્દેવકીનન્દનો હરિઃ ।

આશ્ચર્યબાલઃ શ્રીવત્સલક્ષ્મવક્ષાશ્ચતુર્ભુજઃ

॥ 7 ॥

શ્લોક 12

સ્વભાવોત્કૃષ્ટસદ્ભાવઃ કૃષ્ણાષ્ટમ્યન્તસમ્ભવઃ ।

પ્રાજાપત્યર્ક્ષસમ્ભૂતો નિશીથસમયોદિતઃ

॥ 8 ॥

શ્લોક 13

શઙ્ખચક્રગદાપદ્મપાણિઃ પદ્મનિભેક્ષણઃ ।

કિરીટી કૌસ્તુભોરસ્કઃ સ્ફુરન્મકરકુણ્ડલઃ

॥ 9 ॥

શ્લોક 14

પીતવાસા ઘનશ્યામઃ કુઞ્ચિતાઞ્ચિતકુન્તલઃ ।

સુવ્યક્તવ્યક્તાભરણઃ સૂતિકાગૃહભૂષણઃ

॥ 10 ॥

શ્લોક 15

કારાગારાન્ધકારઘ્નઃ પિતૃપ્રાગ્જન્મસૂચકઃ ।

વસુદેવસ્તુતઃ સ્તોત્રં તાપત્રયનિવારણઃ

॥ 11 ॥

શ્લોક 16

નિરવદ્યઃ ક્રિયામૂર્તિર્ન્યાયવાક્યનિયોજકઃ ।

અદૃષ્ટચેષ્ટઃ કૂટસ્થો ધૃતલૌકિકવિગ્રહઃ

॥ 12 ॥

શ્લોક 17

મહર્ષિમાનસોલ્લાસો મહીમઙ્ગલદાયકઃ ।

સન્તોષિતસુરવ્રાતઃ સાધુચિત્તપ્રસાદકઃ

॥ 13 ॥

શ્લોક 18

જનકોપાયનિર્દેષ્ટા દેવકીનયનોત્સવઃ ।

પિતૃપાણિપરિષ્કારો મોહિતાગારરક્ષકઃ

॥ 14 ॥

શ્લોક 19

સ્વશક્ત્યુદ્ધાટિતાશેષકપાટઃ પિતૃવાહકઃ ।

શેષોરગફણાચ્છત્રશ્શેષોક્તાખ્યાસહસ્રકઃ

॥ 15 ॥

શ્લોક 20

યમુનાપૂરવિધ્વંસી સ્વભાસોદ્ભાસિતવ્રજઃ ।

કૃતાત્મવિદ્યાવિન્યાસો યોગમાયાગ્રસમ્ભવઃ

॥ 16 ॥

શ્લોક 21

દુર્ગાનિવેદિતોદ્ભાવો યશોદાતલ્પશાયકઃ ।

નન્દગોપોત્સવસ્ફૂર્તિર્વ્રજાનન્દકરોદયઃ

॥ 17 ॥

શ્લોક 22

સુજાતજાતકર્મ શ્રીર્ગોપીભદ્રોક્તિનિર્વૃતઃ ।

અલીકનિદ્રોપગમઃ પૂતનાસ્તનપીડનઃ

॥ 18 ॥

શ્લોક 23

સ્તન્યાત્તપૂતનાપ્રાણઃ પૂતનાક્રોશકારકઃ ।

વિન્યસ્તરક્ષાગોધૂલિર્યશોદાકરલાલિતઃ

॥ 19 ॥

શ્લોક 24

નન્દાઘ્રાતશિરોમધ્યઃ પૂતનાસુગતિપ્રદઃ ।

બાલઃ પર્યઙ્કનિદ્રાલુર્મુખાર્પિતપદાઙ્ગુલિઃ

॥ 20 ॥

શ્લોક 25

અઞ્જનસ્નિગ્ધનયનઃ પર્યાયાઙ્કુરિતસ્મિતઃ ।

લીલાક્ષસ્તરલાલોકશ્શકટાસુરભઞ્જનઃ

॥ 21 ॥

શ્લોક 26

દ્વિજોદિતસ્વસ્ત્યયનો મન્ત્રપૂતજલાપ્લુતઃ ।

યશોદોત્સઙ્ગપર્યઙ્કો યશોદામુખવીક્ષકઃ

॥ 22 ॥

શ્લોક 27

યશોદાસ્તન્યમુદિતસ્તૃણાવર્તાદિદુસ્સહઃ ।

તૃણાવર્તાસુરધ્વંસી માતૃવિસ્મયકારકઃ

॥ 23 ॥

શ્લોક 28

પ્રશસ્તનામકરણો જાનુચઙ્ક્રમણોત્સુકઃ ।

વ્યાલમ્બિચૂલિકારત્નો ઘોષગોપપ્રહર્ષણઃ

॥ 24 ॥

શ્લોક 29

સ્વમુખપ્રતિબિમ્બાર્થી ગ્રીવાવ્યાઘ્રનખોજ્જ્વલઃ ।

પઙ્કાનુલેપરુચિરો માંસલોરુકટીતટઃ

॥ 25 ॥

શ્લોક 30

ઘૃષ્ટજાનુકરદ્વન્દ્વઃ પ્રતિબિમ્બાનુકારકૃત્ ।

અવ્યક્તવર્ણવાગ્વૃત્તિઃ સ્મિતલક્ષ્યરદોદ્ગમઃ

॥ 26 ॥

શ્લોક 31

ધાત્રીકરસમાલમ્બી પ્રસ્ખલચ્ચિત્રચઙ્ક્રમઃ ।

અનુરૂપવયસ્યાઢ્યશ્ચારુકૌમારચાપલઃ

॥ 27 ॥

શ્લોક 32

વત્સપુચ્છસમાકૃષ્ટો વત્સપુચ્છવિકર્ષણઃ ।

વિસ્મારિતાન્યવ્યાપારો ગોપગોપીમુદાવહઃ

॥ 28 ॥

શ્લોક 33

અકાલવત્સનિર્મોક્તા વ્રજવ્યાક્રોશસુસ્મિતઃ ।

નવનીતમહાચોરો દારકાહારદાયકઃ

॥ 29 ॥

શ્લોક 34

પીઠોલૂખલસોપાનઃ ક્ષીરભાણ્ડવિભેદનઃ ।

શિક્યભાણ્ડસમાકર્ષી ધ્વાન્તાગારપ્રવેશકૃત્

॥ 30 ॥

શ્લોક 35

ભૂષારત્નપ્રકાશાઢ્યો ગોપ્યુપાલમ્ભભર્ત્સિતઃ ।

પરાગધૂસરાકારો મૃદ્ભક્ષણકૃતેક્ષણઃ

॥ 31 ॥

શ્લોક 36

બાલોક્તમૃત્કથારમ્ભો મિત્રાન્તર્ગૂઢવિગ્રહઃ ।

કૃતસન્ત્રાસલોલાક્ષો જનનીપ્રત્યયાવહઃ

॥ 32 ॥

શ્લોક 37

માતૃદૃશ્યાત્તવદનો વક્ત્રલક્ષ્યચરાચરઃ ।

યશોદાલાલિતસ્વાત્મા સ્વયં સ્વાચ્છન્દ્યમોહનઃ

॥ 33॥

શ્લોક 38

સવિત્રીસ્નેહસંશ્લિષ્ટઃ સવિત્રીસ્તનલોલુપઃ ।

નવનીતાર્થનાપ્રહ્વો નવનીતમહાશનઃ

॥ 34 ॥

શ્લોક 39

મૃષાકોપપ્રકમ્પોષ્ઠો ગોષ્ઠાઙ્ગણવિલોકનઃ ।

દધિમન્થઘટીભેત્તા કિઙ્કિણીક્વાણસૂચિતઃ

॥ 35 ॥

શ્લોક 40

હૈયઙ્ગવીનરસિકો મૃષાશ્રુશ્ચૌર્યશઙ્કિતઃ ।

જનનીશ્રમવિજ્ઞાતા દામબન્ધનિયન્ત્રિતઃ

॥ 36 ॥

શ્લોક 41

દામાકલ્પશ્ચલાપાઙ્ગો ગાઢોલૂખલબન્ધનઃ ।

આકૃષ્ટોલૂખલોઽનન્તઃ કુબેરસુતશાપવિત્ ॥ । 38 ॥

નારદોક્તિપરામર્શી યમલાર્જુનભઞ્જનઃ ।

ધનદાત્મજસઙ્ઘુષ્ટો નન્દમોચિતબન્ધનઃ

॥ 37 ॥

શ્લોક 42

બાલકોદ્ગીતનિરતો બાહુક્ષેપોદિતપ્રિયઃ ।

આત્મજ્ઞો મિત્રવશગો ગોપીગીતગુણોદયઃ

॥ 39 ॥

શ્લોક 43

પ્રસ્થાનશકટારૂઢો બૃન્દાવનકૃતાલયઃ ।

ગોવત્સપાલનૈકાગ્રો નાનાક્રીડાપરિચ્છદઃ

॥ 40 ॥

શ્લોક 44

ક્ષેપણીક્ષેપણપ્રીતો વેણુવાદ્યવિશારદઃ ।

વૃષવત્સાનુકરણો વૃષધ્વાનવિડમ્બનઃ

॥ 41 ॥

શ્લોક 45

નિયુદ્ધલીલાસંહૃષ્ટઃ કૂજાનુકૃતકોકિલઃ ।

ઉપાત્તહંસગમનસ્સર્વજન્તુરુતાનુકૃત્

॥ 42 ॥

શ્લોક 46

ભૃઙ્ગાનુકારી દધ્યન્નચોરો વત્સપુરસ્સરઃ ।

બલી બકાસુરગ્રાહી બકતાલુપ્રદાહકઃ

॥ 43 ॥

શ્લોક 47

ભીતગોપાર્ભકાહૂતો બકચઞ્ચુવિદારણઃ ।

બકાસુરારિર્ગોપાલો બાલો બાલાદ્ભુતાવહઃ

॥ 44 ॥

શ્લોક 48

બલભદ્રસમાશ્લિષ્ટઃ કૃતક્રીડાનિલાયનઃ ।

ક્રીડાસેતુનિધાનજ્ઞઃ પ્લવઙ્ગોત્પ્લવનોઽદ્ભુતઃ

॥ 45 ॥

શ્લોક 49

કન્દુકક્રીડનો લુપ્તનન્દાદિભવવેદનઃ ।

સુમનોઽલઙ્કૃતશિરાઃ સ્વાદુસ્નિગ્ધાન્નશિક્યભૃત્

॥ 46 ॥

શ્લોક 50

ગુઞ્જાપ્રાલમ્બનચ્છન્નઃ પિઞ્છૈરલકવેષકૃત્ ।

વન્યાશનપ્રિયઃ શૃઙ્ગરવાકારિતવત્સકઃ

॥ 47 ॥

શ્લોક 51

મનોજ્ઞપલ્લવોત્તંસપુષ્પસ્વેચ્છાત્તષટ્પદઃ ।

મઞ્જુશિઞ્જિતમઞ્જીરચરણઃ કરકઙ્કણઃ

॥ 48 ॥

શ્લોક 52

અન્યોન્યશાસનઃ ક્રીડાપટુઃ પરમકૈતવઃ ।

પ્રતિધ્વાનપ્રમુદિતઃ શાખાચતુરચઙ્ક્રમઃ

॥ 49 ॥

શ્લોક 53

અઘદાનવસંહર્તા વ્રજવિઘ્નવિનાશનઃ ।

વ્રજસઞ્જીવનઃ શ્રેયોનિધિર્દાનવમુક્તિદઃ

॥ 50 ॥

શ્લોક 54

કાલિન્દીપુલિનાસીનસ્સહભુક્તવ્રજાર્ભકઃ ।

કક્ષાજઠરવિન્યસ્તવેણુર્વલ્લવચેષ્ટિતઃ

॥ 51 ॥

શ્લોક 55

ભુજસન્ધ્યન્તરન્યસ્તશૃઙ્ગવેત્રઃ શુચિસ્મિતઃ ।

વામપાણિસ્થદધ્યન્નકબલઃ કલભાષણઃ

॥ 52 ॥

શ્લોક 56

અઙ્ગુલ્યન્તરવિન્યસ્તફલઃ પરમપાવનઃ ।

અદૃશ્યતર્ણકાન્વેષી વલ્લવાર્ભકભીતિહા

॥ 53 ॥

શ્લોક 57

અદૃષ્ટવત્સપવ્રાતો બ્રહ્મવિજ્ઞાતવૈભવઃ ।

ગોવત્સવત્સપાન્વેષી વિરાટ્-પુરુષવિગ્રહઃ

॥ 54 ॥

શ્લોક 58

સ્વસઙ્કલ્પાનુરૂપાર્થો વત્સવત્સપરૂપધૃક્ ।

યથાવત્સક્રિયારૂપો યથાસ્થાનનિવેશનઃ

॥ 55 ॥

શ્લોક 59

યથાવ્રજાર્ભકાકારો ગોગોપીસ્તન્યપસ્સુખી ।

ચિરાદ્વલોહિતો દાન્તો બ્રહ્મવિજ્ઞાતવૈભવઃ

॥ 56 ॥

શ્લોક 60

વિચિત્રશક્તિર્વ્યાલીનસૃષ્ટગોવત્સવત્સપઃ ।

બ્રહ્મત્રપાકરો ધાતૃસ્તુતસ્સર્વાર્થસાધકઃ

॥ 57 ॥

શ્લોક 61

બ્રહ્મ બ્રહ્મમયોઽવ્યક્તસ્તેજોરૂપસ્સુખાત્મકઃ ।

નિરુક્તં વ્યાકૃતિર્વ્યક્તો નિરાલમ્બનભાવનઃ

॥ 58 ॥

શ્લોક 62

પ્રભવિષ્ણુરતન્ત્રીકો દેવપક્ષાર્થરૂપધૃક્ ।

અકામસ્સર્વવેદાદિરણીયસ્થૂલરૂપવાન્

॥ 59 ॥

શ્લોક 63

વ્યાપી વ્યાપ્યઃ કૃપાકર્તા વિચિત્રાચારસમ્મતઃ ।

છન્દોમયઃ પ્રધાનાત્મા મૂર્તામૂર્તિદ્વયાકૃતિઃ

॥ 60 ॥

શ્લોક 64

અનેકમૂર્તિરક્રોધઃ પરઃ પ્રકૃતિરક્રમઃ ।

સકલાવરણોપેતસ્સર્વદેવો મહેશ્વરઃ

॥ 61 ॥

શ્લોક 65

મહાપ્રભાવનઃ પૂર્વવત્સવત્સપદર્શકઃ ।

કૃષ્ણયાદવગોપાલો ગોપાલોકનહર્ષિતઃ

॥ 62 ॥

શ્લોક 66

સ્મિતેક્ષાહર્ષિતબ્રહ્મા ભક્તવત્સલવાક્પ્રિયઃ ।

બ્રહ્માનન્દાશ્રુધૌતાઙ્ઘ્રિર્લીલાવૈચિત્ર્યકોવિદઃ

॥ 63 ॥

શ્લોક 67

બલભદ્રૈકહૃદયો નામાકારિતગોકુલઃ ।

ગોપાલબાલકો ભવ્યો રજ્જુયજ્ઞોપવીતવાન્

॥ 64 ॥

શ્લોક 68

વૃક્ષચ્છાયાહતાશાન્તિર્ગોપોત્સઙ્ગોપબર્હણઃ ।

ગોપસંવાહિતપદો ગોપવ્યજનવીજિતઃ ॥ 66।

ગોપગાનસુખોન્નિદ્રઃ શ્રીદામાર્જિતસૌહૃદઃ ।

સુનન્દસુહૃદેકાત્મા સુબલપ્રાણરઞ્જનઃ

॥ 65 ॥

શ્લોક 69

તાલીવનકૃતક્રીડો બલપાતિતધેનુકઃ ।

ગોપીસૌભાગ્યસમ્ભાવ્યો ગોધૂલિચ્છુરિતાલકઃ

॥ 67 ॥

શ્લોક 70

ગોપીવિરહસન્તપ્તો ગોપિકાકૃતમજ્જનઃ ।

પ્રલમ્બબાહુરુત્ફુલ્લપુણ્ડરીકાવતંસકઃ

॥ 68 ॥

શ્લોક 71

વિલાસલલિતસ્મેરગર્ભલીલાવલોકનઃ ।

સ્રગ્ભૂષણાનુલેપાઢ્યો જનન્યુપહૃતાન્નભુક્

॥ 69 ॥

શ્લોક 72

વરશય્યાશયો રાધાપ્રેમસલ્લાપનિર્વૃતઃ ।

યમુનાતટસઞ્ચારી વિષાર્તવ્રજહર્ષદઃ

॥ 70 ॥

શ્લોક 73

કાલિયક્રોધજનકઃ વૃદ્ધાહિકુલવેષ્ટિતઃ ।

કાલિયાહિફણારઙ્ગનટઃ કાલિયમર્દનઃ

॥ 71 ॥

શ્લોક 74

નાગપત્નીસ્તુતિપ્રીતો નાનાવેષસમૃદ્ધિકૃત્ ।

અવિષ્વક્તદૃગાત્મેશઃ સ્વદૃગાત્મસ્તુતિપ્રિયઃ

॥ 72 ॥

શ્લોક 75

સર્વેશ્વરસ્સર્વગુણઃ પ્રસિદ્ધસ્સર્વસાત્વતઃ ।

અકુણ્ઠધામા ચન્દ્રાર્કદૃષ્ટિરાકાશનિર્મલઃ

॥ 73 ॥

શ્લોક 76

અનિર્દેશ્યગતિર્નાગવનિતાપતિભૈક્ષદઃ ।

સ્વાઙ્ઘ્રિમુદ્રાઙ્કનાગેન્દ્રમૂર્ધા કાલિયસંસ્તુતઃ

॥ 74 ॥

શ્લોક 77

અભયો વિશ્વતશ્ચક્ષુઃ સ્તુતોત્તમગુણઃ પ્રભુઃ ।

અહમાત્મા મરુત્પ્રાણઃ પરમાત્મા દ્યુશીર્ષવાન્

॥ 75 ॥

શ્લોક 78

નાગોપાયનહૃષ્ટાત્મા હ્રદોત્સારિતકાલિયઃ ।

બલભદ્રસુખાલાપો ગોપાલિઙ્ગનનિર્વૃતઃ

॥ 76 ॥

શ્લોક 79

દાવાગ્નિભીતગોપાલગોપ્તા દાવાગ્નિનાશનઃ ।

નયનાચ્છાદનક્રીડાલમ્પટો નૃપચેષ્ટિતઃ

॥ 77 ॥

શ્લોક 80

કાકપક્ષધરસ્સૌમ્યો બલવાહકકેલિમાન્ ।

બલઘાતિતદુર્ધર્ષપ્રલમ્બો બલવત્સલઃ

॥ 78 ॥

શ્લોક 81

મુઞ્જાટવ્યગ્નિશમનઃ પ્રાવૃટ્કાલવિનોદવાન્ ।

શિલાન્યસ્તાન્નભૃદ્દૈત્યસંહર્તા શાદ્વલાસનઃ

॥ 79 ॥

શ્લોક 82

સદાપ્તગોપિકોદ્ગીતઃ કર્ણિકારાવતંસકઃ ।

નટવેષધરઃ પદ્મમાલાઙ્કો ગોપિકાવૃતઃ

॥ 80 ॥

શ્લોક 83

ગોપીમનોહરાપાઙ્ગો વેણુવાદનતત્પરઃ ।

વિન્યસ્તવદનામ્ભોજશ્ચારુશબ્દકૃતાનનઃ

॥ 81 ॥

શ્લોક 84

બિમ્બાધરાર્પિતોદારવેણુર્વિશ્વવિમોહનઃ ।

વ્રજસંવર્ણિતશ્રાવ્યવેણુનાદઃ શ્રુતિપ્રિયઃ

॥ 82 ॥

શ્લોક 85

ગોગોપગોપીજન્મેપ્સુર્બ્રહ્મેન્દ્રાદ્યભિવન્દિતઃ ।

ગીતસ્નુતિસરિત્પૂરો નાદનર્તિતબર્હિણઃ

॥ 83 ॥

શ્લોક 86

રાગપલ્લવિતસ્થાણુર્ગીતાનમિતપાદપઃ ।

વિસ્મારિતતૃણગ્રાસમૃગો મૃગવિલોભિતઃ

॥ 84 ॥

શ્લોક 87

વ્યાઘ્રાદિહિંસ્રસહજવૈરહર્તા સુગાયનઃ ।

ગાઢોદીરિતગોબૃન્દપ્રેમોત્કર્ણિતતર્ણકઃ

॥ 85 ॥

શ્લોક 88

નિષ્પન્દયાનબ્રહ્માદિવીક્ષિતો વિશ્વવન્દિતઃ ।

શાખોત્કર્ણશકુન્તૌઘશ્છત્રાયિતબલાહકઃ

॥ 86 ॥

શ્લોક 89

પ્રસન્નઃ પરમાનન્દશ્ચિત્રાયિતચરાચરઃ ।

ગોપિકામદનો ગોપીકુચકુઙ્કુમમુદ્રિતઃ

॥ 87 ॥

શ્લોક 90

ગોપિકન્યાજલક્રીડાહૃષ્ટો ગોપ્યંશુકાપહૃત્ ।

સ્કન્ધારોપિતગોપસ્ત્રીવાસાઃ કુન્દનિભસ્મિતઃ

॥ 88 ॥

શ્લોક 91

ગોપીનેત્રોત્પલશશી ગોપિકાયાચિતાંશુકઃ ।

ગોપીનમસ્ક્રિયાદેષ્ટા ગોપ્યેકકરવન્દિતઃ

॥ 89 ॥

શ્લોક 92

ગોપ્યઞ્જલિવિશેષાર્થી ગોપક્રીડાવિલોભિતઃ ।

શાન્તવાસસ્ફુરદ્ગોપીકૃતાઞ્જલિરઘાપહઃ

॥ 90 ॥

શ્લોક 93

ગોપીકેલિવિલાસાર્થી ગોપીસમ્પૂર્ણકામદઃ ।

ગોપસ્ત્રીવસ્ત્રદો ગોપીચિત્તચોરઃ કુતૂહલી

॥ 91 ॥

શ્લોક 94

બૃન્દાવનપ્રિયો ગોપબન્ધુર્યજ્વાન્નયાચિતા ।

યજ્ઞેશો યજ્ઞભાવજ્ઞો યજ્ઞપત્ન્યભિવાઞ્છિતઃ

॥ 92 ॥

શ્લોક 95

મુનિપત્નીવિતીર્ણાન્નતૃપ્તો મુનિવધૂપ્રિયઃ ।

દ્વિજપત્ન્યભિભાવજ્ઞો દ્વિજપત્નીવરપ્રદઃ

॥ 93 ॥

શ્લોક 96

પ્રતિરુદ્ધસતીમોક્ષપ્રદો દ્વિજવિમોહિતા ।

મુનિજ્ઞાનપ્રદો યજ્વસ્તુતો વાસવયાગવિત્

॥ 94 ॥

શ્લોક 97

પિતૃપ્રોક્તક્રિયારૂપશક્રયાગનિવારણઃ ।

શક્રાઽમર્ષકરશ્શક્રવૃષ્ટિપ્રશમનોન્મુખઃ

॥ 95 ॥

શ્લોક 98

ગોવર્ધનધરો ગોપગોબૃન્દત્રાણતત્પરઃ ।

ગોવર્ધનગિરિચ્છત્રચણ્ડદણ્ડભુજાર્ગલઃ

॥ 96 ॥

શ્લોક 99

સપ્તાહવિધૃતાદ્રીન્દ્રો મેઘવાહનગર્વહા ।

ભુજાગ્રોપરિવિન્યસ્તક્ષ્માધરક્ષ્માભૃદચ્યુતઃ

॥ 97 ॥

શ્લોક 100

સ્વસ્થાનસ્થાપિતગિરિર્ગોપીદધ્યક્ષતાર્ચિતઃ ।

સુમનસ્સુમનોવૃષ્ટિહૃષ્ટો વાસવવન્દિતઃ

॥ 98 ॥

શ્લોક 101

કામધેનુપયઃપૂરાભિષિક્તસ્સુરભિસ્તુતઃ ।

ધરાઙ્ઘ્રિરોષધીરોમા ધર્મગોપ્તા મનોમયઃ

॥ 99 ॥

શ્લોક 102

જ્ઞાનયજ્ઞપ્રિયશ્શાસ્ત્રનેત્રસ્સર્વાર્થસારથિઃ ।

ઐરાવતકરાનીતવિયદ્ગઙ્ગાપ્લુતો વિભુઃ

॥ 100 ॥

શ્લોક 103

બ્રહ્માભિષિક્તો ગોગોપ્તા સર્વલોકશુભઙ્કરઃ ।

સર્વવેદમયો મગ્નનન્દાન્વેષિપિતૃપ્રિયઃ

॥ 101 ॥

શ્લોક 104

વરુણોદીરિતાત્મેક્ષાકૌતુકો વરુણાર્ચિતઃ ।

વરુણાનીતજનકો ગોપજ્ઞાતાત્મવૈભવઃ

॥ 102 ॥

શ્લોક 105

સ્વર્લોકાલોકસંહૃષ્ટગોપવર્ગત્રિવર્ગદઃ ।

બ્રહ્મહૃદ્ગોપિતો ગોપદ્રષ્ટા બ્રહ્મપદપ્રદઃ

॥ 103 ॥

શ્લોક 106

શરચ્ચન્દ્રવિહારોત્કઃ શ્રીપતિર્વશકો ક્ષમઃ ।

ભયાપહો ભર્તૃરુદ્ધગોપિકાધ્યાનગોચરઃ

॥ 104 ॥

શ્લોક 107

ગોપિકાનયનાસ્વાદ્યો ગોપીનર્મોક્તિનિર્વૃતઃ ।

ગોપિકામાનહરણો ગોપિકાશતયૂથપઃ

॥ 105 ॥

શ્લોક 108

વૈજયન્તીસ્રગાકલ્પો ગોપિકામાનવર્ધનઃ ।

ગોપકાન્તાસુનિર્દેષ્ટા કાન્તો મન્મથમન્મથઃ

॥ 106 ॥

શ્લોક 109

સ્વાત્માસ્યદત્તતામ્બૂલઃ ફલિતોત્કૃષ્ટયૌવનઃ ।

વલ્લવીસ્તનસક્તાક્ષો વલ્લવીપ્રેમચાલિતઃ

॥ 107 ॥

શ્લોક 110

ગોપીચેલાઞ્ચલાસીનો ગોપીનેત્રાબ્જષટ્પદઃ ।

રાસક્રીડાસમાસક્તો ગોપીમણ્ડલમણ્ડનઃ

॥ 108 ॥

શ્લોક 111

ગોપીહેમમણિશ્રેણિમધ્યેન્દ્રમણિરુજ્જ્વલઃ ।

વિદ્યાધરેન્દુશાપઘ્નશ્શઙ્ખચૂડશિરોહરઃ

॥ 109 ॥

શ્લોક 112

શઙ્ખચૂડશિરોરત્નસમ્પ્રીણિતબલોઽનઘઃ ।

અરિષ્ટારિષ્ટકૃદ્દુષ્ટકેશિદૈત્યનિષૂદનઃ

॥ 110 ॥

શ્લોક 113

સરસસ્સસ્મિતમુખસ્સુસ્થિરો વિરહાકુલઃ ।

સઙ્કર્ષણાર્પિતપ્રીતિરક્રૂરધ્યાનગોચરઃ

॥ 111 ॥

શ્લોક 114

અક્રૂરસંસ્તુતો ગૂઢો ગુણવૃત્યુપલક્ષિતઃ ।

પ્રમાણગમ્યસ્તન્માત્રાઽવયવી બુદ્ધિતત્પરઃ

॥ 112 ॥

શ્લોક 115

સર્વપ્રમાણપ્રમધીસ્સર્વપ્રત્યયસાધકઃ ।

પુરુષશ્ચ પ્રધાનાત્મા વિપર્યાસવિલોચનઃ

॥ 113 ॥

શ્લોક 116

મધુરાજનસંવીક્ષ્યો રજકપ્રતિઘાતકઃ ।

વિચિત્રામ્બરસંવીતો માલાકારવરપ્રદઃ

॥ 114 ॥

શ્લોક 117

કુબ્જાવક્રત્વનિર્મોક્તા કુબ્જાયૌવનદાયકઃ ।

કુબ્જાઙ્ગરાગસુરભિઃ કંસકોદણ્ડખણ્ડનઃ

॥ 115 ॥

શ્લોક 118

ધીરઃ કુવલયાપીડમર્દનઃ કંસભીતિકૃત્ ।

દન્તિદન્તાયુધો રઙ્ગત્રાસકો મલ્લયુદ્ધવિત્

॥ 116 ॥

શ્લોક 119

ચાણૂરહન્તા કંસારિર્દેવકીહર્ષદાયકઃ ।

વસુદેવપદાનમ્રઃ પિતૃબન્ધવિમોચનઃ

॥ 117 ॥

શ્લોક 120

ઉર્વીભયાપહો ભૂપ ઉગ્રસેનાધિપત્યદઃ ।

આજ્ઞાસ્થિતશચીનાથસ્સુધર્માનયનક્ષમઃ

॥ 118 ॥

શ્લોક 121

આદ્યો દ્વિજાતિસત્કર્તા શિષ્ટાચારપ્રદર્શકઃ ।

સાન્દીપનિકૃતાભ્યસ્તવિદ્યાભ્યાસૈકધીસ્સુધીઃ

॥ 119 ॥

શ્લોક 122

ગુર્વભીષ્ટક્રિયાદક્ષઃ પશ્ચિમોદધિપૂજિતઃ ।

હતપઞ્ચજનપ્રાપ્તપાઞ્ચજન્યો યમાર્ચિતઃ

॥ 120 ॥

શ્લોક 123

ધર્મરાજજયાનીતગુરુપુત્ર ઉરુક્રમઃ ।

ગુરુપુત્રપ્રદશ્શાસ્તા મધુરાજસભાસદઃ

॥ 121 ॥

શ્લોક 124

જામદગ્ન્યસમભ્યર્ચ્યો ગોમન્તગિરિસઞ્ચરઃ ।

ગોમન્તદાવશમનો ગરુડાનીતભૂષણઃ

॥ 122 ॥

શ્લોક 125

ચક્રાદ્યાયુધસંશોભી જરાસન્ધમદાપહઃ ।

સૃગાલાવનિપાલઘ્નસ્સૃગાલાત્મજરાજ્યદઃ

॥ 123 ॥

શ્લોક 126

વિધ્વસ્તકાલયવનો મુચુકુન્દવરપ્રદઃ ।

આજ્ઞાપિતમહામ્ભોધિર્દ્વારકાપુરકલ્પનઃ

॥ 124 ॥

શ્લોક 127

દ્વારકાનિલયો રુક્મિમાનહન્તા યદૂદ્વહઃ ।

રુચિરો રુક્મિણીજાનિઃ પ્રદ્યુમ્નજનકઃ પ્રભુઃ

॥ 125 ॥

શ્લોક 128

અપાકૃતત્રિલોકાર્તિરનિરુદ્ધપિતામહઃ ।

અનિરુદ્ધપદાન્વેષી ચક્રી ગરુડવાહનઃ

॥ 126 ॥

શ્લોક 129

બાણાસુરપુરીરોદ્ધા રક્ષાજ્વલનયન્ત્રજિત્ ।

ધૂતપ્રમથસંરમ્ભો જિતમાહેશ્વરજ્વરઃ

॥ 127 ॥

શ્લોક 130

ષટ્ચક્રશક્તિનિર્જેતા ભૂતવેતાલમોહકૃત્ ।

શમ્ભુત્રિશૂલજિચ્છમ્ભુજૃમ્ભણશ્શમ્ભુસંસ્તુતઃ

॥ 128 ॥

શ્લોક 131

ઇન્દ્રિયાત્મેન્દુહૃદયસ્સર્વયોગેશ્વરેશ્વરઃ ।

હિરણ્યગર્ભહૃદયો મોહાવર્તનિવર્તનઃ

॥ 129 ॥

શ્લોક 132

આત્મજ્ઞાનનિધિર્મેધા કોશસ્તન્માત્રરૂપવાન્ ।

ઇન્દ્રોઽગ્નિવદનઃ કાલનાભસ્સર્વાગમાધ્વગઃ

॥ 130 ॥

શ્લોક 133

તુરીયસર્વધીસાક્ષી દ્વન્દ્વારામાત્મદૂરગઃ ।

અજ્ઞાતપારો વશ્યશ્રીરવ્યાકૃતવિહારવાન્

॥ 131 ॥

શ્લોક 134

આત્મપ્રદીપો વિજ્ઞાનમાત્રાત્મા શ્રીનિકેતનઃ ।

બાણબાહુવનચ્છેત્તા મહેન્દ્રપ્રીતિવર્ધનઃ

॥ 132 ॥

શ્લોક 135

અનિરુદ્ધનિરોધજ્ઞો જલેશાહૃતગોકુલઃ ।

જલેશવિજયી વીરસ્સત્રાજિદ્રત્નયાચકઃ

॥ 133 ॥

શ્લોક 136

પ્રસેનાન્વેષણોદ્યુક્તો જામ્બવદ્ધૃતરત્નદઃ ।

જિતર્ક્ષરાજતનયાહર્તા જામ્બવતીપ્રિયઃ

॥ 134 ॥

શ્લોક 137

સત્યભામાપ્રિયઃ કામશ્શતધન્વશિરોહરઃ ।

કાલિન્દીપતિરક્રૂરબન્ધુરક્રૂરરત્નદઃ

॥ 135 ॥

શ્લોક 138

કૈકેયીરમણો ભદ્રાભર્તા નાગ્નજિતીધવઃ ।

માદ્રીમનોહરશ્શૈબ્યાપ્રાણબન્ધુરુરુક્રમઃ

॥ 136 ॥

શ્લોક 139

સુશીલાદયિતો મિત્રવિન્દાનેત્રમહોત્સવઃ ।

લક્ષ્મણાવલ્લભો રુદ્ધપ્રાગ્જ્યોતિષમહાપુરઃ

॥ 137 ॥

શ્લોક 140

સુરપાશાવૃતિચ્છેદી મુરારિઃ ક્રૂરયુદ્ધવિત્ ।

હયગ્રીવશિરોહર્તા સર્વાત્મા સર્વદર્શનઃ

॥ 138 ॥

શ્લોક 141

નરકાસુરવિચ્છેત્તા નરકાત્મજરાજ્યદઃ।

પૃથ્વીસ્તુતઃ પ્રકાશાત્મા હૃદ્યો યજ્ઞફલપ્રદઃ

॥ 139 ॥

શ્લોક 142

ગુણગ્રાહી ગુણદ્રષ્ટા ગૂઢસ્વાત્મા વિભૂતિમાન્ ।

કવિર્જગદુપદ્રષ્ટા પરમાક્ષરવિગ્રહઃ

॥ 140 ॥

શ્લોક 143

પ્રપન્નપાલનો માલી મહદ્બ્રહ્મવિવર્ધનઃ ।

વાચ્યવાચકશક્ત્યર્થસ્સર્વવ્યાકૃતસિદ્ધિદઃ

॥ 141 ॥

શ્લોક 144

સ્વયમ્પ્રભુરનિર્વેદ્યસ્સ્વપ્રકાશશ્ચિરન્તનઃ ।

નાદાત્મા મન્ત્રકોટીશો નાનાવાદનિરોધકઃ

॥ 142 ॥

શ્લોક 145

કન્દર્પકોટિલાવણ્યઃ પરાર્થૈકપ્રયોજકઃ ।

અમરીકૃતદેવૌઘઃ કન્યકાબન્ધમોચનઃ

॥ 143 ॥

શ્લોક 146

ષોડશસ્ત્રીસહસ્રેશઃ કાન્તઃ કાન્તામનોભવઃ ।

ક્રીડારત્નાચલાહર્તા વરુણચ્છત્રશોભિતઃ

॥ 144 ॥

શ્લોક 147

શક્રાભિવન્દિતશ્શક્રજનનીકુણ્ડલપ્રદઃ ।

અદિતિપ્રસ્તુતસ્તોત્રો બ્રાહ્મણોદ્ઘુષ્ટચેષ્ટનઃ

॥ 145 ॥

શ્લોક 148

પુરાણસ્સંયમી જન્માલિપ્તઃ ષડ્વિંશકોઽર્થદઃ ।

યશસ્યનીતિરાદ્યન્તરહિતસ્સત્કથાપ્રિયઃ

॥ 146 ॥

શ્લોક 149

બ્રહ્મબોધઃ પરાનન્દઃ પારિજાતાપહારકઃ ।

પૌણ્ડ્રકપ્રાણહરણઃ કાશિરાજનિષૂદનઃ

॥ 147 ॥

શ્લોક 150

કૃત્યાગર્વપ્રશમનો વિચક્રવધદીક્ષિતઃ ।

કંસવિધ્વંસનસ્સામ્બજનકો ડિમ્ભકાર્દનઃ

॥ 148 ॥

શ્લોક 151

મુનિર્ગોપ્તા પિતૃવરપ્રદસ્સવનદીક્ષિતઃ ।

રથી સારથ્યનિર્દેષ્ટા ફાલ્ગુનઃ ફાલ્ગુનિપ્રિયઃ

॥ 149 ॥

શ્લોક 152

સપ્તાબ્ધિસ્તમ્ભનોદ્ભાતો હરિસ્સપ્તાબ્ધિભેદનઃ ।

આત્મપ્રકાશઃ પૂર્ણશ્રીરાદિનારાયણેક્ષિતઃ

॥ 150 ॥

શ્લોક 153

વિપ્રપુત્રપ્રદશ્ચૈવ સર્વમાતૃસુતપ્રદઃ ।

પાર્થવિસ્મયકૃત્પાર્થપ્રણવાર્થપ્રબોધનઃ

॥ 151 ॥

શ્લોક 154

કૈલાસયાત્રાસુમુખો બદર્યાશ્રમભૂષણઃ ।

ઘણ્ટાકર્ણક્રિયામૌઢ્યાત્તોષિતો ભક્તવત્સલઃ

॥ 152 ॥

શ્લોક 155

મુનિબૃન્દાદિભિર્ધ્યેયો ઘણ્ટાકર્ણવરપ્રદઃ ।

તપશ્ચર્યાપરશ્ચીરવાસાઃ પિઙ્ગજટાધરઃ

॥ 153 ॥

શ્લોક 156

પ્રત્યક્ષીકૃતભૂતેશશ્શિવસ્તોતા શિવસ્તુતઃ ।

કૃષ્ણાસ્વયંવરાલોકકૌતુકી સર્વસમ્મતઃ

॥ 154 ॥

શ્લોક 157

બલસંરમ્ભશમનો બલદર્શિતપાણ્ડવઃ ।

યતિવેષાર્જુનાભીષ્ટદાયી સર્વાત્મગોચરઃ

॥ 155 ॥

શ્લોક 158

સુભદ્રાફાલ્ગુનોદ્વાહકર્તા પ્રીણિતફાલ્ગુનઃ ।

ખાણ્ડવપ્રીણિતાર્ચિષ્માન્મયદાનવમોચનઃ

॥ 156 ॥

શ્લોક 159

સુલભો રાજસૂયાર્હયુધિષ્ઠિરનિયોજકઃ ।

ભીમાર્દિતજરાસન્ધો માગધાત્મજરાજ્યદઃ

॥ 157 ॥

શ્લોક 160

રાજબન્ધનનિર્મોક્તા રાજસૂયાગ્રપૂજનઃ ।

ચૈદ્યાદ્યસહનો ભીષ્મસ્તુતસ્સાત્વતપૂર્વજઃ

॥ 158 ॥

શ્લોક 161

સર્વાત્માર્થસમાહર્તા મન્દરાચલધારકઃ ।

યજ્ઞાવતારઃ પ્રહ્લાદપ્રતિજ્ઞાપ્રતિપાલકઃ

॥ 159 ॥

શ્લોક 162

બલિયજ્ઞસભાધ્વંસી દૃપ્તક્ષત્રકુલાન્તકઃ ।

દશગ્રીવાન્તકો જેતા રેવતીપ્રેમવલ્લભઃ

॥ 160 ॥

શ્લોક 163

સર્વાવતારાધિષ્ઠાતા વેદબાહ્યવિમોહનઃ ।

કલિદોષનિરાકર્તા દશનામા દૃઢવ્રતઃ

॥ 161 ॥

શ્લોક 164

અમેયાત્મા જગત્સ્વામી વાગ્મી ચૈદ્યશિરોહરઃ ।

દ્રૌપદીરચિતસ્તોત્રઃ કેશવઃ પુરુષોત્તમઃ

॥ 162 ॥

શ્લોક 165

નારાયણો મધુપતિર્માધવો દોષવર્જિતઃ ।

ગોવિન્દઃ પુણ્ડરીકાક્ષો વિષ્ણુશ્ચ મધુસૂદનઃ

॥ 163 ॥

શ્લોક 166

ત્રિવિક્રમસ્ત્રિલોકેશો વામનઃ શ્રીધરઃ પુમાન્ ।

હૃષીકેશો વાસુદેવઃ પદ્મનાભો મહાહ્રદઃ

॥ 164 ॥

શ્લોક 167

દામોદરશ્ચતુર્વ્યૂહઃ પાઞ્ચાલીમાનરક્ષણઃ ।

સાલ્વઘ્નસ્સમરશ્લાઘી દન્તવક્ત્રનિબર્હણઃ

॥ 165 ॥

શ્લોક 168

દામોદરપ્રિયસખા પૃથુકાસ્વાદનપ્રિયઃ ॥

ઘૃણી દામોદરઃ શ્રીદો ગોપીપુનરવેક્ષકઃ

॥ 166 ॥

શ્લોક 169

ગોપિકામુક્તિદો યોગી દુર્વાસસ્તૃપ્તિકારકઃ ।

અવિજ્ઞાતવ્રજાકીર્ણપાણ્ડવાલોકનો જયી

॥ 167 ॥

શ્લોક 170

પાર્થસારથ્યનિરતઃ પ્રાજ્ઞઃ પાણ્ડવદૂત્યકૃત્ ।

વિદુરાતિથ્યસન્તુષ્ટઃ કુન્તીસન્તોષદાયકઃ

॥ 168 ॥

શ્લોક 171

સુયોધનતિરસ્કર્તા દુર્યોધનવિકારવિત્ ।

વિદુરાભિષ્ઠુતો નિત્યો વાર્ષ્ણેયો મઙ્ગલાત્મકઃ

॥ 169 ॥

શ્લોક 172

પઞ્ચવિંશતિતત્ત્વેશશ્ચતુર્વિંશતિદેહભાક્ ।

સર્વાનુગ્રાહકસ્સર્વદાશાર્હસતતાર્ચિતઃ

॥ 170 ॥

શ્લોક 173

અચિન્ત્યો મધુરાલાપસ્સાધુદર્શી દુરાસદઃ ।

મનુષ્યધર્માનુગતઃ કૌરવેન્દ્રક્ષયેક્ષિતા

॥ 171 ॥

શ્લોક 174

ઉપેન્દ્રો દાનવારાતિરુરુગીતો મહાદ્યુતિઃ ।

બ્રહ્મણ્યદેવઃ શ્રુતિમાન્ ગોબ્રાહ્મણહિતાશયઃ

॥ 172 ॥

શ્લોક 175

વરશીલશ્શિવારમ્ભસ્સુવિજ્ઞાનવિમૂર્તિમાન્ ।

સ્વભાવશુદ્ધસ્સન્મિત્રસ્સુશરણ્યસ્સુલક્ષણઃ

॥ 173 ॥

શ્લોક 176

ધૃતરાષ્ટ્રગતૌદૃષ્ટિપ્રદઃ કર્ણવિભેદનઃ ।

પ્રતોદધૃગ્વિશ્વરૂપવિસ્મારિતધનઞ્જયઃ

॥ 174 ॥

શ્લોક 177

સામગાનપ્રિયો ધર્મધેનુર્વર્ણોત્તમોઽવ્યયઃ ।

ચતુર્યુગક્રિયાકર્તા વિશ્વરૂપપ્રદર્શકઃ

॥ 175 ॥

શ્લોક 178

બ્રહ્મબોધપરિત્રાતપાર્થો ભીષ્માર્થચક્રભૃત્ ।

અર્જુનાયાસવિધ્વંસી કાલદંષ્ટ્રાવિભૂષણઃ

॥ 176 ॥

શ્લોક 179

સુજાતાનન્તમહિમા સ્વપ્નવ્યાપારિતાર્જુનઃ ।

અકાલસન્ધ્યાઘટનશ્ચક્રાન્તરિતભાસ્કરઃ

॥ 177 ॥

શ્લોક 180

દુષ્ટપ્રમથનઃ પાર્થપ્રતિજ્ઞાપરિપાલકઃ ।

સિન્ધુરાજશિરઃપાતસ્થાનવક્તા વિવેકદૃક્

॥ 178 ॥

શ્લોક 181

સુભદ્રાશોકહરણો દ્રોણોત્સેકાદિવિસ્મિતઃ ।

પાર્થમન્યુનિરાકર્તા પાણ્ડવોત્સવદાયકઃ

॥ 179 ॥

શ્લોક 182

અઙ્ગુષ્ઠાક્રાન્તકૌન્તેયરથશ્શક્તોઽહિશીર્ષજિત્ ।

કાલકોપપ્રશમનો ભીમસેનજયપ્રદઃ

॥ 180 ॥

શ્લોક 183

અશ્વત્થામવધાયાસત્રાતપાણ્ડુસુતઃ કૃતી ।

ઇષીકાસ્ત્રપ્રશમનો દ્રૌણિરક્ષાવિચક્ષણઃ

॥ 181 ॥

શ્લોક 184

પાર્થાપહારિતદ્રૌણિચૂડામણિરભઙ્ગુરઃ ।

ધૃતરાષ્ટ્રપરામૃષ્ટભીમપ્રતિકૃતિસ્મયઃ

॥ 182 ॥

શ્લોક 185

ભીષ્મબુદ્ધિપ્રદશ્શાન્તશ્શરચ્ચન્દ્રનિભાનનઃ ।

ગદાગ્રજન્મા પાઞ્ચાલીપ્રતિજ્ઞાપરિપાલકઃ

॥ 183 ॥

શ્લોક 186

ગાન્ધારીકોપદૃગ્ગુપ્તધર્મસૂનુરનામયઃ ।

પ્રપન્નાર્તિભયચ્છેત્તા ભીષ્મશલ્યવ્યધાવહઃ

॥ 184 ॥

શ્લોક 187

શાન્તશ્શાન્તનવોદીર્ણસર્વધર્મસમાહિતઃ ।

સ્મારિતબ્રહ્મવિદ્યાર્થપ્રીતપાર્થો મહાસ્ત્રવિત્

॥ 185 ॥

શ્લોક 188

પ્રસાદપરમોદારો ગાઙ્ગેયસુગતિપ્રદઃ ।

વિપક્ષપક્ષક્ષયકૃત્પરીક્ષિત્પ્રાણરક્ષણઃ

॥ 186 ॥

શ્લોક 189

જગદ્ગુરુર્ધર્મસૂનોર્વાજિમેધપ્રવર્તકઃ ।

વિહિતાર્થાપ્તસત્કારો માસકાત્પરિવર્તદઃ

॥ 187 ॥

શ્લોક 190

ઉત્તઙ્કહર્ષદાત્મીયદિવ્યરૂપપ્રદર્શકઃ ।

જનકાવગતસ્વોક્તભારતસ્સર્વભાવનઃ

॥ 188 ॥

શ્લોક 191

અસોઢયાદવોદ્રેકો વિહિતાપ્તાદિપૂજનઃ ॥

સમુદ્રસ્થાપિતાશ્ચર્યમુસલો વૃષ્ણિવાહકઃ

॥ 189 ॥

શ્લોક 192

મુનિશાપાયુધઃ પદ્માસનાદિત્રિદશાર્થિતઃ ।

વૃષ્ટિપ્રત્યવહારોત્કસ્સ્વધામગમનોત્સુકઃ

॥ 190 ॥

શ્લોક 193

પ્રભાસાલોકનોદ્યુક્તો નાનાવિધનિમિત્તકૃત્ ।

સર્વયાદવસંસેવ્યસ્સર્વોત્કૃષ્ટપરિચ્છદઃ

॥ 191 ॥

શ્લોક 194

વેલાકાનનસઞ્ચારી વેલાનિલહૃતશ્રમઃ ।

કાલાત્મા યાદવોઽનન્તસ્સ્તુતિસન્તુષ્ટમાનસઃ

॥ 192 ॥

શ્લોક 195

દ્વિજાલોકનસન્તુષ્ટઃ પુણ્યતીર્થમહોત્સવઃ ।

સત્કારાહ્લાદિતાશેષભૂસુરસ્સુરવલ્લભઃ

॥ 193 ॥

શ્લોક 196

પુણ્યતીર્થાપ્લુતઃ પુણ્યઃ પુણ્યદસ્તીર્થપાવનઃ ।

વિપ્રસાત્કૃતગોકોટિશ્શતકોટિસુવર્ણદઃ

॥ 194 ॥

શ્લોક 197

સ્વમાયામોહિતાઽશેષવૃષ્ણિવીરો વિશેષવિત્ ।

જલજાયુધનિર્દેષ્ટા સ્વાત્માવેશિતયાદવઃ

॥ 195 ॥

શ્લોક 198

દેવતાભીષ્ટવરદઃ કૃતકૃત્યઃ પ્રસન્નધીઃ ।

સ્થિરશેષાયુતબલસ્સહસ્રફણિવીક્ષણઃ

॥ 196 ॥

શ્લોક 199

બ્રહ્મવૃક્ષવરચ્છાયાસીનઃ પદ્માસનસ્થિતઃ ।

પ્રત્યગાત્મા સ્વભાવાર્થઃ પ્રણિધાનપરાયણઃ

॥ 197 ॥

શ્લોક 200

વ્યાધેષુવિદ્ધપૂજ્યાઙ્ઘ્રિર્નિષાદભયમોચનઃ ।

પુલિન્દસ્તુતિસન્તુષ્ટઃ પુલિન્દસુગતિપ્રદઃ

॥ 198 ॥

શ્લોક 201

દારુકાર્પિતપાર્થાદિકરણીયોક્તિરીશિતા ।

દિવ્યદુન્દુભિસંયુક્તઃ પુષ્પવૃષ્ટિપ્રપૂજિતઃ

॥ 199 ॥

શ્લોક 202

પુરાણઃ પરમેશાનઃ પૂર્ણભૂમા પરિષ્ટુતઃ ।

પતિરાદ્યઃ પરં બ્રહ્મ પરમાત્મા પરાત્પરઃ

॥ 200 ॥

શ્લોક 203

શ્રીપરમાત્મા પરાત્પરઃ ૐ નમઃ ઇતિ ।

ફલશ્રુતિઃ –

ઇદં સહસ્રં કૃષ્ણસ્ય નામ્નાં સર્વાર્થદાયકમ્ ।

અનન્તરૂપી ભગવાન્ વ્યાખ્યાતાદૌ સ્વયમ્ભુવે

॥ 201 ॥

શ્લોક 204

તેન પ્રોક્તં વસિષ્ઠાય તતો લબ્ધ્વા પરાશરઃ ।

વ્યાસાય તેન સમ્પ્રોક્તં શુકો વ્યાસાદવાપ્તવાન્

॥ 202 ॥

શ્લોક 205

તચ્છિષ્યૈર્બહુભિર્ભૂમૌ ખ્યાપિતં દ્વાપરે યુગે ।

કૃષ્ણાજ્ઞયા હરિહરઃ કલૌ પ્રખ્યાપયદ્વિભુઃ

॥ 203 ॥

શ્લોક 206

ઇદં પઠતિ ભક્ત્યા યઃ શૃણોતિ ચ સમાહિતઃ ।

સ્વસિદ્ધ્યૈ પ્રાર્થયન્ત્યેનં તીર્થક્ષેત્રાદિદેવતાઃ

॥ 204 ॥

શ્લોક 207

પ્રાયશ્ચિત્તાન્યશેષાણિ નાલં યાનિ વ્યપોહિતુમ્ ।

તાનિ પાપાનિ નશ્યન્તિ સકૃદસ્ય પ્રશંસનાત્

॥ 205 ॥

શ્લોક 208

ઋણત્રયવિમુક્તસ્ય શ્રૌતસ્માર્તાનુવર્તિનઃ ।

ઋષેસ્ત્રિમૂર્તિરૂપસ્ય ફલં વિન્દેદિદં પઠન્

॥ 206 ॥

શ્લોક 209

ઇદં નામસહસ્રં યઃ પઠત્યેતચ્છૃણોતિ ચ ।

શિવલિઙ્ગસહસ્રસ્ય સ પ્રતિષ્ઠાફલં લભેત્

॥ 207 ॥

શ્લોક 210

ઇદં કિરીટી સઞ્જપ્ય જયી પાશુપતાસ્ત્રભાક્ ।

કૃષ્ણસ્ય પ્રાણભૂતસ્સન્ કૃષ્ણં સારથિમાપ્તવાન્

॥ 208 ॥

શ્લોક 211

દ્રૌપદ્યા દમયન્ત્યા ચ સાવિત્ર્યા ચ સુશીલયા ।

દુરિતાનિ જિતાન્યેતજ્જપાદાપ્તં ચ વાઞ્છિતમ્

॥ 209 ॥

શ્લોક 212

કિમિદં બહુના શંસન્માનવો મોદનિર્ભરઃ ।

બ્રહ્માનન્દમવાપ્યાન્તે કૃષ્ણસાયૂજ્યમાપ્નુયાત્

॥ 210 ॥

શ્લોક 213