ಶ್ರೀಕೃಷ್ಣಾಷ್ಟೋತ್ತರಶತ ನಾಮಸ್ತೋತ್ರಂ

ಶ್ರೀಕೃಷ್ಣಾಷ್ಟೋತ್ತರಶತ ನಾಮಸ್ತೋತ್ರಂ

ಶ್ಲೋಕ 1

ಶ್ರೀಗೋಪಾಲಕೃಷ್ಣಾಯ ನಮಃ ॥

ಶ್ರೀಶೇಷ ಉವಾಚ ॥

ಓಂ ಅಸ್ಯ ಶ್ರೀಕೃಷ್ಣಾಷ್ಟೋತ್ತರಶತನಾಮಸ್ತೋತ್ರಸ್ಯ।

ಶ್ರೀಶೇಷ ಋಷಿಃ ॥ ಅನುಷ್ಟುಪ್ ಛನ್ದಃ ॥ ಶ್ರೀಕೃಷ್ಣೋದೇವತಾ ॥

ಶ್ರೀಕೃಷ್ಣಾಷ್ಟೋತ್ತರಶತನಾಮಜಪೇ ವಿನಿಯೋಗಃ ॥

ಓಂ ಶ್ರೀಕೃಷ್ಣಃ ಕಮಲಾನಾಥೋ ವಾಸುದೇವಃ ಸನಾತನಃ ।

ವಸುದೇವಾತ್ಮಜಃ ಪುಣ್ಯೋ ಲೀಲಾಮಾನುಷವಿಗ್ರಹಃ

ಶ್ಲೋಕ 2

ಶ್ರೀವತ್ಸಕೌಸ್ತುಭಧರೋ ಯಶೋದಾವತ್ಸಲೋ ಹರಿಃ ।

ಚತುರ್ಭುಜಾತ್ತಚಕ್ರಾಸಿಗದಾ ಶಙ್ಖಾದ್ಯುದಾಯುಧಃ

॥ 1 ॥

ಶ್ಲೋಕ 3

ದೇವಕೀನನ್ದನಃ ಶ್ರೀಶೋ ನನ್ದಗೋಪಪ್ರಿಯಾತ್ಮಜಃ ।

ಯಮುನಾವೇಗಸಂಹಾರೀ ಬಲಭದ್ರಪ್ರಿಯಾನುಜಃ

॥ 2 ॥

ಶ್ಲೋಕ 4

ಪೂತನಾಜೀವಿತಹರಃ ಶಕಟಾಸುರಭಞ್ಜನಃ ।

ನನ್ದವ್ರಜಜನಾನನ್ದೀ ಸಚ್ಚಿದಾನನ್ದವಿಗ್ರಹಃ

॥ 3 ॥

ಶ್ಲೋಕ 5

ನವನೀತವಿಲಿಪ್ತಾಙ್ಗೋ ನವನೀತನಟೋಽನಘಃ ।

ನವನೀತನವಾಹಾರೋ ಮುಚುಕುನ್ದಪ್ರಸಾದಕಃ

॥ 4 ॥

ಶ್ಲೋಕ 6

ಷೋಡಶಸ್ತ್ರೀ ಸಹಸ್ರೇಶ ಸ್ರಿಭಙ್ಗಿ ಮಧುರಾಕೃತಿಃ ।

ಶುಕವಾಗಮೃತಾಬ್ಧೀನ್ದುರ್ಗೋವಿನ್ದೋ ಗೋವಿದಾಮ್ಪತಿಃ

॥ 5 ॥

ಶ್ಲೋಕ 7

ವತ್ಸವಾಟಚರೋಽನನ್ತೋ ಧೇನುಕಾಸುರಭಞ್ಜನಃ ।

ತೃಣೀಕೃತತೃಣಾವರ್ತೋ ಯಮಲಾರ್ಜುನಭಞ್ಜನಃ

॥ 6 ॥

ಶ್ಲೋಕ 8

ಉತ್ತಾನತಾಲಭೇತ್ತಾ ಚ ತಮಾಲಶ್ಯಾಮಲಾಕೃತಿಃ ।

ಗೋಪಗೋಪೀಶ್ವರೋ ಯೋಗೀ ಸೂರ್ಯಕೋಟಿಸಮಪ್ರಭಃ

॥ 7 ॥

ಶ್ಲೋಕ 9

ಇಲಾಪತಿಃ ಪರಞ್ಜ್ಯೋತಿರ್ಯಾದವೇನ್ದ್ರೋ ಯದೂದ್ವಹಃ ।

ವನಮಾಲೀ ಪೀತವಾಸಾಃ ಪಾರಿಜಾತಾಪಹಾರಕಃ

॥ 8 ॥

ಶ್ಲೋಕ 10

ಗೋವರ್ಧನಾಚಲೋದ್ಧರ್ತಾ ಗೋಪಾಲಃ ಸರ್ವಪಾಲಕಃ ।

ಅಜೋ ನಿರಞ್ಜನಃ ಕಾಮಜನಕಃ ಕಞ್ಜಲೋಚನಃ

॥ 9 ॥

ಶ್ಲೋಕ 11

ಮಧುಹಾ ಮಥುರಾನಾಥೋ ದ್ವಾರಕಾನಾಯಕೋ ಬಲೀ ।

ವೃನ್ದಾವನಾನ್ತಸಞ್ಚಾರೀ ತುಲಸೀದಾಮಭೂಷಣಃ

॥ 10 ॥

ಶ್ಲೋಕ 12

ಶ್ಯಮನ್ತಕಮಣೇರ್ಹರ್ತಾ ನರನಾರಾಯಣಾತ್ಮಕಃ ।

ಕುಬ್ಜಾಕೃಷ್ಣಾಮ್ಬರಧರೋ ಮಾಯೀ ಪರಮಪೂರುಷಃ

॥ 11 ॥

ಶ್ಲೋಕ 13

ಮುಷ್ಟಿಕಾಸುರಚಾಣೂರಮಹಾಯುದ್ಧವಿಶಾರದಃ ।

ಸಂಸಾರವೈರೀ ಕಂಸಾರಿರ್ಮುರಾರಿರ್ನರಕಾನ್ತಕಃ

॥ 12 ॥

ಶ್ಲೋಕ 14

ಅನಾದಿಬ್ರಹ್ಮಚಾರೀ ಚ ಕೃಷ್ಣಾವ್ಯಸನಕರ್ಷಕಃ ।

ಶಿಶುಪಾಲಶಿರಶ್ಛೇತ್ತಾ ದುರ್ಯೋಧನಕುಲಾನ್ತಕಃ

॥ 13 ॥

ಶ್ಲೋಕ 15

ವಿದುರಾಕ್ರೂರವರದೋ ವಿಶ್ವರೂಪಪ್ರದರ್ಶಕಃ ।

ಸತ್ಯವಾಕ್ ಸತ್ಯಸಙ್ಕಲ್ಪಃ ಸತ್ಯಭಾಮಾರತೋ ಜಯೀ

॥ 14 ॥

ಶ್ಲೋಕ 16

ಸುಭದ್ರಾಪೂರ್ವಜೋ ವಿಷ್ಣುರ್ಭೀಷ್ಮಮುಕ್ತಿಪ್ರದಾಯಕಃ ।

ಜಗದ್ಗುರುರ್ಜಗನ್ನಾಥೋ ವೇಣುನಾದವಿಶಾರದಃ

॥ 15 ॥

ಶ್ಲೋಕ 17

ವೃಷಭಾಸುರವಿಧ್ವಂಸೀ ಬಾಣಾಸುರಬಲಾನ್ತಕಃ ।

ಯುಧಿಷ್ಠಿರಪ್ರತಿಷ್ಠಾತಾ ಬರ್ಹಿಬರ್ಹಾವತಂಸಕಃ

॥ 16 ॥

ಶ್ಲೋಕ 18

ಪಾರ್ಥಸಾರಥಿರವ್ಯಕ್ತೋ ಗೀತಾಮೃತಮಹೋದಧಿಃ ।

ಕಾಲೀಯಫಣಿಮಾಣಿಕ್ಯರಞ್ಜಿತಶ್ರೀಪದಾಮ್ಬುಜಃ

॥ 17 ॥

ಶ್ಲೋಕ 19

ದಾಮೋದರೋ ಯಜ್ಞಭೋಕ್ತಾ ದಾನವೇನ್ದ್ರವಿನಾಶಕಃ ।

ನಾರಾಯಣಃ ಪರಮ್ಬ್ರಹ್ಮ ಪನ್ನಗಾಶನವಾಹನಃ

॥ 18 ॥

ಶ್ಲೋಕ 20

ಜಲಕ್ರೀಡಾಸಮಾಸಕ್ತ ಗೋಪೀವಸ್ತ್ರಾಪಹಾರಕಃ ।

ಪುಣ್ಯಶ್ಲೋಕಸ್ತೀರ್ಥಪಾದೋ ವೇದವೇದ್ಯೋ ದಯಾನಿಧಿಃ

॥ 19 ॥

ಶ್ಲೋಕ 21

ಸರ್ವತೀರ್ಥಾತ್ಮಕಃ ಸರ್ವಗ್ರಹರುಪೀ ಪರಾತ್ಪರಃ ।

ಏವಂ ಶ್ರೀಕೃಷ್ಣದೇವಸ್ಯ ನಾಮ್ನಾಮಷ್ಟೋತ್ತರಂ ಶತಮ್

॥ 20 ॥

ಶ್ಲೋಕ 22

ಕೃಷ್ಣನಾಮಾಮೃತಂ ನಾಮ ಪರಮಾನನ್ದಕಾರಕಮ್ ।

ಅತ್ಯುಪದ್ರವದೋಷಘ್ನಂ ಪರಮಾಯುಷ್ಯವರ್ಧನಮ್

॥ 21 ॥

ಶ್ಲೋಕ 23

॥ ಇತಿ ಶ್ರೀನಾರದಪಞ್ಚರಾತ್ರೇ ಜ್ಞಾನಾಮೃತಸಾರೇ ಚತುರ್ಥರಾತ್ರೇ ಉಮಾಮಹೇಶ್ವರಸಂವಾದೇ

ಧರಣೀಶೇಷಸಂವಾದೇ ಶ್ರೀಕೃಷ್ಣಾಷ್ಟೋತ್ತರಶತನಾಮಸ್ತೋತ್ರಂ ಸಮ್ಪೂರ್ಣಮ್ ॥