Sri Ganesha (Ganapati) Suktam

śrī gaṇeśa (gaṇapati) sūktam (ṛgveda)

Śloka 1

ā tū na̭ indra kṣu॒manta᳚-ñci॒tra-ṅgrā॒bhaṃ sa-ṅgṛ̭bhāya |

ma॒hā॒ha॒stī dakṣi̭ṇena || 1 ||

vi॒dmā hi tvā᳚ tuvikū॒rmintu॒vide᳚ṣṇa-ntu॒vīma̭gham |

tu॒vi॒mā॒tramavo᳚bhiḥ || 2 ||

na॒ hi tvā᳚ śūra de॒vā na martā᳚so॒ ditsa᳚ntam |

bhī॒ma-nna gāṃ-vā~॒raya᳚nte || 3 ||

eto॒nvindraṃ॒ stavā॒meśā᳚naṃ॒-va~svaḥ̭ sva॒rājam᳚ |

na rādha̭sā mardhiṣannaḥ || 4 ||

pra sto᳚ṣa॒dupa̭ gāsiṣa॒cchrava॒tsāma̭ gī॒yamā᳚nam |

a॒bhirādha̭sājugurat || 5 ||

ā no᳚ bhara॒ dakṣi̭ṇenā॒bhi sa॒vyena॒ pra mṛ̭śa |

indra॒ māno॒ vaso॒rnirbhā᳚k || 6 ||

upa̭krama॒svā bha̭ra dhṛṣa॒tā dhṛ̭ṣṇo॒ janā᳚nām |

adā᳚śūṣṭarasya॒ vedaḥ̭ || 7 ||

indra॒ ya u॒ nu te॒ asti॒ vājo॒ vipre᳚bhi॒-ssani̭tvaḥ |

a॒smābhi॒-ssutaṃ sa̭nuhi || 8 ||

sa॒dyo॒juva̭ste॒ vājā᳚ a॒smabhyaṃ᳚-vi~॒śvaśca᳚ndrāḥ |

vaśai᳚śca ma॒kṣū ja̭rante || 9 ||

ga॒ṇānā᳚-ntvā ga॒ṇapa̭tiṃ havāmahe

ka॒vi-ṅka̭vī॒nāmṷpa॒maśra̭vastamam |

jye॒ṣṭha॒rāja॒-mbrahma̭ṇā-mbrahmaṇaspata॒

ā naḥ̭ śṛ॒ṇvannū॒tibhi̭ssīda॒ sāda̭nam || 10 ||

ni ṣu sī᳚da gaṇapate ga॒ṇeṣu॒ tvāmā᳚hu॒rvipra̭tama-ṅkavī॒nām |

na ṛ॒te tvatkri̭yate॒ ki-ñca॒nāre ma॒hāma॒rka-mma̭ghavañci॒trama̭rca || 11 ||

a॒bhi॒khyāno᳚ maghava॒nnādha̭mānā॒ntsakhe᳚ bo॒dhi va̭supate॒ sakhī᳚nām |

raṇaṃ᳚ kṛdhi raṇakṛtsatyaśu॒ṣmābha̭kte ci॒dā bha̭jā rā॒ye a॒smān || 12 ||