Sri Ganesha (Ganapati) Suktam

zrI gaNeza (gaNapati) sUktam (Rgveda)

zloka 1

A tU na॑ indra kSu॒manta᳚-Jci॒tra-GgrA॒bhaM sa-GgR॑bhAya |

ma॒hA॒ha॒stI dakSi॑Nena || 1 ||

vi॒dmA hi tvA᳚ tuvikU॒rmintu॒vide᳚SNa-ntu॒vIma॑gham |

tu॒vi॒mA॒tramavo᳚bhiH || 2 ||

na॒ hi tvA᳚ zUra de॒vA na martA᳚so॒ ditsa᳚ntam |

bhI॒ma-nna gAM-vA~॒raya᳚nte || 3 ||

eto॒nvindraM॒ stavA॒mezA᳚naM॒-va~svaH॑ sva॒rAjam᳚ |

na rAdha॑sA mardhiSannaH || 4 ||

pra sto᳚Sa॒dupa॑ gAsiSa॒cchrava॒tsAma॑ gI॒yamA᳚nam |

a॒bhirAdha॑sAjugurat || 5 ||

A no᳚ bhara॒ dakSi॑NenA॒bhi sa॒vyena॒ pra mR॑za |

indra॒ mAno॒ vaso॒rnirbhA᳚k || 6 ||

upa॑krama॒svA bha॑ra dhRSa॒tA dhR॑SNo॒ janA᳚nAm |

adA᳚zUSTarasya॒ vedaH॑ || 7 ||

indra॒ ya u॒ nu te॒ asti॒ vAjo॒ vipre᳚bhi॒-ssani॑tvaH |

a॒smAbhi॒-ssutaM sa॑nuhi || 8 ||

sa॒dyo॒juva॑ste॒ vAjA᳚ a॒smabhyaM᳚-vi~॒zvazca᳚ndrAH |

vazai᳚zca ma॒kSU ja॑rante || 9 ||

ga॒NAnA᳚-ntvA ga॒Napa॑tiM havAmahe

ka॒vi-Gka॑vI॒nAmu॑pa॒mazra॑vastamam |

jye॒STha॒rAja॒-mbrahma॑NA-mbrahmaNaspata॒

A naH॑ zR॒NvannU॒tibhi॑ssIda॒ sAda॑nam || 10 ||

ni Su sI᳚da gaNapate ga॒NeSu॒ tvAmA᳚hu॒rvipra॑tama-GkavI॒nAm |

na R॒te tvatkri॑yate॒ ki-Jca॒nAre ma॒hAma॒rka-mma॑ghavaJci॒trama॑rca || 11 ||

a॒bhi॒khyAno᳚ maghava॒nnAdha॑mAnA॒ntsakhe᳚ bo॒dhi va॑supate॒ sakhI᳚nAm |

raNaM᳚ kRdhi raNakRtsatyazu॒SmAbha॑kte ci॒dA bha॑jA rA॒ye a॒smAn || 12 ||