Sri Bhadrakali Ashtottara Satanama Stotram

shrI bhadrakAlI aShTottara shata nAmA stotraM

shloka 1

shrInandikeshvara uvAcha

bhadrakAlImahaM vande vIrabhadrasatIM shivAm |

sutAmrArchitapAdAbjaM sukhasaubhAgyadAyinIm || 1 ||

atha stotram

bhadrakAlI kAmarUpA mahAvidyA yashasvinI |

mahAshrayA mahAbhAgA dakShayAgavibhedinI || 2 ||

rudrakopasamudbhUtA bhadrA mudrA shiva~NkarI |

chandrikA chandravadanA roShatAmrAkShashobhinI || 3 ||

indrAdidamanI shAntA chandralekhAvibhUShitA |

bhaktArtihAriNI muktA chaNDikAnandadAyinI || 4 ||

saudAminI sudhAmUrtiH divyAla~NkArabhUShitA |

suvAsinI sunAsA cha trikAlaj~nA dhurandharA || 5 ||

sarvaj~nA sarvalokeshI devayonirayonijA |

nirguNA niraha~NkArA lokakalyANakAriNI || 6 ||

sarvalokapriyA gaurI sarvagarvavimardinI |

tejovatI mahAmAtA koTisUryasamaprabhA || 7 ||

vIrabhadrakRRitAnandabhoginI vIrasevitA |

nAradAdimunistutyA nityA satyA tapasvinI || 8 ||

j~nAnarUpA kalAtItA bhaktAbhIShTaphalapradA |

kailAsanilayA shubhrA kShamA shrIH sarvama~NgalA || 9 ||

siddhavidyA mahAshaktiH kAminI padmalochanA |

devapriyA daityahantrI dakShagarvApahAriNI || 10 ||

shivashAsanakartrI cha shaivAnandavidhAyinI |

bhavapAshanihantrI cha savanA~NgasukAriNI || 11 ||

lambodarI mahAkAlI bhIShaNAsyA sureshvarI |

mahAnidrA yoganidrA praj~nA vArtA kriyAvatI || 12 ||

putrapautrapradA sAdhvI senAyuddhasukA~NkShiNI |

ichChA shambhoH kRRipAsindhuH chaNDI chaNDaparAkramA || 13 ||

shobhA bhagavatI mAyA durgA nIlA manogatiH |

khecharI khaDginI chakrahastA shUlavidhAriNI || 14 ||

subANA shaktihastA cha pAdasa~nchAriNI parA |

tapaHsiddhipradA devI vIrabhadrasahAyinI || 15 ||

dhanadhAnyakarI vishvA manomAlinyahAriNI |

sunakShatrodbhavakarI vaMshavRRiddhipradAyinI || 16 ||

brahmAdisurasaMsevyA shA~NkarI priyabhAShiNI |

bhUtapretapishAchAdihAriNI sumanasvinI || 17 ||

puNyakShetrakRRitAvAsA pratyakShaparameshvarI |

evaM nAmnAM bhadrakAlyAH shatamaShTottaraM viduH || 18 ||

puNyaM yasho dIrghamAyuH putrapautraM dhanaM bahu |

dadAti devI tasyAshu yaH paThet stotramuttamam || 19 ||

bhaumavAre bhRRigau chaiva paurNamAsyAM visheShataH |

prAtaH snAtvA nityakarma vidhAya cha subhaktimAn || 20 ||

vIrabhadrAlaye bhadrAM sampUjya surasevitAm |

paThet stotramidaM divyaM nAnA bhogapradaM shubham || 21 ||

abhIShTasiddhiM prApnoti shIghraM vidvAn parantapa |

athavA svagRRihe vIrabhadrapatnIM samarchayet || 22 ||

stotreNAnena vidhivat sarvAn kAmAnavApnuyAt |

rogA nashyanti tasyAshu yogasiddhiM cha vindati || 23 ||

sanatkumArabhaktAnAmidaM stotraM prabodhaya |

rahasyaM sArabhUtaM cha sarvaj~naH sambhaviShyasi || 24 ||

iti shrIbhadrakAlyaShTottarashatanAma stotram |