Shivashtakam

ශිවාෂ්ටකම්

ශ්ලොක 1

ප්රභුං ප්රාණනාථං විභුං විශ්වනාථං ජගන්නාථ නාථං සදානන්ද භාජාම් .

භවද්භව්ය භූතේශ්වරං භූතනාථං, ශිවං ශඞ්කරං ශම්භු මීශානමීඩේ .. 1 ..

ගලේ රුණ්ඩමාලං තනෞ සර්පජාලං මහාකාල කාලං ගණේශාදි පාලම් .

ජටාජූට ගඞ්ගෝත්තරඞ්ගෛර්විශාලං, ශිවං ශඞ්කරං ශම්භු මීශානමීඩේ .. 2..

මුදාමාකරං මණ්ඩනං මණ්ඩයන්තං මහා මණ්ඩලං භස්ම භූෂාධරං තම් .

අනාදිං හ්යපාරං මහා මෝහමාරං, ශිවං ශඞ්කරං ශම්භු මීශානමීඩේ .. 3 ..

වටාධෝ නිවාසං මහාට්ටාට්ටහාසං මහාපාප නාශං සදා සුප්රකාශම් .

ගිරීශං ගණේශං සුරේශං මහේශං, ශිවං ශඞ්කරං ශම්භු මීශානමීඩේ .. 4 ..

ගිරීන්ද්රාත්මජා සඞ්ගෘහීතාර්ධදේහං ගිරෞ සංස්ථිතං සර්වදාපන්න ගේහම් .

පරබ්රහ්ම බ්රහ්මාදිභිර්-වන්ද්යමානං, ශිවං ශඞ්කරං ශම්භු මීශානමීඩේ .. 5 ..

කපාලං ත්රිශූලං කරාභ්යාං දධානං පදාම්භෝජ නම්රාය කාමං දදානම් .

බලීවර්ධයානං සුරාණාං ප්රධානං, ශිවං ශඞ්කරං ශම්භු මීශානමීඩේ .. 6 ..

ශරච්චන්ද්ර ගාත්රං ගණානන්දපාත්රං ත්රිනේත්රං පවිත්රං ධනේශස්ය මිත්රම් .

අපර්ණා කලත්රං සදා සච්චරිත්රං, ශිවං ශඞ්කරං ශම්භු මීශානමීඩේ .. 7 ..

හරං සර්පහාරං චිතා භූවිහාරං භවං වේදසාරං සදා නිර්විකාරං.

ශ්මශානේ වසන්තං මනෝජං දහන්තං, ශිවං ශඞ්කරං ශම්භු මීශානමීඩේ .. 8 ..

ස්වයං යඃ ප්රභාතේ නරශ්ශූල පාණේ පඨේත් ස්තෝත්රරත්නං ත්විහප්රාප්යරත්නම් .

සුපුත්රං සුධාන්යං සුමිත්රං කලත්රං විචිත්රෛස්සමාරාධ්ය මෝක්ෂං ප්රයාති ..