Shivashtakam

shivAShTakam

shloka 1

prabhuM prANanAthaM vibhuM vishvanAthaM jagannAtha nAthaM sadAnanda bhAjAm |

bhavadbhavya bhUteshvaraM bhUtanAthaM, shivaM sha~NkaraM shambhu mIshAnamIDe || 1 ||

gale ruNDamAlaM tanau sarpajAlaM mahAkAla kAlaM gaNeshAdi pAlam |

jaTAjUTa gaNgottaraNgairvishAlaM, shivaM sha~NkaraM shambhu mIshAnamIDe || 2||

mudAmAkaraM maNDanaM maNDayantaM mahA maNDalaM bhasma bhUShAdharaM tam |

anAdiM hyapAraM mahA mohamAraM, shivaM sha~NkaraM shambhu mIshAnamIDe || 3 ||

vaTAdho nivAsaM mahATTATTahAsaM mahApApa nAshaM sadA suprakAsham |

girIshaM gaNeshaM sureshaM maheshaM, shivaM sha~NkaraM shambhu mIshAnamIDe || 4 ||

girIndrAtmajA sa~NgRRihItArdhadehaM girau saMsthitaM sarvadApanna geham |

parabrahma brahmAdibhir-vandyamAnaM, shivaM sha~NkaraM shambhu mIshAnamIDe || 5 ||

kapAlaM trishUlaM karAbhyAM dadhAnaM padAmbhoja namrAya kAmaM dadAnam |

balIvardhayAnaM surANAM pradhAnaM, shivaM sha~NkaraM shambhu mIshAnamIDe || 6 ||

sharachchandra gAtraM gaNAnandapAtraM trinetraM pavitraM dhaneshasya mitram |

aparNA kalatraM sadA sachcharitraM, shivaM sha~NkaraM shambhu mIshAnamIDe || 7 ||

haraM sarpahAraM chitA bhUvihAraM bhavaM vedasAraM sadA nirvikAraM|

shmashAne vasantaM manojaM dahantaM, shivaM sha~NkaraM shambhu mIshAnamIDe || 8 ||

svayaM yaH prabhAte narashshUla pANe paThet stotraratnaM tvihaprApyaratnam |

suputraM sudhAnyaM sumitraM kalatraM vichitraissamArAdhya mokShaM prayAti ||