Shivashtakam

zivASTakam

zloka 1

prabhuM prANanAthaM vibhuM vizvanAthaM jagannAtha nAthaM sadAnanda bhAjAm |

bhavadbhavya bhUtezvaraM bhUtanAthaM, zivaM zaGkaraM zambhu mIzAnamIDe || 1 ||

gale ruNDamAlaM tanau sarpajAlaM mahAkAla kAlaM gaNezAdi pAlam |

jaTAjUTa gaGgottaraGgairvizAlaM, zivaM zaGkaraM zambhu mIzAnamIDe || 2||

mudAmAkaraM maNDanaM maNDayantaM mahA maNDalaM bhasma bhUSAdharaM tam |

anAdiM hyapAraM mahA mohamAraM, zivaM zaGkaraM zambhu mIzAnamIDe || 3 ||

vaTAdho nivAsaM mahATTATTahAsaM mahApApa nAzaM sadA suprakAzam |

girIzaM gaNezaM surezaM mahezaM, zivaM zaGkaraM zambhu mIzAnamIDe || 4 ||

girIndrAtmajA saGgRhItArdhadehaM girau saMsthitaM sarvadApanna geham |

parabrahma brahmAdibhir-vandyamAnaM, zivaM zaGkaraM zambhu mIzAnamIDe || 5 ||

kapAlaM trizUlaM karAbhyAM dadhAnaM padAmbhoja namrAya kAmaM dadAnam |

balIvardhayAnaM surANAM pradhAnaM, zivaM zaGkaraM zambhu mIzAnamIDe || 6 ||

zaraccandra gAtraM gaNAnandapAtraM trinetraM pavitraM dhanezasya mitram |

aparNA kalatraM sadA saccaritraM, zivaM zaGkaraM zambhu mIzAnamIDe || 7 ||

haraM sarpahAraM citA bhUvihAraM bhavaM vedasAraM sadA nirvikAraM|

zmazAne vasantaM manojaM dahantaM, zivaM zaGkaraM zambhu mIzAnamIDe || 8 ||

svayaM yaH prabhAte narazzUla pANe paThet stotraratnaM tvihaprApyaratnam |

suputraM sudhAnyaM sumitraM kalatraM vicitraissamArAdhya mokSaM prayAti ||