Shivananda Lahari

ଶିଵାନନ୍ଦ ଲହରି

ଶ୍ଲୋକ 1

କଲାଭ୍ଯାଂ ଚୂଡାଲଙ୍କୃତ-ଶଶିକଲାଭ୍ଯାଂ ନିଜତପଃ-

-ଫଲାଭ୍ଯାଂ ଭକ୍ତେଷୁ ପ୍ରକଟିତ-ଫଲାଭ୍ଯାଂ ଭଵତୁ ମେ ।

ଶିଵାଭ୍ଯା-ମସ୍ତୋକ-ତ୍ରିଭୁଵନ-ଶିଵାଭ୍ଯାଂ ହୃଦି ପୁନ-

-ର୍ଭଵାଭ୍ଯା-ମାନନ୍ଦ-ସ୍ଫୁରଦନୁଭଵାଭ୍ଯାଂ ନତିରିଯମ୍

ଶ୍ଲୋକ 2

ଗଲନ୍ତୀ ଶମ୍ଭୋ ତ୍ଵଚ୍ଚରିତ-ସରିତଃ କିଲ୍ବିଷରଜୋ

ଦଲନ୍ତୀ ଧୀକୁଲ୍ଯା-ସରଣିଷୁ ପତନ୍ତୀ ଵିଜଯତାମ୍ ।

ଦିଶନ୍ତୀ ସଂସାର-ଭ୍ରମଣ-ପରିତାପୋପଶମନଂ

ଵସନ୍ତୀ ମଚ୍ଚେତୋହ୍ରଦଭୁଵି ଶିଵାନନ୍ଦଲହରୀ

॥ 1 ॥

ଶ୍ଲୋକ 3

ତ୍ରଯୀଵେଦ୍ଯଂ ହୃଦ୍ଯଂ ତ୍ରିପୁର-ହରମାଦ୍ଯଂ ତ୍ରିନଯନଂ

ଜଟାଭାରୋଦାରଂ ଚଲଦୁରଗହାରଂ ମୃଗଧରମ୍ ।

ମହାଦେଵଂ ଦେଵଂ ମଯି ସଦଯଭାଵଂ ପଶୁପତିଂ

ଚିଦାଲମ୍ବଂ ସାମ୍ବଂ ଶିଵମତି-ଵିଡମ୍ବଂ ହୃଦି ଭଜେ

॥ 2 ॥

ଶ୍ଲୋକ 4

ସହସ୍ରଂ ଵର୍ତନ୍ତେ ଜଗତି ଵିବୁଧାଃ କ୍ଷୁଦ୍ରଫଲଦା

ନ ମନ୍ଯେ ସ୍ଵପ୍ନେ ଵା ତଦନୁସରଣଂ ତତ୍କୃତଫଲମ୍ ।

ହରି-ବ୍ରହ୍ମାଦୀନା-ମପି ନିକଟ-ଭାଜାମସୁଲଭଂ

ଚିରଂ ଯାଚେ ଶମ୍ଭୋ ଶିଵ ତଵ ପଦାମ୍ଭୋଜ-ଭଜନମ୍

॥ 3 ॥

ଶ୍ଲୋକ 5

ସ୍ମୃତୌ ଶାସ୍ତ୍ରେ ଵୈଦ୍ଯେ ଶକୁନ-କଵିତା-ଗାନଫଣିତୌ

ପୁରାଣେ ମନ୍ତ୍ରେ ଵା ସ୍ତୁତି-ନଟନ-ହାସ୍ଯେଷ୍ଵଚତୁରଃ ।

କଥଂ ରାଜ୍ଞାଂ ପ୍ରୀତିର୍ଭଵତି ମଯି କୋଽହଂ ପଶୁପତେ

ପଶୁଂ ମାଂ ସର୍ଵଜ୍ଞ ପ୍ରଥିତ କୃପଯା ପାଲଯ ଵିଭୋ

॥ 4 ॥

ଶ୍ଲୋକ 6

ଘଟୋ ଵା ମୃତ୍ପିଣ୍ଡୋ-ଽପ୍ଯଣୁରପି ଚ ଧୂମୋଽଗ୍ନିରଚଲଃ

ପଟୋ ଵା ତନ୍ତୁର୍ଵା ପରିହରତି କିଂ ଘୋରଶମନମ୍ ।

ଵୃଥା କଣ୍ଠକ୍ଷୋଭଂ ଵହସି ତରସା ତର୍କଵଚସା

ପଦାମ୍ଭୋଜଂ ଶମ୍ଭୋର୍ଭଜ ପରମସୌଖ୍ଯଂ ଵ୍ରଜ ସୁଧୀଃ

॥ 5 ॥

ଶ୍ଲୋକ 7

ମନସ୍ତେ ପାଦାବ୍ଜେ ନିଵସତୁ ଵଚଃ ସ୍ତୋତ୍ରଫଣିତୌ

କରୌ ଚାଭ୍ଯର୍ଚାଯାଂ ଶ୍ରୁତିରପି କଥା କର୍ଣନଵିଧୌ ।

ତଵ ଧ୍ଯାନେ ବୁଦ୍ଧିର୍ନଯନଯୁଗଲଂ ମୂର୍ତିଵିଭଵେ [ବୁଦ୍ଧିଃ ନଯନଯୁଗଲଂ]

ପର-ଗ୍ରନ୍ଥାନ୍କୈର୍ଵା ପରମଶିଵ ଜାନେ ପରମତଃ

॥ 6 ॥

ଶ୍ଲୋକ 8

ଯଥା ବୁଦ୍ଧିଃ ଶୁକ୍ତୌ ରଜତମିତି କାଚାଶ୍ମନି ମଣି- [ମଣିଃ ଜଲେ]

-ର୍ଜଲେ ପୈଷ୍ଟେ କ୍ଷୀରଂ ଭଵତି ମୃଗତୃଷ୍ଣା-ସୁ ସଲିଲମ୍ ।

ତଥା ଦେଵଭ୍ରାନ୍ତ୍ଯା ଭଜତି ଭଵଦନ୍ଯଂ ଜଡଜନୋ

ମହାଦେଵେଶଂ ତ୍ଵାଂ ମନସି ଚ ନ ମତ୍ଵା ପଶୁପତେ

॥ 7 ॥

ଶ୍ଲୋକ 9

ଗଭୀରେ କାସାରେ ଵିଶତି ଵିଜନେ ଘୋରଵିପିନେ

ଵିଶାଲେ ଶୈଲେ ଚ ଭ୍ରମତି କୁସୁମାର୍ଥଂ ଜଡମତିଃ ।

ସମର୍ପ୍ଯୈକଂ ଚେତଃ ସରସିଜମୁ-ମାନାଥ ଭଵତେ

ସୁଖେ-ନାଵସ୍ଥାତୁଂ ଜନ ଇହ ନ ଜାନାତି କିମହୋ

॥ 8 ॥

ଶ୍ଲୋକ 10

ନରତ୍ଵଂ ଦେଵତ୍ଵଂ ନଗଵନ-ମୃଗତ୍ଵଂ ମଶକତା

ପଶୁତ୍ଵଂ କୀଟତ୍ଵଂ ଭଵତୁ ଵିହଗତ୍ଵାଦି ଜନନମ୍ ।

ସଦା ତ୍ଵତ୍ପାଦାବ୍ଜ-ସ୍ମରଣ-ପରମାନନ୍ଦଲହରୀ-

-ଵିହାରାସକ୍ତଂ ଚେଦ୍ଧୃଦଯମିହ କିଂ ତେନ ଵପୁଷା

॥ 9 ॥

ଶ୍ଲୋକ 11

ଵଟୁର୍ଵା ଗେହୀ ଵା ଯତିରପି ଜଟୀ ଵା ତଦିତରୋ

ନରୋ ଵା ଯଃ କଶ୍ଚିଦ୍ଭଵତୁ ଭଵ କିଂ ତେନ ଭଵତି ।

ଯଦୀଯଂ ହୃତ୍ପଦ୍ମଂ ଯଦି ଭଵଦଧୀନଂ ପଶୁପତେ

ତଦୀଯସ୍ତ୍ଵଂ ଶମ୍ଭୋ ଭଵସି ଭଵଭାରଂ ଚ ଵହସି

॥ 10 ॥

ଶ୍ଲୋକ 12

ଗୁହାଯାଂ ଗେହେ ଵା ବହିରପି ଵନେ ଵାଽଦ୍ରିଶିଖରେ

ଜଲେ ଵା ଵହ୍ନୌ ଵା ଵସତୁ ଵସତେଃ କିଂ ଵଦ ଫଲମ୍ ।

ସଦା ଯସ୍ଯୈଵାନ୍ତଃ-କରଣମପି ଶମ୍ଭୋ ତଵ ପଦେ

ସ୍ଥିତଂ ଚେଦ୍ଯୋଗୋଽସୌ ସ ଚ ପରମଯୋଗୀ ସ ଚ ସୁଖୀ

॥ 11 ॥

ଶ୍ଲୋକ 13

ଅସାରେ ସଂସାରେ ନିଜ-ଭଜନଦୂରେ ଜଡଧିଯା

ଭ୍ରମନ୍ତଂ ମାମନ୍ଧଂ ପରମକୃପଯା ପାତୁମୁଚିତମ୍ ।

ମଦନ୍ଯଃ କୋ ଦୀନସ୍ତଵ କୃପଣ-ରକ୍ଷାତିନିପୁଣ- [ରକ୍ଷାତିନିପୁଣଃ ତ୍ଵଦନ୍ଯଃ]

-ସ୍ତ୍ଵଦନ୍ଯଃ କୋ ଵା ମେ ତ୍ରିଜଗତି ଶରଣ୍ଯଃ ପଶୁପତେ

॥ 12 ॥

ଶ୍ଲୋକ 14

ପ୍ରଭୁସ୍ତ୍ଵଂ ଦୀନାନାଂ ଖଲୁ ପରମବନ୍ଧୁଃ ପଶୁପତେ

ପ୍ରମୁଖ୍ଯୋଽହଂ ତେଷାମପି କିମୁତ ବନ୍ଧୁତ୍ଵମନଯୋଃ ।

ତ୍ଵଯୈଵ କ୍ଷନ୍ତଵ୍ଯାଃ ଶିଵ ମଦପରାଧାଶ୍ଚ ସକଲାଃ

ପ୍ରଯତ୍ନା-ତ୍କର୍ତଵ୍ଯଂ ମଦଵନମିଯଂ ବନ୍ଧୁସରଣିଃ

॥ 13 ॥

ଶ୍ଲୋକ 15

ଉପେକ୍ଷା ନୋ ଚେତ୍କିଂ ନ ହରସି ଭଵଦ୍ଧ୍ଯାନ-ଵିମୁଖାଂ

ଦୁରାଶା-ଭୂଯିଷ୍ଠାଂ ଵିଧିଲିପି-ମଶକ୍ତୋ ଯଦି ଭଵାନ୍ ।

ଶିରସ୍ତଦ୍ଵୈଧାତ୍ରଂ ନନଖଲୁ ସୁଵୃତ୍ତଂ ପଶୁପତେ

କଥଂ ଵା ନିର୍ଯତ୍ନଂ କରନଖ-ମୁଖେନୈଵ ଲୁଲିତମ୍

॥ 14 ॥

ଶ୍ଲୋକ 16

ଵିରିଞ୍ଚି-ର୍ଦୀର୍ଘାଯୁ-ର୍ଭଵତୁ ଭଵତା ତତ୍ପରଶିର- [ତତ୍ପରଶିରଃ ଚତୁଷ୍କଂ]

-ଶ୍ଚତୁଷ୍କଂ ସଂରକ୍ଷ୍ଯଂ ସ ଖଲୁ ଭୁଵି ଦୈନ୍ଯଂ ଲିଖିତଵାନ୍ ।

ଵିଚାରଃ କୋ ଵା ମାଂ ଵିଶଦ କୃପଯା ପାତି ଶିଵ ତେ

କଟାକ୍ଷଵ୍ଯାପାରଃ ସ୍ଵଯମପି ଚ ଦୀନାଵନପରଃ

॥ 15 ॥

ଶ୍ଲୋକ 17

ଫଲାଦ୍ଵା ପୁଣ୍ଯାନାଂ ମଯି କରୁଣଯା ଵା ତ୍ଵଯି ଵିଭୋ

ପ୍ରସନ୍ନେଽପି ସ୍ଵାମିନ୍ ଭଵଦମଲ-ପାଦାବ୍ଜ-ଯୁଗଲମ୍ ।

କଥଂ ପଶ୍ଯେଯଂ ମାଂ ସ୍ଥଗଯତି ନମଃ ସମ୍ଭ୍ରମଜୁଷାଂ

ନିଲିମ୍ପାନାଂ ଶ୍ରେଣି-ର୍ନିଜ-କନକ-ମାଣିକ୍ଯ-ମକୁଟୈଃ

॥ 16 ॥

ଶ୍ଲୋକ 18

ତ୍ଵମେକୋ ଲୋକାନାଂ ପରମଫଲଦୋ ଦିଵ୍ଯପଦଵୀଂ

ଵହନ୍ତସ୍ତ୍ଵନ୍ମୂଲାଂ ପୁନରପି ଭଜନ୍ତେ ହରିମୁଖାଃ ।

କିଯଦ୍ଵା ଦାକ୍ଷିଣ୍ଯଂ ତଵ ଶିଵ ମଦାଶା ଚ କିଯତୀ

କଦା ଵା ମଦ୍ରକ୍ଷାଂ ଵହସି କରୁଣା-ପୂରିତଦୃଶା

॥ 17 ॥

ଶ୍ଲୋକ 19

ଦୁରାଶା-ଭୂଯିଷ୍ଠେ ଦୁରଧିପ-ଗୃହଦ୍ଵାର-ଘଟକେ

ଦୁରନ୍ତେ ସଂସାରେ ଦୁରିତନିଲଯେ ଦୁଃଖଜନକେ ।

ମଦାଯାସଂ କିଂ ନ ଵ୍ଯପନଯସି କସ୍ଯୋପ-କୃତଯେ

ଵଦେଯଂ ପ୍ରୀତିଶ୍ଚେତ୍ତଵ ଶିଵ କୃତାର୍ଥାଃ ଖଲୁ ଵଯମ୍

॥ 18 ॥

ଶ୍ଲୋକ 20

ସଦା ମୋହାଟଵ୍ଯାଂ ଚରତି ଯୁଵତୀନାଂ କୁଚଗିରୌ

ନଟତ୍ଯାଶା-ଶାଖା-ସ୍ଵଟତି ଝଟିତି ସ୍ଵୈରମଭିତଃ ।

କପାଲିନ୍ ଭିକ୍ଷୋ ମେ ହୃଦଯ-କପିମତ୍ଯନ୍ତ-ଚପଲଂ

ଦୃଢଂ ଭକ୍ତ୍ଯା ବଦ୍ଧ୍ଵା ଶିଵ ଭଵଦଧୀନଂ କୁରୁ ଵିଭୋ

॥ 19 ॥

ଶ୍ଲୋକ 21

ଧୃତି-ସ୍ତମ୍ଭାଧାରାଂ ଦୃଢ-ଗୁଣ-ନିବଦ୍ଧାଂ ସଗମନାଂ

ଵିଚିତ୍ରାଂ ପଦ୍ମାଢ୍ଯାଂ ପ୍ରତିଦିଵସ-ସନ୍ମାର୍ଗ-ଘଟିତାମ୍ ।

ସ୍ମରାରେ ମଚ୍ଚେତଃ-ସ୍ଫୁଟ-ପଟକୁଟୀଂ ପ୍ରାପ୍ଯ ଵିଶଦାଂ

ଜଯ ସ୍ଵାମିନ୍ ଶକ୍ତ୍ଯା ସହ ଶିଵ ଗଣୈଃ ସେଵିତ ଵିଭୋ

॥ 20 ॥

ଶ୍ଲୋକ 22

ପ୍ରଲୋଭାଦ୍ଯୈରର୍ଥାହରଣ-ପରତନ୍ତ୍ରୋ ଧନିଗୃହେ [ପ୍ରଲୋଭାଦ୍ଯୈଃ ଅର୍ଥାହରଣ-ପରତନ୍ତ୍ରୋ]

ପ୍ରଵେଶୋଦ୍ଯୁକ୍ତଃ ସନ୍ ଭ୍ରମତି ବହୁଧା ତସ୍କରପତେ ।

ଇମଂ ଚେତଶ୍ଚୋରଂ କଥମିହ ସହେ ଶଙ୍କର ଵିଭୋ

ତଵାଧୀନଂ କୃତ୍ଵା ମଯି ନିରପରାଧେ କୁରୁ କୃପାମ୍

॥ 21 ॥

ଶ୍ଲୋକ 23

କରୋମି ତ୍ଵତ୍ପୂଜାଂ ସପଦି ସୁଖଦୋ ମେ ଭଵ ଵିଭୋ

ଵିଧିତ୍ଵଂ ଵିଷ୍ଣୁତ୍ଵଂ ଦିଶସି ଖଲୁ ତସ୍ଯାଃ ଫଲମିତି ।

ପୁନଶ୍ଚ ତ୍ଵାଂ ଦ୍ରଷ୍ଟୁଂ ଦିଵି ଭୁଵି ଵହନ୍ପକ୍ଷି-ମୃଗତା-

-ମଦୃଷ୍ଟ୍ଵା ତତ୍ଖେଦଂ କଥମିହ ସହେ ଶଙ୍କର ଵିଭୋ

॥ 22 ॥

ଶ୍ଲୋକ 24

କଦା ଵା କୈଲାସେ କନକମଣିସୌଧେ ସହ ଗଣୈ- [ସହ ଗଣୈଃ ଵସନ୍]

-ର୍ଵସନ୍ ଶମ୍ଭୋରଗ୍ରେ ସ୍ଫୁଟ-ଘଟିତ-ମୂର୍ଧାଞ୍ଜଲିପୁଟଃ ।

ଵିଭୋ ସାମ୍ବ ସ୍ଵାମି-ନ୍ପରମଶିଵ ପାହୀତି ନିଗଦ-

-ନ୍ଵିଧାତୄଣାଂ କଲ୍ପାନ୍ କ୍ଷଣମିଵ ଵିନେଷ୍ଯାମି ସୁଖତଃ

॥ 23 ॥

ଶ୍ଲୋକ 25

ସ୍ତଵୈ-ର୍ବ୍ରହ୍ମାଦୀନାଂ ଜଯଜଯ-ଵଚୋଭିର୍ନିଯମିନାଂ

ଗଣାନାଂ କେଲୀଭିର୍ମଦକଲମହୋକ୍ଷସ୍ଯ କକୁଦି । [କେଲୀଭିଃ ମଦକଲ-ମହୋକ୍ଷସ୍ଯ]

ସ୍ଥିତଂ ନୀଲଗ୍ରୀଵଂ ତ୍ରିନଯନ-ମୁମାଶ୍ଲିଷ୍ଟ-ଵପୁଷଂ

କଦା ତ୍ଵାଂ ପଶ୍ଯେଯଂ କରଧୃତ-ମୃଗଂ ଖଣ୍ଡ-ପରଶୁମ୍

॥ 24 ॥

ଶ୍ଲୋକ 26

କଦା ଵା ତ୍ଵାଂ ଦୃଷ୍ଟ୍ଵା ଗିରିଶ ତଵ ଭଵ୍ଯାଙ୍ଘ୍ରି ଯୁଗଲଂ

ଗୃହୀତ୍ଵା ହସ୍ତାଭ୍ଯାଂ ଶିରସି ନଯନେ ଵକ୍ଷସି ଵହନ୍ ।

ସମା ଶ୍ଲିଷ୍ଯା ଘ୍ରାଯ ସ୍ଫୁଟ ଜଲଜ ଗନ୍ଧାନ୍ ପରିମଲା-

-ନଲାଭ୍ଯାଂ ବ୍ରହ୍ମାଦ୍ଯୈର୍ମୁଦମନୁଭଵିଷ୍ଯାମି ହୃଦଯେ

॥ 25 ॥

ଶ୍ଲୋକ 27

॥ 26 ॥ [ବ୍ରହ୍ମାଦ୍ଯୈଃ ମୁଦ-ମନୁଭଵିଷ୍ଯାମି]

କରସ୍ଥେ ହେମାଦ୍ରୌ ଗିରିଶ ନିକଟସ୍ଥେ ଧନପତୌ

ଗୃହସ୍ଥେ ସ୍ଵର୍ଭୂଜା ମର ସୁରଭି ଚିନ୍ତାମଣିଗଣେ ।

ଶିରଃସ୍ଥେ ଶୀତାଂଶୌ ଚରଣଯୁଗଲସ୍ଥେଽଖିଲଶୁଭେ

କମର୍ଥଂ ଦାସ୍ଯେଽହଂ ଭଵତୁ ଭଵଦର୍ଥଂ ମମ ମନଃ

ଶ୍ଲୋକ 28

ସାରୂପ୍ଯଂ ତଵ ପୂଜନେ ଶିଵ ମହାଦେଵେତି ସଙ୍କୀର୍ତନେ

ସାମୀପ୍ଯଂ ଶିଵଭକ୍ତି-ଧୁର୍ଯଜନତା-ସାଙ୍ଗତ୍ଯ-ସମ୍ଭାଷଣେ ॥

ସାଲୋକ୍ଯଂ ଚ ଚରାଚରାତ୍ମକତନୁଧ୍ଯାନେ ଭଵାନୀପତେ

ସାଯୁଜ୍ଯଂ ମମ ସିଦ୍ଧମତ୍ର ଭଵତି ସ୍ଵାମିନ୍ କୃତାର୍ଥୋଽସ୍ମ୍ଯହମ୍

॥ 27 ॥

ଶ୍ଲୋକ 29

ତ୍ଵତ୍ପାଦାମ୍ବୁଜମର୍ଚଯାମି ପରମଂ ତ୍ଵାଂ ଚିନ୍ତଯାମ୍ଯନ୍ଵହଂ

ତ୍ଵାମୀଶଂ ଶରଣଂ ଵ୍ରଜାମି ଵଚସା ତ୍ଵାମେଵ ଯାଚେ ଵିଭୋ ।

ଵୀକ୍ଷାଂ ମେ ଦିଶ ଚାକ୍ଷୁଷୀଂ ସକରୁଣାଂ ଦିଵ୍ଯୈଶ୍ଚିରଂ ପ୍ରାର୍ଥିତାଂ

ଶମ୍ଭୋ ଲୋକଗୁରୋ ମଦୀଯମନସଃ ସୌଖ୍ଯୋପଦେଶଂ କୁରୁ

॥ 28 ॥

ଶ୍ଲୋକ 30

ଵସ୍ତ୍ରୋଦ୍ଧୂତଵିଧୌ ସହସ୍ରକରତା ପୁଷ୍ପାର୍ଚନେ ଵିଷ୍ଣୁତା

ଗନ୍ଧେ ଗନ୍ଧଵହାତ୍ମତାଽନ୍ନପଚନେ ବର୍ହିର୍ମୁଖାଧ୍ଯକ୍ଷତା ।

ପାତ୍ରେ କାଞ୍ଚନଗର୍ଭତାସ୍ତି ମଯି ଚେଦ୍ବାଲେନ୍ଦୁଚୂଡାମଣେ

ଶୁଶ୍ରୂଷାଂ କରଵାଣି ତେ ପଶୁପତେ ସ୍ଵାମିଂସ୍ତ୍ରିଲୋକୀଗୁରୋ

॥ 29 ॥

ଶ୍ଲୋକ 31

ନାଲଂ ଵା ପରମୋପକାରକମିଦଂ ତ୍ଵେକଂ ପଶୂନାଂ ପତେ

ପଶ୍ଯନ୍ କୁକ୍ଷିଗତାଂଶ୍ଚରାଚରଗଣାନ୍ ବାହ୍ଯସ୍ଥିତାନ୍ ରକ୍ଷିତୁମ୍ ।

ସର୍ଵାମର୍ତ୍ଯପଲାଯନୌଷଧମତିଜ୍ଵାଲାକରଂ ଭୀକରଂ

ନିକ୍ଷିପ୍ତଂ ଗରଲଂ ଗଲେ ନ ଗିଲିତଂ ନୋଦ୍ଗୀର୍ଣମେଵ ତ୍ଵଯା

॥ 30 ॥

ଶ୍ଲୋକ 32

ଜ୍ଵାଲୋଗ୍ରଃ ସକଲାମରାତିଭଯଦଃ କ୍ଷ୍ଵେଲଃ କଥଂ ଵା ତ୍ଵଯା

ଦୃଷ୍ଟଃ କିଂ ଚ କରେ ଧୃତଃ କରତଲେ କିଂ ପକ୍ଵଜମ୍ବୂଫଲମ୍ ।

ଜିହ୍ଵାଯାଂ ନିହିତଶ୍ଚ ସିଦ୍ଧଘୁଟିକା ଵା କଣ୍ଠଦେଶେ ଭୃତଃ

କିଂ ତେ ନୀଲମଣିର୍ଵିଭୂଷଣମଯଂ ଶମ୍ଭୋ ମହାତ୍ମନ୍ ଵଦ

॥ 31 ॥

ଶ୍ଲୋକ 33

ନାଲଂ ଵା ସକୃଦେଵ ଦେଵ ଭଵତଃ ସେଵା ନତିର୍ଵା ନୁତିଃ

ପୂଜା ଵା ସ୍ମରଣଂ କଥାଶ୍ରଵଣମପ୍ଯାଲୋକନଂ ମାଦୃଶାମ୍ ।

ସ୍ଵାମିନ୍ନସ୍ଥିରଦେଵତାନୁସରଣାଯାସେନ କିଂ ଲଭ୍ଯତେ

କା ଵା ମୁକ୍ତିରିତଃ କୁତୋ ଭଵତି ଚେତ୍କିଂ ପ୍ରାର୍ଥନୀଯଂ ତଦା

॥ 32 ॥

ଶ୍ଲୋକ 34

କିଂ ବ୍ରୂମସ୍ତଵ ସାହସଂ ପଶୁପତେ କସ୍ଯାସ୍ତି ଶମ୍ଭୋ ଭଵ-

-ଦ୍ଧୈର୍ଯଂ ଚେଦୃଶମାତ୍ମନଃ ସ୍ଥିତିରିଯଂ ଚାନ୍ଯୈଃ କଥଂ ଲଭ୍ଯତେ ।

ଭ୍ରଶ୍ଯଦ୍ଦେଵଗଣଂ ତ୍ରସନ୍ମୁନିଗଣଂ ନଶ୍ଯତ୍ପ୍ରପଞ୍ଚଂ ଲଯଂ

ପଶ୍ଯନ୍ନିର୍ଭଯ ଏକ ଏଵ ଵିହରତ୍ଯାନନ୍ଦସାନ୍ଦ୍ରୋ ଭଵାନ୍

॥ 33 ॥

ଶ୍ଲୋକ 35

ଯୋଗକ୍ଷେମଧୁରନ୍ଧରସ୍ଯ ସକଲଶ୍ରେଯଃପ୍ରଦୋଦ୍ଯୋଗିନୋ

ଦୃଷ୍ଟାଦୃଷ୍ଟମତୋପଦେଶକୃତିନୋ ବାହ୍ଯାନ୍ତରଵ୍ଯାପିନଃ ।

ସର୍ଵଜ୍ଞସ୍ଯ ଦଯାକରସ୍ଯ ଭଵତଃ କିଂ ଵେଦିତଵ୍ଯଂ ମଯା

ଶମ୍ଭୋ ତ୍ଵଂ ପରମାନ୍ତରଙ୍ଗ ଇତି ମେ ଚିତ୍ତେ ସ୍ମରାମ୍ଯନ୍ଵହମ୍

॥ 34 ॥

ଶ୍ଲୋକ 36

ଭକ୍ତୋ ଭକ୍ତିଗୁଣାଵୃତେ ମୁଦମୃତାପୂର୍ଣେ ପ୍ରସନ୍ନେ ମନଃ

କୁମ୍ଭେ ସାମ୍ବ ତଵାଙ୍ଘ୍ରିପଲ୍ଲଵଯୁଗଂ ସଂସ୍ଥାପ୍ଯ ସଂଵିତ୍ଫଲମ୍ ।

ସତ୍ଵଂ ମନ୍ତ୍ରମୁଦୀରଯନ୍ନିଜଶରୀରାଗାରଶୁଦ୍ଧିଂ ଵହନ୍

ପୁଣ୍ଯାହଂ ପ୍ରକଟୀକରୋମି ରୁଚିରଂ କଲ୍ଯାଣମାପାଦଯନ୍

॥ 35 ॥

ଶ୍ଲୋକ 37

ଆମ୍ନାଯାମ୍ବୁଧିମାଦରେଣ ସୁମନଃସଙ୍ଘାଃ ସମୁଦ୍ଯନ୍ମନୋ [ସମୁଦ୍ଯନ୍ମନଃ]

ମନ୍ଥାନଂ ଦୃଢଭକ୍ତିରଜ୍ଜୁସହିତଂ କୃତ୍ଵା ମଥିତ୍ଵା ତତଃ ।

ସୋମଂ କଲ୍ପତରୁଂ ସୁପର୍ଵସୁରଭିଂ ଚିନ୍ତାମଣିଂ ଧୀମତାଂ

ନିତ୍ଯାନନ୍ଦସୁଧାଂ ନିରନ୍ତରରମାସୌଭାଗ୍ଯମାତନ୍ଵତେ

॥ 36 ॥

ଶ୍ଲୋକ 38

ପ୍ରାକ୍ପୁଣ୍ଯାଚଲମାର୍ଗଦର୍ଶିତସୁଧାମୂର୍ତିଃ ପ୍ରସନ୍ନଃ ଶିଵଃ

ସୋମଃ ସଦ୍ଗଣସେଵିତୋ ମୃଗଧରଃ ପୂର୍ଣସ୍ତମୋମୋଚକଃ ।

ଚେତଃ ପୁଷ୍କରଲକ୍ଷିତୋ ଭଵତି ଚେଦାନନ୍ଦପାଥୋନିଧିଃ

ପ୍ରାଗଲ୍ଭ୍ଯେନ ଵିଜୃମ୍ଭତେ ସୁମନସାଂ ଵୃତ୍ତିସ୍ତଦା ଜାଯତେ

॥ 37 ॥

ଶ୍ଲୋକ 39

ଧର୍ମୋ ମେ ଚତୁରଙ୍ଘ୍ରିକଃ ସୁଚରିତଃ ପାପଂ ଵିନାଶଂ ଗତଂ

କାମକ୍ରୋଧମଦାଦଯୋ ଵିଗଲିତାଃ କାଲାଃ ସୁଖାଵିଷ୍କୃତାଃ ।

ଜ୍ଞାନାନନ୍ଦମହୌଷଧିଃ ସୁଫଲିତା କୈଵଲ୍ଯନାଥେ ସଦା

ମାନ୍ଯେ ମାନସପୁଣ୍ଡରୀକନଗରେ ରାଜାଵତଂସେ ସ୍ଥିତେ

॥ 38 ॥

ଶ୍ଲୋକ 40

ଧୀଯନ୍ତ୍ରେଣ ଵଚୋଘଟେନ କଵିତାକୁଲ୍ଯୋପକୁଲ୍ଯାକ୍ରମୈ- [କଵିତାକୁଲ୍ଯୋପକୁଲ୍ଯାକ୍ରମୈଃ]

-ରାନୀତୈଶ୍ଚ ସଦାଶିଵସ୍ଯ ଚରିତାମ୍ଭୋରାଶିଦିଵ୍ଯାମୃତୈଃ ।

ହୃତ୍କେଦାରଯୁତାଶ୍ଚ ଭକ୍ତିକଲମାଃ ସାଫଲ୍ଯମାତନ୍ଵତେ

ଦୁର୍ଭିକ୍ଷାନ୍ମମ ସେଵକସ୍ଯ ଭଗଵନ୍ଵିଶ୍ଵେଶ ଭୀତିଃ କୁତଃ

॥ 39 ॥

ଶ୍ଲୋକ 41

ପାପୋତ୍ପାତଵିମୋଚନାଯ ରୁଚିରୈଶ୍ଵର୍ଯାଯ ମୃତ୍ଯୁଞ୍ଜଯ

ସ୍ତୋତ୍ରଧ୍ଯାନନତିପ୍ରଦକ୍ଷିଣସପର୍ଯାଲୋକନାକର୍ଣନେ ।

ଜିହ୍ଵାଚିତ୍ତଶିରୋଙ୍ଘ୍ରିହସ୍ତନଯନଶ୍ରୋତ୍ରୈରହଂ ପ୍ରାର୍ଥିତୋ

ମାମାଜ୍ଞାପଯ ତନ୍ନିରୂପଯ ମୁହୁର୍ମାମେଵ ମା ମେଽଵଚଃ

॥ 40 ॥

ଶ୍ଲୋକ 42

ଗାମ୍ଭୀର୍ଯଂ ପରିଖାପଦଂ ଘନଧୃତିଃ ପ୍ରାକାର ଉଦ୍ଯଦ୍ଗୁଣ- [ଉଦ୍ଯଦ୍ଗୁଣସ୍ତॊମଃ]

-ସ୍ତୋମଶ୍ଚାପ୍ତବଲଂ ଘନେନ୍ଦ୍ରିଯଚଯୋ ଦ୍ଵାରାଣି ଦେହେ ସ୍ଥିତଃ ।

ଵିଦ୍ଯା ଵସ୍ତୁସମୃଦ୍ଧିରିତ୍ଯଖିଲସାମଗ୍ରୀସମେତେ ସଦା

ଦୁର୍ଗାତିପ୍ରିଯଦେଵ ମାମକମନୋଦୁର୍ଗେ ନିଵାସଂ କୁରୁ

॥ 41 ॥

ଶ୍ଲୋକ 43

ମା ଗଚ୍ଛ ତ୍ଵମିତସ୍ତତୋ ଗିରିଶ ଭୋ ମଯ୍ଯେଵ ଵାସଂ କୁରୁ

ସ୍ଵାମିନ୍ନାଦିକିରାତ ମାମକମନଃକାନ୍ତାରସୀମାନ୍ତରେ ।

ଵର୍ତନ୍ତେ ବହୁଶୋ ମୃଗା ମଦଜୁଷୋ ମାତ୍ସର୍ଯମୋହାଦଯ- [ ମାତ୍ସର୍ଯମୋହାଦଯଃ]

-ସ୍ତାନ୍ହତ୍ଵା ମୃଗଯାଵିନୋଦରୁଚିତା ଲାଭଂ ଚ ସମ୍ପ୍ରାପ୍ସ୍ଯସି

॥ 42 ॥

ଶ୍ଲୋକ 44

କରଲଗ୍ନମୃଗଃ କରୀନ୍ଦ୍ରଭଙ୍ଗୋ

ଘନଶାର୍ଦୂଲଵିଖଣ୍ଡନୋଽସ୍ତଜନ୍ତୁଃ ।

ଗିରିଶୋ ଵିଶଦାକୃତିଶ୍ଚ ଚେତଃ-

-କୁହରେ ପଞ୍ଚମୁଖୋଽସ୍ତି ମେ କୁତୋ ଭୀଃ

॥ 43 ॥

ଶ୍ଲୋକ 45

ଛନ୍ଦଃ ଶାଖିଶିଖାନ୍ଵିତୈର୍ [ଶାଖିଶିଖାନ୍ଵିତୈରଃ] ଦ୍ଵିଜଵରୈଃ ସଂସେଵିତେ ଶାଶ୍ଵତେ

ସୌଖ୍ଯାପାଦିନି ଖେଦଭେଦିନି ସୁଧାସାରୈଃ ଫଲୈର୍ଦୀପିତେ ।

ଚେତଃପକ୍ଷିଶିଖାମଣେ ତ୍ଯଜ ଵୃଥା ଅଞ୍ଚାରମନ୍ଯୈରଲଂ

ନିତ୍ଯଂ ଶଙ୍କର ପାଦପଦ୍ମଯୁଗଲୀନୀଡେ ଵିହାରଂ କୁରୁ

॥ 44 ॥

ଶ୍ଲୋକ 46

ଆକୀର୍ଣେ ନଖରାଜିକାନ୍ତିଵିଭଵୈ [ନଖରାଜିକାନ୍ତିଵିଭଵୈଃ] ରୁଦ୍ଯତ୍ସୁଧାଵୈଭଵୈ-[ରୁଦ୍ଯତ୍ସୁଧାଵୈଭଵୈଃ]

-ରାଧୌତେଽପି ଚ ପଦ୍ମରାଗଲଲିତେ ହଂସଵ୍ରଜୈରାଶ୍ରିତେ ।

ନିତ୍ଯଂ ଭକ୍ତିଵଧୂଗଣୈଶ୍ଚ ରହସି ସ୍ଵେଚ୍ଛାଵିହାରଂ କୁରୁ

ସ୍ଥିତ୍ଵା ମାନସରାଜହଂସ ଗିରିଜାନାଥାଙ୍ଘ୍ରିସୌଧାନ୍ତରେ

॥ 45 ॥

ଶ୍ଲୋକ 47

ଶମ୍ଭୁଧ୍ଯାନ ଵସନ୍ତସଙ୍ଗିନି ହୃଦାରାମେଽଘଜୀର୍ଣଚ୍ଛଦାଃ

ସ୍ରସ୍ତା ଭକ୍ତିଲତାଚ୍ଛଟା ଵିଲସିତାଃ ପୁଣ୍ଯପ୍ରଵାଲଶ୍ରିତାଃ ।

ଦୀପ୍ଯନ୍ତେ ଗୁଣକୋରକା ଜପଵଚଃପୁଷ୍ପାଣି ସଦ୍ଵାସନା

ଜ୍ଞାନାନନ୍ଦ ସୁଧାମରନ୍ଦଲହରୀ ସଂଵିତ୍ଫଲାଭ୍ଯୁନ୍ନତିଃ

॥ 46 ॥

ଶ୍ଲୋକ 48

ନିତ୍ଯାନନ୍ଦରସାଲଯଂ ସୁରମୁନିସ୍ଵାନ୍ତାମ୍ବୁଜାତାଶ୍ରଯଂ

ସ୍ଵଚ୍ଛଂ ସଦ୍ଦ୍ଵିଜସେଵିତଂ କଲୁଷହୃତ୍ସଦ୍ଵାସନା ଵିଷ୍କୃତମ୍ ।

ଶମ୍ଭୁଧ୍ଯାନ ସରୋଵରଂ ଵ୍ରଜ ମନୋହଂ ସାଵତଂସ ସ୍ଥିରଂ

କିଂ କ୍ଷୁଦ୍ରା ଶ୍ରଯପଲ୍ଵଲ ଭ୍ରମଣ ସଞ୍ଜାତଶ୍ରମଂ ପ୍ରାପ୍ସ୍ଯସି

॥ 47 ॥

ଶ୍ଲୋକ 49

ଆନନ୍ଦାମୃତ ପୂରିତା ହରପଦାଂ ଭୋଜା ଲଵାଲୋଦ୍ଯତା

ସ୍ଥୈର୍ଯୋପଘ୍ନମୁପେତ୍ଯ ଭକ୍ତିଲତିକା ଶାଖୋପ ଶାଖାନ୍ଵିତା ।

ଉଚ୍ଛୈର୍ ମାନସ କାଯମାନ ପଟଲୀମାକ୍ରମ୍ଯ ନିଷ୍କଲ୍ମଷା

ନିତ୍ଯାଭୀଷ୍ଟ ଫଲପ୍ରଦା ଭଵତୁ ମେ ସତ୍କର୍ମ ସଂଵର୍ଧିତା

॥ 48 ॥

ଶ୍ଲୋକ 50

ସନ୍ଧ୍ଯା ରମ୍ଭ ଵିଜୃମ୍ଭିତଂ ଶ୍ରୁତିଶିରଃ ସ୍ଥାନାନ୍ତରାଧି ଷ୍ଠିତଂ

ସପ୍ରେମ ଭ୍ରମରାଭିରାମଂ ଅସକୃତ୍ ସଦ୍ଵାସନା ଶୋଭିତମ୍ ।

ଭୋଗୀନ୍ଦ୍ରା ଭରଣଂ ସମସ୍ତସୁମନଃ ପୂଜ୍ଯଂ ଗୁଣାଵିଷ୍କୃତଂ

ସେଵେ ଶ୍ରୀଗିରି ମଲ୍ଲିକାର୍ଜୁନ ମହାଲିଙ୍ଗଂ ଶିଵାଲିଙ୍ଗିତମ୍

॥ 49 ॥

ଶ୍ଲୋକ 51

ଭୃଙ୍ଗୀଚ୍ଛା ନଟନୋତ୍କଟଃ କରମଦଗ୍ରାହୀ ସ୍ଫୁରନ୍ ମାଧଵା- [ସ୍ଫୁରନ୍ ମାଧଵାଵ୍ହ୍ଲାଦୋ]

-ହ୍ଲାଦୋ ନାଦଯୁତୋ ମହାସିତଵପୁଃ ପଞ୍ଚେଷୁଣା ଚାଦୃତଃ ।

ସତ୍ପକ୍ଷଃ ସୁମନୋ ଵନେଷୁ ସ ପୁନଃ ସାକ୍ଷାନ୍ମଦୀଯେ ମନୋ-

-ରାଜୀଵେ ଭ୍ରମରାଧିପୋ ଵିହରତାଂ ଶ୍ରୀଶୈଲଵାସୀ ଵିଭୁଃ

॥ 50 ॥

ଶ୍ଲୋକ 52

କାରୁଣ୍ଯାମୃତ ଵର୍ଷିଣଂ ଘନଵିପଦ୍ଗ୍ରୀଷ୍ମଚ୍ ଛିଦାକର୍ମଠଂ

ଵିଦ୍ଯାସସ୍ଯ ଫଲୋଦଯାଯ ସୁମନଃ ସଂସେଵ୍ଯ ମିଚ୍ଛାକୃତିମ୍ ।

ନୃତ୍ଯଦ୍ ଭକ୍ତ ମଯୂରମଦ୍ରି ନିଲଯଂ ଚଞ୍ଚଜ୍ଜଟାମଣ୍ଡଲଂ

ଶମ୍ଭୋ ଵାଞ୍ଛତି ନୀଲକନ୍ଧର ସଦା ତ୍ଵାଂ ମେ ମନଶ୍ଚାତକଃ

॥ 51 ॥

ଶ୍ଲୋକ 53

ଆକାଶେନ ଶିଖୀ ସମସ୍ତଫଣିନାଂ ନେତ୍ରା କଲାପୀ ନତା-[ନତାନୁଗ୍ରାହି]

-ନୁଗ୍ରାହି ପ୍ରଣଵୋପଦେ ଶନିନଦୈଃ କେକୀତି ଯୋ ଗୀଯତେ ।

ଶ୍ଯାମାଂ ଶୈଲସମୁଦ୍ଭଵାଂ ଘନରୁଚିଂ ଦୃଷ୍ଟ୍ଵା ନଟନ୍ତଂ ମୁଦା

ଵେଦାନ୍ତୋପଵନେ ଵିହାରରସିକଂ ତଂ ନୀଲକଣ୍ଠଂ ଭଜେ

॥ 52 ॥

ଶ୍ଲୋକ 54

ସନ୍ଧ୍ଯା ଘର୍ମଦିନାତ୍ଯଯୋ ହରିକରାଘାତ ପ୍ରଭୂତାନକ- [ପ୍ରଭୂତାନକଧ୍ଵାନୋ ]

-ଧ୍ଵାନୋ ଵାରିଦଗର୍ଜିତଂ ଦିଵିଷଦାଂ ଦୃଷ୍ଟିଚ୍ଛଟା ଚଞ୍ଚଲା ।

ଭକ୍ତାନାଂ ପରିତୋଷବାଷ୍ପ ଵିତତିର୍ ଵୃଷ୍ଟିର୍ ମଯୂରୀ ଶିଵା

ଯସ୍ମିନ୍ନୁଜ୍ଜ୍ଵଲ ତାଣ୍ଡଵଂ ଵିଜଯତେ ତଂ ନୀଲକଣ୍ଠଂ ଭଜେ

॥ 53 ॥

ଶ୍ଲୋକ 55

ଆଦ୍ଯାଯାମିତ ତେଜସେ ଶ୍ରୁତିପଦୈର୍ଵେଦ୍ଯାଯ ସାଧ୍ଯାଯ ତେ

ଵିଦ୍ଯାନନ୍ଦମଯାତ୍ମନେ ତ୍ରିଜଗତଃ ସଂରକ୍ଷଣୋଦ୍ଯୋଗିନେ ।

ଧ୍ଯେଯାଯାଖିଲଯୋଗିଭିଃ ସୁରଗଣୈର୍ଗେଯାଯ ମାଯାଵିନେ

ସମ୍ଯକ୍ତାଣ୍ଡଵ ସମ୍ଭ୍ରମାଯ ଜଟିନେ ସେଯଂ ନତିଃ ଶମ୍ଭଵେ

॥ 54 ॥

ଶ୍ଲୋକ 56

ନିତ୍ଯାଯ ତ୍ରିଗୁଣାତ୍ମନେ ପୁରଜିତେ କାତ୍ଯାଯନୀ ଶ୍ରେଯସେ

ସତ୍ଯାଯାଦି କୁଟୁମ୍ବିନେ ମୁନିମନଃ ପ୍ରତ୍ଯକ୍ଷ ଚିନ୍ମୂର୍ତଯେ ।

ମାଯାସୃଷ୍ଟ ଜଗତ୍ତ୍ରଯାଯ ସକଲାମ୍ନାଯାନ୍ତସଞ୍ଚାରିଣେ

ସାଯଂ ତାଣ୍ଡଵ ସମ୍ଭ୍ରମାଯ ଜଟିନେ ସେଯଂ ନତିଃ ଶମ୍ଭଵେ

॥ 55 ॥

ଶ୍ଲୋକ 57

ନିତ୍ଯଂ ସ୍ଵୋଦରପୋଷଣାଯ ସକଲାନୁଦ୍ଦିଶ୍ଯ ଵିତ୍ତାଶଯା

ଵ୍ଯର୍ଥଂ ପର୍ଯଟନଂ କରୋମି ଭଵତଃ ସେଵାଂ ନ ଜାନେ ଵିଭୋ ।

ମଜ୍ଜନ୍ମାନ୍ତର ପୁଣ୍ଯ ପାକ ବଲତସ୍ତ୍ଵଂ ଶର୍ଵ ସର୍ଵାନ୍ତର- [ସର୍ଵାନ୍ତରଃ]

-ସ୍ତିଷ୍ଠସ୍ଯେଵ ହି ତେନ ଵା ପଶୁପତେ ତେ ରକ୍ଷଣୀଯୋଽସ୍ମ୍ଯହମ୍

॥ 56 ॥

ଶ୍ଲୋକ 58

ଏକୋ ଵାରିଜ ବାନ୍ଧଵଃ କ୍ଷିତିନଭୋ ଵ୍ଯାପ୍ତଂ ତମୋ ମଣ୍ଡଲଂ

ଭିତ୍ତ୍ଵା ଲୋଚନ ଗୋଚରୋଽପି ଭଵତି ତ୍ଵଂ କୋଟି ସୂର୍ଯପ୍ରଭଃ ।

ଵେଦ୍ଯଃ କିଂ ନ ଭଵସ୍ଯହୋ ଘନତରଂ କୀଦୃଗ୍ଭଵେନ୍ମତ୍ତମ- [କୀଦୃଗ୍ଭଵେନ୍ମତ୍ତମଃ]

-ସ୍ତତ୍ସର୍ଵଂ [ତତ୍ସର୍ଵଂ] ଵ୍ଯପନୀଯ ମେ ପଶୁପତେ ସାକ୍ଷାତ୍ପ୍ରସନ୍ନୋ ଭଵ

॥ 57 ॥

ଶ୍ଲୋକ 59

ହଂସଃ ପଦ୍ମଵନଂ ସମିଚ୍ଛତି ଯଥା ନୀଲାମ୍ବୁଦଂ ଚାତକଃ

କୋକଃ କୋକନଦପ୍ରିଯଂ ପ୍ରତିଦିନଂ ଚନ୍ଦ୍ରଂ ଚକୋରସ୍ତଥା ।

ଚେତୋ ଵାଞ୍ଛତି ମାମକଂ ପଶୁପତେ ଚିନ୍ମାର୍ଗମୃଗ୍ଯଂ ଵିଭୋ

ଗୌରୀନାଥ ଭଵତ୍ପଦାବ୍ଜ ଯୁଗଲଂ କୈଵଲ୍ଯ ସୌଖ୍ଯପ୍ରଦମ୍

॥ 58 ॥

ଶ୍ଲୋକ 60

ରୋଧସ୍ତୋଯହୃତଃ ଶ୍ରମେଣ ପଥିକଶ୍ଛାଯାଂ ତରୋର୍ଵୃଷ୍ଟିତୋ [ତରୋର୍ଵୃଷ୍ଟିତଃ]

ଭୀତଃ ସ୍ଵସ୍ଥଗୃହଂ ଗୃହସ୍ଥମତିଥିର୍ ଦୀନଃ ପ୍ରଭୁଂ ଧାର୍ମିକମ୍ ।

ଦୀପଂ ସନ୍ତମସାକୁଲଶ୍ଚ ଶିଖିନଂ ଶୀତା ଵୃତସ୍ତ୍ଵଂ ତଥା

ଚେତଃ ସର୍ଵଭଯାପହଂ ଵ୍ରଜ ସୁଖଂ ଶମ୍ଭୋଃ ପଦାମ୍ଭୋରୁହମ୍

॥ 59 ॥

ଶ୍ଲୋକ 61

ଅଙ୍କୋଲଂ ନିଜ-ବୀଜ-ସନ୍ତତିରଯସ୍କାନ୍ତୋପଲଂ [ସନ୍ତତିଃ ଅଯସ୍କାନ୍ତୋପଲଂ] ସୂଚିକା

ସାଧ୍ଵୀ ନୈଜଵିଭୁଂ ଲତା କ୍ଷିତିରୁହଂ ସିନ୍ଧୁଃ ସରିଦ୍ ଵଲ୍ଲଭମ୍ ।

ପ୍ରାପ୍ନୋତୀହ ଯଥା ତଥା ପଶୁପତେଃ ପାଦାରଵିନ୍ଦ ଦ୍ଵଯଂ

ଚେତୋଵୃତ୍ତି ରୁପେତ୍ଯ ତିଷ୍ଠତି ସଦା ସା ଭକ୍ତି ରିତ୍ଯୁଚ୍ଯତେ

॥ 60 ॥

ଶ୍ଲୋକ 62

ଆନନ୍ଦାଶ୍ରୁଭିରାତନୋତି ପୁଲକଂ ନୈର୍ମଲ୍ଯତଶ୍ଛାଦନଂ

ଵାଚା-ଶଙ୍ଖମୁଖେ ସ୍ଥିତୈଶ୍ଚ ଜଠରାପୂର୍ତିଂ ଚରିତ୍ରାମୃତୈଃ ।

ରୁଦ୍ରାକ୍ଷୈର୍ ହସିତେନ ଦେଵ ଵପୁଷୋ ରକ୍ଷାଂ ଭଵଦ୍ଭାଵନା-

-ପର୍ଯଙ୍କେ ଵିନିଵେଶ୍ଯ ଭକ୍ତିଜନନୀ ଭକ୍ତାର୍ଭକଂ ରକ୍ଷତି

॥ 61 ॥

ଶ୍ଲୋକ 63

ମାର୍ଗାଵର୍ତିତପାଦୁକା ପଶୁପତେରଙ୍ଗସ୍ଯ କୂର୍ଚାଯତେ

ଗଣ୍ଡୂଷାମ୍ବୁନିଷେଚନଂ ପୁରରିପୋର୍ଦିଵ୍ଯାଭିଷେକାଯତେ ।

କିଞ୍ଚି-ଦ୍ଭକ୍ଷିତ-ମାଂସ-ଶେଷକବଲଂ ନଵ୍ଯୋପହାରାଯତେ

ଭକ୍ତିଃ କିଂ ନ କରୋତ୍ଯହୋ ଵନଚରୋ ଭକ୍ତାଵତଂସାଯତେ

॥ 62 ॥

ଶ୍ଲୋକ 64

ଵକ୍ଷସ୍ତାଡନମନ୍ତକସ୍ଯ କଠିନାପସ୍ମାରସମ୍ମର୍ଦନଂ

ଭୂଭୃତ୍ପର୍ଯଟନଂ ନମତ୍ସୁରଶିରଃକୋଟୀରସଙ୍ଘର୍ଷଣମ୍ ।

କର୍ମେଦଂ ମୃଦୁଲସ୍ଯ ତାଵକପଦଦ୍ଵନ୍ଦ୍ଵସ୍ଯ କିଂ ଵୋଚିତଂ

ମଚ୍ଚେତୋମଣିପାଦୁକାଵିହରଣଂ ଶମ୍ଭୋ ସଦାଙ୍ଗୀକୁରୁ

॥ 63 ॥

ଶ୍ଲୋକ 65

ଵକ୍ଷସ୍ତାଡନଶଙ୍କଯା ଵିଚଲିତୋ ଵୈଵସ୍ଵତୋ ନିର୍ଜରାଃ

କୋଟୀରୋଜ୍ଜ୍ଵଲରତ୍ନଦୀପକଲିକାନୀରାଜନଂ କୁର୍ଵତେ ।

ଦୃଷ୍ଟ୍ଵା ମୁକ୍ତିଵଧୂସ୍ତନୋତି ନିଭୃତାଶ୍ଲେଷଂ ଭଵାନୀପତେ

ଯଚ୍ଚେତସ୍ତଵ ପାଦପଦ୍ମଭଜନଂ ତସ୍ଯେହ କିଂ ଦୁର୍ଲଭମ୍

॥ 64 ॥

ଶ୍ଲୋକ 66

କ୍ରୀଡାର୍ଥଂ ସୃଜସି ପ୍ରପଞ୍ଚମଖିଲଂ କ୍ରୀଡାମୃଗାସ୍ତେ ଜନାଃ

ଯତ୍କର୍ମାଚରିତଂ ମଯା ଚ ଭଵତଃ ପ୍ରୀତ୍ଯୈ ଭଵତ୍ଯେଵ ତତ୍ ।

ଶମ୍ଭୋ ସ୍ଵସ୍ଯ କୁତୂହଲସ୍ଯ କରଣଂ ମଚ୍ଚେଷ୍ଟିତଂ ନିଶ୍ଚିତଂ

ତସ୍ମାନ୍ମାମକରକ୍ଷଣଂ ପଶୁପତେ କର୍ତଵ୍ଯମେଵ ତ୍ଵଯା

॥ 65 ॥

ଶ୍ଲୋକ 67

ବହୁଵିଧପରିତୋଷବାଷ୍ପପୂର-

-ସ୍ଫୁଟପୁଲକାଙ୍କିତଚାରୁଭୋଗଭୂମିମ୍ ।

ଚିରପଦଫଲକାଙ୍କ୍ଷିସେଵ୍ଯମାନାଂ

ପରମସଦାଶିଵଭାଵନାଂ ପ୍ରପଦ୍ଯେ

॥ 66 ॥

ଶ୍ଲୋକ 68

ଅମିତମୁଦମୃତଂ ମୁହୁର୍ଦୁହନ୍ତୀଂ

ଵିମଲଭଵତ୍ପଦଗୋଷ୍ଠମାଵସନ୍ତୀମ୍ ।

ସଦଯ ପଶୁପତେ ସୁପୁଣ୍ଯପାକାଂ

ମମ ପରିପାଲଯ ଭକ୍ତିଧେନୁମେକାମ୍

॥ 67 ॥

ଶ୍ଲୋକ 69

ଜଡତା ପଶୁତା କଲଙ୍କିତା

କୁଟିଲଚରତ୍ଵଂ ଚ ନାସ୍ତି ମଯି ଦେଵ ।

ଅସ୍ତି ଯଦି ରାଜମୌଲେ

ଭଵଦାଭରଣସ୍ଯ ନାସ୍ମି କିଂ ପାତ୍ରମ୍

॥ 68 ॥

ଶ୍ଲୋକ 70

ଅରହସି ରହସି ସ୍ଵତନ୍ତ୍ରବୁଦ୍ଧ୍ଯା

ଵରିଵସିତୁଂ ସୁଲଭଃ ପ୍ରସନ୍ନମୂର୍ତିଃ ।

ଅଗଣିତଫଲଦାଯକଃ ପ୍ରଭୁର୍ମେ

ଜଗଦଧିକୋ ହୃଦି ରାଜଶେଖରୋଽସ୍ତି

॥ 69 ॥

ଶ୍ଲୋକ 71

ଆରୂଢଭକ୍ତିଗୁଣକୁଞ୍ଚିତଭାଵଚାପ-

-ଯୁକ୍ତୈଃ ଶିଵସ୍ମରଣବାଣଗଣୈରମୋଘୈଃ ।

ନିର୍ଜିତ୍ଯ କିଲ୍ବିଷରିପୂନ୍ଵିଜଯୀ ସୁଧୀନ୍ଦ୍ରଃ

ସାନନ୍ଦମାଵହତି ସୁସ୍ଥିରରାଜଲକ୍ଷ୍ମୀମ୍

॥ 70 ॥

ଶ୍ଲୋକ 72

ଧ୍ଯାନାଞ୍ଜନେନ ସମଵେକ୍ଷ୍ଯ ତମଃପ୍ରଦେଶଂ

ଭିତ୍ତ୍ଵା ମହାବଲିଭିରୀଶ୍ଵରନାମମନ୍ତ୍ରୈଃ ।

ଦିଵ୍ଯାଶ୍ରିତଂ ଭୁଜଗଭୂଷଣମୁଦ୍ଵହନ୍ତି

ଯେ ପାଦପଦ୍ମମିହ ତେ ଶିଵ ତେ କୃତାର୍ଥାଃ

॥ 71 ॥

ଶ୍ଲୋକ 73

ଭୂଦାରତାମୁଦଵହଦ୍ଯଦପେକ୍ଷଯା ଶ୍ରୀ-

-ଭୂଦାର ଏଵ କିମତଃ ସୁମତେ ଲଭସ୍ଵ ।

କେଦାରମାକଲିତମୁକ୍ତିମହୌଷଧୀନାଂ

ପାଦାରଵିନ୍ଦଭଜନଂ ପରମେଶ୍ଵରସ୍ଯ

॥ 72 ॥

ଶ୍ଲୋକ 74

ଆଶାପାଶକ୍ଲେଶଦୁର୍ଵାସନାଦି-

-ଭେଦୋଦ୍ଯୁକ୍ତୈର୍ଦିଵ୍ଯଗନ୍ଧୈରମନ୍ଦୈଃ ।

ଆଶାଶାଟୀକସ୍ଯ ପାଦାରଵିନ୍ଦଂ

ଚେତଃପେଟୀଂ ଵାସିତାଂ ମେ ତନୋତୁ

॥ 73 ॥

ଶ୍ଲୋକ 75

କଲ୍ଯାଣିନଂ ସରସଚିତ୍ରଗତିଂ ସଵେଗଂ

ସର୍ଵେଙ୍ଗିତଜ୍ଞମନଘଂ ଧ୍ରୁଵଲକ୍ଷଣାଢ୍ଯମ୍ ।

ଚେତସ୍ତୁରଙ୍ଗମଧିରୁହ୍ଯ ଚର ସ୍ମରାରେ

ନେତଃ ସମସ୍ତଜଗତାଂ ଵୃଷଭାଧିରୂଢ

॥ 74 ॥

ଶ୍ଲୋକ 76

ଭକ୍ତିର୍ମହେଶପଦପୁଷ୍କରମାଵସନ୍ତୀ

କାଦମ୍ବିନୀଵ କୁରୁତେ ପରିତୋଷଵର୍ଷମ୍ ।

ସମ୍ପୂରିତୋ ଭଵତି ଯସ୍ଯ ମନସ୍ତଟାକ-

-ସ୍ତଜ୍ଜନ୍ମସସ୍ଯମଖିଲଂ ସଫଲଂ ଚ ନାନ୍ଯତ୍

॥ 75 ॥

ଶ୍ଲୋକ 77

ବୁଦ୍ଧିଃ ସ୍ଥିରା ଭଵିତୁମୀଶ୍ଵରପାଦପଦ୍ମ-

-ସକ୍ତା ଵଧୂର୍ଵିରହିଣୀଵ ସଦା ସ୍ମରନ୍ତୀ ।

ସଦ୍ଭାଵନାସ୍ମରଣଦର୍ଶନକୀର୍ତନାଦି

ସମ୍ମୋହିତେଵ ଶିଵମନ୍ତ୍ରଜପେନ ଵିନ୍ତେ

॥ 76 ॥

ଶ୍ଲୋକ 78

ସଦୁପଚାରଵିଧିଷ୍ଵନୁବୋଧିତାଂ

ସଵିନଯାଂ ସୁହୃଦଂ ସମୁପାଶ୍ରିତାମ୍ ।

ମମ ସମୁଦ୍ଧର ବୁଦ୍ଧିମିମାଂ ପ୍ରଭୋ

ଵରଗୁଣେନ ନଵୋଢଵଧୂମିଵ

॥ 77 ॥

ଶ୍ଲୋକ 79

ନିତ୍ଯଂ ଯୋଗିମନଃ ସରୋଜଦଲସଞ୍ଚାରକ୍ଷମସ୍ତ୍ଵତ୍କ୍ରମଃ

ଶମ୍ଭୋ ତେନ କଥଂ କଠୋରଯମରାଡ୍ଵକ୍ଷଃକଵାଟକ୍ଷତିଃ ।

ଅତ୍ଯନ୍ତଂ ମୃଦୁଲଂ ତ୍ଵଦଙ୍ଘ୍ରିଯୁଗଲଂ ହା ମେ ମନଶ୍ଚିନ୍ତଯ-

-ତ୍ଯେତଲ୍ଲୋଚନଗୋଚରଂ କୁରୁ ଵିଭୋ ହସ୍ତେନ ସଂଵାହଯେ

॥ 78 ॥

ଶ୍ଲୋକ 80

ଏଷ୍ଯତ୍ଯେଷ ଜନିଂ ମନୋଽସ୍ଯ କଠିନଂ ତସ୍ମିନ୍ନଟାନୀତି ମ-

-ଦ୍ରକ୍ଷାଯୈ ଗିରିସୀମ୍ନି କୋମଲପଦନ୍ଯାସଃ ପୁରାଭ୍ଯାସିତଃ ।

ନୋ ଚେଦ୍ଦିଵ୍ଯଗୃହାନ୍ତରେଷୁ ସୁମନସ୍ତଲ୍ପେଷୁ ଵେଦ୍ଯାଦିଷୁ

ପ୍ରାଯଃ ସତ୍ସୁ ଶିଲାତଲେଷୁ ନଟନଂ ଶମ୍ଭୋ କିମର୍ଥଂ ତଵ

॥ 79 ॥

ଶ୍ଲୋକ 81

କଞ୍ଚିତ୍କାଲମୁମାମହେଶ ଭଵତଃ ପାଦାରଵିନ୍ଦାର୍ଚନୈଃ

କଞ୍ଚିଦ୍ଧ୍ଯାନସମାଧିଭିଶ୍ଚ ନତିଭିଃ କଞ୍ଚିତ୍କଥାକର୍ଣନୈଃ ।

କଞ୍ଚିତ୍କଞ୍ଚିଦଵେକ୍ଷଣୈଶ୍ଚ ନୁତିଭିଃ କଞ୍ଚିଦ୍ଦଶାମୀଦୃଶୀଂ

ଯଃ ପ୍ରାପ୍ନୋତି ମୁଦା ତ୍ଵଦର୍ପିତମନା ଜୀଵନ୍ ସ ମୁକ୍ତଃ ଖଲୁ

॥ 80 ॥

ଶ୍ଲୋକ 82

ବାଣତ୍ଵଂ ଵୃଷଭତ୍ଵମର୍ଧଵପୁଷା ଭାର୍ଯାତ୍ଵମାର୍ଯାପତେ

ଘୋଣିତ୍ଵଂ ସଖିତା ମୃଦଙ୍ଗଵହତା ଚେତ୍ଯାଦି ରୂପଂ ଦଧୌ ।

ତ୍ଵତ୍ପାଦେ ନଯନାର୍ପଣଂ ଚ କୃତଵାଂସ୍ତ୍ଵଦ୍ଦେହଭାଗୋ ହରିଃ

ପୂଜ୍ଯାତ୍ପୂଜ୍ଯତରଃ ସ ଏଵ ହି ନ ଚେତ୍କୋ ଵା ତଦନ୍ଯୋଽଧିକଃ

॥ 81 ॥

ଶ୍ଲୋକ 83

ଜନନମୃତିଯୁତାନାଂ ସେଵଯା ଦେଵତାନାଂ

ନ ଭଵତି ସୁଖଲେଶଃ ସଂଶଯୋ ନାସ୍ତି ତତ୍ର ।

ଅଜନିମମୃତରୂପଂ ସାମ୍ବମୀଶଂ ଭଜନ୍ତେ

ଯ ଇହ ପରମସୌଖ୍ଯଂ ତେ ହି ଧନ୍ଯା ଲଭନ୍ତେ

॥ 82 ॥

ଶ୍ଲୋକ 84

ଶିଵ ତଵ ପରିଚର୍ଯାସନ୍ନିଧାନାଯ ଗୌର୍ଯା

ଭଵ ମମ ଗୁଣଧୁର୍ଯାଂ ବୁଦ୍ଧିକନ୍ଯାଂ ପ୍ରଦାସ୍ଯେ ।

ସକଲଭୁଵନବନ୍ଧୋ ସଚ୍ଚିଦାନନ୍ଦସିନ୍ଧୋ

ସଦଯ ହୃଦଯଗେହେ ସର୍ଵଦା ସଂଵସ ତ୍ଵମ୍

॥ 83 ॥

ଶ୍ଲୋକ 85

ଜଲଧିମଥନଦକ୍ଷୋ ନୈଵ ପାତାଲଭେଦୀ

ନ ଚ ଵନମୃଗଯାଯାଂ ନୈଵ ଲୁବ୍ଧଃ ପ୍ରଵୀଣଃ ।

ଅଶନକୁସୁମଭୂଷାଵସ୍ତ୍ରମୁଖ୍ଯାଂ ସପର୍ଯାଂ

କଥଯ କଥମହଂ ତେ କଲ୍ପଯାନୀନ୍ଦୁମୌଲେ

॥ 84 ॥

ଶ୍ଲୋକ 86

ପୂଜାଦ୍ରଵ୍ଯସମୃଦ୍ଧଯୋ ଵିରଚିତାଃ ପୂଜାଂ କଥଂ କୁର୍ମହେ

ପକ୍ଷିତ୍ଵଂ ନ ଚ ଵା କିଟିତ୍ଵମପି ନ ପ୍ରାପ୍ତଂ ମଯା ଦୁର୍ଲଭମ୍ ।

ଜାନେ ମସ୍ତକମଙ୍ଘ୍ରିପଲ୍ଲଵମୁମାଜାନେ ନ ତେଽହଂ ଵିଭୋ

ନ ଜ୍ଞାତଂ ହି ପିତାମହେନ ହରିଣା ତତ୍ତ୍ଵେନ ତଦ୍ରୂପିଣା

॥ 85 ॥

ଶ୍ଲୋକ 87

ଅଶନଂ ଗରଲଂ ଫଣୀ କଲାପୋ

ଵସନଂ ଚର୍ମ ଚ ଵାହନଂ ମହୋକ୍ଷଃ ।

ମମ ଦାସ୍ଯସି କିଂ କିମସ୍ତି ଶମ୍ଭୋ

ତଵ ପାଦାମ୍ବୁଜଭକ୍ତିମେଵ ଦେହି

॥ 86 ॥

ଶ୍ଲୋକ 88

ଯଦା କୃତାମ୍ଭୋନିଧିସେତୁବନ୍ଧନଃ

କରସ୍ଥଲାଧଃକୃତପର୍ଵତାଧିପଃ ।

ଭଵାନି ତେ ଲଙ୍ଘିତପଦ୍ମସମ୍ଭଵ-

-ସ୍ତଦା ଶିଵାର୍ଚାସ୍ତଵଭାଵନକ୍ଷମଃ

॥ 87 ॥

ଶ୍ଲୋକ 89

ନତିଭିର୍ନୁତିଭିସ୍ତ୍ଵମୀଶ ପୂଜା-

-ଵିଧିଭିର୍ଧ୍ଯାନସମାଧିଭିର୍ନ ତୁଷ୍ଟଃ ।

ଧନୁଷା ମୁସଲେନ ଚାଶ୍ମଭିର୍ଵା

ଵଦ ତେ ପ୍ରୀତିକରଂ ତଥା କରୋମି

॥ 88 ॥

ଶ୍ଲୋକ 90

ଵଚସା ଚରିତଂ ଵଦାମି ଶମ୍ଭୋ-

-ରହମୁଦ୍ଯୋଗଵିଧାସୁ ତେଽପ୍ରସକ୍ତଃ ।

ମନସାକୃତିମୀଶ୍ଵରସ୍ଯ ସେଵେ

ଶିରସା ଚୈଵ ସଦାଶିଵଂ ନମାମି

॥ 89 ॥

ଶ୍ଲୋକ 91

ଆଦ୍ଯାଵିଦ୍ଯା ହୃଦ୍ଗତା ନିର୍ଗତାସୀ-

-ଦ୍ଵିଦ୍ଯା ହୃଦ୍ଯା ହୃଦ୍ଗତା ତ୍ଵତ୍ପ୍ରସାଦାତ୍ ।

ସେଵେ ନିତ୍ଯଂ ଶ୍ରୀକରଂ ତ୍ଵତ୍ପଦାବ୍ଜଂ

ଭାଵେ ମୁକ୍ତେର୍ଭାଜନଂ ରାଜମୌଲେ

॥ 90 ॥

ଶ୍ଲୋକ 92

ଦୂରୀକୃତାନି ଦୁରିତାନି ଦୁରକ୍ଷରାଣି

ଦୌର୍ଭାଗ୍ଯଦୁଃଖଦୁରହଙ୍କୃତିଦୁର୍ଵଚାଂସି ।

ସାରଂ ତ୍ଵଦୀଯଚରିତଂ ନିତରାଂ ପିବନ୍ତଂ

ଗୌରୀଶ ମାମିହ ସମୁଦ୍ଧର ସତ୍କଟାକ୍ଷୈଃ

॥ 91 ॥

ଶ୍ଲୋକ 93

ସୋମକଲାଧରମୌଲୌ

କୋମଲଘନକନ୍ଧରେ ମହାମହସି ।

ସ୍ଵାମିନି ଗିରିଜାନାଥେ

ମାମକହୃଦଯଂ ନିରନ୍ତରଂ ରମତାମ୍

॥ 92 ॥

ଶ୍ଲୋକ 94

ସା ରସନା ତେ ନଯନେ

ତାଵେଵ କରୌ ସ ଏଵ କୃତକୃତ୍ଯଃ ।

ଯା ଯେ ଯୌ ଯୋ ଭର୍ଗଂ

ଵଦତୀକ୍ଷେତେ ସଦାର୍ଚତଃ ସ୍ମରତି

॥ 93 ॥

ଶ୍ଲୋକ 95

ଅତିମୃଦୁଲୌ ମମ ଚରଣା-

-ଵତିକଠିନଂ ତେ ମନୋ ଭଵାନୀଶ ।

ଇତି ଵିଚିକିତ୍ସାଂ ସନ୍ତ୍ଯଜ

ଶିଵ କଥମାସୀଦ୍ଗିରୌ ତଥା ଵେଶଃ

॥ 94 ॥

ଶ୍ଲୋକ 96

ଧୈର୍ଯାଙ୍କୁଶେନ ନିଭୃତଂ

ରଭସାଦାକୃଷ୍ଯ ଭକ୍ତିଶୃଙ୍ଖଲଯା ।

ପୁରହର ଚରଣାଲାନେ

ହୃଦଯମଦେଭଂ ବଧାନ ଚିଦ୍ଯନ୍ତ୍ରୈଃ

॥ 95 ॥

ଶ୍ଲୋକ 97

ପ୍ରଚରତ୍ଯଭିତଃ ପ୍ରଗଲ୍ଭଵୃତ୍ତ୍ଯା

ମଦଵାନେଷ ମନଃ କରୀ ଗରୀଯାନ୍ ।

ରିଗୃହ୍ଯ ନଯେନ ଭକ୍ତିରଜ୍ଵା

ପରମ ସ୍ଥାଣୁ ପଦଂ ଦୃଢଂ ନଯାମୁମ୍

॥ 96 ॥

ଶ୍ଲୋକ 98

ସର୍ଵାଲଙ୍କାରଯୁକ୍ତାଂ ସରଲପଦଯୁତାଂ ସାଧୁଵୃତ୍ତାଂ ସୁଵର୍ଣାଂ

ସଦ୍ଭିଃ ସଂସ୍ତୂଯମାନାଂ ସରସଗୁଣଯୁତାଂ ଲକ୍ଷିତାଂ ଲକ୍ଷଣାଢ୍ଯାମ୍ ।

ଉଦ୍ଯଦ୍ଭୂଷାଵିଶେଷାମୁପଗତଵିନଯାଂ ଦ୍ଯୋତମାନାର୍ଥରେଖାଂ

କଲ୍ଯାଣୀଂ ଦେଵ ଗୌରୀପ୍ରିଯ ମମ କଵିତାକନ୍ଯକାଂ ତ୍ଵଂ ଗୃହାଣ

॥ 97 ॥

ଶ୍ଲୋକ 99

ଇଦଂ ତେ ଯୁକ୍ତଂ ଵା ପରମଶିଵ କାରୁଣ୍ଯଜଲଧେ

ଗତୌ ତିର୍ଯଗ୍ରୂପଂ ତଵ ପଦଶିରୋଦର୍ଶନଧିଯା ।

ହରିବ୍ରହ୍ମାଣୌ ତୌ ଦିଵି ଭୁଵି ଚରନ୍ତୌ ଶ୍ରମଯୁତୌ

କଥଂ ଶମ୍ଭୋ ସ୍ଵାମିନ୍କଥଯ ମମ ଵେଦ୍ଯୋଽସି ପୁରତଃ

॥ 98 ॥

ଶ୍ଲୋକ 100

ସ୍ତୋତ୍ରେଣାଲମହଂ ପ୍ରଵଚ୍ମି ନ ମୃଷା ଦେଵା ଵିରିଞ୍ଚାଦଯଃ

ସ୍ତୁତ୍ଯାନାଂ ଗଣନାପ୍ରସଙ୍ଗସମଯେ ତ୍ଵାମଗ୍ରଗଣ୍ଯଂ ଵିଦୁଃ ।

ମାହାତ୍ମ୍ଯାଗ୍ରଵିଚାରଣପ୍ରକରଣେ ଧାନାତୁଷସ୍ତୋମଵ-

-ଦ୍ଧୂତାସ୍ତ୍ଵାଂ ଵିଦୁରୁତ୍ତମୋତ୍ତମଫଲଂ ଶମ୍ଭୋ ଭଵତ୍ସେଵକାଃ

॥ 99 ॥

ଶ୍ଲୋକ 101

ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ଯସ୍ଯ ଶ୍ରୀଗୋଵିନ୍ଦଭଗଵତ୍ପୂଜ୍ଯପାଦଶିଷ୍ଯସ୍ଯ ଶ୍ରୀମଚ୍ଛଙ୍କରଭଗଵତଃ କୃତୌ ଶିଵାନନ୍ଦଲହରୀ ॥