Shivananda Lahari

শিবানন্দ লহরি

শ্লোক 1

কলাভ্যাং চূডালঙ্কৃত-শশিকলাভ্যাং নিজতপঃ-

-ফলাভ্যাং ভক্তেষু প্রকটিত-ফলাভ্যাং ভবতু মে ।

শিবাভ্যা-মস্তোক-ত্রিভুবন-শিবাভ্যাং হৃদি পুন-

-র্ভবাভ্যা-মানন্দ-স্ফুরদনুভবাভ্যাং নতিরিযম্

শ্লোক 2

গলন্তী শম্ভো ত্বচ্চরিত-সরিতঃ কিল্বিষরজো

দলন্তী ধীকুল্যা-সরণিষু পতন্তী বিজযতাম্ ।

দিশন্তী সংসার-ভ্রমণ-পরিতাপোপশমনং

বসন্তী মচ্চেতোহ্রদভুবি শিবানন্দলহরী

॥ 1 ॥

শ্লোক 3

ত্রযীবেদ্যং হৃদ্যং ত্রিপুর-হরমাদ্যং ত্রিনযনং

জটাভারোদারং চলদুরগহারং মৃগধরম্ ।

মহাদেবং দেবং মযি সদযভাবং পশুপতিং

চিদালম্বং সাম্বং শিবমতি-বিডম্বং হৃদি ভজে

॥ 2 ॥

শ্লোক 4

সহস্রং বর্তন্তে জগতি বিবুধাঃ ক্ষুদ্রফলদা

ন মন্যে স্বপ্নে বা তদনুসরণং তত্কৃতফলম্ ।

হরি-ব্রহ্মাদীনা-মপি নিকট-ভাজামসুলভং

চিরং যাচে শম্ভো শিব তব পদাম্ভোজ-ভজনম্

॥ 3 ॥

শ্লোক 5

স্মৃতৌ শাস্ত্রে বৈদ্যে শকুন-কবিতা-গানফণিতৌ

পুরাণে মন্ত্রে বা স্তুতি-নটন-হাস্যেষ্বচতুরঃ ।

কথং রাজ্ঞাং প্রীতির্ভবতি মযি কোঽহং পশুপতে

পশুং মাং সর্বজ্ঞ প্রথিত কৃপযা পালয বিভো

॥ 4 ॥

শ্লোক 6

ঘটো বা মৃত্পিণ্ডো-ঽপ্যণুরপি চ ধূমোঽগ্নিরচলঃ

পটো বা তন্তুর্বা পরিহরতি কিং ঘোরশমনম্ ।

বৃথা কণ্ঠক্ষোভং বহসি তরসা তর্কবচসা

পদাম্ভোজং শম্ভোর্ভজ পরমসৌখ্যং ব্রজ সুধীঃ

॥ 5 ॥

শ্লোক 7

মনস্তে পাদাব্জে নিবসতু বচঃ স্তোত্রফণিতৌ

করৌ চাভ্যর্চাযাং শ্রুতিরপি কথা কর্ণনবিধৌ ।

তব ধ্যানে বুদ্ধির্নযনযুগলং মূর্তিবিভবে [বুদ্ধিঃ নযনযুগলং]

পর-গ্রন্থান্কৈর্বা পরমশিব জানে পরমতঃ

॥ 6 ॥

শ্লোক 8

যথা বুদ্ধিঃ শুক্তৌ রজতমিতি কাচাশ্মনি মণি- [মণিঃ জলে]

-র্জলে পৈষ্টে ক্ষীরং ভবতি মৃগতৃষ্ণা-সু সলিলম্ ।

তথা দেবভ্রান্ত্যা ভজতি ভবদন্যং জডজনো

মহাদেবেশং ত্বাং মনসি চ ন মত্বা পশুপতে

॥ 7 ॥

শ্লোক 9

গভীরে কাসারে বিশতি বিজনে ঘোরবিপিনে

বিশালে শৈলে চ ভ্রমতি কুসুমার্থং জডমতিঃ ।

সমর্প্যৈকং চেতঃ সরসিজমু-মানাথ ভবতে

সুখে-নাবস্থাতুং জন ইহ ন জানাতি কিমহো

॥ 8 ॥

শ্লোক 10

নরত্বং দেবত্বং নগবন-মৃগত্বং মশকতা

পশুত্বং কীটত্বং ভবতু বিহগত্বাদি জননম্ ।

সদা ত্বত্পাদাব্জ-স্মরণ-পরমানন্দলহরী-

-বিহারাসক্তং চেদ্ধৃদযমিহ কিং তেন বপুষা

॥ 9 ॥

শ্লোক 11

বটুর্বা গেহী বা যতিরপি জটী বা তদিতরো

নরো বা যঃ কশ্চিদ্ভবতু ভব কিং তেন ভবতি ।

যদীযং হৃত্পদ্মং যদি ভবদধীনং পশুপতে

তদীযস্ত্বং শম্ভো ভবসি ভবভারং চ বহসি

॥ 10 ॥

শ্লোক 12

গুহাযাং গেহে বা বহিরপি বনে বাঽদ্রিশিখরে

জলে বা বহ্নৌ বা বসতু বসতেঃ কিং বদ ফলম্ ।

সদা যস্যৈবান্তঃ-করণমপি শম্ভো তব পদে

স্থিতং চেদ্যোগোঽসৌ স চ পরমযোগী স চ সুখী

॥ 11 ॥

শ্লোক 13

অসারে সংসারে নিজ-ভজনদূরে জডধিযা

ভ্রমন্তং মামন্ধং পরমকৃপযা পাতুমুচিতম্ ।

মদন্যঃ কো দীনস্তব কৃপণ-রক্ষাতিনিপুণ- [রক্ষাতিনিপুণঃ ত্বদন্যঃ]

-স্ত্বদন্যঃ কো বা মে ত্রিজগতি শরণ্যঃ পশুপতে

॥ 12 ॥

শ্লোক 14

প্রভুস্ত্বং দীনানাং খলু পরমবন্ধুঃ পশুপতে

প্রমুখ্যোঽহং তেষামপি কিমুত বন্ধুত্বমনযোঃ ।

ত্বযৈব ক্ষন্তব্যাঃ শিব মদপরাধাশ্চ সকলাঃ

প্রযত্না-ত্কর্তব্যং মদবনমিযং বন্ধুসরণিঃ

॥ 13 ॥

শ্লোক 15

উপেক্ষা নো চেত্কিং ন হরসি ভবদ্ধ্যান-বিমুখাং

দুরাশা-ভূযিষ্ঠাং বিধিলিপি-মশক্তো যদি ভবান্ ।

শিরস্তদ্বৈধাত্রং ননখলু সুবৃত্তং পশুপতে

কথং বা নির্যত্নং করনখ-মুখেনৈব লুলিতম্

॥ 14 ॥

শ্লোক 16

বিরিঞ্চি-র্দীর্ঘাযু-র্ভবতু ভবতা তত্পরশির- [তত্পরশিরঃ চতুষ্কং]

-শ্চতুষ্কং সংরক্ষ্যং স খলু ভুবি দৈন্যং লিখিতবান্ ।

বিচারঃ কো বা মাং বিশদ কৃপযা পাতি শিব তে

কটাক্ষব্যাপারঃ স্বযমপি চ দীনাবনপরঃ

॥ 15 ॥

শ্লোক 17

ফলাদ্বা পুণ্যানাং মযি করুণযা বা ত্বযি বিভো

প্রসন্নেঽপি স্বামিন্ ভবদমল-পাদাব্জ-যুগলম্ ।

কথং পশ্যেযং মাং স্থগযতি নমঃ সম্ভ্রমজুষাং

নিলিম্পানাং শ্রেণি-র্নিজ-কনক-মাণিক্য-মকুটৈঃ

॥ 16 ॥

শ্লোক 18

ত্বমেকো লোকানাং পরমফলদো দিব্যপদবীং

বহন্তস্ত্বন্মূলাং পুনরপি ভজন্তে হরিমুখাঃ ।

কিযদ্বা দাক্ষিণ্যং তব শিব মদাশা চ কিযতী

কদা বা মদ্রক্ষাং বহসি করুণা-পূরিতদৃশা

॥ 17 ॥

শ্লোক 19

দুরাশা-ভূযিষ্ঠে দুরধিপ-গৃহদ্বার-ঘটকে

দুরন্তে সংসারে দুরিতনিলযে দুঃখজনকে ।

মদাযাসং কিং ন ব্যপনযসি কস্যোপ-কৃতযে

বদেযং প্রীতিশ্চেত্তব শিব কৃতার্থাঃ খলু বযম্

॥ 18 ॥

শ্লোক 20

সদা মোহাটব্যাং চরতি যুবতীনাং কুচগিরৌ

নটত্যাশা-শাখা-স্বটতি ঝটিতি স্বৈরমভিতঃ ।

কপালিন্ ভিক্ষো মে হৃদয-কপিমত্যন্ত-চপলং

দৃঢং ভক্ত্যা বদ্ধ্বা শিব ভবদধীনং কুরু বিভো

॥ 19 ॥

শ্লোক 21

ধৃতি-স্তম্ভাধারাং দৃঢ-গুণ-নিবদ্ধাং সগমনাং

বিচিত্রাং পদ্মাঢ্যাং প্রতিদিবস-সন্মার্গ-ঘটিতাম্ ।

স্মরারে মচ্চেতঃ-স্ফুট-পটকুটীং প্রাপ্য বিশদাং

জয স্বামিন্ শক্ত্যা সহ শিব গণৈঃ সেবিত বিভো

॥ 20 ॥

শ্লোক 22

প্রলোভাদ্যৈরর্থাহরণ-পরতন্ত্রো ধনিগৃহে [প্রলোভাদ্যৈঃ অর্থাহরণ-পরতন্ত্রো]

প্রবেশোদ্যুক্তঃ সন্ ভ্রমতি বহুধা তস্করপতে ।

ইমং চেতশ্চোরং কথমিহ সহে শঙ্কর বিভো

তবাধীনং কৃত্বা মযি নিরপরাধে কুরু কৃপাম্

॥ 21 ॥

শ্লোক 23

করোমি ত্বত্পূজাং সপদি সুখদো মে ভব বিভো

বিধিত্বং বিষ্ণুত্বং দিশসি খলু তস্যাঃ ফলমিতি ।

পুনশ্চ ত্বাং দ্রষ্টুং দিবি ভুবি বহন্পক্ষি-মৃগতা-

-মদৃষ্ট্বা তত্খেদং কথমিহ সহে শঙ্কর বিভো

॥ 22 ॥

শ্লোক 24

কদা বা কৈলাসে কনকমণিসৌধে সহ গণৈ- [সহ গণৈঃ বসন্]

-র্বসন্ শম্ভোরগ্রে স্ফুট-ঘটিত-মূর্ধাঞ্জলিপুটঃ ।

বিভো সাম্ব স্বামি-ন্পরমশিব পাহীতি নিগদ-

-ন্বিধাতৄণাং কল্পান্ ক্ষণমিব বিনেষ্যামি সুখতঃ

॥ 23 ॥

শ্লোক 25

স্তবৈ-র্ব্রহ্মাদীনাং জযজয-বচোভির্নিযমিনাং

গণানাং কেলীভির্মদকলমহোক্ষস্য ককুদি । [কেলীভিঃ মদকল-মহোক্ষস্য]

স্থিতং নীলগ্রীবং ত্রিনযন-মুমাশ্লিষ্ট-বপুষং

কদা ত্বাং পশ্যেযং করধৃত-মৃগং খণ্ড-পরশুম্

॥ 24 ॥

শ্লোক 26

কদা বা ত্বাং দৃষ্ট্বা গিরিশ তব ভব্যাঙ্ঘ্রি যুগলং

গৃহীত্বা হস্তাভ্যাং শিরসি নযনে বক্ষসি বহন্ ।

সমা শ্লিষ্যা ঘ্রায স্ফুট জলজ গন্ধান্ পরিমলা-

-নলাভ্যাং ব্রহ্মাদ্যৈর্মুদমনুভবিষ্যামি হৃদযে

॥ 25 ॥

শ্লোক 27

॥ 26 ॥ [ব্রহ্মাদ্যৈঃ মুদ-মনুভবিষ্যামি]

করস্থে হেমাদ্রৌ গিরিশ নিকটস্থে ধনপতৌ

গৃহস্থে স্বর্ভূজা মর সুরভি চিন্তামণিগণে ।

শিরঃস্থে শীতাংশৌ চরণযুগলস্থেঽখিলশুভে

কমর্থং দাস্যেঽহং ভবতু ভবদর্থং মম মনঃ

শ্লোক 28

সারূপ্যং তব পূজনে শিব মহাদেবেতি সঙ্কীর্তনে

সামীপ্যং শিবভক্তি-ধুর্যজনতা-সাঙ্গত্য-সম্ভাষণে ॥

সালোক্যং চ চরাচরাত্মকতনুধ্যানে ভবানীপতে

সাযুজ্যং মম সিদ্ধমত্র ভবতি স্বামিন্ কৃতার্থোঽস্ম্যহম্

॥ 27 ॥

শ্লোক 29

ত্বত্পাদাম্বুজমর্চযামি পরমং ত্বাং চিন্তযাম্যন্বহং

ত্বামীশং শরণং ব্রজামি বচসা ত্বামেব যাচে বিভো ।

বীক্ষাং মে দিশ চাক্ষুষীং সকরুণাং দিব্যৈশ্চিরং প্রার্থিতাং

শম্ভো লোকগুরো মদীযমনসঃ সৌখ্যোপদেশং কুরু

॥ 28 ॥

শ্লোক 30

বস্ত্রোদ্ধূতবিধৌ সহস্রকরতা পুষ্পার্চনে বিষ্ণুতা

গন্ধে গন্ধবহাত্মতাঽন্নপচনে বর্হির্মুখাধ্যক্ষতা ।

পাত্রে কাঞ্চনগর্ভতাস্তি মযি চেদ্বালেন্দুচূডামণে

শুশ্রূষাং করবাণি তে পশুপতে স্বামিংস্ত্রিলোকীগুরো

॥ 29 ॥

শ্লোক 31

নালং বা পরমোপকারকমিদং ত্বেকং পশূনাং পতে

পশ্যন্ কুক্ষিগতাংশ্চরাচরগণান্ বাহ্যস্থিতান্ রক্ষিতুম্ ।

সর্বামর্ত্যপলাযনৌষধমতিজ্বালাকরং ভীকরং

নিক্ষিপ্তং গরলং গলে ন গিলিতং নোদ্গীর্ণমেব ত্বযা

॥ 30 ॥

শ্লোক 32

জ্বালোগ্রঃ সকলামরাতিভযদঃ ক্ষ্বেলঃ কথং বা ত্বযা

দৃষ্টঃ কিং চ করে ধৃতঃ করতলে কিং পক্বজম্বূফলম্ ।

জিহ্বাযাং নিহিতশ্চ সিদ্ধঘুটিকা বা কণ্ঠদেশে ভৃতঃ

কিং তে নীলমণির্বিভূষণমযং শম্ভো মহাত্মন্ বদ

॥ 31 ॥

শ্লোক 33

নালং বা সকৃদেব দেব ভবতঃ সেবা নতির্বা নুতিঃ

পূজা বা স্মরণং কথাশ্রবণমপ্যালোকনং মাদৃশাম্ ।

স্বামিন্নস্থিরদেবতানুসরণাযাসেন কিং লভ্যতে

কা বা মুক্তিরিতঃ কুতো ভবতি চেত্কিং প্রার্থনীযং তদা

॥ 32 ॥

শ্লোক 34

কিং ব্রূমস্তব সাহসং পশুপতে কস্যাস্তি শম্ভো ভব-

-দ্ধৈর্যং চেদৃশমাত্মনঃ স্থিতিরিযং চান্যৈঃ কথং লভ্যতে ।

ভ্রশ্যদ্দেবগণং ত্রসন্মুনিগণং নশ্যত্প্রপঞ্চং লযং

পশ্যন্নির্ভয এক এব বিহরত্যানন্দসান্দ্রো ভবান্

॥ 33 ॥

শ্লোক 35

যোগক্ষেমধুরন্ধরস্য সকলশ্রেযঃপ্রদোদ্যোগিনো

দৃষ্টাদৃষ্টমতোপদেশকৃতিনো বাহ্যান্তরব্যাপিনঃ ।

সর্বজ্ঞস্য দযাকরস্য ভবতঃ কিং বেদিতব্যং মযা

শম্ভো ত্বং পরমান্তরঙ্গ ইতি মে চিত্তে স্মরাম্যন্বহম্

॥ 34 ॥

শ্লোক 36

ভক্তো ভক্তিগুণাবৃতে মুদমৃতাপূর্ণে প্রসন্নে মনঃ

কুম্ভে সাম্ব তবাঙ্ঘ্রিপল্লবযুগং সংস্থাপ্য সংবিত্ফলম্ ।

সত্বং মন্ত্রমুদীরযন্নিজশরীরাগারশুদ্ধিং বহন্

পুণ্যাহং প্রকটীকরোমি রুচিরং কল্যাণমাপাদযন্

॥ 35 ॥

শ্লোক 37

আম্নাযাম্বুধিমাদরেণ সুমনঃসঙ্ঘাঃ সমুদ্যন্মনো [সমুদ্যন্মনঃ]

মন্থানং দৃঢভক্তিরজ্জুসহিতং কৃত্বা মথিত্বা ততঃ ।

সোমং কল্পতরুং সুপর্বসুরভিং চিন্তামণিং ধীমতাং

নিত্যানন্দসুধাং নিরন্তররমাসৌভাগ্যমাতন্বতে

॥ 36 ॥

শ্লোক 38

প্রাক্পুণ্যাচলমার্গদর্শিতসুধামূর্তিঃ প্রসন্নঃ শিবঃ

সোমঃ সদ্গণসেবিতো মৃগধরঃ পূর্ণস্তমোমোচকঃ ।

চেতঃ পুষ্করলক্ষিতো ভবতি চেদানন্দপাথোনিধিঃ

প্রাগল্ভ্যেন বিজৃম্ভতে সুমনসাং বৃত্তিস্তদা জাযতে

॥ 37 ॥

শ্লোক 39

ধর্মো মে চতুরঙ্ঘ্রিকঃ সুচরিতঃ পাপং বিনাশং গতং

কামক্রোধমদাদযো বিগলিতাঃ কালাঃ সুখাবিষ্কৃতাঃ ।

জ্ঞানানন্দমহৌষধিঃ সুফলিতা কৈবল্যনাথে সদা

মান্যে মানসপুণ্ডরীকনগরে রাজাবতংসে স্থিতে

॥ 38 ॥

শ্লোক 40

ধীযন্ত্রেণ বচোঘটেন কবিতাকুল্যোপকুল্যাক্রমৈ- [কবিতাকুল্যোপকুল্যাক্রমৈঃ]

-রানীতৈশ্চ সদাশিবস্য চরিতাম্ভোরাশিদিব্যামৃতৈঃ ।

হৃত্কেদারযুতাশ্চ ভক্তিকলমাঃ সাফল্যমাতন্বতে

দুর্ভিক্ষান্মম সেবকস্য ভগবন্বিশ্বেশ ভীতিঃ কুতঃ

॥ 39 ॥

শ্লোক 41

পাপোত্পাতবিমোচনায রুচিরৈশ্বর্যায মৃত্যুঞ্জয

স্তোত্রধ্যাননতিপ্রদক্ষিণসপর্যালোকনাকর্ণনে ।

জিহ্বাচিত্তশিরোঙ্ঘ্রিহস্তনযনশ্রোত্রৈরহং প্রার্থিতো

মামাজ্ঞাপয তন্নিরূপয মুহুর্মামেব মা মেঽবচঃ

॥ 40 ॥

শ্লোক 42

গাম্ভীর্যং পরিখাপদং ঘনধৃতিঃ প্রাকার উদ্যদ্গুণ- [উদ্যদ্গুণস্তॊমঃ]

-স্তোমশ্চাপ্তবলং ঘনেন্দ্রিযচযো দ্বারাণি দেহে স্থিতঃ ।

বিদ্যা বস্তুসমৃদ্ধিরিত্যখিলসামগ্রীসমেতে সদা

দুর্গাতিপ্রিযদেব মামকমনোদুর্গে নিবাসং কুরু

॥ 41 ॥

শ্লোক 43

মা গচ্ছ ত্বমিতস্ততো গিরিশ ভো ময্যেব বাসং কুরু

স্বামিন্নাদিকিরাত মামকমনঃকান্তারসীমান্তরে ।

বর্তন্তে বহুশো মৃগা মদজুষো মাত্সর্যমোহাদয- [ মাত্সর্যমোহাদযঃ]

-স্তান্হত্বা মৃগযাবিনোদরুচিতা লাভং চ সম্প্রাপ্স্যসি

॥ 42 ॥

শ্লোক 44

করলগ্নমৃগঃ করীন্দ্রভঙ্গো

ঘনশার্দূলবিখণ্ডনোঽস্তজন্তুঃ ।

গিরিশো বিশদাকৃতিশ্চ চেতঃ-

-কুহরে পঞ্চমুখোঽস্তি মে কুতো ভীঃ

॥ 43 ॥

শ্লোক 45

ছন্দঃ শাখিশিখান্বিতৈর্ [শাখিশিখান্বিতৈরঃ] দ্বিজবরৈঃ সংসেবিতে শাশ্বতে

সৌখ্যাপাদিনি খেদভেদিনি সুধাসারৈঃ ফলৈর্দীপিতে ।

চেতঃপক্ষিশিখামণে ত্যজ বৃথা অঞ্চারমন্যৈরলং

নিত্যং শঙ্কর পাদপদ্মযুগলীনীডে বিহারং কুরু

॥ 44 ॥

শ্লোক 46

আকীর্ণে নখরাজিকান্তিবিভবৈ [নখরাজিকান্তিবিভবৈঃ] রুদ্যত্সুধাবৈভবৈ-[রুদ্যত্সুধাবৈভবৈঃ]

-রাধৌতেঽপি চ পদ্মরাগললিতে হংসব্রজৈরাশ্রিতে ।

নিত্যং ভক্তিবধূগণৈশ্চ রহসি স্বেচ্ছাবিহারং কুরু

স্থিত্বা মানসরাজহংস গিরিজানাথাঙ্ঘ্রিসৌধান্তরে

॥ 45 ॥

শ্লোক 47

শম্ভুধ্যান বসন্তসঙ্গিনি হৃদারামেঽঘজীর্ণচ্ছদাঃ

স্রস্তা ভক্তিলতাচ্ছটা বিলসিতাঃ পুণ্যপ্রবালশ্রিতাঃ ।

দীপ্যন্তে গুণকোরকা জপবচঃপুষ্পাণি সদ্বাসনা

জ্ঞানানন্দ সুধামরন্দলহরী সংবিত্ফলাভ্যুন্নতিঃ

॥ 46 ॥

শ্লোক 48

নিত্যানন্দরসালযং সুরমুনিস্বান্তাম্বুজাতাশ্রযং

স্বচ্ছং সদ্দ্বিজসেবিতং কলুষহৃত্সদ্বাসনা বিষ্কৃতম্ ।

শম্ভুধ্যান সরোবরং ব্রজ মনোহং সাবতংস স্থিরং

কিং ক্ষুদ্রা শ্রযপল্বল ভ্রমণ সঞ্জাতশ্রমং প্রাপ্স্যসি

॥ 47 ॥

শ্লোক 49

আনন্দামৃত পূরিতা হরপদাং ভোজা লবালোদ্যতা

স্থৈর্যোপঘ্নমুপেত্য ভক্তিলতিকা শাখোপ শাখান্বিতা ।

উচ্ছৈর্ মানস কাযমান পটলীমাক্রম্য নিষ্কল্মষা

নিত্যাভীষ্ট ফলপ্রদা ভবতু মে সত্কর্ম সংবর্ধিতা

॥ 48 ॥

শ্লোক 50

সন্ধ্যা রম্ভ বিজৃম্ভিতং শ্রুতিশিরঃ স্থানান্তরাধি ষ্ঠিতং

সপ্রেম ভ্রমরাভিরামং অসকৃত্ সদ্বাসনা শোভিতম্ ।

ভোগীন্দ্রা ভরণং সমস্তসুমনঃ পূজ্যং গুণাবিষ্কৃতং

সেবে শ্রীগিরি মল্লিকার্জুন মহালিঙ্গং শিবালিঙ্গিতম্

॥ 49 ॥

শ্লোক 51

ভৃঙ্গীচ্ছা নটনোত্কটঃ করমদগ্রাহী স্ফুরন্ মাধবা- [স্ফুরন্ মাধবাব্হ্লাদো]

-হ্লাদো নাদযুতো মহাসিতবপুঃ পঞ্চেষুণা চাদৃতঃ ।

সত্পক্ষঃ সুমনো বনেষু স পুনঃ সাক্ষান্মদীযে মনো-

-রাজীবে ভ্রমরাধিপো বিহরতাং শ্রীশৈলবাসী বিভুঃ

॥ 50 ॥

শ্লোক 52

কারুণ্যামৃত বর্ষিণং ঘনবিপদ্গ্রীষ্মচ্ ছিদাকর্মঠং

বিদ্যাসস্য ফলোদযায সুমনঃ সংসেব্য মিচ্ছাকৃতিম্ ।

নৃত্যদ্ ভক্ত মযূরমদ্রি নিলযং চঞ্চজ্জটামণ্ডলং

শম্ভো বাঞ্ছতি নীলকন্ধর সদা ত্বাং মে মনশ্চাতকঃ

॥ 51 ॥

শ্লোক 53

আকাশেন শিখী সমস্তফণিনাং নেত্রা কলাপী নতা-[নতানুগ্রাহি]

-নুগ্রাহি প্রণবোপদে শনিনদৈঃ কেকীতি যো গীযতে ।

শ্যামাং শৈলসমুদ্ভবাং ঘনরুচিং দৃষ্ট্বা নটন্তং মুদা

বেদান্তোপবনে বিহাররসিকং তং নীলকণ্ঠং ভজে

॥ 52 ॥

শ্লোক 54

সন্ধ্যা ঘর্মদিনাত্যযো হরিকরাঘাত প্রভূতানক- [প্রভূতানকধ্বানো ]

-ধ্বানো বারিদগর্জিতং দিবিষদাং দৃষ্টিচ্ছটা চঞ্চলা ।

ভক্তানাং পরিতোষবাষ্প বিততির্ বৃষ্টির্ মযূরী শিবা

যস্মিন্নুজ্জ্বল তাণ্ডবং বিজযতে তং নীলকণ্ঠং ভজে

॥ 53 ॥

শ্লোক 55

আদ্যাযামিত তেজসে শ্রুতিপদৈর্বেদ্যায সাধ্যায তে

বিদ্যানন্দমযাত্মনে ত্রিজগতঃ সংরক্ষণোদ্যোগিনে ।

ধ্যেযাযাখিলযোগিভিঃ সুরগণৈর্গেযায মাযাবিনে

সম্যক্তাণ্ডব সম্ভ্রমায জটিনে সেযং নতিঃ শম্ভবে

॥ 54 ॥

শ্লোক 56

নিত্যায ত্রিগুণাত্মনে পুরজিতে কাত্যাযনী শ্রেযসে

সত্যাযাদি কুটুম্বিনে মুনিমনঃ প্রত্যক্ষ চিন্মূর্তযে ।

মাযাসৃষ্ট জগত্ত্রযায সকলাম্নাযান্তসঞ্চারিণে

সাযং তাণ্ডব সম্ভ্রমায জটিনে সেযং নতিঃ শম্ভবে

॥ 55 ॥

শ্লোক 57

নিত্যং স্বোদরপোষণায সকলানুদ্দিশ্য বিত্তাশযা

ব্যর্থং পর্যটনং করোমি ভবতঃ সেবাং ন জানে বিভো ।

মজ্জন্মান্তর পুণ্য পাক বলতস্ত্বং শর্ব সর্বান্তর- [সর্বান্তরঃ]

-স্তিষ্ঠস্যেব হি তেন বা পশুপতে তে রক্ষণীযোঽস্ম্যহম্

॥ 56 ॥

শ্লোক 58

একো বারিজ বান্ধবঃ ক্ষিতিনভো ব্যাপ্তং তমো মণ্ডলং

ভিত্ত্বা লোচন গোচরোঽপি ভবতি ত্বং কোটি সূর্যপ্রভঃ ।

বেদ্যঃ কিং ন ভবস্যহো ঘনতরং কীদৃগ্ভবেন্মত্তম- [কীদৃগ্ভবেন্মত্তমঃ]

-স্তত্সর্বং [তত্সর্বং] ব্যপনীয মে পশুপতে সাক্ষাত্প্রসন্নো ভব

॥ 57 ॥

শ্লোক 59

হংসঃ পদ্মবনং সমিচ্ছতি যথা নীলাম্বুদং চাতকঃ

কোকঃ কোকনদপ্রিযং প্রতিদিনং চন্দ্রং চকোরস্তথা ।

চেতো বাঞ্ছতি মামকং পশুপতে চিন্মার্গমৃগ্যং বিভো

গৌরীনাথ ভবত্পদাব্জ যুগলং কৈবল্য সৌখ্যপ্রদম্

॥ 58 ॥

শ্লোক 60

রোধস্তোযহৃতঃ শ্রমেণ পথিকশ্ছাযাং তরোর্বৃষ্টিতো [তরোর্বৃষ্টিতঃ]

ভীতঃ স্বস্থগৃহং গৃহস্থমতিথির্ দীনঃ প্রভুং ধার্মিকম্ ।

দীপং সন্তমসাকুলশ্চ শিখিনং শীতা বৃতস্ত্বং তথা

চেতঃ সর্বভযাপহং ব্রজ সুখং শম্ভোঃ পদাম্ভোরুহম্

॥ 59 ॥

শ্লোক 61

অঙ্কোলং নিজ-বীজ-সন্ততিরযস্কান্তোপলং [সন্ততিঃ অযস্কান্তোপলং] সূচিকা

সাধ্বী নৈজবিভুং লতা ক্ষিতিরুহং সিন্ধুঃ সরিদ্ বল্লভম্ ।

প্রাপ্নোতীহ যথা তথা পশুপতেঃ পাদারবিন্দ দ্বযং

চেতোবৃত্তি রুপেত্য তিষ্ঠতি সদা সা ভক্তি রিত্যুচ্যতে

॥ 60 ॥

শ্লোক 62

আনন্দাশ্রুভিরাতনোতি পুলকং নৈর্মল্যতশ্ছাদনং

বাচা-শঙ্খমুখে স্থিতৈশ্চ জঠরাপূর্তিং চরিত্রামৃতৈঃ ।

রুদ্রাক্ষৈর্ হসিতেন দেব বপুষো রক্ষাং ভবদ্ভাবনা-

-পর্যঙ্কে বিনিবেশ্য ভক্তিজননী ভক্তার্ভকং রক্ষতি

॥ 61 ॥

শ্লোক 63

মার্গাবর্তিতপাদুকা পশুপতেরঙ্গস্য কূর্চাযতে

গণ্ডূষাম্বুনিষেচনং পুররিপোর্দিব্যাভিষেকাযতে ।

কিঞ্চি-দ্ভক্ষিত-মাংস-শেষকবলং নব্যোপহারাযতে

ভক্তিঃ কিং ন করোত্যহো বনচরো ভক্তাবতংসাযতে

॥ 62 ॥

শ্লোক 64

বক্ষস্তাডনমন্তকস্য কঠিনাপস্মারসম্মর্দনং

ভূভৃত্পর্যটনং নমত্সুরশিরঃকোটীরসঙ্ঘর্ষণম্ ।

কর্মেদং মৃদুলস্য তাবকপদদ্বন্দ্বস্য কিং বোচিতং

মচ্চেতোমণিপাদুকাবিহরণং শম্ভো সদাঙ্গীকুরু

॥ 63 ॥

শ্লোক 65

বক্ষস্তাডনশঙ্কযা বিচলিতো বৈবস্বতো নির্জরাঃ

কোটীরোজ্জ্বলরত্নদীপকলিকানীরাজনং কুর্বতে ।

দৃষ্ট্বা মুক্তিবধূস্তনোতি নিভৃতাশ্লেষং ভবানীপতে

যচ্চেতস্তব পাদপদ্মভজনং তস্যেহ কিং দুর্লভম্

॥ 64 ॥

শ্লোক 66

ক্রীডার্থং সৃজসি প্রপঞ্চমখিলং ক্রীডামৃগাস্তে জনাঃ

যত্কর্মাচরিতং মযা চ ভবতঃ প্রীত্যৈ ভবত্যেব তত্ ।

শম্ভো স্বস্য কুতূহলস্য করণং মচ্চেষ্টিতং নিশ্চিতং

তস্মান্মামকরক্ষণং পশুপতে কর্তব্যমেব ত্বযা

॥ 65 ॥

শ্লোক 67

বহুবিধপরিতোষবাষ্পপূর-

-স্ফুটপুলকাঙ্কিতচারুভোগভূমিম্ ।

চিরপদফলকাঙ্ক্ষিসেব্যমানাং

পরমসদাশিবভাবনাং প্রপদ্যে

॥ 66 ॥

শ্লোক 68

অমিতমুদমৃতং মুহুর্দুহন্তীং

বিমলভবত্পদগোষ্ঠমাবসন্তীম্ ।

সদয পশুপতে সুপুণ্যপাকাং

মম পরিপালয ভক্তিধেনুমেকাম্

॥ 67 ॥

শ্লোক 69

জডতা পশুতা কলঙ্কিতা

কুটিলচরত্বং চ নাস্তি মযি দেব ।

অস্তি যদি রাজমৌলে

ভবদাভরণস্য নাস্মি কিং পাত্রম্

॥ 68 ॥

শ্লোক 70

অরহসি রহসি স্বতন্ত্রবুদ্ধ্যা

বরিবসিতুং সুলভঃ প্রসন্নমূর্তিঃ ।

অগণিতফলদাযকঃ প্রভুর্মে

জগদধিকো হৃদি রাজশেখরোঽস্তি

॥ 69 ॥

শ্লোক 71

আরূঢভক্তিগুণকুঞ্চিতভাবচাপ-

-যুক্তৈঃ শিবস্মরণবাণগণৈরমোঘৈঃ ।

নির্জিত্য কিল্বিষরিপূন্বিজযী সুধীন্দ্রঃ

সানন্দমাবহতি সুস্থিররাজলক্ষ্মীম্

॥ 70 ॥

শ্লোক 72

ধ্যানাঞ্জনেন সমবেক্ষ্য তমঃপ্রদেশং

ভিত্ত্বা মহাবলিভিরীশ্বরনামমন্ত্রৈঃ ।

দিব্যাশ্রিতং ভুজগভূষণমুদ্বহন্তি

যে পাদপদ্মমিহ তে শিব তে কৃতার্থাঃ

॥ 71 ॥

শ্লোক 73

ভূদারতামুদবহদ্যদপেক্ষযা শ্রী-

-ভূদার এব কিমতঃ সুমতে লভস্ব ।

কেদারমাকলিতমুক্তিমহৌষধীনাং

পাদারবিন্দভজনং পরমেশ্বরস্য

॥ 72 ॥

শ্লোক 74

আশাপাশক্লেশদুর্বাসনাদি-

-ভেদোদ্যুক্তৈর্দিব্যগন্ধৈরমন্দৈঃ ।

আশাশাটীকস্য পাদারবিন্দং

চেতঃপেটীং বাসিতাং মে তনোতু

॥ 73 ॥

শ্লোক 75

কল্যাণিনং সরসচিত্রগতিং সবেগং

সর্বেঙ্গিতজ্ঞমনঘং ধ্রুবলক্ষণাঢ্যম্ ।

চেতস্তুরঙ্গমধিরুহ্য চর স্মরারে

নেতঃ সমস্তজগতাং বৃষভাধিরূঢ

॥ 74 ॥

শ্লোক 76

ভক্তির্মহেশপদপুষ্করমাবসন্তী

কাদম্বিনীব কুরুতে পরিতোষবর্ষম্ ।

সম্পূরিতো ভবতি যস্য মনস্তটাক-

-স্তজ্জন্মসস্যমখিলং সফলং চ নান্যত্

॥ 75 ॥

শ্লোক 77

বুদ্ধিঃ স্থিরা ভবিতুমীশ্বরপাদপদ্ম-

-সক্তা বধূর্বিরহিণীব সদা স্মরন্তী ।

সদ্ভাবনাস্মরণদর্শনকীর্তনাদি

সম্মোহিতেব শিবমন্ত্রজপেন বিন্তে

॥ 76 ॥

শ্লোক 78

সদুপচারবিধিষ্বনুবোধিতাং

সবিনযাং সুহৃদং সমুপাশ্রিতাম্ ।

মম সমুদ্ধর বুদ্ধিমিমাং প্রভো

বরগুণেন নবোঢবধূমিব

॥ 77 ॥

শ্লোক 79

নিত্যং যোগিমনঃ সরোজদলসঞ্চারক্ষমস্ত্বত্ক্রমঃ

শম্ভো তেন কথং কঠোরযমরাড্বক্ষঃকবাটক্ষতিঃ ।

অত্যন্তং মৃদুলং ত্বদঙ্ঘ্রিযুগলং হা মে মনশ্চিন্তয-

-ত্যেতল্লোচনগোচরং কুরু বিভো হস্তেন সংবাহযে

॥ 78 ॥

শ্লোক 80

এষ্যত্যেষ জনিং মনোঽস্য কঠিনং তস্মিন্নটানীতি ম-

-দ্রক্ষাযৈ গিরিসীম্নি কোমলপদন্যাসঃ পুরাভ্যাসিতঃ ।

নো চেদ্দিব্যগৃহান্তরেষু সুমনস্তল্পেষু বেদ্যাদিষু

প্রাযঃ সত্সু শিলাতলেষু নটনং শম্ভো কিমর্থং তব

॥ 79 ॥

শ্লোক 81

কঞ্চিত্কালমুমামহেশ ভবতঃ পাদারবিন্দার্চনৈঃ

কঞ্চিদ্ধ্যানসমাধিভিশ্চ নতিভিঃ কঞ্চিত্কথাকর্ণনৈঃ ।

কঞ্চিত্কঞ্চিদবেক্ষণৈশ্চ নুতিভিঃ কঞ্চিদ্দশামীদৃশীং

যঃ প্রাপ্নোতি মুদা ত্বদর্পিতমনা জীবন্ স মুক্তঃ খলু

॥ 80 ॥

শ্লোক 82

বাণত্বং বৃষভত্বমর্ধবপুষা ভার্যাত্বমার্যাপতে

ঘোণিত্বং সখিতা মৃদঙ্গবহতা চেত্যাদি রূপং দধৌ ।

ত্বত্পাদে নযনার্পণং চ কৃতবাংস্ত্বদ্দেহভাগো হরিঃ

পূজ্যাত্পূজ্যতরঃ স এব হি ন চেত্কো বা তদন্যোঽধিকঃ

॥ 81 ॥

শ্লোক 83

জননমৃতিযুতানাং সেবযা দেবতানাং

ন ভবতি সুখলেশঃ সংশযো নাস্তি তত্র ।

অজনিমমৃতরূপং সাম্বমীশং ভজন্তে

য ইহ পরমসৌখ্যং তে হি ধন্যা লভন্তে

॥ 82 ॥

শ্লোক 84

শিব তব পরিচর্যাসন্নিধানায গৌর্যা

ভব মম গুণধুর্যাং বুদ্ধিকন্যাং প্রদাস্যে ।

সকলভুবনবন্ধো সচ্চিদানন্দসিন্ধো

সদয হৃদযগেহে সর্বদা সংবস ত্বম্

॥ 83 ॥

শ্লোক 85

জলধিমথনদক্ষো নৈব পাতালভেদী

ন চ বনমৃগযাযাং নৈব লুব্ধঃ প্রবীণঃ ।

অশনকুসুমভূষাবস্ত্রমুখ্যাং সপর্যাং

কথয কথমহং তে কল্পযানীন্দুমৌলে

॥ 84 ॥

শ্লোক 86

পূজাদ্রব্যসমৃদ্ধযো বিরচিতাঃ পূজাং কথং কুর্মহে

পক্ষিত্বং ন চ বা কিটিত্বমপি ন প্রাপ্তং মযা দুর্লভম্ ।

জানে মস্তকমঙ্ঘ্রিপল্লবমুমাজানে ন তেঽহং বিভো

ন জ্ঞাতং হি পিতামহেন হরিণা তত্ত্বেন তদ্রূপিণা

॥ 85 ॥

শ্লোক 87

অশনং গরলং ফণী কলাপো

বসনং চর্ম চ বাহনং মহোক্ষঃ ।

মম দাস্যসি কিং কিমস্তি শম্ভো

তব পাদাম্বুজভক্তিমেব দেহি

॥ 86 ॥

শ্লোক 88

যদা কৃতাম্ভোনিধিসেতুবন্ধনঃ

করস্থলাধঃকৃতপর্বতাধিপঃ ।

ভবানি তে লঙ্ঘিতপদ্মসম্ভব-

-স্তদা শিবার্চাস্তবভাবনক্ষমঃ

॥ 87 ॥

শ্লোক 89

নতিভির্নুতিভিস্ত্বমীশ পূজা-

-বিধিভির্ধ্যানসমাধিভির্ন তুষ্টঃ ।

ধনুষা মুসলেন চাশ্মভির্বা

বদ তে প্রীতিকরং তথা করোমি

॥ 88 ॥

শ্লোক 90

বচসা চরিতং বদামি শম্ভো-

-রহমুদ্যোগবিধাসু তেঽপ্রসক্তঃ ।

মনসাকৃতিমীশ্বরস্য সেবে

শিরসা চৈব সদাশিবং নমামি

॥ 89 ॥

শ্লোক 91

আদ্যাবিদ্যা হৃদ্গতা নির্গতাসী-

-দ্বিদ্যা হৃদ্যা হৃদ্গতা ত্বত্প্রসাদাত্ ।

সেবে নিত্যং শ্রীকরং ত্বত্পদাব্জং

ভাবে মুক্তের্ভাজনং রাজমৌলে

॥ 90 ॥

শ্লোক 92

দূরীকৃতানি দুরিতানি দুরক্ষরাণি

দৌর্ভাগ্যদুঃখদুরহঙ্কৃতিদুর্বচাংসি ।

সারং ত্বদীযচরিতং নিতরাং পিবন্তং

গৌরীশ মামিহ সমুদ্ধর সত্কটাক্ষৈঃ

॥ 91 ॥

শ্লোক 93

সোমকলাধরমৌলৌ

কোমলঘনকন্ধরে মহামহসি ।

স্বামিনি গিরিজানাথে

মামকহৃদযং নিরন্তরং রমতাম্

॥ 92 ॥

শ্লোক 94

সা রসনা তে নযনে

তাবেব করৌ স এব কৃতকৃত্যঃ ।

যা যে যৌ যো ভর্গং

বদতীক্ষেতে সদার্চতঃ স্মরতি

॥ 93 ॥

শ্লোক 95

অতিমৃদুলৌ মম চরণা-

-বতিকঠিনং তে মনো ভবানীশ ।

ইতি বিচিকিত্সাং সন্ত্যজ

শিব কথমাসীদ্গিরৌ তথা বেশঃ

॥ 94 ॥

শ্লোক 96

ধৈর্যাঙ্কুশেন নিভৃতং

রভসাদাকৃষ্য ভক্তিশৃঙ্খলযা ।

পুরহর চরণালানে

হৃদযমদেভং বধান চিদ্যন্ত্রৈঃ

॥ 95 ॥

শ্লোক 97

প্রচরত্যভিতঃ প্রগল্ভবৃত্ত্যা

মদবানেষ মনঃ করী গরীযান্ ।

রিগৃহ্য নযেন ভক্তিরজ্বা

পরম স্থাণু পদং দৃঢং নযামুম্

॥ 96 ॥

শ্লোক 98

সর্বালঙ্কারযুক্তাং সরলপদযুতাং সাধুবৃত্তাং সুবর্ণাং

সদ্ভিঃ সংস্তূযমানাং সরসগুণযুতাং লক্ষিতাং লক্ষণাঢ্যাম্ ।

উদ্যদ্ভূষাবিশেষামুপগতবিনযাং দ্যোতমানার্থরেখাং

কল্যাণীং দেব গৌরীপ্রিয মম কবিতাকন্যকাং ত্বং গৃহাণ

॥ 97 ॥

শ্লোক 99

ইদং তে যুক্তং বা পরমশিব কারুণ্যজলধে

গতৌ তির্যগ্রূপং তব পদশিরোদর্শনধিযা ।

হরিব্রহ্মাণৌ তৌ দিবি ভুবি চরন্তৌ শ্রমযুতৌ

কথং শম্ভো স্বামিন্কথয মম বেদ্যোঽসি পুরতঃ

॥ 98 ॥

শ্লোক 100

স্তোত্রেণালমহং প্রবচ্মি ন মৃষা দেবা বিরিঞ্চাদযঃ

স্তুত্যানাং গণনাপ্রসঙ্গসমযে ত্বামগ্রগণ্যং বিদুঃ ।

মাহাত্ম্যাগ্রবিচারণপ্রকরণে ধানাতুষস্তোমব-

-দ্ধূতাস্ত্বাং বিদুরুত্তমোত্তমফলং শম্ভো ভবত্সেবকাঃ

॥ 99 ॥

শ্লোক 101

ইতি শ্রীমত্পরমহংসপরিব্রাজকাচার্যস্য শ্রীগোবিন্দভগবত্পূজ্যপাদশিষ্যস্য শ্রীমচ্ছঙ্করভগবতঃ কৃতৌ শিবানন্দলহরী ॥