Shiva Upasana Mantra

ଶିଵୋପାସନ ମନ୍ତ୍ରାଃ

ଶ୍ଲୋକ 1

ଓ-ନ୍ନିଧ॑ନପତଯେ॒ ନମଃ । ନିଧନପତାନ୍ତିକାଯ॒ ନମଃ ।

ଊର୍ଧ୍ଵାଯ॒ ନମଃ । ଊର୍ଧ୍ଵଲିଙ୍ଗାଯ॒ ନମଃ ।

ହିରଣ୍ଯାଯ॒ ନମଃ । ହିରଣ୍ଯଲିଙ୍ଗାଯ॒ ନମଃ ।

ସୁଵର୍ଣାଯ॒ ନମଃ । ସୁଵର୍ଣଲିଙ୍ଗାଯ॒ ନମଃ ।

ଦିଵ୍ଯାଯ॒ ନମଃ । ଦିଵ୍ଯଲିଙ୍ଗାଯ॒ ନମଃ ।

ଭଵାଯଃ॒ ନମଃ । ଭଵଲିଙ୍ଗାଯ॒ ନମଃ ।

ଶର୍ଵାଯ॒ ନମଃ । ଶର୍ଵଲିଙ୍ଗାଯ॒ ନମଃ ।

ଶିଵାଯ॒ ନମଃ । ଶିଵଲିଙ୍ଗାଯ॒ ନମଃ ।

ଜ୍ଵଲାଯ॒ ନମଃ । ଜ୍ଵଲଲିଙ୍ଗାଯ॒ ନମଃ ।

ଆତ୍ମାଯ॒ ନମଃ । ଆତ୍ମଲିଙ୍ଗାଯ॒ ନମଃ ।

ପରମାଯ॒ ନମଃ । ପରମଲିଙ୍ଗାଯ॒ ନମଃ ।

ଏତତ୍ସୋମସ୍ଯ॑ ସୂର୍ଯ॒ସ୍ଯ ସର୍ଵଲିଙ୍ଗଗ୍ଗ୍॑ ସ୍ଥାପ॒ଯ॒ତି॒ ପାଣିମନ୍ତ୍ର-ମ୍ପଵି॒ତ୍ରମ୍ ॥

ସ॒ଦ୍ଯୋ ଜା॒ତ-ମ୍ପ୍ର॑ପଦ୍ଯା॒ମି॒ ସ॒ଦ୍ଯୋ ଜା॒ତାଯ॒ ଵୈ ନମୋ॒ ନମଃ॑ ।

ଭ॒ଵେ ଭ॑ଵେ॒ ନାତି॑ଭଵେ ଭଵସ୍ଵ॒ ମାମ୍ । ଭ॒ଵୋ-ଦ୍ଭ॑ଵାଯ॒ ନମଃ॑ ॥

ଵା॒ମ॒ଦେ॒ଵାଯ॒ ନମୋ᳚ ଜ୍ଯେ॒ଷ୍ଠାଯ॒ ନମଃ॑ ଶ୍ରେ॒ଷ୍ଠାଯ॒ ନମୋ॑ ରୁ॒ଦ୍ରାଯ॒ ନମଃ॒

କାଲା॑ଯ॒ ନମଃ॒ କଲ॑ଵିକରଣାଯ॒ ନମୋ॒ ବଲ॑ଵିକରଣାଯ॒ ନମୋ॒ ବଲା॑ଯ॒ ନମୋ॒

ବଲ॑ପ୍ରମଥନାଯ॒ ନମ॒ ସ୍ସର୍ଵ॑ଭୂତଦମନାଯ॒ ନମୋ॑ ମ॒ନୋନ୍ମ॑ନାଯ॒ ନମଃ॑ ।

ଅ॒ଘୋରେ᳚ଭ୍ଯୋ ଽଥ॒ଘୋରେ᳚ଭ୍ଯୋ॒ ଘୋର॒ଘୋର॑ତରେଭ୍ଯଃ ।

ସର୍ଵେ᳚ଭ୍ଯ-ସ୍ସର୍ଵ॒ ଶର୍ଵେ᳚ଭ୍ଯୋ॒ ନମ॑ସ୍ତେ ଅସ୍ତୁ ରୁ॒ଦ୍ରରୂ॑ପେଭ୍ଯଃ ॥

ତତ୍ପୁରୁ॑ଷାଯ ଵି॒ଦ୍ମହେ॑ ମହାଦେ॒ଵାଯ॑ ଧୀମହି ।

ତନ୍ନୋ॑ ରୁଦ୍ରଃ ପ୍ରଚୋ॒ଦଯା᳚ତ୍ ॥

ଈଶାନ-ସ୍ସର୍ଵ॑ଵିଦ୍ଯା॒ନା॒-ମୀଶ୍ଵରସର୍ଵ॑ ଭୂତା॒ନାଂ॒

ବ୍ରହ୍ମାଧି॑ପତି॒-ର୍ବ୍ରହ୍ମ॒ଣୋ-ଽଧି॑ପତି॒-ର୍ବ୍ରହ୍ମା॑ ଶି॒ଵୋ ମେ॑ ଅସ୍ତୁ ସଦାଶି॒ଵୋମ୍ ॥

ନମୋ ହିରଣ୍ଯବାହଵେ ହିରଣ୍ଯଵର୍ଣାଯ ହିରଣ୍ଯରୂପାଯ ହିରଣ୍ଯପତଯେ-ଽମ୍ବିକାପତଯ ଉମାପତଯେ ପଶୁପତଯେ॑ ନମୋ॒ ନମଃ ॥

ଋ॒ତଗ୍ଂଋ॒ତଗ୍ଂ ସ॒ତ୍ଯ-ମ୍ପ॑ର-ମ୍ବ୍ର॒ହ୍ମ॒ ପୁ॒ରୁଷ॑-ଙ୍କୃଷ୍ଣ॒ପିଙ୍ଗ॑ଲମ୍ ।

ଊ॒ର୍ଧ୍ଵରେ॑ତଂ-ଵିଁ॑ରୂପା॒କ୍ଷଂ॒-ଵିଁ॒ଶ୍ଵରୂ॑ପାଯ॒ ଵୈ ନମୋ॒ ନମଃ॑ ॥

ସର୍ଵୋ॒ ହ୍ଯେ॑ଷ ରୁ॒ଦ୍ରସ୍ତସ୍ମୈ॑ ରୁ॒ଦ୍ରାଯ॒ ନମୋ॑ ଅସ୍ତୁ॒ ।

ପୁରୁ॑ଷୋ॒ ଵୈ ରୁ॒ଦ୍ରସ୍ସନ୍ମ॒ହୋ ନମୋ॒ ନମଃ॑ ।

ଵିଶ୍ଵ॑-ମ୍ଭୂ॒ତ-ମ୍ଭୁଵ॑ନ-ଞ୍ଚି॒ତ୍ର-ମ୍ବ॑ହୁ॒ଧା ଜା॒ତ-ଞ୍ଜାଯ॑ମାନ-ଞ୍ଚ॒ ଯତ୍ ।

ସର୍ଵୋ॒ ହ୍ଯେ॑ଷ ରୁ॒ଦ୍ରସ୍ତସ୍ମୈ॑ ରୁ॒ଦ୍ରାଯ॒ ନମୋ॑ ଅସ୍ତୁ॒ ।

କ-ଦ୍ରୁ॒ଦ୍ରାଯ॒ ପ୍ରଚେ॑ତସେ ମୀ॒ଢୁଷ୍ଟ॑ମାଯ॒ ତଵ୍ଯ॑ସେ । ଵୋ॒ଚେମ॒ ଶନ୍ତ॑ମଗ୍ଂ ହୃ॒ଦେ ।

ସର୍ଵୋ॒ ହ୍ଯେ॑ଷ ରୁ॒ଦ୍ରସ୍ତସ୍ମୈ॑ ରୁ॒ଦ୍ରାଯ॒ ନମୋ॑ ଅସ୍ତୁ॒ ।

ମା ନୋ॑ ମ॒ହାନ୍ତ॑ମୁ॒ତ ମା ନୋ॑ ଅର୍ଭ॒କ-ମ୍ମା ନ॒ ଉକ୍ଷ॑ନ୍ତମୁ॒ତ ମା ନ॑ ଉକ୍ଷି॒ତମ୍ ।

ମା ନୋ॑ ଵଧୀଃ ପି॒ତର॒-ମ୍ମୋତ ମା॒ତର॑-ମ୍ପ୍ରି॒ଯା ମା ନ॑ସ୍ତ॒ନୁଵୋ॑ ରୁଦ୍ର ରୀରିଷଃ ।

ମା ନ॑ସ୍ତୋ॒କେ ତନ॑ଯେ॒ ମା ନ॒ ଆଯୁ॑ଷି॒ ମା ନୋ॒ ଗୋଷୁ॒ ମା ନୋ॒ ଅଶ୍ଵେ॑ଷୁ ରୀରିଷଃ ।

ଵୀ॒ରାନ୍ମା ନୋ॑ ରୁଦ୍ର ଭାମି॒ତୋ-ଽଵ॑ଧୀର୍​ହ॒ଵିଷ୍ମଂ॑ତୋ॒ ନମ॑ସା ଵିଧେମ ତେ ।

ତ୍ର୍ଯ॑ମ୍ବକଂ-ଯଁଜାମହେ ସୁଗ॒ନ୍ଧି-ମ୍ପୁ॑ଷ୍ଟି॒ଵର୍ଧ॑ନମ୍ ।

ଉ॒ର୍ଵା॒ରୁ॒କମି॑ଵ॒ ବନ୍ଧ॑ନାନ୍ମୃ॒ତ୍ଯୋର୍ମୁ॑କ୍ଷୀଯ॒ ମା-ଽମୃତା᳚ତ୍ ।

ଯେ ତେ॑ ସ॒ହସ୍ର॑ମ॒ଯୁତ॒-ମ୍ପାଶା॒ ମୃତ୍ଯୋ॒ ମର୍ତ୍ଯା॑ଯ॒ ହନ୍ତ॑ଵେ ।

ତାନ୍ ଯ॒ଜ୍ଞସ୍ଯ॑ ମା॒ଯଯା॒ ସର୍ଵା॒ନଵ॑ ଯଜାମହେ ।

ମୃ॒ତ୍ଯଵେ॒ ସ୍ଵାହା॑ ମୃ॒ତ୍ଯଵେ॒ ସ୍ଵାହା᳚ ।

ପ୍ରାଣାନା-ଙ୍ଗ୍ରନ୍ଥିରସି ରୁଦ୍ରୋ ମା॑ ଵିଶା॒ନ୍ତକଃ ।

ତେନାନ୍ନେନା᳚ପ୍ଯାଯ॒ସ୍ଵ ॥

ନମୋ ରୁଦ୍ରାଯ ଵିଷ୍ଣଵେ ମୃତ୍ଯୁ॑ର୍ମେ ପା॒ହି ॥

ତ୍ଵମ॑ଗ୍ନେ ଦ୍ଯୁଭି॒ସ୍ତ୍ଵ-ମା॑ଶୁଶୁ॒କ୍ଷଣି॒ସ୍ତ୍ଵ-ମ॒ଦ୍ଭ୍ଯସ୍ତ୍ଵ-ମଶ୍ମ॑ନ॒ସ୍ପରି॑ । ତ୍ଵଂ-ଵଁନେ᳚ଭ୍ଯ॒-ସ୍ତ୍ଵମୋଷ॑ଧୀଭ୍ଯ॒-ସ୍ତ୍ଵ-ନ୍ନୃ॒ଣା-ନ୍ନୃ॑ପତେ ଜାଯସେ॒ ଶୁଚିଃ॒ ॥

ଶି॒ଵେନ॑ ମେ॒ ସନ୍ତି॑ଷ୍ଠସ୍ଵ-ସ୍ଯୋ॒ନେନ॑ ମେ॒ ସନ୍ତି॑ଷ୍ଠସ୍ଵ ସୁଭୂ॒ତେନ॑ ମେ॒ ସନ୍ତି॑ଷ୍ଠସ୍ଵ ଯ॒ଜ୍ଞସ୍ଯଦ୍ଭି॒ର୍ମନୁ॒ ସନ୍ତି॑ଷ୍ଠସ୍ଵୋପ॑ ତେ ଯଜ୍ଞ॒ ନମ॒ ଉପ॑ ତେ॒ ନମ॒ ଉପ॑ ତେ॒ ନମଃ॑ ॥

ଓଁ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ।