Shiva Upasana Mantra

śivopāsana mantrāḥ

Śloka 1

o-nnidha̭napataye॒ namaḥ | nidhanapatāntikāya॒ namaḥ |

ūrdhvāya॒ namaḥ | ūrdhvaliṅgāya॒ namaḥ |

hiraṇyāya॒ namaḥ | hiraṇyaliṅgāya॒ namaḥ |

suvarṇāya॒ namaḥ | suvarṇaliṅgāya॒ namaḥ |

divyāya॒ namaḥ | divyaliṅgāya॒ namaḥ |

bhavāyaḥ॒ namaḥ | bhavaliṅgāya॒ namaḥ |

śarvāya॒ namaḥ | śarvaliṅgāya॒ namaḥ |

śivāya॒ namaḥ | śivaliṅgāya॒ namaḥ |

jvalāya॒ namaḥ | jvalaliṅgāya॒ namaḥ |

ātmāya॒ namaḥ | ātmaliṅgāya॒ namaḥ |

paramāya॒ namaḥ | paramaliṅgāya॒ namaḥ |

etatsomasya̭ sūrya॒sya sarvaliṅgagg̭ sthāpa॒ya॒ti॒ pāṇimantra-mpavi॒tram ||

sa॒dyo jā॒ta-mpra̭padyā॒mi॒ sa॒dyo jā॒tāya॒ vai namo॒ namaḥ̭ |

bha॒ve bha̭ve॒ nāti̭bhave bhavasva॒ mām | bha॒vo-dbha̭vāya॒ namaḥ̭ ||

vā॒ma॒de॒vāya॒ namo᳚ jye॒ṣṭhāya॒ namaḥ̭ śre॒ṣṭhāya॒ namo̭ ru॒drāya॒ namaḥ॒

kālā̭ya॒ namaḥ॒ kala̭vikaraṇāya॒ namo॒ bala̭vikaraṇāya॒ namo॒ balā̭ya॒ namo॒

bala̭pramathanāya॒ nama॒ ssarva̭bhūtadamanāya॒ namo̭ ma॒nonma̭nāya॒ namaḥ̭ |

a॒ghore᳚bhyo 'tha॒ghore᳚bhyo॒ ghora॒ghora̭tarebhyaḥ |

sarve᳚bhya-ssarva॒ śarve᳚bhyo॒ nama̭ste astu ru॒drarṷ̄pebhyaḥ ||

tatpurṷṣāya vi॒dmahḙ mahāde॒vāya̭ dhīmahi |

tanno̭ rudraḥ praco॒dayā᳚t ||

īśāna-ssarva̭vidyā॒nā॒-mīśvarasarva̭ bhūtā॒nāṃ॒

brahmādhi̭pati॒-rbrahma॒ṇo-'dhi̭pati॒-rbrahmā̭ śi॒vo mḙ astu sadāśi॒vom ||

namo hiraṇyabāhave hiraṇyavarṇāya hiraṇyarūpāya hiraṇyapataye-'mbikāpataya umāpataye paśupatayḙ namo॒ namaḥ ||

ṛ॒tagṃṛ॒tagṃ sa॒tya-mpa̭ra-mbra॒hma॒ pu॒ruṣa̭-ṅkṛṣṇa॒piṅga̭lam |

ū॒rdhvarḙtaṃ-vi̭rūpā॒kṣaṃ॒-vi॒śvarṷ̄pāya॒ vai namo॒ namaḥ̭ ||

sarvo॒ hyḙṣa ru॒drastasmai̭ ru॒drāya॒ namo̭ astu॒ |

purṷṣo॒ vai ru॒drassanma॒ho namo॒ namaḥ̭ |

viśva̭-mbhū॒ta-mbhuva̭na-ñci॒tra-mba̭hu॒dhā jā॒ta-ñjāya̭māna-ñca॒ yat |

sarvo॒ hyḙṣa ru॒drastasmai̭ ru॒drāya॒ namo̭ astu॒ |

ka-dru॒drāya॒ pracḙtase mī॒ḍhuṣṭa̭māya॒ tavya̭se | vo॒cema॒ śanta̭magṃ hṛ॒de |

sarvo॒ hyḙṣa ru॒drastasmai̭ ru॒drāya॒ namo̭ astu॒ |

mā no̭ ma॒hānta̭mu॒ta mā no̭ arbha॒ka-mmā na॒ ukṣa̭ntamu॒ta mā na̭ ukṣi॒tam |

mā no̭ vadhīḥ pi॒tara॒-mmota mā॒tara̭-mpri॒yā mā na̭sta॒nuvo̭ rudra rīriṣaḥ |

mā na̭sto॒ke tana̭ye॒ mā na॒ āyṷṣi॒ mā no॒ goṣu॒ mā no॒ aśvḙṣu rīriṣaḥ |

vī॒rānmā no̭ rudra bhāmi॒to-'va̭dhīr​ha॒viṣmaṃ̭to॒ nama̭sā vidhema te |

trya̭mbakaṃ-ya~jāmahe suga॒ndhi-mpṷṣṭi॒vardha̭nam |

u॒rvā॒ru॒kami̭va॒ bandha̭nānmṛ॒tyormṷkṣīya॒ mā-'mṛtā᳚t |

ye tḙ sa॒hasra̭ma॒yuta॒-mpāśā॒ mṛtyo॒ martyā̭ya॒ hanta̭ve |

tān ya॒jñasya̭ mā॒yayā॒ sarvā॒nava̭ yajāmahe |

mṛ॒tyave॒ svāhā̭ mṛ॒tyave॒ svāhā᳚ |

prāṇānā-ṅgranthirasi rudro mā̭ viśā॒ntakaḥ |

tenānnenā᳚pyāya॒sva ||

namo rudrāya viṣṇave mṛtyṷrme pā॒hi ||

tvama̭gne dyubhi॒stva-mā̭śuśu॒kṣaṇi॒stva-ma॒dbhyastva-maśma̭na॒spari̭ | tvaṃ-va~ne᳚bhya॒-stvamoṣa̭dhībhya॒-stva-nnṛ॒ṇā-nnṛ̭pate jāyase॒ śuciḥ॒ ||

śi॒vena̭ me॒ santi̭ṣṭhasva-syo॒nena̭ me॒ santi̭ṣṭhasva subhū॒tena̭ me॒ santi̭ṣṭhasva ya॒jñasyadbhi॒rmanu॒ santi̭ṣṭhasvopa̭ te yajña॒ nama॒ upa̭ te॒ nama॒ upa̭ te॒ namaḥ̭ ||

oṃ śānti॒-śśānti॒-śśāntiḥ̭ |