Shiva Upasana Mantra
Shiva Upasana Mantra
শিবোপাসন মন্ত্রাঃ
শ্লোক 1
ও-ন্নিধ॑নপতযে॒ নমঃ । নিধনপতান্তিকায॒ নমঃ ।
ঊর্ধ্বায॒ নমঃ । ঊর্ধ্বলিঙ্গায॒ নমঃ ।
হিরণ্যায॒ নমঃ । হিরণ্যলিঙ্গায॒ নমঃ ।
সুবর্ণায॒ নমঃ । সুবর্ণলিঙ্গায॒ নমঃ ।
দিব্যায॒ নমঃ । দিব্যলিঙ্গায॒ নমঃ ।
ভবাযঃ॒ নমঃ । ভবলিঙ্গায॒ নমঃ ।
শর্বায॒ নমঃ । শর্বলিঙ্গায॒ নমঃ ।
শিবায॒ নমঃ । শিবলিঙ্গায॒ নমঃ ।
জ্বলায॒ নমঃ । জ্বললিঙ্গায॒ নমঃ ।
আত্মায॒ নমঃ । আত্মলিঙ্গায॒ নমঃ ।
পরমায॒ নমঃ । পরমলিঙ্গায॒ নমঃ ।
এতত্সোমস্য॑ সূর্য॒স্য সর্বলিঙ্গগ্গ্॑ স্থাপ॒য॒তি॒ পাণিমন্ত্র-ম্পবি॒ত্রম্ ॥
স॒দ্যো জা॒ত-ম্প্র॑পদ্যা॒মি॒ স॒দ্যো জা॒তায॒ বৈ নমো॒ নমঃ॑ ।
ভ॒বে ভ॑বে॒ নাতি॑ভবে ভবস্ব॒ মাম্ । ভ॒বো-দ্ভ॑বায॒ নমঃ॑ ॥
বা॒ম॒দে॒বায॒ নমো᳚ জ্যে॒ষ্ঠায॒ নমঃ॑ শ্রে॒ষ্ঠায॒ নমো॑ রু॒দ্রায॒ নমঃ॒
কালা॑য॒ নমঃ॒ কল॑বিকরণায॒ নমো॒ বল॑বিকরণায॒ নমো॒ বলা॑য॒ নমো॒
বল॑প্রমথনায॒ নম॒ স্সর্ব॑ভূতদমনায॒ নমো॑ ম॒নোন্ম॑নায॒ নমঃ॑ ।
অ॒ঘোরে᳚ভ্যো ঽথ॒ঘোরে᳚ভ্যো॒ ঘোর॒ঘোর॑তরেভ্যঃ ।
সর্বে᳚ভ্য-স্সর্ব॒ শর্বে᳚ভ্যো॒ নম॑স্তে অস্তু রু॒দ্ররূ॑পেভ্যঃ ॥
তত্পুরু॑ষায বি॒দ্মহে॑ মহাদে॒বায॑ ধীমহি ।
তন্নো॑ রুদ্রঃ প্রচো॒দযা᳚ত্ ॥
ঈশান-স্সর্ব॑বিদ্যা॒না॒-মীশ্বরসর্ব॑ ভূতা॒নাং॒
ব্রহ্মাধি॑পতি॒-র্ব্রহ্ম॒ণো-ঽধি॑পতি॒-র্ব্রহ্মা॑ শি॒বো মে॑ অস্তু সদাশি॒বোম্ ॥
নমো হিরণ্যবাহবে হিরণ্যবর্ণায হিরণ্যরূপায হিরণ্যপতযে-ঽম্বিকাপতয উমাপতযে পশুপতযে॑ নমো॒ নমঃ ॥
ঋ॒তগ্ংঋ॒তগ্ং স॒ত্য-ম্প॑র-ম্ব্র॒হ্ম॒ পু॒রুষ॑-ঙ্কৃষ্ণ॒পিঙ্গ॑লম্ ।
ঊ॒র্ধ্বরে॑তং-বিঁ॑রূপা॒ক্ষং॒-বিঁ॒শ্বরূ॑পায॒ বৈ নমো॒ নমঃ॑ ॥
সর্বো॒ হ্যে॑ষ রু॒দ্রস্তস্মৈ॑ রু॒দ্রায॒ নমো॑ অস্তু॒ ।
পুরু॑ষো॒ বৈ রু॒দ্রস্সন্ম॒হো নমো॒ নমঃ॑ ।
বিশ্ব॑-ম্ভূ॒ত-ম্ভুব॑ন-ঞ্চি॒ত্র-ম্ব॑হু॒ধা জা॒ত-ঞ্জায॑মান-ঞ্চ॒ যত্ ।
সর্বো॒ হ্যে॑ষ রু॒দ্রস্তস্মৈ॑ রু॒দ্রায॒ নমো॑ অস্তু॒ ।
ক-দ্রু॒দ্রায॒ প্রচে॑তসে মী॒ঢুষ্ট॑মায॒ তব্য॑সে । বো॒চেম॒ শন্ত॑মগ্ং হৃ॒দে ।
সর্বো॒ হ্যে॑ষ রু॒দ্রস্তস্মৈ॑ রু॒দ্রায॒ নমো॑ অস্তু॒ ।
মা নো॑ ম॒হান্ত॑মু॒ত মা নো॑ অর্ভ॒ক-ম্মা ন॒ উক্ষ॑ন্তমু॒ত মা ন॑ উক্ষি॒তম্ ।
মা নো॑ বধীঃ পি॒তর॒-ম্মোত মা॒তর॑-ম্প্রি॒যা মা ন॑স্ত॒নুবো॑ রুদ্র রীরিষঃ ।
মা ন॑স্তো॒কে তন॑যে॒ মা ন॒ আযু॑ষি॒ মা নো॒ গোষু॒ মা নো॒ অশ্বে॑ষু রীরিষঃ ।
বী॒রান্মা নো॑ রুদ্র ভামি॒তো-ঽব॑ধীর্হ॒বিষ্মং॑তো॒ নম॑সা বিধেম তে ।
ত্র্য॑ম্বকং-যঁজামহে সুগ॒ন্ধি-ম্পু॑ষ্টি॒বর্ধ॑নম্ ।
উ॒র্বা॒রু॒কমি॑ব॒ বন্ধ॑নান্মৃ॒ত্যোর্মু॑ক্ষীয॒ মা-ঽমৃতা᳚ত্ ।
যে তে॑ স॒হস্র॑ম॒যুত॒-ম্পাশা॒ মৃত্যো॒ মর্ত্যা॑য॒ হন্ত॑বে ।
তান্ য॒জ্ঞস্য॑ মা॒যযা॒ সর্বা॒নব॑ যজামহে ।
মৃ॒ত্যবে॒ স্বাহা॑ মৃ॒ত্যবে॒ স্বাহা᳚ ।
প্রাণানা-ঙ্গ্রন্থিরসি রুদ্রো মা॑ বিশা॒ন্তকঃ ।
তেনান্নেনা᳚প্যায॒স্ব ॥
নমো রুদ্রায বিষ্ণবে মৃত্যু॑র্মে পা॒হি ॥
ত্বম॑গ্নে দ্যুভি॒স্ত্ব-মা॑শুশু॒ক্ষণি॒স্ত্ব-ম॒দ্ভ্যস্ত্ব-মশ্ম॑ন॒স্পরি॑ । ত্বং-বঁনে᳚ভ্য॒-স্ত্বমোষ॑ধীভ্য॒-স্ত্ব-ন্নৃ॒ণা-ন্নৃ॑পতে জাযসে॒ শুচিঃ॒ ॥
শি॒বেন॑ মে॒ সন্তি॑ষ্ঠস্ব-স্যো॒নেন॑ মে॒ সন্তি॑ষ্ঠস্ব সুভূ॒তেন॑ মে॒ সন্তি॑ষ্ঠস্ব য॒জ্ঞস্যদ্ভি॒র্মনু॒ সন্তি॑ষ্ঠস্বোপ॑ তে যজ্ঞ॒ নম॒ উপ॑ তে॒ নম॒ উপ॑ তে॒ নমঃ॑ ॥
ওঁ শান্তি॒-শ্শান্তি॒-শ্শান্তিঃ॑ ।
Related Scriptures
1000 Names of Shri Ardhanarishvara
1000 verses
कर्णाटक सङ्गीतं स्वरजति 2 (साम्ब शिव)
0 verses
दारिद्र्य दहन शिव स्तोत्रम्
9 verses
1000 Names of Lord Mahakala
1000 verses
100 Names of Lord Shiva
100 verses
Rudrayamala 1000 Names of Lord Shiva
1000 verses