శివోపాసన మన్త్రాః

శివోపాసన మన్త్రాః

శ్లోక 1

ఓ-న్నిధ॑నపతయే॒ నమః । నిధనపతాన్తికాయ॒ నమః ।

ఊర్ధ్వాయ॒ నమః । ఊర్ధ్వలిఙ్గాయ॒ నమః ।

హిరణ్యాయ॒ నమః । హిరణ్యలిఙ్గాయ॒ నమః ।

సువర్ణాయ॒ నమః । సువర్ణలిఙ్గాయ॒ నమః ।

దివ్యాయ॒ నమః । దివ్యలిఙ్గాయ॒ నమః ।

భవాయః॒ నమః । భవలిఙ్గాయ॒ నమః ।

శర్వాయ॒ నమః । శర్వలిఙ్గాయ॒ నమః ।

శివాయ॒ నమః । శివలిఙ్గాయ॒ నమః ।

జ్వలాయ॒ నమః । జ్వలలిఙ్గాయ॒ నమః ।

ఆత్మాయ॒ నమః । ఆత్మలిఙ్గాయ॒ నమః ।

పరమాయ॒ నమః । పరమలిఙ్గాయ॒ నమః ।

ఏతత్సోమస్య॑ సూర్య॒స్య సర్వలిఙ్గగ్గ్॑ స్థాప॒య॒తి॒ పాణిమన్త్ర-మ్పవి॒త్రమ్ ॥

స॒ద్యో జా॒త-మ్ప్ర॑పద్యా॒మి॒ స॒ద్యో జా॒తాయ॒ వై నమో॒ నమః॑ ।

భ॒వే భ॑వే॒ నాతి॑భవే భవస్వ॒ మామ్ । భ॒వో-ద్భ॑వాయ॒ నమః॑ ॥

వా॒మ॒దే॒వాయ॒ నమో᳚ జ్యే॒ష్ఠాయ॒ నమః॑ శ్రే॒ష్ఠాయ॒ నమో॑ రు॒ద్రాయ॒ నమః॒

కాలా॑య॒ నమః॒ కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒

బల॑ప్రమథనాయ॒ నమ॒ స్సర్వ॑భూతదమనాయ॒ నమో॑ మ॒నోన్మ॑నాయ॒ నమః॑ ।

అ॒ఘోరే᳚భ్యో ఽథ॒ఘోరే᳚భ్యో॒ ఘోర॒ఘోర॑తరేభ్యః ।

సర్వే᳚భ్య-స్సర్వ॒ శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ॥

తత్పురు॑షాయ వి॒ద్మహే॑ మహాదే॒వాయ॑ ధీమహి ।

తన్నో॑ రుద్రః ప్రచో॒దయా᳚త్ ॥

ఈశాన-స్సర్వ॑విద్యా॒నా॒-మీశ్వరసర్వ॑ భూతా॒నాం॒

బ్రహ్మాధి॑పతి॒-ర్బ్రహ్మ॒ణో-ఽధి॑పతి॒-ర్బ్రహ్మా॑ శి॒వో మే॑ అస్తు సదాశి॒వోమ్ ॥

నమో హిరణ్యబాహవే హిరణ్యవర్ణాయ హిరణ్యరూపాయ హిరణ్యపతయే-ఽమ్బికాపతయ ఉమాపతయే పశుపతయే॑ నమో॒ నమః ॥

ఋ॒తగ్ంఋ॒తగ్ం స॒త్య-మ్ప॑ర-మ్బ్ర॒హ్మ॒ పు॒రుష॑-ఙ్కృష్ణ॒పిఙ్గ॑లమ్ ।

ఊ॒ర్ధ్వరే॑తం-విఁ॑రూపా॒క్షం॒-విఁ॒శ్వరూ॑పాయ॒ వై నమో॒ నమః॑ ॥

సర్వో॒ హ్యే॑ష రు॒ద్రస్తస్మై॑ రు॒ద్రాయ॒ నమో॑ అస్తు॒ ।

పురు॑షో॒ వై రు॒ద్రస్సన్మ॒హో నమో॒ నమః॑ ।

విశ్వ॑-మ్భూ॒త-మ్భువ॑న-ఞ్చి॒త్ర-మ్బ॑హు॒ధా జా॒త-ఞ్జాయ॑మాన-ఞ్చ॒ యత్ ।

సర్వో॒ హ్యే॑ష రు॒ద్రస్తస్మై॑ రు॒ద్రాయ॒ నమో॑ అస్తు॒ ।

క-ద్రు॒ద్రాయ॒ ప్రచే॑తసే మీ॒ఢుష్ట॑మాయ॒ తవ్య॑సే । వో॒చేమ॒ శన్త॑మగ్ం హృ॒దే ।

సర్వో॒ హ్యే॑ష రు॒ద్రస్తస్మై॑ రు॒ద్రాయ॒ నమో॑ అస్తు॒ ।

మా నో॑ మ॒హాన్త॑ము॒త మా నో॑ అర్భ॒క-మ్మా న॒ ఉక్ష॑న్తము॒త మా న॑ ఉక్షి॒తమ్ ।

మా నో॑ వధీః పి॒తర॒-మ్మోత మా॒తర॑-మ్ప్రి॒యా మా న॑స్త॒నువో॑ రుద్ర రీరిషః ।

మా న॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః ।

వీ॒రాన్మా నో॑ రుద్ర భామి॒తో-ఽవ॑ధీర్​హ॒విష్మం॑తో॒ నమ॑సా విధేమ తే ।

త్ర్య॑మ్బకం-యఁజామహే సుగ॒న్ధి-మ్పు॑ష్టి॒వర్ధ॑నమ్ ।

ఉ॒ర్వా॒రు॒కమి॑వ॒ బన్ధ॑నాన్మృ॒త్యోర్ము॑క్షీయ॒ మా-ఽమృతా᳚త్ ।

యే తే॑ స॒హస్ర॑మ॒యుత॒-మ్పాశా॒ మృత్యో॒ మర్త్యా॑య॒ హన్త॑వే ।

తాన్ య॒జ్ఞస్య॑ మా॒యయా॒ సర్వా॒నవ॑ యజామహే ।

మృ॒త్యవే॒ స్వాహా॑ మృ॒త్యవే॒ స్వాహా᳚ ।

ప్రాణానా-ఙ్గ్రన్థిరసి రుద్రో మా॑ విశా॒న్తకః ।

తేనాన్నేనా᳚ప్యాయ॒స్వ ॥

నమో రుద్రాయ విష్ణవే మృత్యు॑ర్మే పా॒హి ॥

త్వమ॑గ్నే ద్యుభి॒స్త్వ-మా॑శుశు॒క్షణి॒స్త్వ-మ॒ద్భ్యస్త్వ-మశ్మ॑న॒స్పరి॑ । త్వం-వఁనే᳚భ్య॒-స్త్వమోష॑ధీభ్య॒-స్త్వ-న్నృ॒ణా-న్నృ॑పతే జాయసే॒ శుచిః॒ ॥

శి॒వేన॑ మే॒ సన్తి॑ష్ఠస్వ-స్యో॒నేన॑ మే॒ సన్తి॑ష్ఠస్వ సుభూ॒తేన॑ మే॒ సన్తి॑ష్ఠస్వ య॒జ్ఞస్యద్భి॒ర్మను॒ సన్తి॑ష్ఠస్వోప॑ తే యజ్ఞ॒ నమ॒ ఉప॑ తే॒ నమ॒ ఉప॑ తే॒ నమః॑ ॥

ఓం శాన్తి॒-శ్శాన్తి॒-శ్శాన్తిః॑ ।