શિવોપાસન મન્ત્રાઃ

શિવોપાસન મન્ત્રાઃ

શ્લોક 1

ઓ-ન્નિધ॑નપતયે॒ નમઃ । નિધનપતાન્તિકાય॒ નમઃ ।

ઊર્ધ્વાય॒ નમઃ । ઊર્ધ્વલિઙ્ગાય॒ નમઃ ।

હિરણ્યાય॒ નમઃ । હિરણ્યલિઙ્ગાય॒ નમઃ ।

સુવર્ણાય॒ નમઃ । સુવર્ણલિઙ્ગાય॒ નમઃ ।

દિવ્યાય॒ નમઃ । દિવ્યલિઙ્ગાય॒ નમઃ ।

ભવાયઃ॒ નમઃ । ભવલિઙ્ગાય॒ નમઃ ।

શર્વાય॒ નમઃ । શર્વલિઙ્ગાય॒ નમઃ ।

શિવાય॒ નમઃ । શિવલિઙ્ગાય॒ નમઃ ।

જ્વલાય॒ નમઃ । જ્વલલિઙ્ગાય॒ નમઃ ।

આત્માય॒ નમઃ । આત્મલિઙ્ગાય॒ નમઃ ।

પરમાય॒ નમઃ । પરમલિઙ્ગાય॒ નમઃ ।

એતત્સોમસ્ય॑ સૂર્ય॒સ્ય સર્વલિઙ્ગગ્ગ્॑ સ્થાપ॒ય॒તિ॒ પાણિમન્ત્ર-મ્પવિ॒ત્રમ્ ॥

સ॒દ્યો જા॒ત-મ્પ્ર॑પદ્યા॒મિ॒ સ॒દ્યો જા॒તાય॒ વૈ નમો॒ નમઃ॑ ।

ભ॒વે ભ॑વે॒ નાતિ॑ભવે ભવસ્વ॒ મામ્ । ભ॒વો-દ્ભ॑વાય॒ નમઃ॑ ॥

વા॒મ॒દે॒વાય॒ નમો᳚ જ્યે॒ષ્ઠાય॒ નમઃ॑ શ્રે॒ષ્ઠાય॒ નમો॑ રુ॒દ્રાય॒ નમઃ॒

કાલા॑ય॒ નમઃ॒ કલ॑વિકરણાય॒ નમો॒ બલ॑વિકરણાય॒ નમો॒ બલા॑ય॒ નમો॒

બલ॑પ્રમથનાય॒ નમ॒ સ્સર્વ॑ભૂતદમનાય॒ નમો॑ મ॒નોન્મ॑નાય॒ નમઃ॑ ।

અ॒ઘોરે᳚ભ્યો ઽથ॒ઘોરે᳚ભ્યો॒ ઘોર॒ઘોર॑તરેભ્યઃ ।

સર્વે᳚ભ્ય-સ્સર્વ॒ શર્વે᳚ભ્યો॒ નમ॑સ્તે અસ્તુ રુ॒દ્રરૂ॑પેભ્યઃ ॥

તત્પુરુ॑ષાય વિ॒દ્મહે॑ મહાદે॒વાય॑ ધીમહિ ।

તન્નો॑ રુદ્રઃ પ્રચો॒દયા᳚ત્ ॥

ઈશાન-સ્સર્વ॑વિદ્યા॒ના॒-મીશ્વરસર્વ॑ ભૂતા॒નાં॒

બ્રહ્માધિ॑પતિ॒-ર્બ્રહ્મ॒ણો-ઽધિ॑પતિ॒-ર્બ્રહ્મા॑ શિ॒વો મે॑ અસ્તુ સદાશિ॒વોમ્ ॥

નમો હિરણ્યબાહવે હિરણ્યવર્ણાય હિરણ્યરૂપાય હિરણ્યપતયે-ઽમ્બિકાપતય ઉમાપતયે પશુપતયે॑ નમો॒ નમઃ ॥

ઋ॒તગ્ંઋ॒તગ્ં સ॒ત્ય-મ્પ॑ર-મ્બ્ર॒હ્મ॒ પુ॒રુષ॑-ઙ્કૃષ્ણ॒પિઙ્ગ॑લમ્ ।

ઊ॒ર્ધ્વરે॑તં-વિઁ॑રૂપા॒ક્ષં॒-વિઁ॒શ્વરૂ॑પાય॒ વૈ નમો॒ નમઃ॑ ॥

સર્વો॒ હ્યે॑ષ રુ॒દ્રસ્તસ્મૈ॑ રુ॒દ્રાય॒ નમો॑ અસ્તુ॒ ।

પુરુ॑ષો॒ વૈ રુ॒દ્રસ્સન્મ॒હો નમો॒ નમઃ॑ ।

વિશ્વ॑-મ્ભૂ॒ત-મ્ભુવ॑ન-ઞ્ચિ॒ત્ર-મ્બ॑હુ॒ધા જા॒ત-ઞ્જાય॑માન-ઞ્ચ॒ યત્ ।

સર્વો॒ હ્યે॑ષ રુ॒દ્રસ્તસ્મૈ॑ રુ॒દ્રાય॒ નમો॑ અસ્તુ॒ ।

ક-દ્રુ॒દ્રાય॒ પ્રચે॑તસે મી॒ઢુષ્ટ॑માય॒ તવ્ય॑સે । વો॒ચેમ॒ શન્ત॑મગ્ં હૃ॒દે ।

સર્વો॒ હ્યે॑ષ રુ॒દ્રસ્તસ્મૈ॑ રુ॒દ્રાય॒ નમો॑ અસ્તુ॒ ।

મા નો॑ મ॒હાન્ત॑મુ॒ત મા નો॑ અર્ભ॒ક-મ્મા ન॒ ઉક્ષ॑ન્તમુ॒ત મા ન॑ ઉક્ષિ॒તમ્ ।

મા નો॑ વધીઃ પિ॒તર॒-મ્મોત મા॒તર॑-મ્પ્રિ॒યા મા ન॑સ્ત॒નુવો॑ રુદ્ર રીરિષઃ ।

મા ન॑સ્તો॒કે તન॑યે॒ મા ન॒ આયુ॑ષિ॒ મા નો॒ ગોષુ॒ મા નો॒ અશ્વે॑ષુ રીરિષઃ ।

વી॒રાન્મા નો॑ રુદ્ર ભામિ॒તો-ઽવ॑ધીર્​હ॒વિષ્મં॑તો॒ નમ॑સા વિધેમ તે ।

ત્ર્ય॑મ્બકં-યઁજામહે સુગ॒ન્ધિ-મ્પુ॑ષ્ટિ॒વર્ધ॑નમ્ ।

ઉ॒ર્વા॒રુ॒કમિ॑વ॒ બન્ધ॑નાન્મૃ॒ત્યોર્મુ॑ક્ષીય॒ મા-ઽમૃતા᳚ત્ ।

યે તે॑ સ॒હસ્ર॑મ॒યુત॒-મ્પાશા॒ મૃત્યો॒ મર્ત્યા॑ય॒ હન્ત॑વે ।

તાન્ ય॒જ્ઞસ્ય॑ મા॒યયા॒ સર્વા॒નવ॑ યજામહે ।

મૃ॒ત્યવે॒ સ્વાહા॑ મૃ॒ત્યવે॒ સ્વાહા᳚ ।

પ્રાણાના-ઙ્ગ્રન્થિરસિ રુદ્રો મા॑ વિશા॒ન્તકઃ ।

તેનાન્નેના᳚પ્યાય॒સ્વ ॥

નમો રુદ્રાય વિષ્ણવે મૃત્યુ॑ર્મે પા॒હિ ॥

ત્વમ॑ગ્ને દ્યુભિ॒સ્ત્વ-મા॑શુશુ॒ક્ષણિ॒સ્ત્વ-મ॒દ્ભ્યસ્ત્વ-મશ્મ॑ન॒સ્પરિ॑ । ત્વં-વઁને᳚ભ્ય॒-સ્ત્વમોષ॑ધીભ્ય॒-સ્ત્વ-ન્નૃ॒ણા-ન્નૃ॑પતે જાયસે॒ શુચિઃ॒ ॥

શિ॒વેન॑ મે॒ સન્તિ॑ષ્ઠસ્વ-સ્યો॒નેન॑ મે॒ સન્તિ॑ષ્ઠસ્વ સુભૂ॒તેન॑ મે॒ સન્તિ॑ષ્ઠસ્વ ય॒જ્ઞસ્યદ્ભિ॒ર્મનુ॒ સન્તિ॑ષ્ઠસ્વોપ॑ તે યજ્ઞ॒ નમ॒ ઉપ॑ તે॒ નમ॒ ઉપ॑ તે॒ નમઃ॑ ॥

ૐ શાન્તિ॒-શ્શાન્તિ॒-શ્શાન્તિઃ॑ ।