Shiva Tandava Stotram

ଶିଵ ତାଣ୍ଡଵ ସ୍ତୋତ୍ରମ୍

ଶ୍ଲୋକ 1

ଜଟାଟଵୀଗଲଜ୍ଜଲପ୍ରଵାହପାଵିତସ୍ଥଲେ

ଗଲେଵଲମ୍ବ୍ଯ ଲମ୍ବିତାଂ ଭୁଜଙ୍ଗତୁଙ୍ଗମାଲିକାମ୍ ।

ଡମଡ୍ଡମଡ୍ଡମଡ୍ଡମନ୍ନିନାଦଵଡ୍ଡମର୍ଵଯଂ

ଚକାର ଚଣ୍ଡତାଣ୍ଡଵଂ ତନୋତୁ ନଃ ଶିଵଃ ଶିଵମ୍

ଶ୍ଲୋକ 2

ଜଟାକଟାହସମ୍ଭ୍ରମଭ୍ରମନ୍ନିଲିମ୍ପନିର୍ଝରୀ-

-ଵିଲୋଲଵୀଚିଵଲ୍ଲରୀଵିରାଜମାନମୂର୍ଧନି ।

ଧଗଦ୍ଧଗଦ୍ଧଗଜ୍ଜ୍ଵଲଲ୍ଲଲାଟପଟ୍ଟପାଵକେ

କିଶୋରଚନ୍ଦ୍ରଶେଖରେ ରତିଃ ପ୍ରତିକ୍ଷଣଂ ମମ

॥ 1 ॥

ଶ୍ଲୋକ 3

ଧରାଧରେନ୍ଦ୍ରନନ୍ଦିନୀଵିଲାସବନ୍ଧୁବନ୍ଧୁର

ସ୍ଫୁରଦ୍ଦିଗନ୍ତସନ୍ତତିପ୍ରମୋଦମାନମାନସେ ।

କୃପାକଟାକ୍ଷଧୋରଣୀନିରୁଦ୍ଧଦୁର୍ଧରାପଦି

କ୍ଵଚିଦ୍ଦିଗମ୍ବରେ ମନୋ ଵିନୋଦମେତୁ ଵସ୍ତୁନି

॥ 2 ॥

ଶ୍ଲୋକ 4

ଜଟାଭୁଜଙ୍ଗପିଙ୍ଗଲସ୍ଫୁରତ୍ଫଣାମଣିପ୍ରଭା

କଦମ୍ବକୁଙ୍କୁମଦ୍ରଵପ୍ରଲିପ୍ତଦିଗ୍ଵଧୂମୁଖେ ।

ମଦାନ୍ଧସିନ୍ଧୁରସ୍ଫୁରତ୍ତ୍ଵଗୁତ୍ତରୀଯମେଦୁରେ

ମନୋ ଵିନୋଦମଦ୍ଭୁତଂ ବିଭର୍ତୁ ଭୂତଭର୍ତରି

॥ 3 ॥

ଶ୍ଲୋକ 5

ସହସ୍ରଲୋଚନପ୍ରଭୃତ୍ଯଶେଷଲେଖଶେଖର

ପ୍ରସୂନଧୂଲିଧୋରଣୀ ଵିଧୂସରାଙ୍ଘ୍ରିପୀଠଭୂଃ ।

ଭୁଜଙ୍ଗରାଜମାଲଯା ନିବଦ୍ଧଜାଟଜୂଟକ

ଶ୍ରିଯୈ ଚିରାଯ ଜାଯତାଂ ଚକୋରବନ୍ଧୁଶେଖରଃ

॥ 4 ॥

ଶ୍ଲୋକ 6

ଲଲାଟଚତ୍ଵରଜ୍ଵଲଦ୍ଧନଞ୍ଜଯସ୍ଫୁଲିଙ୍ଗଭା-

-ନିପୀତପଞ୍ଚସାଯକଂ ନମନ୍ନିଲିମ୍ପନାଯକମ୍ ।

ସୁଧାମଯୂଖଲେଖଯା ଵିରାଜମାନଶେଖରଂ

ମହାକପାଲିସମ୍ପଦେଶିରୋଜଟାଲମସ୍ତୁ ନଃ

॥ 5 ॥

ଶ୍ଲୋକ 7

କରାଲଫାଲପଟ୍ଟିକାଧଗଦ୍ଧଗଦ୍ଧଗଜ୍ଜ୍ଵଲ-

ଦ୍ଧନଞ୍ଜଯାଧରୀକୃତପ୍ରଚଣ୍ଡପଞ୍ଚସାଯକେ ।

ଧରାଧରେନ୍ଦ୍ରନନ୍ଦିନୀକୁଚାଗ୍ରଚିତ୍ରପତ୍ରକ-

-ପ୍ରକଲ୍ପନୈକଶିଲ୍ପିନି ତ୍ରିଲୋଚନେ ମତିର୍ମମ

॥ 6 ॥

ଶ୍ଲୋକ 8

ନଵୀନମେଘମଣ୍ଡଲୀ ନିରୁଦ୍ଧଦୁର୍ଧରସ୍ଫୁରତ୍-

କୁହୂନିଶୀଥିନୀତମଃ ପ୍ରବନ୍ଧବନ୍ଧୁକନ୍ଧରଃ ।

ନିଲିମ୍ପନିର୍ଝରୀଧରସ୍ତନୋତୁ କୃତ୍ତିସିନ୍ଧୁରଃ

କଲାନିଧାନବନ୍ଧୁରଃ ଶ୍ରିଯଂ ଜଗଦ୍ଧୁରନ୍ଧରଃ

॥ 7 ॥

ଶ୍ଲୋକ 9

ପ୍ରଫୁଲ୍ଲନୀଲପଙ୍କଜପ୍ରପଞ୍ଚକାଲିମପ୍ରଭା-

-ଵିଲମ୍ବିକଣ୍ଠକନ୍ଦଲୀରୁଚିପ୍ରବଦ୍ଧକନ୍ଧରମ୍ ।

ସ୍ମରଚ୍ଛିଦଂ ପୁରଚ୍ଛିଦଂ ଭଵଚ୍ଛିଦଂ ମଖଚ୍ଛିଦଂ

ଗଜଚ୍ଛିଦାନ୍ଧକଚ୍ଛିଦଂ ତମନ୍ତକଚ୍ଛିଦଂ ଭଜେ

॥ 8 ॥

ଶ୍ଲୋକ 10

ଅଗର୍ଵସର୍ଵମଙ୍ଗଲାକଲାକଦମ୍ବମଞ୍ଜରୀ

ରସପ୍ରଵାହମାଧୁରୀ ଵିଜୃମ୍ଭଣାମଧୁଵ୍ରତମ୍ ।

ସ୍ମରାନ୍ତକଂ ପୁରାନ୍ତକଂ ଭଵାନ୍ତକଂ ମଖାନ୍ତକଂ

ଗଜାନ୍ତକାନ୍ଧକାନ୍ତକଂ ତମନ୍ତକାନ୍ତକଂ ଭଜେ

॥ 9 ॥

ଶ୍ଲୋକ 11

ଜଯତ୍ଵଦଭ୍ରଵିଭ୍ରମଭ୍ରମଦ୍ଭୁଜଙ୍ଗମଶ୍ଵସ-

-ଦ୍ଵିନିର୍ଗମତ୍କ୍ରମସ୍ଫୁରତ୍କରାଲଫାଲହଵ୍ଯଵାଟ୍ ।

ଧିମିଦ୍ଧିମିଦ୍ଧିମିଧ୍ଵନନ୍ମୃଦଙ୍ଗତୁଙ୍ଗମଙ୍ଗଲ

ଧ୍ଵନିକ୍ରମପ୍ରଵର୍ତିତ ପ୍ରଚଣ୍ଡତାଣ୍ଡଵଃ ଶିଵଃ

॥ 10 ॥

ଶ୍ଲୋକ 12

ଦୃଷଦ୍ଵିଚିତ୍ରତଲ୍ପଯୋର୍ଭୁଜଙ୍ଗମୌକ୍ତିକସ୍ରଜୋର୍-

-ଗରିଷ୍ଠରତ୍ନଲୋଷ୍ଠଯୋଃ ସୁହୃଦ୍ଵିପକ୍ଷପକ୍ଷଯୋଃ ।

ତୃଷ୍ଣାରଵିନ୍ଦଚକ୍ଷୁଷୋଃ ପ୍ରଜାମହୀମହେନ୍ଦ୍ରଯୋଃ

ସମଂ ପ୍ରଵର୍ତଯନ୍ମନଃ କଦା ସଦାଶିଵଂ ଭଜେ

॥ 11 ॥

ଶ୍ଲୋକ 13

କଦା ନିଲିମ୍ପନିର୍ଝରୀନିକୁଞ୍ଜକୋଟରେ ଵସନ୍

ଵିମୁକ୍ତଦୁର୍ମତିଃ ସଦା ଶିରଃସ୍ଥମଞ୍ଜଲିଂ ଵହନ୍ ।

ଵିମୁକ୍ତଲୋଲଲୋଚନୋ ଲଲାଟଫାଲଲଗ୍ନକଃ

ଶିଵେତି ମନ୍ତ୍ରମୁଚ୍ଚରନ୍ ସଦା ସୁଖୀ ଭଵାମ୍ଯହମ୍

॥ 12 ॥

ଶ୍ଲୋକ 14

ଇମଂ ହି ନିତ୍ଯମେଵମୁକ୍ତମୁତ୍ତମୋତ୍ତମଂ ସ୍ତଵଂ

ପଠନ୍ସ୍ମରନ୍ବ୍ରୁଵନ୍ନରୋ ଵିଶୁଦ୍ଧିମେତିସନ୍ତତମ୍ ।

ହରେ ଗୁରୌ ସୁଭକ୍ତିମାଶୁ ଯାତି ନାନ୍ଯଥା ଗତିଂ

ଵିମୋହନଂ ହି ଦେହିନାଂ ସୁଶଙ୍କରସ୍ଯ ଚିନ୍ତନମ୍

॥ 13 ॥

ଶ୍ଲୋକ 15

ପୂଜାଵସାନସମଯେ ଦଶଵକ୍ତ୍ରଗୀତଂ ଯଃ

ଶମ୍ଭୁପୂଜନପରଂ ପଠତି ପ୍ରଦୋଷେ ।

ତସ୍ଯ ସ୍ଥିରାଂ ରଥଗଜେନ୍ଦ୍ରତୁରଙ୍ଗଯୁକ୍ତାଂ

ଲକ୍ଷ୍ମୀଂ ସଦୈଵ ସୁମୁଖିଂ ପ୍ରଦଦାତି ଶମ୍ଭୁଃ

॥ 14 ॥

ଶ୍ଲୋକ 16