Shiva Tandava Stotram

ziva tANDava stotram

zloka 1

jaTATavIgalajjalapravAhapAvitasthale

galevalambya lambitAM bhujaGgatuGgamAlikAm |

DamaDDamaDDamaDDamanninAdavaDDamarvayaM

cakAra caNDatANDavaM tanotu naH zivaH zivam || 1 ||

jaTAkaTAhasambhramabhramannilimpanirjharI-

-vilolavIcivallarIvirAjamAnamUrdhani |

dhagaddhagaddhagajjvalallalATapaTTapAvake

kizoracandrazekhare ratiH pratikSaNaM mama || 2 ||

dharAdharendranandinIvilAsabandhubandhura

sphuraddigantasantatipramodamAnamAnase |

kRpAkaTAkSadhoraNIniruddhadurdharApadi

kvaciddigambare mano vinodametu vastuni || 3 ||

jaTAbhujaGgapiGgalasphuratphaNAmaNiprabhA

kadambakuGkumadravapraliptadigvadhUmukhe |

madAndhasindhurasphurattvaguttarIyamedure

mano vinodamadbhutaM bibhartu bhUtabhartari || 4 ||

sahasralocanaprabhRtyazeSalekhazekhara

prasUnadhUlidhoraNI vidhUsarAGghripIThabhUH |

bhujaGgarAjamAlayA nibaddhajATajUTaka

zriyai cirAya jAyatAM cakorabandhuzekharaH || 5 ||

lalATacatvarajvaladdhanaJjayasphuliGgabhA-

-nipItapaJcasAyakaM namannilimpanAyakam |

sudhAmayUkhalekhayA virAjamAnazekharaM

mahAkapAlisampadezirojaTAlamastu naH || 6 ||

karAlaphAlapaTTikAdhagaddhagaddhagajjvala-

ddhanaJjayAdharIkRtapracaNDapaJcasAyake |

dharAdharendranandinIkucAgracitrapatraka-

-prakalpanaikazilpini trilocane matirmama || 7 ||

navInameghamaNDalI niruddhadurdharasphurat-

kuhUnizIthinItamaH prabandhabandhukandharaH |

nilimpanirjharIdharastanotu kRttisindhuraH

kalAnidhAnabandhuraH zriyaM jagaddhurandharaH || 8 ||

praphullanIlapaGkajaprapaJcakAlimaprabhA-

-vilambikaNThakandalIruciprabaddhakandharam |

smaracchidaM puracchidaM bhavacchidaM makhacchidaM

gajacchidAndhakacchidaM tamantakacchidaM bhaje || 9 ||

agarvasarvamaGgalAkalAkadambamaJjarI

rasapravAhamAdhurI vijRmbhaNAmadhuvratam |

smarAntakaM purAntakaM bhavAntakaM makhAntakaM

gajAntakAndhakAntakaM tamantakAntakaM bhaje || 10 ||

jayatvadabhravibhramabhramadbhujaGgamazvasa-

-dvinirgamatkramasphuratkarAlaphAlahavyavAT |

dhimiddhimiddhimidhvananmRdaGgatuGgamaGgala

dhvanikramapravartita pracaNDatANDavaH zivaH || 11 ||

dRSadvicitratalpayorbhujaGgamauktikasrajor-

-gariSTharatnaloSThayoH suhRdvipakSapakSayoH |

tRSNAravindacakSuSoH prajAmahImahendrayoH

samaM pravartayanmanaH kadA sadAzivaM bhaje || 12 ||

kadA nilimpanirjharInikuJjakoTare vasan

vimuktadurmatiH sadA ziraHsthamaJjaliM vahan |

vimuktalolalocano lalATaphAlalagnakaH

ziveti mantramuccaran sadA sukhI bhavAmyaham || 13 ||

imaM hi nityamevamuktamuttamottamaM stavaM

paThansmaranbruvannaro vizuddhimetisantatam |

hare gurau subhaktimAzu yAti nAnyathA gatiM

vimohanaM hi dehinAM suzaGkarasya cintanam || 14 ||

pUjAvasAnasamaye dazavaktragItaM yaH

zambhupUjanaparaM paThati pradoSe |

tasya sthirAM rathagajendraturaGgayuktAM

lakSmIM sadaiva sumukhiM pradadAti zambhuH || 15 ||